News @ M-Media

Blog

  • နှလုံးရောဂါနှင့် သက်ဆိုင်သည့် ပညာရှင်အဆင့် နှီးနှောဖလှယ်ပွဲ အီရန်တွင်ပြုလုပ်

    မေ ၃ ၊ ၂၀၁၄
    M-Media

    – နိုင်ငံတကာမှ ပညာရှင်များပါဝင်သည့် နှလုံးရောဂါဆိုင်ရာ လေးကြိမ်မြောက် နှီးနှောဖလှယ်ပွဲတစ်ခုကို အီရန်နိုင်ငံ တီဟီရန်မြို့တွင် ယမန်နေ့က ပြုလုပ်ခဲ့သည်ဟု သိရသည်။
    International_Heart_Failure_Biennial_held_in_Tehran
    အဆိုပါနှီးနှောဖလှယ်ပွဲတွင် နှလုံးအထူးကု ဆရာဝန်များနှင့် ခွဲစိတ်ဆရာဝန်များက ၎င်းတို့၏ အတွေ့အကြုံများ၊ အောင်မြင်မှုများကို တင်ပြဆွေးနွေးခဲ့ကြသည်။ နှလုံး ပျက်ဆီးမှု အန္တရာယ်အား ရှောင်ရှားရန် နောက်ဆုံးပေါ် နည်းလမ်းများ အကြောင်းနှင့် ထိုပြဿနာအတွက် နှလုံး အစားထိုးကုသည့် နည်းလမ်း သစ်များအကြောင်းလည်း ပါဝင်သည်။

    ထို့ပြင် ရုတ်တရပ်နှလုံးရပ်တန့်ခြင်း၊ သွေတိုးခြင်းနှင့် ဆီးချိုရောဂါတို့ကြောင့် နှလုံးပျက်ဆီးသွားသူများအတွက် အစားထိုးကုသမှုမှာ နောက်ဆုံး နည်းလမ်း ဖြစ်ရမည် ဆိုခြင်းနှင့် ပတ်သက်၍လည်း အလေးထား ဖော်ပြခဲ့ကြသည်။

    ၎င်းတို့၏ ဆွေးနွေးမှုများ အရ နှလုံးသွေးကြောရောဂါ ခံစားနေရသည့် လူနာများ၏ ၁ ရာခိုင်နှုန်း၊ သို့မဟုတ် ၂ ရာခိုင်နှုန်းမှာ နှလုံး အစားထိုးကုသရန် လိုအပ်နေပြီး အများစုကို ဆေးဝါးများ အသုံးပြုဂါ ရောဂါတိုး မလာအောင် ထိန်းချုပ်ထားနိုင်ကြောင်း သိရှိခဲ့ရသည်။

    ကမ္ဘာပေါ်တွင် နှစ်စဉ်နှစ်တိုင်း လူ သန်း ၂၀ ခန့်မှာ နှလုံး ပျက်ဆီးမှုရောဂါကို ခံစားနေရသည်ဟု လေ့လာမှုများက ဖော်ပြသည်။ နှလုံးရောဂါ ကျွမ်းကျင်သူများကမူ အဆိုပါ နှလုံးပျက်ဆီးမှုမှာ ဖွံ့ဖြိုးပြီးနိုင်ငံများတွင်သာ အလေထားဆောင်ရွက်ရမည့်ုပြဿနာမဟုတ်ဘဲ တစ်ကမ္ဘာလုံးမှ တုံ့ပြန်ရန်လိုအပ်သည်ဟု ပြောကြားခဲ့သည်။

    အရှေ့အလယ်ပိုင်းဒေသတွင် နှလုံးအစားထိုးကုသမှု ပြုလုပ်ပေးနိုင်သည့် နိုင်ငံမှာ ၃ နိုင်ငံသာရှိပြီး အီရန်၊ တူရကီနှင့် ဆော်ဒီအာရေဗျတို့ဖြစ်သည်။

  • သတင်းသူရဲ​ကောင်း ၁၀၀ တွင်​ သတင်း​ထောက်​ ကို​ဇော်​​ဖေပါဝင်​

    သတင်းသူရဲ​ကောင်း ၁၀၀ တွင်​ သတင်း​ထောက်​ ကို​ဇော်​​ဖေပါဝင်​

    မေ ၃၊ ၂၁၁၄
    M-Media
    လမင်း

    Ko Zaw Phay

    ရန်​ကုန်​  ။        ။         နယ်​စည်းခြားသတင်း​ထောက်​များအဖွဲ့(RSF) ကထုတ်ပြန်​သည့်​ သတင်းသူရဲ​ကောင်း ၁၀၀ စာရင်း​တွင်​ DVB သတင်း​ထောက်​ ကို​ဇော်​​ဖေ ပါဝင်​​ကြောင်း သိရသည်​။

