Blog

ဇွန်လ ၃၀ ရက်၊ ၂၀၁၄
M-Media

– လက်ရှိယှဉ်ပြိုင်ကစားနေသည့် ကမ္ဘာ့ဖလားပြိုင်ပွဲတွင် ဥရောပအသင်းများမှာ နိုင်လိုစိတ်နည်းပါးသည်ဟု အယ်လ်ဂျီးရီးယားနည်းပြ ဗာဟစ် ဟာလီဟို့ဒ်ဇစ်က ပြောကြားလိုက်သည်။

၂၀၁၀ ကမ္ဘာ့ဖလားချန်ပီယံစပိန်၊ နာမည်ကြီးအင်္ဂလန်တို့ ထွက်ခွာသွားရခြင်းကို ရည်ညွှန်းကာ ဗာဟစ်က ပြောကြားခဲ့ခြင်းပြီး ဂျာမနီနှင့်တွေ့ရမည့် မိမိတို့အသင်းတွင် ဖိအားများလည်း ရှိနေသည်ဟု ဆိုသည်။

“ဥရောပအသင်းတွေဟာ ကျွန်တော်တွေ့ဖူးသလောက်တော့ နိုင်လိုစိတ်နည်းကြပါတယ်။ ဒါဟာ စိတ်ပိုင်းဆိုင်ရာ ပြဿနာပါ။ အချို့ကစားသမားတွေကတော့ တကယ့်ကို နိုင်လိုစိတ်မရှိကြပါဘူး။ အသင်းအတွက် သူတို့အပြည့်အ၀ မပေးဆပ်ကြပါဘူး” ဟု ပွဲအကြို သတင်းစာရှင်းလင်းပွဲတွင် ဗာဟစ်ကဆိုသည်။

အုပ်စု H တွင် တောင်ကိုရီးယားကို အနိုင်ကစားပြီး ရုရှားနှင့် သရေကျခဲ့ကာ အုပ်စု ဒုတိယဖြင့် ဘယ်လ်ဂျီယံနှင့်အတူ ၁၆ သင်းအဆင့် တက်ရောက်နိုင်ခဲ့သည့် အယ်လ်ဂျီးရီးယားအသင်းမှာ အင်္ဂါနေ့ညတွင် ဂျာမနီအသင်းနှင့် ယှဉ်ပြိုင်ရမည်ဖြစ်သည်။

“ပြိုင်ဘက်ကောင်းနဲ့ ကစားရမယ့် သမိုင်းဝင်ပွဲပါပဲ။ အပူချိန် ၄၅ ဒီဂရီရှိနေပေမယ့် ကိစ္စမရှိပါဘူး။ ကျွန်တော့်ကစားသမားတွေကို စိတ်ဓာတ်တက်ကြွအောင် လုပ်ပေးရပါမယ်။ ဒါမှမဟုတ်ရင်တော့ ကျွန်တော်တို့ အခွင့်အရေးရမှာ မဟုတ်ပါဘူး” ဟု ဗာဟစ်က ထပ်လောင်းပြောကြားခဲ့သည်။

ဇွန်လ ၃၀ ရက်၊ ၂၀၁၄
M-Media

၂ မိနစ် ၂ ဂိုးနဲ့ နောက်တစ်ဆင့်တက်ခဲ့တဲ့ ဟော်လန်၊ ရေကုန်ရေခန်းကစားခဲ့ရပြီး ပင်နယ်တီမှာ သမိုင်းသစ် ရေးထိုးနိုင်ခဲ့တဲ့ ကော်စတာရီကာတို့ရဲ့ ဇွန် ၂၉၊ ၃၀ ကမ္ဘာ့ဖလား ၁၆ သင်းအဆင့် ရှုံးထွက်ပွဲစဉ်များ

ဟော်လန် ၂-၁ မက္ကဆီကို
ကော်စတာရီကာ ၁-၁ ဂရိ (ပင်နယ်တီ ၅-၃ ဖြင့် ကော်စတာရီကာ ကွာတားတက်)

– မနေ့ညနဲ့ ဒီနေ့ မနက်တွေမှာ ကစားခဲ့တဲ့ ကမ္ဘာ့ဖလား ၁၆ သင်းအဆင့် ရှုံးထွက်ပွဲစဉ်မှာတော့ ဟော်လန်နဲ့ ကော်စတာရီကာတို့ အနိုင်ရကာ ကွာတားဖိုင်နယ်ကို တက်ရောက်သွားနိုင်ခဲ့ပြီ ဖြစ်ပါတယ်။

