ဧပြီ ၄ ၊ ၂၀၁၄
M-Media
စင်ကာပူတွင် တမီလ်လူမျိုးများ၏ နှစ်သစ်ကူးပွဲတော်ကို ယနေ့ကျင်းပရာ စင်ကာပူဝန်ကြီးချုပ် လီရှန်လွန်းတက်ရောက် ချီးမြှ
လီရှန်လွန်းက တဆက်တည်း ဧပြီလ၌ ဘင်္ဂါလီများ၊ မာလာယလန် လူမျိုးများ လည်း နှစ်ကူးကြကြောင်း၊ ဆခ်လူမျိုးများလည်း Vaisakhi ပွဲတော် ဆင်နွှဲကြကြောင်းဖြင့်ရေးသား
ဧပြီ ၁၄၊ ၂၀၁၄
M-Media
အလုပ်ခွင်တွင် အမျိုးသမီးများကို ခွဲခြားဆက်ဆံမှုများအတွက် ရှက်စရာဖြစ်ကြောင်း ကန်သမ္မတ အိုဘားမားဝန်ခံ
အလုပ်ခွင်တွင် အမျိုးသမီးများအား ခွဲခြားကာ အမျိုးသားများနှင့်တန်းတူ လုပ်ခလစာများ မပေးဘဲရှိနေသဖြင့် သမ္မတအိုဘားမားက ဤသည်မှာ ရှက်စရာဖြစ်ကြောင်း၊ အမျိုးသားများနှင့် အမျိုးသမီးများသည် ပညာရေးတွင် လည်းကောင်း၊ လုပ်ငန်းကျွမ်းကျင်မှုတွင် လည်းကောင်း တန်းတူဖြစ်နေ သော်လည်း အမျိုးသမီးများကမူ လုပ်ခလစာ လျော့၍ ရနေကြောင်းဖြင့် စနေနေ့က ရေဒီယိုနှင့် အင်တာနက် တို့မှ တဆင့် ပြောဆိုလိုက်ကြောင်း သိရသည်။
ထို့သို့ပြောဆိုခြင်းမှာ ရီပတ်ဘလီကန်ကွန်ဂရက်အမတ် ကသေးမက်မောရစ်က အိုဘားမားအစိုးရလက်အောက်တွင် အမျိုးသမီးများ ထိခိုက်နေ ရကြောင်း ဝေဖန်အမျိုး ထွက်ပေါ်လာခြင်းဖြစ်သည်။
ကသေးမက်မောရစ်၏ ဝေဖန်ချက်တွင် အမေရိကန်၌ လုပ်ခလစာ နည်းပါးစွာရရှိနေသူအများစုမှာ အမျိုးသမီးများဖြစ်ကြောင်း၊ ထိုသည်ကို တိုက်ဖျက်ပြီး အမျိုးသမီးများအားလည်း အမျိုးသားများနည်းတူ တန်းတူအခွင့်အရေးပေးရမည်ဖြစ်ကြောင်း ဖော်ပြပါရှိသည်။
Ref: huffpost
ဧပြီ ၁၄၊ ၂၀၁၄
M-Media
– ပရီးမီးယားလိဂ် ပွဲစဉ် ၃၄ ကို စနေနေ့က ၆ ပွဲ တနင်္ဂနွေနေ့မှာ ၂ ပွဲ ကစားခဲ့ပါတယ်။
