ဧပြီ ၁၉၊ ၂၀၁၄
M-Media
– ပြီးခဲ့သည့် ၂ ရက်က တောင်ကိုရီးယားနိုင်ငံ ဂျဲဂျူးကျွန်းနားတွင် တိမ်းမှောက်သွားခဲ့သည့် ခရီးသည်တင် သင်္ဘောမှ ကပ္ပတိန်ဖြစ်သူနှင့် အရာရှိနှစ်ဦးတို့ကို တရားရုံးမှ ဖမ်းဝရမ်း ထုတ်ခဲ့သည်ဟု သိရသည်။
ထိုသင်္ဘော၏ ကပ္ပတိန်ဖြစ်သူ လီဂျွန်ဆွက်မှာ သင်္ဘောတိမ်းမှောက်ချိန်တွင် တာဝန်ထမ်းဆောင်နေခြင်း မရှိဘဲ ပဲ့ထိန်းအခန်းတွင် အငယ်တန်းအရာရှိ တစ်ဦးသာ ရှိနေခဲ့သည်ဟု သိရှိရပြီးနောက် ယခုကဲ့သို့ ဖမ်းဝရမ်း ထုတ်ခဲ့ခြင်းဖြစ်သည်။
ခရီးသည်နှင့် သင်္ဘောအမှုထမ်း ၄၇၅ ဦး၊ ယာဉ်အစီးရေ ၁၅၀ ကို တင်ဆောင်သွားခဲ့သည့် အဆိုပါသင်္ဘောမှာ ဗုဒ္ဓဟူးနေ့ နံနက်ပိုင်းက တိမ်းမှောက်ခဲ့ခြင်းဖြစ်ပြီး ယခုအချိန် အထိ လူပေါင်း ၁၇၉ ဦးအား ကယ်တင်နိုင်ခဲ့သည်။ ကယ်တင်နိုင်ခဲ့သူအများစုမှာ ဂျဲဂျူးကျွန်းသို့ လေ့လာရေး ခရီးသွားရောက်ကြသည့် ကျောင်းသားအများစု ဖြစ်ကြပြီး ယခုအချိန်အထိ ၂၈ ဦးသေဆုံးခဲ့သည်ဟု အတည်ပြုနိုင်ကာ ၂၆၈ ဦးမှာ ပျောက်ဆုံးနေဆဲဖြစ်သည်။
ကယ်ဆယ်ရေးလုပ်သားများမှာ ယနေ့တွင် သင်္ဘော အတွင်းသို့ ၀င်ရောက်နိုင်ခဲ့သော်လည်း လေအိတ်များအတွင်းရှိနိုင်ပြီး အသက်ရှင်လျက် ရှိသည်ဟု မျှော်လင့်ရသည့် ဧရိယာ အထိသို့ ရောက်ရှိခြင်း မရှိသေးပေ။ သင်္ဘောမှကယ်တင်နိုင်ခဲ့သည့် ကျောင်းသားများကို ဦးဆောင်သည့် အသက် ၅၂ နှစ်အရွယ် လက်ထောက်ကျောင်းအုပ်ကြီး ကန်မင်ဂျူမှာ အသက်ရှင်သူများအား ထိန်းသိမ်းထားရာ ကိုယ်ကာယလေ့ကျင့်ခန်း စင်တာ အဆောက်အဦး၏ အပြင်ဘက် သစ်ပင်တွင် ဆွဲကြိုးချလျက် သေဆုံးနေသည်ကို ယနေ့နံနက်တွင် ရဲတပ်ဖွဲ့က တွေ့ရှိခဲ့သည်။
Agencies