အုပ်စုအတွင်းမှာ ၃ ပွဲစလုံးအနိုင်ရရှိခဲ့တဲ့ ဟော်လန်ကတော့ မက္ကဆီကိုကို အသည်းအသန် ကစားခဲ့ရပြီး ပွဲပြီးကာနီး ၂ မိနစ်အတွင်းရခဲ့တဲ့ ဂိုး ၂ ဂိုးကြောင့်သာ နောက်တစ်ဆင့်ကို တက်ရောက်နိုင်ခဲ့တာပါ။ ပထမပိုင်းမှာ နှစ်သင်းစလုံး ဂိုးသွင်းခွင့် အနည်းဆုံးတစ်ကြိမ်လောက်ရခဲ့ပေမယ့် ဂိုးအဖြစ်တော့ ပြောင်းလဲနိုင်ခြင်း မရှိခဲ့ပါဘူး။ ဒုတိယပိုင်းအစမှာ မက္ကဆီကိုတို့ ကစားပုံကောင်းခဲ့ပြီး ၄၈ မိနစ်မှာပဲ အဖွင့်ဂိုးရခဲ့ပါတယ်။ ဒီဂိုးကိုတော့ ဒေါ့စ် ဆန်းတို့စ်က သွင်းယူပေးခဲ့တာပါ။ နောက်ပိုင်းမှာ ချေပဂိုးရဖို့ ကြိုးစားလာတဲ့ ဟော်လန်တို့ ဂိုးရနိုင်တဲ့ အခွင့်အရေးတစ်ချို့ ရခဲ့ပေမယ့် မက္ကဆီကို ဂိုးသမား အကောင်းဆုံး ကာကွယ်သွားနိုင်ခဲ့ပါတယ်။ ပွဲပြီးဖို့ ၂ မိနစ်အလိုမှာ လိုချင်တဲ့ ချေပဂိုးကို ဟော်လန်တို့ရခဲ့ပြီး ဆနိုက်ဒါက အပြင်းကန်သွင်းပေးခဲ့တာပါ။

မိနစ် ၉၀ မှာ ဧရိယာထဲ ဆွဲဝင်လာတဲ့ ရော်ဘင်ကို မက္ကဆီကို နောက်ခံလူ မားကွက်ဇ်က ချိတ်ခဲ့မိတဲ့အတွက် ဟော်လန်တို့ ပင်နယ်တီရခဲ့ပြီး တိုက်စစ်မှူး ဟန်တယ်လာက အမှားအယွင်းမရှိ ကန်သွင်းကာ ဟော်လန်ကို နောက်တစ်ဆင့် တက်ရောက်စေခဲ့ပါတယ်။ ဒီပင်နယ်တီဟာ အငြင်းပွားဖွယ်ဖြစ်ခဲ့ပြီး ရော်ဘင် ကိုယ်တိုင်ကလည်း သူဟာ ဟန်ဆောင်လှဲချခဲ့တာပါလို့ ပွဲအပြီးမှာ ၀န်ခံပြောဆိုသွားခဲ့ပါတယ်။ ၈၈ မိနစ်အထိ ဦးဆောင်နိုင်ခဲ့တဲ့ မက္ကဆီကိုကတော့ ၁၉၈၆ ခုနှစ်နောက်ပိုင်း ပထမဆုံးအကြိမ် ကွာတားဖိုင်နယ် တက်ရောက်ခွင့် ဆုံးရှုံးသွားခဲ့ရပါတယ်။

————————————–

ကော်စတာရီကာ ၁-၁ ဂရိ (ပင်နယ်တီ ၅-၃ ဖြင့် ကော်စတာရီကာ ကွာတားတက်)

ကော်စတာရီကာနဲ့ ဂရိတို့ရဲ့ပွဲမှာတော့ ပင်နယ်တီအဆုံးအဖြတ်နဲ့ ကော်တာရီကာတို့ နောက်တစ်ဆင့်တက်ခဲ့ပါတယ်။ ဘောလုံးပိုင်ဆိုင်မှုနဲ့ ဂိုးသွင်းခွင့်အသာရခဲ့တဲ့ ဂရိတို့ ကံကြမ္မာရဲ့ ဖေးမမှုကို မရခဲ့တာကြောင့်သာ ကွာတားဖိုင်နယ်နဲ့ ဝေးခဲ့ရတာပါ။ ကော်စတာရီကာအတွက် ဦးဆောင်ဂိုးကို ၅၂ မိနစ်မှာ ရူအစ်ဇ်က သွင်းယူပေးခဲ့ပြီး နောက်ပိုင်းမှာ ဂရိတို့ တောက်လျှောက်ဖိကစားနိုင်ခဲ့ပေမယ့် ချေပဂိုးကိုတော့ ပွဲပြီးကာနီး နာကျင်အချိန်ပိုမှာမှ ရခဲ့တာပါ။ ဒီဂိုးကိုတော့ ပါပက်စ်သာသိုပိုလက်စ်က သွင်းယူခဲ့တာဖြစ်ပါတယ်။ ၁ ဂိုးစီသရေနဲ့ ပွဲပြီးခဲ့တာကြောင့် အချိန်ပိုဆက်ကစားခဲ့ကြရပြီး ဂရိက အခွင့်အရေးတစ်ချို့ ရခဲ့ပေမယ့် ပွဲအဖြေကတော့ အပြောင်းအလဲမရှိခဲ့ပါဘူး။

ဒါ့ကြောင့် ပင်နယ်တီအဆုံးအဖြတ်ခံယူခဲ့ရပြီး ၅ ဂိုး ၃ ဂိုးနဲ့ ကော်စတာရီကာတို့ အနိုင်ရရှိခဲ့ပါတယ်။ အင်္ဂလန်၊ အီတလီတို့ပါဝင်ပြီး မရဏအုပ်စုလို့ ကင်ပွန်းတပ်ခံထားရတဲ့ အုပ်စု D မှာ ခြေစွမ်းပြပြီး ရှုံးထွက်အဆင့်ကို တက်ရောက်လာတဲ့ ကော်စတာရီကာတို့ သမိုင်းတစ်လျှောက် ကမ္ဘာ့ဖလား ကွာတားဖိုင်နယ်ကို ပထမဆုံးတက်ရောက်နိုင်ခဲ့တာဖြစ်ပါတယ်။