ဒီတစ်ပတ် Match of the Week ပွဲစဉ်ဖြစ်တဲ့ လီဗာပူးလ်နဲ့ မန်စီးတီးတို့ပွဲကတော့ ကြည့်ကောင်းခဲ့ပါတယ်။ လီဗာပူးလ်အသင်းက ပထမပိုင်းနာရီဝက် အတွင်းမှာ ဦးဆောင်ဂိုး ၂ ဂိုးရခဲ့ပေမယ့် မန်စီတီးတို့ ဒုတိယပိုင်းမှာ ချေပဂိုးတွေပြန်သွင်းနိုင်ခဲ့လို့ စိတ်ဝင်စားစရာဖြစ်ခဲ့ပါတယ်။ လီဗာပူးလ်မှာ လူစုံခဲ့ပြီး၊ မန်စီးတီးမှာလည်း တိုက်စစ်မှူး အဂူရိုကလွဲလို့ အဓိက ကစားသမား အကုန်ပါခဲ့ပါတယ်။
ပထမပိုင်းမှာ အိမ်ရှင်တို့ ပွဲကိုစိုးမိုးထားနိုင်ခဲ့ပြီး ဂိုးသွင်းခွင့် ၄၊ ၅ ကြိမ်လောက်ရခဲ့ပေမယ့် ၂ ဂိုးသာရခဲ့ပြီး စတာလင်နဲ့ စကာတယ်တို့က သွင်းပေးခဲ့တာပါ။ ဘောလုံးပိုင်ဆိုင်မှု အသာနဲ့ ကစားနိုင်ခဲ့တဲ့ မန်စီးတီးတို့ ဒုတိယပိုင်းမှာ ပြန်လာနိုင်ခဲ့ပြီး ၅၇ မိနစ်မှာ မီလ်နာ ကန်တင်ပေးမှုကနေ ဆေးလ်ဗားက အပိုင်ကန်သွင်းပြီး ၁ ဂိုးနဲ့ ၆၂ မိနစ်မှာ ဆေးလ်းဗာရဲ့ ကန်တင်ချက် လီဗာပူးလ်နောက်ခံလူ ဂျွန်ဆင်နဲ့ ထိကာ လမ်းကြောင်းပြောင်းပြီးဝင်သွားတဲ့ အတွက် ၁ ဂိုး ပြန်ရခဲ့ပါတယ်။ လီဗာပူးလ်အတွက် အဖိုးတန်အနိုင်ဂိုးကိုတော့ ၇၈ မိနစ်မှာ ကော်တင်ဟိုက သွင်းပေးခဲ့တာပါ။ ဒုတိယပိုင်းနာကျင်အချိန်ပိုမှာ နာဆရီကို ဖျက်ထုတ်တာကြမ်းတဲ့အတွက် ဟန်ဒါ တိုက်ရိုက်အနီကဒ်နဲ့ အထုတ်ခံခဲ့ရပါတယ်။ ဒီပွဲအနိုင်ဟာ လီဗာပူးလ်တို့ရဲ့ ပရီးမီးယားလိဂ် ၁၀ ပွဲဆက်အနိုင်ဖြစ်ပြီး ၂၄ နှစ်တာ စောင့်ခဲ့ရတဲ့ ပရီးမီးယားလိဂ်ဖလားရရှိရေး အိပ်မက်ဟာလည်း တောက်ပလာခဲ့ပြီဖြစ်ပါတယ်။
လီဗာပူးလ်၊ မန်စီးတီးတို့ရဲ့နောက်က ထပ်ကြပ်မကွာလိုက်နေတဲ့ မော်ရင်ဟိုရဲ့ ချယ်ဆီးကလည်း အဝေးကွင်းမှာ ဆွမ်ဆီးကို အနိုင်ရခဲ့ပါတယ်။ ပထမပိုင်း ၁၆ မိနစ်မှာကတည်းက တစ်ယောက်အသာနဲ့ ကစားခဲ့ရတဲ့ ချယ်ဆီးတို့ ဒီပွဲကို လွယ်လွယ်ကူကူအနိုင်ရခဲ့တာတော့ မဟုတ်ပါဘူး။ ဂိုးသွင်းဖို့ ရုန်းကန်ခဲ့ရပြီး ၆၈ မိနစ်ရောက်မှသာ အနိုင်ဂိုးရခဲ့တာပါ။ ဒီဂိုးကို ပီအက်စ်ဂျီနဲ့ ချန်ပီယံလိဂ်ပွဲမှာ အဖိုးတန်အနိုင်ဂိုး သွင်းပေးခဲ့တဲ့ ဆီနီဂေါတိုက်စစ်မှူး ဒမ်ဘာ ဘားက သွင်းယူပေးခဲ့တာဖြစ်ပါတယ်။
