ဧပြီ ၆ ၊ ၂၀၁၄
M-Media
– ယူကရိန်း နယ်စပ်တွင်ရှိနေသည့် ရုရှားစစ်တပ်များအား ရုတ်သိမ်းခြင်းဖြင့် ယူကရိန်းပြဿနာကို အမှန်တကယ် လက်ရှောင်လိုကြောင်း ရုရှားက ပြသရန် လိုအပ်သည်ဟု ဥရောပယူနီယံ ထိပ်တန်း သံတမန်များက ပြောကြားလိုက်သည်။
ခရိုင်းမီးယားဒေသအား ရုရှားမှကျူးကျော်ခြင်း အတွက် အရေးယူမှုများပြုလုပ်ရေး ဆွေးနွေးရန် ဂရိနိုင်ငံ အေသင်မြို့တွင် ပြုလုပ်သည့် ဥရောပနိုင်ငံခြားရေး ၀န်ကြီးများ အစည်းအဝေးတွင် ဥရောပသမဂ္ဂ နိုင်ငံခြားရေးဝ န်ကြီးများ အကြီးအကဲ ကက်သရင်း အက်ရ်ှတန်က ယမန်နေ့တွင် ယခုကဲ့သို့ ပြောကြားခဲ့ခြင်းဖြစ်သည်။
ဗြိတိန်နိုင်ငံခြားရေး ၀န်ကြီး ၀ီလီယံဟေ့ဂ်ကလည်း မော်စကိုနှင့် အသိမ်းပိုက်ခံ ခရိုင်မီးယားဒေသရှိ ရုရှားအာဏာပိုင်များ၏ ဆိုးရွားသော အပြုအမူများနှင့် ပတ်သက်ပြီး ဥရောပနိုင်ငံများက စုစုစည်းစည်းရှိကြရန် တိုက်တွန်းပြောကြားခဲ့သည်။ သို့သော်လည်း ထိုကိစ္စနှင့် ပတ်သက်၍ အေသင်တွင် မည်သည့် ဆုံးဖြတ်ချက်မှ ချမှတ်မည် မဟုတ်ဟုလည်း ဟေ့ဂ်က ထည့်သွင်းပြောကြားခဲ့သည်။
အဆိုပါအစည်းအဝေးတွင် ဥရောပနိုင်ငံငယ်ဖြစ်သည့် လစ်သူယေးနီးယားနိုင်ငံမှ နိုင်ငံခြားရေးဝန်ကြီး လီနက်စ် လင်ကီဗစ်စီယက်စ်က မိမိတို့နိုင်ငံမှာ ရုရှား၏ နောက်ထပ် ကျူးကျော်ခြင်းခံရမည့် နိုင်ငံများမှ တစ်နိုင်ငံဖြစ်လာမည်ကို ကြောက်ရွံ့မိကြောင်း ပြောကြားခဲ့သည်။
ခရိုင်းမီးယားဒေသအား ရုရှားက ကျူးကျော် သိမ်းပိုက်ခြင်းကြောင့် စစ်အေးကာလနောက်ပိုင်း ဥရောပနှင့် ရုရှားနိုင်ငံတို့အကြား တင်းမာမှုများကြီးထွား လာခဲ့သည်။ ထို့ပြင် ရုရှားအပေါ် ကာလကြာရှည် ပိတ်ဆို့မှုများပြုလုပ်ရန်နှင့် ဒေသအတွင်း တည်ငြိမ်ရေး ဥရောပနိုင်ငံများ၏ အားပေးထောက်ခံနိုင်စွမ်းတို့နှင့် ပတ်သက်၍လည်း မေးခွန်းများ မြင့်တက်လာခဲ့သည်။
ရုရှားဝန်ကြီးချုပ် ဆာဂျီလာဗရော့ဗ်ကမူ ယူကရိန်း၏ အမွှေးအတောင်စုံသော အစိုးရ၏ အမှီအခိုကင်းမှုကို မမြင်ရသေးမီ အနောက်နိုင်ငံများအနေဖြင့် ယူကရိန်းကံကြမ္မာကို ဆုံးဖြတ်ပေးမည့် အခန်းကဏ္ဍတွင် ၀င်ရောက်နေရာယူနေသည်ဟု အနောက်နိုင်ငံများနှင့် ယူကရိန်းနိုင်ငံတို့အား သရော်ခဲ့သည်။
Agencies
