ဇွန်လ ၂၉ ရက်၊ ၂၀၁၄
M-Media
မလေးရှားမှ လက်ဦးပလေးဘွိုင်းကိုယ်ဟန်ပြမယ် Felixia Yeap (၂၈ နှစ်)သည် လာမည့် ကြာသပတေးနေ့၌ အစ္စလာမ်ကို လက်ခံခြင်းဖြင့် ဘ၀သစ်ကို ပြန်လည်စတင်တော့မည်ဖြစ်သည်။
သူမ၏မွေးနေ့ဖြစ်သော ဇူလိုင်လ ၃ ရက်တွင် အစ္စလာမ်သာသနာအား သက်ဝင်လက်ခံရန် ရွေးချယ်လိုက်ကြောင်း သူမ၏ဖေ့စ်ဘွတ်ပေါ် ရေးသားဖော်ပြခဲ့သည်။
Playboy Club Sands Macau ၌ ၂ နှစ်တာ သဘောတူညီချက်ဖြင့် ကိုယ်ဟန်ပြအလုပ်မှ စွန့်ခွာလိုက်ပြီး များမကြာမီမှာပင် မွတ်စ်လင်မ်အမျိုးသမီးတို့၏၀တ်စားဆင်ယင်မှု – ဟိဂျာ့ဗ်ဖြင့် တွေ့လိုက်ရသည်။
“ ကျွန်မ ရွေးချယ်လိုက်တဲ့ ကျွန်မရဲ့ခရီးစဉ်သစ်အပေါ် မယိုင်မလဲ ရှေ့ဆက်သွားနိုင်အောင် လူတိုင်းက ဆုတောင်းပေးမယ်လို့ မျှော်လင့်မိပါတယ်။ ကျွန်မရဲ့ဒီဘ၀သစ်အတွက် ဆုမွန်ကောင်းတောင်းပေးသူအပေါင်းကို ပြန်လည် အစားပေးနိုင်တာကတော့ အလ္လာဟ်အရှင်မြတ်သာလျှင် ဖြစ်တော်မူပါတယ် ” ဟု သူမ၏ Fan Page ပေါ်ရေးသားလိုက်ရာ သူမကိုအားပေးသူများစွာမှ ယင်းဆုံးဖြတ်ချက်အား အကြီးအကျယ် ဂုဏ်ပြုကြိုဆိုခဲ့ကြပြီး like လုပ်သူ ခုနှစ်သိန်းခွဲကျော် ရှိသွားခဲ့သည်။
“ ကျွန်မရဲ့ခန္ဒာကိုယ်ကို ဖော်ပြ၀ါကြွားခြင်းထက် ကျွန်မက ပိုပြီး တန်ဖိုးရှိပါတယ်။ အဲ့ဒီအရာထက် ကျွန်မက ပိုပြီး အဖိုးတန်လို့ပါ။ လူတွေ သတိထားမိကြသည်ဖြစ်စေ၊ ကျော်ကြားမှုရှာနေတဲ့ တက်သစ်စ မော်ဒယ်တွေက သူတို့ရဲ့ စံပြလို မြင်သည်ဖြစ်စေ ကျွန်မအနေနဲ့ ဂုဏ်ယူစရာအဖြစ် မခံစားရပါဘူး ” ဟု ယမန်နှစ်က “ ကျွန်မရဲ့ ဟိဂျာ့ဗ်နောက်ကွယ်မှ အမှန်တရား” ခေါင်းစဉ်တပ် ပို့စ်တစ်ခုအတွင်း သူမ ရေးသားခဲ့သည်။
Yeap သည် အ၀တ်မဲ့အမျိုးသမီးဓာတ်ပုံများကို ဖော်ပြလေ့ရှိသော Playboy Philippines အမျိုးသားကြိုက် မဂ္ဂဇင်းတွင် ကိုယ်ဟန်ပြခဲ့သည့် တတိယမြောက် မလေးရှားသူဖြစ်၏။ သို့သော် သူမသည် အ၀တ်မဲ့သက်သက်ဖြင့် ဖော်ပြခဲ့ခြင်း မရှိချေ။
ယခုနှစ်အစောပိုင်းတွင် ဆွဲဆောင်ညှို့မြူသောဓာတ်ပုံများအတွက် ကိုယ်ဟန်ပြခြင်းကို ရပ်တန့်လိုက်ပြီး သူမ၏ဖေ့စ်ဘွတ်စာမျက်နှာ၌ မွတ်စ်လင်မ်အမျိုးသမီး အဆင်အယင်ဖြင့် မကြာခဏ ပုံများတင်လာသည်ကို တွေ့ခဲ့ရသည်။ သူမ၏ကိုယ်ဟန်ပြမှုဖြင့် ကုန်အမှတ်တံဆိပ်များစွာ ထင်ရှားအောင်မြင်နေကြပါသည်။
Ref: The Star
Leave a Reply
You must be logged in to post a comment.