ချန်ပီယံလိဂ်ဝင်ခွင့်မှန်းနေတဲ့ အဲဗာတန်တို့ အဝေးကွင်းမှာ ၀က်စ်ဘရောင်းရဲ့ ကိုယ့်ဂိုးကိုယ်သွင်းမှုနဲ့ ဆန်းဒါးလန်းကို အနိုင်ရခဲ့ပါတယ်။ ဒီပွဲအရှုံးကြောင့် ဆန်းဒါးလန်းဟာ ၂ ပွဲ လျော့နဲ့ ဇယားအောက်ခြေကို ရောက်ခဲ့ပါတယ်။
စပါးကလည်း ၀က်စ်ဘရွန်းကွင်းမှာ ရုန်းကန်ခဲ့ရပြီး ကံကောင်းလို့သာ မရှုံးခဲ့ရတာပါ။ တန်းဆင်းဇုန်းနဲ့ ကပ်နေတဲ့ ၀က်စ်ဘရွန်းတို့ အိမ်ကွင်းအားသာချက်နဲ့ အကောင်းဆုံးကစားခဲ့ပြီး ပထမပိုင်းမှာပဲ အိမ်ရှင်တို့ ဦးဆောင် ဂိုး ၃ ဂိုးရခဲ့ပါတယ်။ ဒါပေမယ့် ကစားပုံပိုကောင်းတဲ့ စပါးတို့ ဒုတိယပိုင်း မိနစ် ၇၀ အတွင်းမှာ ၂ ဂိုးပြန်သွင်းနိုင်ခဲ့ပြီး သရေတစ်မှတ်ရစေမယ့်ဂိုးကိုတော့ ဒုတိယပိုင်းနာကျင်အချိန်ပိုကျမှ သွင်းနိုင်ခဲ့တာပါ။
နယူးကာဆယ်အသင်းကတော့ အဝေးကွင်းမှာ စတုတ်စီးတီးကို ၁ ဂိုး ဂိုးမရှိနဲ့ ရှုံးနိမ့်ခဲ့ပါတယ်။ နောက်ဆုံး ၆ ပွဲမှာ ရှုံးပွဲမရှိသေးဘဲ အိမ်ကွင်းကောင်းတဲ့ စတုတ်ကို နယူးကာဆယ်တို့ သူတင်ကိုယ်တင်ကစားပြီး အရှုံးပေးခဲ့ရတာပါ။ ဒီပွဲအရှုံးဟာ နယူးကာဆယ်အတွက် ပရီးမီးယားလိဂ် လေးပွဲဆက် ရှုံးပွဲဖြစ်ပြီး စတုတ်အတွက် အနိုင်ဂိုးကိုတော့ ၄၂ မိနစ်မှာ အဲရစ်ပီတာက သွင်းယူပေးခဲ့တာဖြစ်ပါတယ်။
တန်းဆင်းဇုန်က ကာဒစ်ဖ်အသင်းကတော့ အဝေးကွင်းမှာ ကစားပုံသိပ်မကောင်းခဲ့ပေမယ့် ကာလာရဲ့ ၆၅ မိနစ်ဂိုးနဲ့ ဆောက်သက်တမ်ကို အနိုင်ရခဲ့ပြီး ၃ မှတ်ယူနိုင်ခဲ့ပါတယ်။ ဆောက်သက်တမ်ရဲ့ အပိုင် ၂ ဂိုးကို ကာကွယ်နိုင်ခဲ့တဲ့ ကာဒစ်ဖ်ဂိုးသမား ဒေးဗစ်မာရှယ်ကြောင့် နိုင်ခဲ့တယ်ဆိုရင်လည်း မမှားပါဘူး။
