ဇွန်လ ၂၉ ရက်၊ ၂၀၁၄
M-Media
.တွေ့ဆုံမေးမြန်းသူ- ချမ်းငြိမ်းအေး
၂၀၁၃-၂၀၁၄ ပညာသင်နှစ် တက္ကသိုလ်ဝင်တန်းစာမေးပွဲကို ၄-ဘာသာ ဂုဏ်ထူးဖြင့် အောင်မြင်ခဲ့သည့် မအေးနန္ဒာရှိန်းနဲ့ M-Media တွေ့ဆုံ မေးမြန်းဖြစ်ခဲ့ပါတယ်။
မေး – ညီမလေးရဲ့ နာမည်နဲ့ မွေးသက္ကရာဇ်လေးကို ပြောပြပေးပါ။
ဖြေ – ညီမလေးရဲ့ နာမည်က အေးနန္ဒာရှိန်း ပါ။ ညီမရဲ့ မွေးသက္ကရာဇ်ကတော့ ၇.၁၂.၁၉၉၈ ပါ။
မေး – ညီမလေးမှာ အခြားနာမည် ရှိသေးရင် ပြောပြပေးပါ။
ဖြေ – အာရဗီနာမည်က စအီသားဘီ ပါ။
မေး – ညီမလေးရဲ့ မိဘနာမည်လေးနဲ့ ညီအစ်ကို မောင်နှမ ဘယ်နှယောက်ရှိလဲ ပြောပြပေးပါ။
ဖြေ – အဖေ့နာမည်ကတော့ ဦးခင်မောင်ရှိန်း အမေကတော့ ဒေါ်ရီရီရွှေပါ။ မောင်နှမ (၂) ယောက်ရှိပါတယ်။ အစ်ကိုကတော့ ဘွဲ့ရပြီးသွားပါပြီ။
မေး – ညီမလေးက လေးဘာသာ ဂုဏ်ထူးဆိုတော့ ဘယ်ဘာသာတွေနဲ့ ဂုဏ်ထူးရခဲ့တာလဲ။
ဖြေ – သချာင်္၊ ဓာတုဗေဒ၊ ရူပဗေဒနဲ့ ဇီဝဗေဒနဲ့ ရခဲ့တာပါ။
မေး – ညီမလေးက ဘယ်ကျောင်းကနေ အောင်မြင်ခဲ့တာလဲ။
ဖြေ -မင်္ဂလာ တောင်ညွန့် အထက(၃) ကနေ အောင်မြင်ခဲ့တာပါ။
မေး – ခုလိုမျိုး ဂုဏ်ထူးတွေထွက်အောင် ဘယ်လိုပုံစံမျိုးနဲ့ ညီမလေး စာတွေကျက်ခဲ့တယ်ဆိုတာ ပြောပြပေးပါ။
ဖြေ – သချာင်္ကိုတော့ ဆရာက ကျောင်းသင်ခန်းစာ စာအုပ်ထဲကဟာတွေကိုလည်း လုပ်တယ်။ ပြီးတော့ မေးခွန်းဟောင်းတွေကိုလည်း ခုနှစ်တွေ မရွေးဘဲနဲ့ အကုန်လုံးလုပ်တယ်။ ဓာတုဗေဒ ကတော့ ကျက်စာတော့ ကျက်စာပေါ့။ Definition တွေကိုလည်း တစ်ပတ်တစ်ခါ ပြန်လုပ်တယ်။ တွက်စာတွေကိုလည်း အချိန်ပေးပြီး ပုံမှန်လုပ်ပေးတယ်။ ရူပဗေဒကိုလည်း အဲ့လိုပဲ။ Definition တွေကိုလည်း ချရေးတယ်။ မေးခွန်းဟောင်းတွေကိုလည်း ပုံစံမတူတာလေးတွေကိုေ၇ွးပြီးတော့ သေသေချာချာ လုပ်ဖြစ်တယ်။ ဇီဝဗေဒကျတော့ ဆရာမ သင်ပြီးသွားတာနဲ့ ကျက်လိုက်တယ်။ ပုံနဲ့ စာနဲ့ တစ်ခါတည်း တွဲပြီး ကျက်လိုက်တယ်။
