Blog

အငြင်းပွားနေသည့် ကျွန်းဆီသို့ ဖိလစ်ပိုင် သင်္ဘောစေလွှတ်မှု တရုတ်သတိပေး

မတ် ၃၀၊ ၂၀၁၄
M-Media

– တောင်ရုတ်ပင်လယ်တွင် တရုတ်နှင့် အာဆီယံနိုင်ငံများ ပိုင်ဆိုင်မှုအငြင်းပွားနေသည့် နန်ရှာကျွန်းရှိ Ren’ai သန္တာကျောက်တန်းအား ဖိလစ်ပိုင်မှ သိမ်းပိုက်ရန် ကြိုစားမှုကို မည်သည့်အခါမှ လက်မခံဟု တရုတ်နိုင်ငံခြားရေးဝန်ကြီးက ယမန်နေ့တွင် ပြောကြားလိုက်သည်။

ဖိလစ်ပိုင်နိုင်ငံမှ ဂျာနယ်လစ်များပါဝင်သည့် ထောက်ပံ့ရေးသင်္ဘောတစ်စင်းအား အဆိုပါ သန္တာကျောက်တန်းသို့ ယမန်နေ့က ပို့လွှတ်ခဲ့ပြီးနောက် ထိုလုပ်ရပ်အား တုံ့ပြန်သောအားဖြင့် တရုတ်နိုင်ငံခြားရေးဝန်ကြီး ဟွန်လီက ယခုကဲ့သို့ သတိပေးခဲ့ခြင်းဖြစ်သည်။

Ren’ai သန္တာကျောက်တန်းကို တရားမ၀င်သိမ်းပိုက်ရန် ဖိလစ်ပိုင်၏ ကြိုးစားမှုမှာ တောင်တရုတ်ပင်လယ်ရှိ နယ်မြေပိုင်ဆိုင်ရေး အငြင်းပွားမှုကို ဆွပေးရန် ရည်ရွယ်ခြင်းဖြစ်သည်ဟု ဟွန်လီက ပြောကြားခဲ့သည်။ သို့သော်လည်း Ren’ai သန္တာကျောက်တန်းအပါအ၀င် နန်ရှာကျွန်းအပေါ် တရုတ်နိုင်ငံက သက်ရောက်သည့် အချုပ်ခြာအာဏာကို ပြောင်းလဲနိုင်မည်မဟုတ်ဘဲ၊ အချုပ်ခြာအာဏာအား တရုတ်နိုင်ငံက ထိန်းသိမ်းစောင့်ရှောက်မှုကိုလည်း ခြိမ်းခြောက်နိုင်မည်မဟုတ်ဟု ဟွန်လီက ထည့်သွင်းပြော ကြားခဲ့သည်။

ထို့ပြင် ၂၀၀၂ ခုနှစ်က အာဆီယံနိုင်ငံများနှင့် တရုတ်နိုင်ငံတို့ ချုပ်ဆိုခဲ့သော တောင်တရုတ်ပင်လယ် စီမံခန့်ခွဲမှု ကြေညာချက် DOC ကို ဖိလစ်ပိုင်မှ ချိုးဖောက်ခြင်းကိုလည်း တရုတ်နိုင်ငံက ခွင့်ပြုသွားမည်ဟုတ်ဟု ဆိုသည်။

တရုတ်နိုင်ငံမှ နန်ရှာကျွန်းဟုခေါ်သည့် စပရက်တလီကျွန်းမှာ တောင်တရုတ်ပင်လယ်အတွင်း တည်ရှိပြီး တရုတ်၊ ဗီယက်နမ်၊ ဖိလစ်ပိုင်၊ မလေးရှားနှင့် ဘရူးနိုင်းတို့က ပိုင်ဆိုင်ကြောင်း အငြင်းပွားနေသော ကျွန်းလည်းဖြစ်သည်။ ဖိလစ်ပိုင်နိုင်ငံမှာ ၁၉၉၉ ခုနှစ်တွင် ထိုကျွန်းတို့ စစ်တပ်များစေလွှတ်ခဲ့ပြီး၊ စစ်အင်အားတိုးချဲ့ရေးအတွက် အဆောက်အဦများ ဆောက်လုပ်ရန်လည်း ပစ္စည်းကိရိယာများ ပေးပို့ခဲ့ဖူးသည်။

ဆင်ဟွာ

March 30, 2014
ချယ်ဆီးတို့ ခွာလိပ်၊ အာဆင်နယ် နှင့် မန်စီးတီး ၁ မှတ်ဆီ ခွဲယူ၊ မန်ယူ နိုင်ပွဲပြန်ရတဲ့ စနေည EPL ပွဲစဉ် ၃၂

