Blog

ဗန်ဂါလ်မှာ မန်ယူ အတွက် အသင့်တော်ဆုံးဟု ဝေးလ် လက်ထောက် နည်းပြဟောင်းဆို

မေ ၃ ၊ ၂၀၁၄
M-Media

– ကမ္ဘာ့ဖလားပြိုင်ပွဲပြီးလျှင် ဟော်လန်အသင်းနှင့် လမ်းခွဲတေ့ာ့မည့် လူဝစ်ဗန်ဂါလ်မှာ မန်ယူအသင်းအတွက် အသင့်တော်ဆုံး နည်းပြဖြစ်သည်ဟု ဝေးလ်နည်းပြဟောင်း ဒခ်ျလူမျိုး ရေမွန် ဗာဟီဂျန်က ပြောကြားလိုက်သည်။

ဟော်လန် လူငယ်ကစားသမား ရွေးချယ်လေ့ကျင့်ပေးရေးဌာနတွင် ဗန်ဂါလ်နှင့် အလုပ်အတူ တွဲလုပ်ခဲ့ဖူးသည့် ဗာဟီဂျန်မှာ ဖာဂူဆန်၏နေရာတွင် မိုယက်စ်အား အစားထိုးခဲ့ခြင်းအတွက် ကာလကြာရှည်စွာ ဝေဖန်ခဲ့သူဖြစ်သည်။

ထို့ပြင် မန်ယူအသင်းအား ပြုပြင်ပြောင်းလဲရန်အတွက် ပေါင် သန်း ၂၀၀ ခန့်လိုအပ်မည်ဟု ဗာဟီဂျန် ဆိုသည်။

“ဗန်ဂါလ်ဟာ ပရီးမီးယာားလိဂ်မှာ နည်းပြလုပ်ဖို့ တော်တော် ဆန္ဒရှိနေပါတယ်။ သူဟာ အသင်းကို အခြေကစလို့ တည်ဆောက်သူဖြစ်ပြီး ကျောင်းဆရာတစ်ယောက်လိုပါပဲ။ မန်ယူအတွက် သူဟာ အသင့်တော်ဆုံးလို့ ကျွန်တော်ထင်ပါတယ်။ နောက်တစ်ချက်က ကစားသမားအသစ်တွေ ခေါ်ဖို့ ပေါင် သန်း ၂၀၀ လောက်သုံးနိုင်တယ်ဆိုတဲ့ အချက်ကလည်း သိပ်စိတ်ဝင်စားစရာပါ” ဟု Mirror Sport သို့ ဗာဟီဂျန်က ပြောကြားခဲ့သည်။

အသင်းအား ရလဒ်ကောင်းများရအောင် စွမ်းဆောင်မပေးနိုင်သည့် နည်းပြ မိုယက်စ်အား ထုတ်ပယ်ခဲ့ပြီးနျောက် မန်ယူအသင်းမှာ နည်းပြသစ်တစ်ဦးကို ရှာဖွေနေပြီး ဗန်ဂေါလ်မှာ မန်ယူနည်းပြသစ်ဖြစ်လာရန် ရေပန်းအစားဆုံး ဖြစ်နေသည်။

May 4, 2014
အာဖရိနိုင်ငံများနှင့် စီးပွားရေးဆိုင်ရာ အဖုအထစ်များရှိနေသည်ဟု တရုတ်ဝန်ကြီးချုပ် ၀န်ခံ

မေ ၄ ၊ ၂၀၁၄
M-Media

– စီးပွားရေး၊ ဆောက်လုပ်ရေး လုပ်ငန်းများနှင့် ပတ်သက်၍ မိမိတို့နှင့် အာဖရိကနိုင်ငံများ အကြား အဖုအထစ်များရှိနေသည်ဟု အာဖရိကသို့ အလည်အပတ် သွားရောက်မည့် တရုတ်ဝန်ကြီးချုပ် Li Keqiang က ပြောကြားလိုက်သည်။