ဇန်န၀ါရီအပြောင်းအရွှေ့မှာ ကစားသမားတွေခေါ်ယူပြီး အသင်းကိုအားဖြည့်ထားတဲ့ ဖူလ်ဟမ်တို့ ကိုလံဘီယာကစားသမား ဟူဂို ရိုဒဲလ်လီဂါရဲ့ မိနစ် ၄၀ ဂိုးနဲ့ နော်ဝစ်ခ်ျကို အနိုင်ရခဲ့ပြီး၊ ခရစ္စတယ်ပဲလေ့စ်ကတော့ နောက်ဆုံး ၅ ပွဲမှာ ၄ ပွဲ ပေးဂိုးမရှိထားတဲ့ ဗီလာကို ဂျာဆန် ပန်ချီယွန်ရဲ့ တစ်လုံးတည်းသော ဂိုးနဲ့ အနိုင်ရခဲ့ပါတယ်။ ဒီပွဲဟာ နည်းပြ တိုနီပူးလစ်ရဲ့ ခရစ္စတယ်ပဲလေ့စ်အတွက် ၃ ပွဲဆက်အနိုင်ဖြစ်ခဲ့ပြီး ၁၉၉၄ ခုနှစ်နောက်ပိုင်း ပထမဆုံး ၃ ပွဲဆက်နိုင်ခြင်းလည်းဖြစ်ပါတယ်။
ပွဲစဉ် ၃၄ အပြီးမှာတော့ လီဗာပူးလ်က ဇယားကိုဦးဆောင်နေပြီး၊ ချယ်ဆီး၊ မန်စီးတီးတို့ အစဉ်လိုက်ရှိနေပါတယ်။ အဲဗာတန်ကတော့ အာဆင်နယ် အသင်းထက် ၂ မှတ်အသာနဲ့ အဆင့် ၄ နေရာမှာရှိနေပြီး၊ တန်းဆင်းဇုန်မှာတော့ ဖူလ်ဟမ်၊ ကာဒစ်ဖ် ဆန်းဒါးလန်းတို့ အသီးသီးရှိနေကြပါတယ်။
ဒီတစ်ပါတ်ရဲ့ ပရီးမီးယားလိဂ် ရလဒ်များကတော့ အောက်ပါအတိုင်းဖြစ်ပါတယ်။
ခရစ္စတယ်ပဲလေ့စ် ၁-၀ အက်စတွန်ဗီလာ
ဖူလ်ဟမ် ၁-၀ နော်ဝစ်ခ်ျ
ဆောက်သက်တမန် ၀-၁ ကာဒစ်ဖ်
စတုတ် ၁-၀ နယူးကာဆယ်
ဆန်းဒါးလန်း ၀-၁ အဲဗာတန်
ဝက်စ်ဘရွန်း ၃-၃ စပါး
လီဗာပူးလ် ၃-၂ မန်စီးတီး
ဆွမ်ဆီး ၀-၁ ချယ်ဆီး
ဧပြီ ၁၃၊ ၂၀၁၄
M-Media
– မိမိရောက်ရှိလာသည့်အချိန်တွင် တစ်သင်းလုံးမှာ ကြံ့ခိုင်မှု ပြည့်ဝခြင်းမရှိဟု အေစီမီလန်အသင်း၏ နည်းပြ ဆီးဒေါ့ဖ်က ပြောကြားလိုက်သည်။
နည်းပြဟောင်း အယ်လီဂရီလက်ထက်တွင် အသင်းမှာ အခြေအနေဆိုးရွားခဲ့ပြီး စီးရီးအေ အမှတ်ပေးဇယား အဆင့် ၁၁ အထိကျဆင်းခဲ့သောကြောင့် အသင်းက အလ်လီဂရီအား ထုတ်ပယ်ခဲ့ကာ ဆီးဒေါ့ဖ်ဖြင့် အစားထိုးခဲ့ခြင်းဖြစ်သည်။ ကာတာနီယာနှင့် ယနေ့တွင်ကစားမည့် ပွဲမတိုင်ခင် ပြုလုပ်သော သတင်းစာရှင်းလင်းပွဲတွင် ဆီးဒေါ့ဖ်က အလ်လီဂရီနီမှာ ရော်ဘင်ဟို အပါအ၀င် ကစားသမားများအားလုံး၏ ကြံ့ခိုင်မှုကို ထိန်းသိမ်းနိုင်ခြင်းမရှိဟု ပြောဆိုခဲ့သည်။