မေး – ကျောင်းသူတစ်ယောက်အနေနဲ့ ညီမလေးရဲ့ တစ်နေ့တာ စာကျက်ပုံလေးကို ပြောပြပေးပါဦး။
ဖြေ – မနက်ဆိုရင် ၅ နာရီလောက် ထတယ်။ ပြီးတော့ ညီမတုိ့ ကျူရှင်က တစ်ပတ်တစ်ခါ စာမေးပွဲစစ်တော့ အဲဒီ စာမေးပွဲကိုပဲ တစ်ပတ်လောက် အချိန်ပေးပြီးတော့ စာလုပ်ဖြစ်တယ်။ မနက်ဘက်ကျတော့ ခေါင်းကြည်တော့ စာကျက်ဖြစ်တယ်။ ပြီးရင် ကျောင်းသွားတယ်။ ကျောင်းက ပြန်လာပြီဆိုရင်တော့ အိမ်ကို ဆရာမ လာတယ်။ ဆရာမနဲ့ စာသင်တယ်။ ပြီးရင် ကျူရှင်ပြန်သွားတယ်။ ကျူရှင်က ပြန်လာပြီ ဆိုရင်တော့ အိမ်စာပါလာတာတွေ လုပ်တယ်။ ဆရာမ ပေးထားတာတွေ လုပ်တယ်။ ညပိုင်းကျတော့ တွက်စာတွေ လုပ်ဖြစ်တယ်။
မေး – ညီမလေးက အခု မြန်မာစာနဲ့ အင်္ဂလိပ်စာတွေမှာတော့ ဂုဏ်ထူးတော့ မပါဘူးပေါ့နော်။ ဒါပေမဲ့ အဲဒီအပေါ်မှာရော ဘယ်လိုများ ကြိုးစားခဲ့တယ်ဆိုတာ ပြောပြပေးပါ။
ဖြေ – အင်္ဂလိပ်စာကျတော့ ညီမတို့ ကျူရှင်က စာပိုဒ်တွေ ကျက်ခိုင်းတယ်။ မေးခွန်းဟောင်းတွေလည်း လုပ်ဖြစ်ပါတယ်။ မြန်မာစာကျတော့ ၃ နာရီ မေးခွန်းတွေ ခဏခဏ ဖြေရပါတယ် တစ်လ တစ်ခါလောက်ကို ဖြေရတယ်။ ရေသည်ပြဇာတ် ခက်ဆစ်တွေဆိုရင်လည်း တစ်ပတ်တစ်ခါကျက်ဖြစ်တယ်။
မေး – ညီမလေး အမှတ်စာရင်းတွေရော သိရပြီလား။ နည်းနည်းလောက် ပြောပြပေးပါဦး။
ဖြေ – မြန်မာစာက ၆၈၊ အင်္ဂလိပ်စာက ၆၉၊ သချာင်္က ၈၂၊ ဓာတုဗေဒက ၉၃၊ ရူပဗေဒက ၉၀၊ ဇီဝဗေဒက ၈၀ ပါ။
မေး – ညီမလေးက ၉တန်း အောင်ပြီး ၁၀ တန်းစတက်ကတည်းက ဂုဏ်ထူးတွေနဲ့ အောင်ရမယ်လို့ ရည်မှန်းထားတာလား။ ဒါမှမဟုတ် သာမန်ပဲ ကြိုးစားရင်းနဲ့ ခုလို ဂုဏ်ထူးတွေ ထွက်သွားတာလား။
ဖြေ – ရည်မှန်းချက် ထားထားတာပါ။ All D မှန်းထားတာပါ။