ယမန်နေ့က ပြောကြားခဲ့ခြင်းဖြစ်ပြီး တရုတ်ကုမ္ပဏီများအနေဖြင့် အာဖရိက နိုင်ငံများ၏ ဥပဒေများကို လိုက်နာရန် လီက တိုက်တွန်းခဲ့ကြောင်း တရုတ်သတင်းဌာနများက ဖော်ပြခဲ့သည်။ ထို့ပြင် မိမိတို့ဆောင်ရွက်သည့် ပရောဂျက်များ၊ ထုတ်လုပ်သည့် ကုန်ပစ္စည်းများနှင့် စားသုံးသူများအတွက် ၀န်ဆောင်မှု လုပ်ငန်းများတွင် တာဝန်ယူမှုရှိရန်နှင့် ဒေသတွင်း လူ့အဖွဲ့အစည်း၊ သဘာဝ ပတ်ဝန်းကျင် စသည်တို့ မထိခိုက်ရေးအတွက် ဂရုတစိုက် လုပ်ဆောင်ရန်လည်း ထည့်သွင်းပြောကြားခဲ့သည်။

တရုတ်-အာဖရိက ကုန်သွယ်ရေးမှာ ယမန်နှစ်တွင် ကန်ဒေါ်လာ ၂၁၀ ဘီလီယံအထိ ရောက်ရှိခဲ့ပြီး တရုတ်ကုမ္ပဏီ ၂၅၀၀ ကျော်မှာ အာဖရိကတိုက်တစ်ဝှမ်းတွင် လုပ်ငန်းများဆောင်ရွက်လျက် ရှိနေသည်။

သို့သော်လည်း ဆောက်လုပ်ရေး လုပ်ငန်းများမှာ ညံ့ဖျင်းပြီး ထိုလုပ်ငန်းအတွင်း လုပ်ကိုင်နေကြသည့် တရုတ်လူမျိုးများမှာ ဒေသခံအလုပ်သမားများနှင့် တည်ဆဲဥပဒေများအား လေးစားမှုမရှိ စွပ်စွဲခံနေရကာ တင်းမာမှုများလည်း ရှိနေသည်။ ထို့ပြင် အာဖရိကနိုင်ငံများတွင် ရောင်းချသည့် တရုတ်ကုန်ပစ္စည်းများ၏ အရည်အသွေးမှာ စံမီခြင်းမရှိဟုလည်း ဝေဖန်ခံနေရသည်။

လီကမူ တရုတ်ကုမ္ပဏီများ ရင်ဆိုင်နေရသည့် ပြဿနာများမှာ ကြီးထွားလာနေပြီး တရုတ်အစိုးရအနေဖြင့် ထိုကိစ္စအား အသေအချာ ကိုင်တွယ်နေသည်ဟု ဆိုသည်။ သို့သော်လည်း တရုတ်-အာဖရိက ဆက်ဆံရေးနယ်ပယ်တွင် ယခုပြဿနာများမှာ သီးခြား ကိစ္စသည်ဖြစ်သည်ဟု ထပ်လောင်းပြောကြားခဲ့သည်။

Al Jazeera and agencies

ဓါတ်ပုံ အညွှန်း – အာဖရိက နိုင်ငံများတွင် တရုတ်နိုင်ငံမှ ရင်းနှီးမြှုပ်နှံမှု

May 4, 2014
အာဖဂန်မြေပြိုမှု လူထောင်ချီသေဆုံး၊ လမ်းပန်းဆက်သွယ်ရေး အခက်အခဲကြောင့် အကူအညီများလည်း နှောင့်နှေးနေ

မေ ၄၊ ၂၀၁၄
M-Media

– အာဖဂန်နစ္စတန် မိုးသည်း ထန်စွာ ရွာသွန်းမှုကြောင့် ဆိုးရွားသည့် မြေပြိုမှုများ ဖြစ်ပေါ်နေပြီး သေဆုံးသူမှာ ထောင်ချီရှိသည်ဟု အာဖဂန် အာဏာပိုင်များက ပြောကြားခဲ့သည်။

နိုင်ငံအရှေ့မြောက်ပိုင်း ဘာဒက်ရှန်ပြည်နယ်တွင် ပြီးခဲ့သည့် သောကြာနေ့မှ စတင်ကာ မိုးသည်းထန်စွာ ရွာသွန်းမှုကြောင့် ဝေးလံခေါင်ဖျားသော ဟိုဘိုဘာရစ်ရွာပေါ်သို့ ထုထည်ကြီးမားစွာ မြေပြိုကျခဲ့ပြီး မိသားစု ၃၀၀ မှ လူပေါင်း ၂၁၀၀ ကျော် နစ်မြုပ်သေဆုံးခဲ့သည်ဟု အဆိုပါပြည်နယ် အုပ်ချုပ်ရေးမှူး ရှား ၀လီယွတ်လာ အဒီးဘ်က ယနေ့တွင် ပြောကြားခဲ့သည်။

