ဇူလိုင် ၂၂ ၊ ၂၀၁၄
M-Media
– ကမ္ဘာ့ဖလားပြိုင်ပွဲတွင် ကိုလံဘီယာအသင်းနှင့်အတူ ခြေစွမ်းပြခဲ့ပြီး ၆ ဂိုးသွင်းကာ ဂိုးသွင်းအများဆုံး ရွှေဖိနပ်ဆု ရရှိခဲ့သည့် ကိုလံဘီယာတိုက်စစ်မှူး ရော်ဒရီဂက်စ်အား ရီးယဲလ်မက်ဒရစ်အသင်းက ခေါ်ယူလိုက်ပြီဟု သိရသည်။
ပြင်သစ်ကလပ် မိုနာကိုအသင်းမှ ယူရို ၈၈ သန်းဖြင့် ခေါ်ယူလိုက်ခြင်းဖြစ်ပြီး ၆ နှစ်စာချုပ်ချုပ်ဆိုခဲ့သည်။ ရော်ဒရီဂက်စ်မှာ ပြီးခဲ့သည့် ဘောလုံးရာသီက ပေါ်တိုအသင်းမှာ မိုနာကိုသို့ ယူရို ၄၅ သန်းဖြင့် ပြောင်းရွှေ့လာခဲ့ခြင်းဖြစ်ပြီး လိဂ်ပွဲ ၃၄ ပွဲတွင် ၉ ဂိုး သွင်းယူပေးနိုင်ခဲ့သည်။
ကမ္ဘာ့ဖလားပြိုင်ပွဲတွင် ၎င်းပြသခဲ့သောခြေစွမ်းကြောင့် အသင်းကြီးများက ခေါ်ယူရန် စိတ်ဝင်စားခဲ့သော်လည်း ရီးယဲလ်အသင်းက လက်ဦးမှုရယူကာ ခေါ်ယူနိုင်ခဲ့ခြင်းဖြစ်သည်။ ရီးယဲလ်မှာ ဘိုင်ယန်မြူးနစ်မှ ဂျာမန်ကွင်းလယ်လူ တိုနီ ကရူစ်ကိုလည်း ခေါ်ယူထားပြီး ရော်ဒရီဂက်စ်မှာ ယခုနှစ်နွေရာသီတွင် ဒုတိယမြောက်ခေါ်ယူသည့် ကစားသမားဖြစ်သည်။
ဘောလုံးပရိတ်သတ်များကမူ ဘန်ဇီမာ၊ ရော်နယ်ဒို၊ ဘေးလ်တို့ရှိနေသည့် ရီးယဲလ်တိုက်စစ်မှာ ရော်ဒရီဂက်စ်ကို မလိုအပ်ဟု ပြောကြားခဲ့ပြီး၊ မိုနာကိုအသင်းကလည်း ရော်ဒရီဂက်စ်အား မရောင်းချင်ဟု ပြောကြားခဲ့သည်။
Leave a Reply
You must be logged in to post a comment.