မေး – All D မှန်းထားပြီး ခု 4 D ဖြစ်သွားတဲ့ပေါ်မှာရော ဘယ်လိုမျိုး စိတ်ခံစားမှု ဖြစ်လဲ။
ဖြေ – စာမေးပွဲ ဖြေပြီးတော့ 4D ပဲ မှန်းတော့တယ်။
မေး – ဖြေပြီးတဲ့အချိန်မှာ မှန်းထားတာနဲ့ အောင်စာရင်း ထွက်လာတဲ့အပေါ်မှာ ကိုက်ညီမှု ရှိတယ်ပေါ့။
ဖြေ – ဟုတ်ကဲ့။ ကိုက်ညီပါတယ်။
မေး – ညီမလေးရဲ့ ရမှတ်ပေါ်မှာ ဘယ်တက္ကသိုလ်ကို ဦးစားပေးတက်မယ်လို့၊ ဘယ်လိုင်းကို ဦးစားပေး လျှောက်မယ်လို့ စဉ်းစားထားလဲ။
ဖြေ – BBM တက်မယ်လို့ စိတ်ကူးထားပါတယ်။
မေး – နောက်တက်လာမယ့် ၁၀ တန်း မောင်ငယ်၊ ညီမငယ်လေးတွေကို ညီမလေးအနေနဲ့ ဘာများ အကြံပေးချင်လဲ။
ဖြေ – စာကို ဆရာမသင်ပြီးတာနဲ့ ပုံမှန်ကျက်ပါ။ စာမေးပွဲဖြေတဲ့အခါကျရင် တစ်ခါတစ်ခါ ကျောင်းရော၊ ကျူရှင်ရော တိုက်တာ ရှိတယ်၊ အဲလိုအခါကျရင်လည်း နှစ်ခုလုံးကို လေးလေးစားစားနဲ့ ဖြေပါ။ စာမေးပွဲ ဖြေတဲ့အချိန်မှာ စိတ်မပူပဲ စိတ်အေးအေးထားပါလို့။
မေး – ညီမလေးက ငယ်ငယ်ကတည်းက ကျောင်းမှာ ထူးချွန်တယ်ဆိုတာ သိရပါတယ်။ ဘယ်အတန်းတွေမှာ ဆုတွေရရှိခဲ့တယ် ဆိုတာ ပြောပြပေးပါဦး။
ဖြေ – ငယ်ငယ်တုန်းက ဘက်စုံထူးချွန်တွေ ဖြေတယ်။ ၄တန်း၊ ၅တန်း၊ ၇တန်း၊ တွေမှာလည်း ဘက်စုံထူးချွန်တွေ၊ ပြီးတော့ ပညာရည်ချွန်ဆုတွေ ရရှိခဲ့တယ်။
မေး – သချာင်္စွမ်းရည်ပြိုင်ပွဲဆိုတာကရော ဘယ်လိုပြိုင်ရလဲ။
ဖြေ – စွမ်းရည်ပြိုင်ပွဲက သချာင်္နဲ့ အင်္ဂလိပ်စာ နှစ်မျိုးရှိတယ်။ သချာင်္မှာ ပိုပြီး ဆုရတယ်။
မေး – မွတ်စလင် မိန်းကလေးတွေက စာနည်းနည်းပါးပါး တက်ရင်တော်ပြီဆိုတဲ့ အတွေးမျိုး အရင်က ရှိခဲ့ကြတယ်လေ။ အခုလည်း အဲ့လိုမျိုးတွေ နည်းနည်းပါးပါး ရှိတယ်။ အဲဒီအပေါ်မှာရော ညီမလေးအနေနဲ့ ဘယ်လိုသုံးသပ်ပြောချင်သလဲ။