အာဖဂန်အာဏာပိုင်များ၏ သေဆုံးမှု သတင်းထုတ်ပြန်ချက်အား ထိုဒေသအတွင်းရှိ ကုလသမဂ္ဂ တာဝန်ရှိသူများက အတည်ပြုနိုင်ခြင်း မရှိသေးဘဲ လူ ၃၅၀ သေဆုံးကြောင်း သတင်းရပြီး၊ လူအများအပြား ပျောက်ဆုံးနေကြောင်း ပြောဆိုခဲ့သည်။ မြေပြိုမှုကြောင့် လူပေါင်း ၄၀၀၀ ကျော်အား ပြောင်းရွှေ့ပေးခဲ့ရသည်။

ပြိုကျခဲ့သည့် မြေအမြင့်မှာ မီတာ ၆၀ ခန့်ရှိပြီး အနည်းဆုံး အိမ်ခြေ ၂၅၀ ခန့် နစ်မြုပ်ခဲ့ကာ မြေပြိုမှုများ ထပ်မံဖြစ်ပေါ်မည့် အန္တရာယ်ရှိနေသည်ဟု အာဏာပိုင်များက ထပ်လောင်း ပြောကြားခဲ့သည်။ ဒုက္ခရောက်နေသူများ အတွက် အကူအညီများကို ပို့ဆောင်နေသော်လည်း လမ်းပန်းဆက်သွယ်ရေး အခက်အခဲကြောင့် နှောင့်နေးမှုများ ရှိနေသည်။

ကယ်ဆယ်ရေး လုပ်ငန်းများကိုလည်း လုပ်ဆောင်နေပြီး ပြိုကျနေသောမြေများအား ရှင်းလင်းရန်အတွက် ကြီးမားသည့် ယာဉ်များလိုအပ်နေသည်။

Al Jazeera and agencies

May 4, 2014
တန်းဆင်းရမယ့် ၂ သင်း ထွက်ပေါ်လာခဲ့ပြီး ချန်ပီယံဆုအတွက် ဇာတ်ရှိန်မြင့်လာတဲ့ EPL ပွဲစဉ် ၃၇ စနေနေ့ညပွဲများ

မေ ၄၊ ၂၀၁၄
M-Media

– ချန်ပီယံဆုအတွက် အကြိတ်အနယ်ရှိနေတဲ့ ပရီးမီးယားလိဂ် ပွဲစဉ် ၃၇ ကိုတော့ မနေ့ညက ၇ ပွဲကစားခဲ့ပါယတ်။ ပြီးခဲ့တစ်ပတ်က လီဗာပူးလ်က ချယ်ဆီးကို ရှုံးသွားတဲ့အတွက် ချန်ပီယံမျှော်လင့်ချက် ရှင်သန်လာတဲ့ မန်စီးတီးတို့ အဲဗာတန်ကို အဝေးကွင်းမှာ သွားကစားခဲ့ရပေမယ့် အမှားအယွင်း မရှိခဲ့ပါဘူး။ ပြီး ရွိုင်ယန်ဂစ်ရဲ့ မန်ယူကတော့ ဆန်းဒါးလန်းကို အဝေးကွင်းမှာ အရေးနိမ့်ခဲ့ပါတယ်။