    အဆိုပါစာရင်းကို နယ်​စည်းမခြားသတင်း​ထောက်​များအဖွဲ့ (RSF) မှ ​မေလ ၃ ရက်​​နေ့တွင်​ကျ​ရောက်​​သော ကမ္ဘာ့သတင်းလွတ်​လပ်ခွင့်ေ​​န့ အထိမ်းအမှတ်​အဖြစ်​ နိုင်​ငံ​ပေါင်း ၆၀ ​ကျော်​မှ သူရဲ​ကောင်းသတင်း​ထောက်​များကို​ရွေးချယ်​ခဲ့ရာ မြန်​မာနိုင်​ငံမှ ကို​ဇော်​​ဖေ ပါဝင်​ခဲ့ခြင်းဖြစ်​သည်​။

    RSF မှထုတ်​ပြန်​ခဲ့သည့်​ သတင်းသူရဲ​ကောင်း ၁၀၀ စာရင်းတွင်​ နိုင်​ငံ​ပေါင်း ၆၀ ​ကျော်​မှ သတင်းနှင့် သက်​ဆိုင်​သူများပါဝင်​ပြီး အသက်​အငယ်​ဆုံး ၂၅ နှစ်​အရွယ်​ထိ​ရွေးချယ်​ခဲ့သည်။ ၎င်းအဖွဲ့မှ အစီရင်​ခံစာထုတ်​ပြန်​ရာတွင်​ ကမ္ဘာ့နိုင်​ငံ​ပေါင်း ၁၈၀ တွင်​စာနယ်​ဇင်းလွတ်​လပ်​ခွင့်နှုန်းအဆင့်​ ၁၄၅ ရခဲ့ပြီဖြစ်​ပြီး ၂၀၁၃ ခုနှစ်​တွင်​ အဆင့်​ ၆ ထိတိုးမြှင့်​မှုကျု ​တွေ့ရ​ကြောင်း ဆိုသည်​။

    မြန်​မာနိုင်​ငံတွင်​လည်း စာနယ်​ဇင်းလွတ်​လပ်​ခွင့်​ရရှိပြီး​နောက်​တွင်​ Eleven Media မှသတင်း​ထောက်​တစ်​ဦးအား.​ထောင်​ဒဏ်​သုံးလချမှတ်​ခဲ့ခြင်း၊ Unity ဂျာနယ်​မှ သတင်းသမား.၅ ဦးအား တရားစွဲဆိုထားခြင်း၊ ကို​ဇော်​​ဖေကိုလည်း ​မကြာ​သေးမီက ​ထောင်​ဒဏ်​ ၁ နှစ်​ချမှတ်​ခဲ့သည်​။ ၎င်းသတင်း​ထောက်​များအပြင်​ အချို့သော သတင်း​ထောက်​များကိုလည်း တရားစွဲဆိုထားခြင်းများ ခံရထားခြင်းရှ်ိ​ကြောင်း သိရသည်​။

  • အင်တာနက် အသုံးပြု၍ လိင်ပိုင်းဆိုင်ရာ ခြိမ်းခြောက် ငွေညှစ်သည့် ဂိုဏ်းအား ဖိလစ်ပိုင် ဖမ်းဆီး

    မေ – ၃  ၊ ၂၀၁၄
    M-Media

    – အင်တာနက်ကိုအသုံးပြု၍ လိင်ပိုင်းဆိုင်ရာ ခြိမ်းခြောက် ငွေညှစ်သည့်ဂိုဏ်းအား ဖြိုခွဲလိုက်ပြီး လူ ၅၈ ဦးအား ဖမ်းဆီးလိုက်သည်ဟု ဖိလစ်ပိုင်ရဲတပ်ဖွဲ့နှင့် နိုင်ငံတကာ ရဲတပ်ဖွဲ့ အင်တာပိုလ်တို့က ကြေညာလိုက်သည်။

    201452641373734_20

    အဆိုပါ ဂိုဏ်းမှာ Facebook နှင့် အခြားသော ဆိုရှယ်မီဒီယားများကို အသုံးပြုသူများထဲမှာ ငယ်ရွယ်ပြီး ဆွဲဆောင်မှုရှိသော မျိုးသမီးများကို ဆိုက်ဘာလိင်ကိစ္စအတွက် မှတ်တမ်းတင်ခြင်းများ ပြုလုပ်ရန် ဆွဲဆောင်ပြီးနောက် ထိုမှတ်တမ်းများကို အသုံးပြုကာ ခြိမ်းခြောက် ငွေညှစ်မှုများ ပြုလုပ်ကြခြင်းဖြစ်သည်။

