ဧပြီ ၂၆၊ ၂၀၁၄
M-Media
တောင်ကိုရီးယား နစ်မြုပ်သင်္ဘော
————————————-
– ရေစီးကြမ်းခြင်း၊ အလွန်အမင်းအေးခြင်းနှင့် ရေအောက်တွင် မြင်နိုင်စွမ်းနည်းခြင်းတို့ ဖြစ်ပေါ်နေသော်လည်း နစ်မြုပ်တောင်ကိုရီးယားသင်္ဘောမှ ပျောက်ဆုံးနေသူများအား ရေငုပ်သမာများက ဆက်လက်ရှာဖွေလျက်ရှိသည်ဟု သိရသည်။
ယနေ့ညအထိ တွေ့ရှိခဲ့ရသည့် သေဆုံးသူများ၏ ရုပ်အလောင်းများမှာ ၁၈၇ ဦး ရှိလာပြီဖြစ်ပြီး ၁၁၅ ဦးမှာ ပျောက်ဆုံးနေဆဲဖြစ်သည်။ လက်ရှိ ဆယ်ယူရရှိသည့် သေဆုံးသူးများတွင် မိမိတို့နိုင်ငံသား ၄ ဦး ပါဝင်သည်ဟု တရုတ်သံရုံးက ပြောကြားခဲ့သည်။
ရေအောက် မီတာ ၃၀ သို့ ဆင်းသက်ရသည့် ရေငုပ်သမားများ၏ အောက်ဆီဂျင်မှာ ၁ နာရီခန့်သာ အသုံးခံပြီး၊ သင်္ဘောအခန်းများမှ မှန်များကို ခွဲကာ အတွင်းသို့ ၀င်ရောက်ရသောကြောင့် ကြန့်ကြာမှုများလည်း ရှိနေသည်။ သင်္ဘောအတွင်းရှိ အပျက်အစီးများ၊ ကြိုးများနှင့် ခုံများမျောလာသည်ကိုလည်း ရေငုပ်သမားများက ရှောင်ကွင်းသွားနေရကာ၊ သက်ကယ်အင်္ကျီမ၀တ်ထားသည့် ရုပ်အလောင်းများကိုလည်း ပျက်စီးမှုမရှိအောင် ဂရုတစိုက် ဆယ်ယူနေရသည်။
သင်္ဘောပေါ်တွင် လိုက်ပါသွားသည့်ကျောင်းသားများမှာ တစ်ဦးတစ်ဦး ဖက်လျက် သေဆုံးနေသည်ကို တွေ့ရသည်။ ပြီးခဲ့သည့် တစ်ပတ် ကြာသာပတေးနေ့က တိမ်းမှောက်သွားခဲ့သည့် အဆိုပါ သင်္ဘောတွင် လူပေါင်း ၄၇၆ ဦးလိုက်ပါသွားခဲ့ပြီး၊ ၁၇၄ ဦးကိုသာ ကယ်တင်ထားနိုင်သည်။
ဆင်ဟွာ
…………………………………
ယူကရိန်း နောက်ဆုံးရ
————————–
– မတည်မငြိမ်ဖြစ်နေသည့် ယူကရိန်းအရှေ့ပိုင်းတွင် ခွဲထွက်ရေးသမားများက ဖမ်းဆီးထားသည့် OSCE အဖွဲ့မှ စစ်လက်နက်စစ်ဆေးရေးကိုယ်စားလှယ်အဖွဲ့အား လွတ်မြောက်ရန် ကူညီသွားမည်ဟု ရုရှားက ယနေ့တွင် ကတိပေးခဲ့သည်။
ဥရောပ လုံခြုံရေးနှင့် ပူးပေါင်းဆောင်ရွက်ရေးအဖွဲ့OSCE က စေလွှတ်လိုက်သည့် အဆိုပါ ကိုယ်စားလှယ်အဖွဲ့မှာ နေတိုးသူလျှိုသာဖြစ်သည်ဟုဆိုကာ နိုင်ငံရှေ့ပိုင်း Slaviansk မြို့၌ ခွဲထွက်ရေးသမားများက ယမန်နေ့တွင် ဖမ်းဆီးခဲ့ခြင်းဖြစ်သည်။
ခွဲထွက်ရေးသမားများကမူ ဖမ်းဆီးခံထားရသည့် ၎င်းတို့၏ အဖွဲ့ဝင်များနှင့် အဆိုပါ ကိုယ်စားလှယ်အဖွဲ့အား လဲလှယ်ဖွယ်ရှိနေသည်။ ရုရှားဘက်က မိမိတို့မှာ OSCE အဖွဲ့ဝင်နိုင်ငံဖြစ်သည့်အတွက် ထိုပြဿနာအားဖြေရှင်းရန် လုပ်ဆောင်နေသည်ဟု ကြေညာခဲ့ပြီး အသေးစိတ်ကိုမူ ထုတ်ဖော်ပြောဆိုခဲ့ခြင်းမရှိချေ။
ယူကရိန်းသမ္မတ အာဆန်နီ ယက်ဆန်ယွတ်ကမူ ပြီးခဲ့သည့် ၂၄ နာရီအတွင်း ယူကရိန်းလေပိုင်နက်ထဲသို့ ရုရှားတိုက်လေယာဉ်များ ၇ ကြိမ်ခန့် ကျူးကျော်ဝင်ရောက်ခဲ့ပြီး ထိုလုပ်ရပ်က ယူကရိန်းအား စစ်ဆင်နွှဲရန် လှုံ့ဆော်ခြင်းသာဖြစ်သည်ဟု ပြောကြားခဲ့သည်။
ရုရှားဘက်က ယူကရိန်းသို့ ငြိမ်းချမ်းရေးတပ်ဖွဲ့ စေလွှတ်ရန်အစီအစဉ်ရှိနေပြီး ထိုကဲ့သို့ စေလွှတ်ပါက ယူကရိန်းဘက်က အဆိုပါ ရုရှားတပ်များအား တိုက်ခိုက်သွားမည်ဟု ယူကရိန်းကာကွယ်ရေးဝန်ကြီးက ယူကရိန်း မီဒီယာဖြစ်သည့် Interfax သို့ ပြောကြားခဲ့သည်။
live.aljazeera
