ဇွန်လ ၂၇ ရက်၊ ၂၀၁၄
M-Media
ဂိုးကွာခြားချက်ကြောင့် အုပ်စုက လှည့်ပြန်ခဲ့ရတဲ့ပေါ်တူဂီ၊ သမိုင်း တစ်လျှောက် ပထမဆုံး အကြိမ် နောက်တစ်ဆင့်တက်ခဲ့တဲ့ အယ်လ်ဂျီးရီးယားတို့ရဲ့ ဇွန် ၂၆၊ ၂၇ ကမ္ဘာ့ဖလားပွဲစဉ်များ
– မနေ့ညနဲ့ ဒီနေ့မနက်ကစားခဲ့ ကမ္ဘာ့ဖလားအုပ်စု G၊ H နောက်ဆုံးပွဲစဉ်အပြီးမှာ ဂျာမနီ၊ အလ်ဂျီးရီးယားနဲ့ ဘယ်လ်ဂျီယံတို့ နောက်တစ်ဆင့် တက်ခဲ့ပြီး ဂါနာကိုအနိုင်ကစားခဲ့တဲ့ ပေါ်တူဂီတို့ အမေရိကန်နဲ့ ရမှတ်တူ ဂိုးကွာခြားချက်ကြောင့် အုပ်စုအဆင့်နဲ့ပဲ ကျေနပ်ခဲ့ရပါတယ်။
အုပ်စု G
ဂျာမနီ ၁-၀ အမေရိကန်
ပေါ်တူဂီ ၂-၁ ဂါနာ
ဗိုလ်စွဲဖို့ ရေပန်းစားနေတဲ့ ဂျာမနီကတော့ အဓိကပြိုင်ဘက် အမေရိကန်ကို မူလာရဲ့ တစ်လုံးတည်းသောဂိုးနဲ့ အနိုင်ရခဲ့ပြီး အုပ်စုပထမနဲ့ နောက်တစ်ဆင့်ကို တက်ရောက်နိုင်ခဲ့ပါတယ်။ ပွဲအစအဆုံး ဂျာမနီကသာ တစ်ဖက်သတ်ဖိကစားခဲ့ပြီး အမေရိကန်တို့ ဂိုးသွင်းခွင့်တစ်ကြိမ်တောင် မရခဲ့ပါဘူး။ ဒါပေမယ့် ဂိုးကွာခြားချက်ကြောင့် အုပ်စုဒုတိယနေရာနဲ့ နောက်တစ်ဆင့် တက်ရောက်နိုင်ခဲ့ပြီး အုပ်စု H က ပထမရတဲ့ ဘယ်လ်ဂျီယံနဲ့ ရင်ဆိုင်ရပါတော့မယ်။
ပေါ်တူဂီကတော့ ရော်နယ်ဒိုရဲ့ နောက်ကျဂိုးနဲ့ ဂါနာကိုအနိုင်ရခဲ့ပေမယ့် နောက်တစ်ဆင့်တော့ တက်ရောက်နိုင်ခဲ့ခြင်း မရှိခဲ့ပါဘူး။ ဂါနာကလည်း အနိုင်ရရင် နောက်တစ်ဆင့်တက်နိုင်မှာ ဖြစ်တဲ့အတွက် ကြိုစားကစားခဲ့ပေမယ့် မျှော်လင့်သလိုတော့ ဖြစ်မလာခဲ့ပါဘူး။ အမေရိကန်ကိုကျော်ဖို့ ၅ ဂိုးပြတ်နဲ့ အနိုင်ရဖို့လိုနေတဲ့ ပေါ်တူဂီတို့ ပထမပိုင်း နာရီဝက်မှာပဲ ဘိုယီရဲ့ ကိုယ့်ဂိုးကိုသွင်းမှုနဲ့ ဦးဆောင်ဂိုးရခဲ့ပေမယ့် ၅၇ မိနစ်မှာ ချေပဂိုးပြန်ပေးခဲ့ရပါတယ်။ မိနစ် ၈၀ မှ ရော်နယ်ဒိုက အနိုင်ဂိုးသွင်းယူနိုင်ခဲ့ပေမယ့် ရမှတ်တူ ဂိုးကွာခြားချက်ကြောင့် ပြိုင်ပွဲကနေ ထွက်ခဲ့ရပြီဖြစ်ပါတယ်။
အုပ်စု H
ဘယ်လ်ဂျီယံ ၁-၀ တောင်ကိုရီးယား
ရုရှား ၁-၁ အယ်လ်ဂျီးရီးယား