    ထိုကဲ့သို့သော ရာဇ၀တ်မှုများကို အဆိုပါဂိုဏ်းက ကမ္ဘာလုံးဆိုင်ရာ ဖြန့်ကျက်လုပ်ဆောင်ခြင်းဖြစ်သည်ဟု အင်တာပို ဒစ်ဂျစ်တယ် ရာဇ၀တ်မှုစင်တာမှ ဆန်ဂျေး ဗီရ်မာနီက ဆိုသည်။

    “ဒီဂိုဏ်းဟာ ရည်ရွယ်ချက်တစ်ခုတည်းနဲ့ လည်ပတ်နေပါတယ်။ စိတ်ပိုင်းဆိုင်ရာ ထိခိုက်စေမှုတွေနဲ့အတူ ဘာကိုမှ ဂရုမထားဘဲ ငွေရဖို့တစ်ခုတည်း အတွက် လုပ်နေကြတာပါ။ အင်တာနက်ဆိုတာ လူ့အဖွဲ့စည်းကို ရောင်ပြန်ဟပ်ပါတယ်။ အကောင်း၊ အဆုံး နှစ်မျိုးစလုံးကိုပါ။ ရာဇ၀တ်မှုကို ဘယ်လိုနေရာမှာ ကျူးလွန်ကျူးလွန် ပုံးကွယ်နေလို့မရဘူးဆိုတာ ဒီစစ်ဆင်ရေးက ပြသနေပါတယ်” ဟု ဗီရ်မာနီက ထပ်လောင်းပြောကြားခဲ့သည်။

    ထိုကဲ့သို့ ဖမ်းဆီးခဲ့သူ ၅၈ ဦးစလုံးမှာ ဖိလစ်ပိုင်နိုင်ငံသားများဖြစ်ပြီး ကလေးငယ် လိင်ပိုင်းဆိုင်ရာနှင့် ပတ်သက်မှု၊ ခြိမ်းခြောက်ငွေညှစ်မှုနှင့် လိမ်လည်မှုတို့ဖြင့် တရားစွဲဆိုထားသည်ဟု ဖိလစ်ပိုင် ရဲတပ်ဖွဲ့အကြီးအကဲ အလန် ပူရီစီမာက ပြောကြားခဲ့သည်။

    Agencies

  • ကစားသမားဘဝ အနာဂတ် မဆုံးဖြတ်ရသေးဟု မန်ယူ ယာယီနည်းပြ ရိုင်ယန်ဂစ်ဆို

    မေ ၃ ၊ ၂၀၁၄
    M-Media

    – မန်ယူအသင်းရှိ မိမိ၏ အနာဂတ်မှာ မသေချာသေးဘဲ ကစားသမားဘ၀မှ အနားယူရန်ကိုလည်း ချိန်ဆနေကြောင်း အသင်း၏ ယာယီနည်းပြ ရွိုင်ယန်ဂစ်က ပြောကြား လိုက်သည်။

    395856_heroa

    မိုယက်စ်ထွက်ခွာသွားပြီးနောက် နည်းပြအဖြစ် တာဝန်ယူထားသော်လည်း လာမည့်ရာသီတွင် ဟော်လန်နည်းပြ ဗန်ဂါလ်အား ခေါ်ယူရန် မန်ယူအသင်းက စီစဉ်ထားသည်။ ဗန်ဂေါလ်ကလည်း မန်ယူအသင်း၏ နည်းပြအဖွဲ့အား ပြင်ဆင်ပြောင်းလဲချင်သည်ဟု သတင်းများ ထွက်ပေါ်လာခဲပြီးနောက် ဂစ်၏ အခန်းကဏ္ဍမှာ မရေမရာဖြစ်လာခဲ့သည်။