“ရော်ဘင်ဟိုအပါအ၀င် တစ်သင်းလုံးဟာ ကြံခိုင်မှုပိုင်းဆိုင်ရာမှာ တော်တော်လေး ဆိုးရွားနေခဲ့ပါတယ်။ ကျွန်တော်ရောက်လာတဲ့အချိန်မှာ သူ(ရော်ဘင်ဟို) ဟာ ကြံ့ခိုင်မှုမပြည့်ဝပါဘူး။ ဒါပေမယ့် သူ့မှာ ကစားချင်စိတ်တော့ရှိပြီး၊ ပွဲအများဆုံး ပါဝင်ကစားရသူလည်းဖြစ်ပါတယ်။ သူဟာ လေ့ကျင့်ကွင်းမှာ တိုးတက်မှုအရှိဆုံး ကစားသမားတွေထဲက တစ်ဦးဖြစ်တယ်ဆိုတာ သေချာပါတယ်” ဟု ဆီးဒေါ့ဖ်က သတင်းထောက်များအား ပြောကြားခဲ့သည်။
ကစားသမားအဖြစ် အေစီမီလန်အသင်းအတွက် ၄၃၁ ပွဲကစားပေးခဲ့ပြီး ဂိုးပေါင်း ၆၀ သွင်းယူပေးနိုင်ခဲ့သည့် ဆီးဒေါ့ဖ်က အသင်းအနေဖြင့် တိုးတက်လာမည်ဟု ယုံကြည်ကြောင်း ထည့်သွင်းပြောကြားခဲ့သည်။
ဧပြီ ၁၃၊ ၂၀၁၄
M-Media
– နိုင်ငံအရှေ့ပိုင်းရှိ မြို့များတွင် အစိုးရအဆောက်အဦးများအား သိမ်းပိုက်ထားသည့် ရုရှားလိုလားသူများကို ယူကရိန်း လုံခြုံရေးတပ်ဖွဲ့ဝင်များက ယနေ့နံနက်ပိုင်းတွင် စတင်နှိမ်နင်းခဲ့သည်ဟု သိရသည်။
Slovyansk မြို့ရှိ ရုရှားလိုလားသူများသိမ်းပိုက်ထားသော ရဲဌာနချုပ်အဆောက်အအုံကို ပစ်မှတ်ထားကာ နှိင်နင်း ခဲ့ခြင်းဖြစ်ပြီး အပြန်အလှန်ပစ်ခတ်မှုများဖြစ်ပွားခဲ့ကာ ယူကရိန်းလုံခြုံရေးတပ်ဖွဲ့နှင့် ရုရှားလိုလားသူများဘက်မှ တစ်ဦးစီ သေဆုံးခဲ့ပြီး ယူကရိန်းလုံခြုံရေးတပ်ဖွဲ့မှ ၅ ဦးဒဏ်ရာရခဲ့သည်ဟု ပြည်ထဲရေးဝန်ကြီးဌာနက သတင်းထုန်ပြန်ခဲ့သည်။
ထိုဒေသတွင် နေထိုင်သူများကိုလည်း အိမ်အတွင်း၌သာနေထိုင်ရန် ညွှန်ကြားထားပြီး၊ မြို့အပြင်ဘက်ရှိ ရုရှားလိုလားသူများ သိမ်းပိုက်ထားသော ရဲတပ်ဖွဲ့အဆောက်အဦးပေါ်တွင်လည်း စစ်ဘက် ရဟတ်ယာဉ် ၂ စီး ပျံဝဲက အခြေအနေကို စောင့်ကြည့်လျက်ရှိသည်ဟု Reuters သတင်းဌာနက ဖော်ပြခဲ့သည်။