ဖြေ – မိန်းကလေးတစ်ယောက်အနေနဲ့ ပညာမတတ်ရဘူးဆိုတော့ မရှိသင့်ပါဘူး။ ပညာတတ်မှ ဥာဏ်ပွင့်မှာပေါ့။ ပညာမတက်ဘူးဆိုရင် အိမ်ထဲမှာပဲ နေနေရမယ်၊ ပညာတတ်မှ သူတစ်ပါးနဲ့ အလုပ်လုပ်လည်း အလိမ်မခံရမှာလေ။ ပညာတတ်ဖို့ လိုပါတယ်။
မေး – မျိုးဆက်သစ် မွတ်စလင် ညီမငယ်လေးတွေအတွက် ဘာများ စကားလက်ဆောင် ပါးချင်ပါသလဲ။
ဖြေ – မိဘတွေကလည်း ပညာရေးကို အားမပေးတာမျိုးမလုပ်ပါနဲ့လို့ ပြောချင်ပါတယ်။ ပြီးတော့ ကိုယ်တိုင်လည်း ပညာကို ရအောင် ကြိုးစားပါ။ မိန်းကလေးတွေက ပိုပြီးကြိုးစားသင့်ပါတယ်။ အမှတ်ကလည်း ပိုမြင့်တယ်လေ။ အသိုင်းအ၀ိုင်းမှာ မိန်းကလေးတွေ ပညာတတ်ဖို့လိုပါတယ်။
ညီမငယ် အေးနန္ဒာရှိန်းနဲ့ မေးမြန်းပြီးနောက် အနီးကို ရောက်ရှိလာတဲ့ ညီမငယ်လေးရဲ့ မိခင်ဖြစ်သူကိုလည်း မေးမြန်းဖြစ်ခဲ့ပါတယ်။
မေး – ဂုဏ်ထူးနဲ့အောင်မြင်ခဲ့တဲ့ ကျောင်းသူတစ်ယောက်ရဲ့ မိခင်တစ်ယောက်အနေနဲ့ ခံစားချက်ကိုလည်း နည်းနည်းလောက် ပြောပြပေးပါ။
ဖြေ – သမီးလေးက သူ့ဟာသူပဲ ကြိုးစားပါတယ်။ ကိုယ့်ဘက်က သိပ်လုပ်ပေးစရာ မလိုဘူး။ သူ့ဟာသူပဲ ငယ်ငယ်ကတည်းက အရမ်းကြိုးစားတယ်။
မေး – ညီမလေးက ၉ -တန်း ဖြေပြီးကတည်းက All D မှန်းတယ်။ အမတို့ ရော အဲ့လိုမျိုး မှန်းထားလား။
ဖြေ – မှန်းပါတယ်။ သူ့အဖေဆို ပိုပြီး မှန်းပါတယ်။ ဆရာဝန် ဖြစ်စေချင်တာ။ အမှတ်ကတော့ မမှီဘူးပေါ့။ ဆေးကျောင်းအမှတ်က ၅၀၀ ကျော်မှာ ၀င်မှာလေ။
မေး – ခုလို လေးဘာသာ ဂုဏ်ထူးဖြစ်တဲ့အပေါ်မှာရော ဘယ်လိုမျိုး ပီတိ ဖြစ်ပါသလဲ။
ဖြေ – ကျေနပ်ပါတယ်။ သမီးလေး ကျေနပ်တော့လည်း အရမ်းဝမ်းသာပါတယ်။
အခုလို ဖြေကြားပေးတဲ့အတွက် ကျေးဇူးတင်ပါတယ်ရှင်။
ညီမငယ် အေးနန္ဒာရှိန်းရဲ့ ဖြစ်ချင်တဲ့ ဆန္ဒတွေကို အကောင်အထည်ဖော်ဆောင်ပေးဖို့ မိဘ နှစ်ဦးလုံးမှာ ရည်မှန်းချက်အပြည့် ရှိနေတယ်ဆိုတာကို သိခဲ့ရတဲ့အတွက်လည်း ညီမငယ်လေးအတွက် ဂုဏ်ယူဝမ်းမြောက်မိပါတယ်။