    ဂစ်ကမူ မိမိ၏ အနာဂတ်အား ရာသီအကုန်တွင် ဆုံးဖြတ်သွားမည်ဟု ပြောကြားခဲ့သည်။

    “ဘာမှ မပြောင်းလဲပါဘူး။ ရာသီကုန်တဲ့အထိ ကျွန်တော် ဆက်ရှိနေမှာပါ။ နောက်ဆုံးပွဲစဉ်တွေ အပေါ်မှာ ကျွန်တော် အာရုံစိုက်ထားပါတယ်။ ဘောလုံး ဆက်ကစားရမလား၊ မကစားရဘူးလားဆိုတာနဲ့ ပတ်သက်ပြီး ကျွန်တော် အများကြီး စဉ်းစားထားပါတယ်။ ရာသီကုန်ရင် ဘာဖြစ်မလဲဆိုတာ ကျွန်တော်တို့စောင့်ကြည့်ကြတာပေါ့” ဟု ဂစ်က သတင်းထောက်များအား ပြောကြားခဲ့သည်။

    ထို့ပြင် ယခုတစ်ပတ် ဆန်းဒါးလန်းနှင့် ကစားမည့်ပွဲတွင် ရူနီ ပါဝင်နိုင်မည်မဟုတ်ဘဲ ဗန်ပါစီမှာ ဒဏ်ရာမှ သက်သာနေပြီး ဆက်လက်စောင့်ကြည့်ရမည်ဖြစ်ကြောင်း၊ စနေနေ့ပွဲတွင် ပါဝင်နိုင်ခြင်း ရှိမရှိကိုမူ ပြော၍မရသေးကြောင်း ဂစ်က ထပ်လောင်းပြောကြားခဲ့သည်။

  • အဓိက ကစားသမားများအား ရောင်းချမည်မဟုတ်ဟု ၀င်းဂါးဆို

    မေ ၃ ၊ ၂၀၁၄
    M-Media
    – အသင်းရှိ အဓိက ကစားသမားများအား ယခုနှစ်နွေရာသီတွင် ရောင်းချရန် ရည်ရွယ်ချက် မရှိဟု အာဆင်နယ်အသင်း နည်းပြ အာဆင်ဝင်းဂါးက ပြောကြားခဲ့သည်။

    377648_heroa

    အာဆင်နယ်အသင်း၏ အဓိကနောက်ခံလူ ဆဂ်ညာမှာ အသင်းနှင့် သက်တမ်းတိုးစာချုပ် ချုပ်ရန် သဘောမတူသေးဘဲ အသင်းရှိ အခြားသော ကစားသမားများမှာလည်း အသင်းမှ ထွက်ခွာရန် စိုင်းပြင်းနေကြသည်။ သို့သော်လည်း ၀င်းဂါးကမူ အသင်းရှိ ကစားသမားများအားလုံးကို ထိန်းသိမ်းထားရန် ဆုံးဖြတ်ထားသည်ဟု ဆိုသည်။

    “အသင်းသားတွေအားလုံး ဒီမှာဆက်ရှိဖို့ ကျွန်တော်တို့လိုချင်ပါတယ်။ ဘာကြောင့်လဲဆိုတော့ အာဆင်နယ်အသင်းဟာ အနာဂတ်မှာ ရည်မှန်းချက် အကြီးကြီး ထားရှိလို့ပါ” ဟု ၀င်ဂါးက ၀က်စဘရွန်းအသင်းနှင့် ကစားမည့်ပွဲ မတိုင်ခင် ပြုလုပ်သည့် သတင်းစာရှင်းလင်းပွဲ၌ ပြောကြားခဲ့သည်။

    ချန်ပီယံလိဂ်ဝင်ခွင့်အတွက် အဲဗာတန်အသင်း၏ ဖိအားပေးခြင်းကို ခံနေရသည့် အာဆင်နယ်မှာ အဆင့် ၄ နေရာရရန် နီးစပ်နေပြီး ၀င်းဂါးကလည်း မိမိတို့အနေဖြင့် ဖြစ်နိုင်သလောက် အမြင့်ဆုံး အဆင့်ဖြင့် ရာသီသိမ်းချင်ကာ၊ ကျန်ရှိနေသည့် ပွဲများကိုလည်း အနိုင်ရချင်ကြောင်း ထည့်သွင်း ပြောကြားခဲ့သည်။

    ၀င်းဂါးမှာ ယခုနှစ်ရာသီအကုန်တွင် အသင်းမှ ထွက်ခွာတော့မည်ဖြစ်သောကြောင့် အာဆင်နယ်အသင်းက နည်းပြသစ်တစ်ဦးကို ရှာဖွေနေသည်ဟု စောစောပိုင်းက သတင်းများ ထွက်ပေါ်ခဲ့သော်လည်း ၀င်းဂါးကမူ မိမိ၏ အနာဂတ်မှာ အာဆင်နယ်အသင်းတွင်ပင်ဖြစ်ကြောင်း ဖွင့်ဟခဲ့သည်။

    Goal.