ဧပြီ ၂၀၊ ၂၀၁၄
M-Media
– အာဂျင်တိုင်းတိုက်စစ်မှူး မက်ဆီ ဘာကာမှ ထွက်ခွာတော့မည်ဟု သတင်းများ ထွက်ပေါ်နေသော်လည်း မက်ဆီ၏ အနာဂတ်မှာ ဘာစီလိုနာ၌ပင် ဖြစ်မည်ဟု ဘာကာနည်းပြ မာတီနိုက ပြောကြားလိုက်သည်။
အသက် ၂၆ နှစ်အရွယ် မက်ဆီမှာ ဘာစီလိုနာနှင့် သက်တမ်းတိုးစာချုပ် ချုပ်ဆိုရန် လိပ်ခဲတည်းလည်း အခြေအနေတွင်ရှိနေသောကြောင့် ယခုနှစ်ရာသီကုန်လျှင် ပီအက်စ်ဂျီအသင်းသို့ ပြောင်းရွှေ့တော့မည်ဟု ကောလဟာလများ ထွက်ပေါ်နေခဲ့သည်။
သို့သော်လည်း မာတီနိုကမူ မက်ဆီ ဘာစီလိုနာမှာ ဆက်ရှိနေမည်ဟု ဆိုသည်။
“မက်ဆီရဲ့အနာဂတ်နဲ့ ပတ်သက်ပြီး လူတွေပြောကြတဲ့အခါ ကမ္ဘာ့ ၉၉ ရာခိုင်နှုန်းက အံ့သြကြပါတယ်။ ဒါတွေဟာ ကျွန်တော် ထည့်ကိုမတွက်တဲ့ မှတ်ချက်တွေပါပဲ။ သူရဲ့ အနာဂတ်အတွက် ဒီလိုကိစ္စတွေ ဘယ်ကလာလဲဆိုတာ ကျွန်တော်မသိပါဘူး။ သူဘာကာမှာ ရှိနေတာ ၁၃ နှစ်ရှိနေပြီး၊ အနာဂတ်မှာလည်း ဘာကာမှာပဲ ဆက်ရှိသွားမှာပါ” ဟု မာတီနိုက သတင်းစာရှင်းလင်းပွဲတွင် သတင်းထောက်များအား ပြောကြားခဲ့သည်။
မာတီနိုမှာလည်း ယခုနှစ်ရာသီကုန်တွင် အသင်းအားစွန့်ခွာတော့မည်ဟု သတင်းများထွက်ပေါ်နေပြီး၊ မာတီနိုကမူ ထိုသတင်းအား အတည်ပြုရန်ငြင်းဆိုခဲ့ကာ ယခုနှစ်ရာသီ အသင်း၏ အောင်မြင်ကို ကျေနပ်မှုမရှိဟု ပြောကြားခဲ့သည်။