ချန်ပီယံဖြစ်ဖို့ လက်ကျန်ပွဲစဉ်တွေမှာ အမှားခံလို့မရတဲ့ မန်စီးတီးတို့ ချန်ပီယံလိဂ်ဝင်ခွင့်အတွက် ကြိုစားနေတဲ့ အဲဗာတန်ကို အဝေးကွင်းမှာ အနိုင်ကစားနိုင်ခဲ့ပါတယ်။ လူစုံထုတ်ခဲ့တဲ့ မန်းစီးတီး ၁၁ မိနစ်မှာ ဦးဆောင်ဂိုး ပေးလိုက်ရပေမယ့် နောက်ကလိုက်ပြီး ၃ ဂိုးပြန်သွင်းနိုင်ခဲ့တဲ့အတွက် အဖိုးတန် အနိုင် ၃ မှတ်သေချာခဲ့တာပါ။ လက်ကျန် ၂ ပွဲကိုသာ အနိုင်ကစားနိုင်ခဲ့မယ်ဆိုရင် မန်စီးတီးတို့ ၃ နှစ်အတွင်း ဒုတိယမြောက် ပရီးမီးယားလိဂ်ဖလားကို ဆွတ်ခူးနိုင်မှာဖြစ်ပါတယ်။ အဲဗာတန်ကတော့ ဒီပွဲအရှုံးကြောင့် ချန်ပီယံလိဂ်ဝင်ခွင့်မျှော်လင့်ချက်ကို လက်လွှတ်လိုက်ရပြီ ဖြစ်ပါတယ်။

မန်ယူတိုက်စစ်မှာ ရူနီ ဒဏ်ရာကြောင့် မပါဝင်နိုင်ခဲ့ဘဲ နော်ဝစ်ခ်ျကို လေးဂိုးပြတ်နိုင်ထားတဲ့ ပွဲက လူစာရင်းကို ဂစ်က ၅ နေရာအပြောင်းအလဲလုပ်ခဲ့ပါတယ်။ ဒါပေမယ့် မန်ယူရဲ့ ကစားပုံကတော့ တက်လာခြင်းမရှိဘဲ၊ ပထမပိုင်း မိနစ် ၃၀ မှာ ဆန်းဒါးလန်းက လာဆင်ရဲ့ သွင်းဂိုးနဲ့ အိမ်ကွင်းမှာ အရှုံးပေးခဲ့ရပါတယ်။ ဒီအရှုံးဟာ ၁၉၆၈ နောက်ပိုင်း ဆန်းဒါလန်းကို အိမ်ကွင်းမှာ ပထမဆုံး အရှုံးပေးခဲ့ရတာလည်း ဖြစ်ပါတယ်။

နောက်ပိုင်းမှာ ခြေစွာနေတဲ့ စပါးကလည်း အဝေးကွင်းမှာ ၀က်စ်ဟမ်ကို ယှဉ်ကစားနိုင်ခဲ့ပေမယ့် စောစောစီးစီး တစ်ယောက်အထုတ်ခံလိုက်ရတာနဲ့ ကိုယ့်ဂိုးကိုယ်သွင်းမိတဲ့ ဂိုးတစ်ဂိုး ပေးလိုက်ရတာတွေကြောင့် ရှုံးခဲ့ရပါတယ်။ ဒီပွဲနိုင်ရင် ယူရိုပါလိဂ်ဝင်ခွင့် သေချာမှာဖြစ်ပေမယ့် အနိုင်မကစားနိုင်ခဲ့တာကတော့ စပါးအတွက် နစ်နာစရာ ဖြစ်ခဲ့ပါတယ်။

ကာဒစ်ဖ်နဲ့ ဖူလ်ဟမ်တို့ကတော့ အဝေးကွင်းမှာ နယူးကာဆယ်နဲ့ စတုတ်ကို ဂိုးပြတ်ခြေပြတ်နဲ့ ရှုံးပြီး တန်းဆင်းသွားခဲ့ရပြီဖြစ်ပါတယ်။

နှစ်စပိုင်းမှာ ခြေစွမ်းမာကြောခဲ့ပေမယ့် နောက်ပိုင်းမှာ ခြေကျလာပြီး ဇယားအောက်ဆုံးကို တဖြည်းဖြည်းဆင်းသွားခဲ့တဲ့ ဟားလ်စီးတီးဟာ အက်စတွန်ဗီလာကို အဝေးကွင်းမှာ အရေးနိမ့်ခဲ့ပြီး တန်းဆင်းဇုန်းနဲ့ ၅ မှတ်အကွာမှာ ရှိနေပါတယ်။