ပထမ၂ ပွဲမှာ ရုရှားနဲ့ သရေကျ၊ အယ်လ်ဂျီးရီးယားကို ရှုံးပြီး တစ်မှတ်သာရထားတဲ့ အာရှထိပ်သီး တောင်ကိုရီးယားတို့ ဒီပွဲအနိုင်ရမှ နောက်တစ်ဆင့် တက်ခွင့် မျှော်လင့်နိုင်မှာဖြစ်ပေမယ့် ဘယ်လ်ဂျီယံအသင်းကို နောက်ကျဂိုးနဲ့ အရှုံးပေးခဲ့ရပါတယ်။ ပထမပိုင်းမှာ နှစ်သင်းစလုံး ကစားကွက်တည်မရခဲ့ဘဲ ပထမပိုင်းပြီးကာနီးမှာတော့ တောင်ကိုရီးယားက အခွင့်အရေးတစ်ချို့ရခဲ့ပြီး ဘယ်လ်ဂျီယံကစားသမား စတီဗင် ဒီဖောရ်လည်း အနီကဒ်နဲ့ အထုတ်ခံခဲ့ရပါတယ်။ ဒုတိယပိုင်း တစ်ပိုင်းလုံး တစ်ယောက်အသာနဲ့ ကစားရပေမယ့် တောင်ကိုရီးယားတို့ လိုအပ်တဲ့အနိုင်ဂိုးကိုတော့မရခဲ့ဘဲ ၇၇ မိနစ်မှာ ဗာတွန်ဟန်က ဘယ်လ်ဂျီယံအတွက် အနိုင်ဂိုး သွင်းယူပေးခဲ့တာကြောင့် ကမ္ဘာ့ဖလားပြိုင်ပွဲကို အုပ်စုအဆင့်နဲ့ပဲ ကျေနပ်ခဲ့ရပါတယ်။
ပြီးခဲ့တဲ့ပွဲမှာ တောင်ကိုရီးယားကို အံ့ဖွယ်အနိုင်ယူခဲ့တဲ့ အယ်လ်ဂျီးရီးယားတို့ ဒီနေ့မနက်ပွဲမှာလည်း ရုရှားကို သရေကစားနိုင်ခဲ့ပြီး အုပ်စု ဒုတိယနဲ့ သမိုင်းတစ်လျှောက် ပထမဆုံးအကြိမ် ရှုံးထွက်အဆင့်ကို တက်ရောက်နိုင်ခဲ့ပါတယ်။ အနိုင်ရမှ နောက်တစ်ဆင့်ကို တက်ရောက်နိုင်မှာဖြစ်တဲ့ အင်္ဂလန်နည်းပြဟောင်း ကာပယ်လိုရဲ့ ရုရှားအသင်းကတော့ ပွဲအစ ၆ မိနစ်မှာပဲ ဦးဆောင် ဂိုးရခဲ့ပြီး ဘောလုံး ပိုင်ဆိုင်မှုမှာလည်း အယ်လ်ဂျီးရီးယားတို့ထက် ပိုသာခဲ့ပါတယ်။ ဂိုးသွင်းခွင့်မှာတော့ အယ်လ်ဂျီးရီးယားက ပိုရခဲ့ပြီး အသုံးမချနိုင်ခဲ့တာကြောင့်သာ အနိုင် ၃ မှတ်နဲ့ ဝေးခဲ့ရတာပါ။ ရုရှားအတွက် ဦးဆောင်ဂိုးကို ကိုကိုရင်က သွင်းယူပေး ခဲ့တာဖြစ်ပြီး အယ်လ်ဂျီးယားအတွက် အဖိုးတန်ချေပဂိုးကိုတော့ မိနစ် ၆၀ မှာ အစ္စလာမ် စလီမာနီက သွင်းယူပေးခဲ့တာဖြစ်ပါတယ်။
ဂျာမနီနဲ့ အလ်ဂျီးရီးယားတို့ရဲ့ ရှုံးထွက်ပွဲစဉ်ကို ဇူလိုင် ၁ ရက်နေ့ နံနက် ၂ နာရီခွဲမှာ ကစားမှာဖြစ်ပြီး၊ ဘယ်လ်ဂျီယံနဲ့ အမေရိကန်တို့ရဲ့ပွဲကိုတော့ ဇူလိုင် ၂ ရက်နေ့ နံနက် ၂ နာရီခွဲမှာ ကစားမှာဖြစ်ပါတယ်။