ဟားလ်စီးတီးရဲ့အောက်မှာ ၀က်စ်ဘရွန်း၊ ဆန်းဒါးလန်းနဲ့ နော်ဝစ်ခ်ျတို့ကလည်း အမှတ်မတိမ်းမယိမ်းရှိနေကြပြီး ကစားဖို့ကလည်းလည်း အနည်းဆုံး ၂ ပွဲကျန်သေးတာမို့ လက်ကျန် ၂ ပွဲမှာ ဟားလ်စီးတီးတို့ အမှားခံလို့ မရတော့ပါဘူး အက်စတွန်ဗီလာက ဒီပွဲအနိုင်ကြောင့် တန်းဆင်းရမယ့် အန္တရာယ်ကနေ လွတ်ခဲ့ပါတယ်။

မနေ့ညက ကစားခဲ့တဲ့ ပရီးမီးယားလိဂ် ရလဒ်များကတော့ အောက်ပါအတိုင်းဖြစ်ပါတယ်။

ဝက်စ်ဟမ်း ၂-၀ စပါး
အက်စတွန်ဗီလာ ၃-၁ ဟားလ်စီးတီး
မန်ယူ ၀-၁ ဆန်းဒါးလန်း
နယူးကာဆယ် ၃-၀ ကာဒစ်ဖ်
စတုတ် ၄-၁ ဖူလမ်ဟမ်
ဆွမ်ဆီး ၀-၁ ဆောက်သက်တမ်
အဲဗာတန် ၂-၃ မန်စီးတီး

May 4, 2014
ဖမ်းဆီးထားသည့် လက်နက်စစ်ဆေးရေးမှူများအား ယူကရိန်း ခွဲထွက်ရေးသမားများ လွှတ်ပေး၊ တိုက်ပွဲများ ဆက်ဖြစ်

မေ ၃၊ ၂၀၁၄
M-Media

– ယူကရိန်းအရှေ့ပိုင်းတွင် ပြီးခဲ့သည့် သီတင်းပတ်က ဖမ်းဆီးခဲ့သည့် ဥရောပ စစ်လက်နက်ဆိုင်ရာ စစ်ဆေးရေးမှူးများကို ခွဲထွက်ရေးသမားများက ယနေ့တွင် ပြန်လွှတ်ပေးခဲ့သည်။

ဥရောပဆိုင်ရာ လုံခြုံရေးနှင့် ပူးပေါင်းဆောင်ရွက်ရေးအဖွဲ့ OSCE မှ စစ်ဆေးရေးမှူး ၇ ဦးနှင့် ယူကရိန်းနိုင်ငံသား လက်ထောက် ၅ ဦး စုစုပေါင်း ၁၂ ဦးတို့ကို Slovyansk မြို့တွင် ချွင်းချက်မရှိ လွှတ်ပေးခဲ့ကြောင်း ထိုမြို့၏ အုပ်ချုပ်ရေးမှူးဟု ကြေညာထားသည့် ခွဲထွက်ရေးသမား ပိုနိုမာယွဗ်က ပြောကြားခဲ့သည်။ အဆိုပါအဖွဲ့ခေါင်းဆောင်ကလည်း ၎င်းတို့ လွတ်မြောက်လာကြောင်း အတည်ပြုခဲ့သည်။

ထိုကဲ့သို့ လွှတ်ပေးခဲ့ခြင်းမှာ ရဲရင့်၍ လူသားဆန်သော လုပ်ရပ်ဖြစ်သည်ဟု ရုရှားက ချီးကျူးခဲ့သည်။

ခွဲထွက်ရေးသမားများ ကြီးစိုးရာ အဆိုပါ Slovyansk မြို့တွင် တိုက်ပွဲများ ပြင်းပြင်းထန်ထန် ဆက်လက်ဖြစ်ပွားနေသည်ဟု ယူကရိန်း အကြမ်းဖက်ဆန့်ကျင်ရေး အကြီးအကဲက ယနေ့တွင် ပြောကြားခဲ့သည်။

အခြားမြို့တစ်မြို့ဖြစ်သည့် Odessa တွင် ယူကရိန်းထောက်ခံသူများနှင့် ရုရှားထောက်ခံသူများအကြား ယမန်နေ့က တိုက်ခိုက်မှုများ ဖြစ်ပွားခဲ့ပြီး လူ ၄၀ ကျော် သေဆုံးခဲ့ရကာ၊ အဆောက်အဦးများလည်း မီးတင်ရှို့ခြင်း ခံခဲ့ရသည်။
Live.aljazeera

May 3, 2014