မတ် ၃၀၊ ၂၀၁၄
M-Media

ချန်ပီယံ မဖြစ်နိုင်တော့ဟု ၀န်ခံခဲ့တဲ့မော်ရင်ဟို၊ ရာသီကုန်အထိ တိုက်ပွဲဝင်သွားမယ်ဆိုတဲ့ ၀င်းဂါးနဲ့ ပရိတ်သတ်အားလုံး ထောက်ခံနေပါတယ်ဆိုတဲ့ မိုယက်စ်တို့ရဲ့ ပရီးမီးယားလိဂ် ပွဲစဉ် ၃၂ စနေနေ့ညပွဲများ

– ပရီးမီးယားလိဂ် ပွဲစဉ် ၃၂ ရဲ့ ၇ ပွဲကို မနေ့က ကစားခဲ့ပြီး မန်ယူအသင်းဟာ အိမ်ကွင်းမှာ ဂိုးပြတ်နဲ့နိုင်ခဲ့ကာ ချန်ပီယံဆုအတွက် အမှားခံလို့မရတဲ့ ချယ်ဆီးအသင်းကတော့ အဝေးကွင်းမှာ ၃ မှတ် လက်လွှတ်ခဲ့ရပါတယ်။ ဒီတစ်ပတ်ရဲ့ Match of The Week ဖြစ်တဲ့ အာဆင်နယ်နဲ့ မန်စီးတီးတို့ပွဲကတော့ တစ်ဂိုးစီသရေနဲ့ ပွဲသိမ်းခဲ့ပါတယ်။

နောက်ဆုံး ၃ ပွဲမှာ ၂ ပွဲရှုံးထားတဲ့ မန်ယူအသင်းကတော့ ဒီနေ့ပွဲမှာ အကောင်းဆုံး ကစားသွားနိုင်ခဲ့ပြီး ခံစစ်ကောင်းတဲ့ အက်စတွန်ဗီလာကို ၄ ဂိုး ၁ ဂိုးနဲ့ အနိုင်ရခဲ့ပါတယ်။ ဒါပေမယ့် ပွဲအစမှာ မန်ယူတို့ အထနှေးခဲ့ပြီး ဗီလာအတွက် ဦးဆောင်ဂိုးကို ၁၃ မိနစ်မှာ ၀က်စ်ဝုဒ်က ဖရီးကစ်ကနေတစ်ဆင့် သွင်းပေခဲ့ပါတယ်။ ဦးဆောင်ဂိုးသွင်းပြီး နောက်ပိုင်းမိနစ်အနည်းငယ်နဲ့ ဒုတိယပိုင်းအစတို့မှာ ဗီလာဟာ မန်ယူဂိုးပေါက်ကို ခြိမ်းခြောက်နိုင်ခဲ့ပြီး ဂိုးရလုရခင်အနေအထားမျိုးအထိဖြစ်ခဲ့ပါတယ်။ ဒါပေမယ့် ခုနောက်ပိုင်းပွဲတွေမှာ အနိုင်ရသင့်တဲ့အသင်းကို နိုင်အောင်ကစားတတ်တဲ့ မန်ယူတို့ ပထမပိုင်းမှာ ၂ ဂိုးနဲ့ ဒုတိယပိုင်းမှာ ၂ ဂိုးသွင်းယူခဲ့ပြီး မန်ယူပရိတ်သတ်တွေကို နှစ်သိမ့်နိုင်ခဲ့ပါတယ်။ မန်ယူအတွက် ဂိုးတွေကိုတော့ ရူနီက ပင်နယ်တစ်တစ်လုံးအပါအ၀င် ၂ ဂိုး မာတာနဲ့ ဟာနန်ဒက်တို့က တစ်ဂိုးစီသွင်းယူပေးခဲ့တာပါ။ ပွဲအပြီးမှာတော့ ပရိတ်သတ်တွေအားလုံး မိမိအနောက်မှာ ရှိနေပါတယ်လို့ မိုယက်စ်က ပြောခဲ့ပါတယ်။

ပွဲစဉ် ၃၀ မှာ အက်စတွန်ဗီလာကို မထင်မှတ်ဘဲ ရှုံးခဲ့ရတဲ့ ချယ်ဆီး မနေ့ကပွဲမှာလည်း တန်းဆင်းဇုန်နားက ခရစ္စတယ်ပဲလေ့စ်ကို ပြတ်ပြတ်သားသား ဖိကစားနိုင်ခဲ့ပေမယ့် ဂျွန်တယ်ရီရဲ့ ကိုယ့်ဂိုးကိုယ်သွင်းမှုကြောင့် အဖိုးတန်အနိုင် ၃ မှတ် ဆုံးရှုံးခဲ့ရပါတယ်။ ပြီးခဲ့တဲ့ပွဲမှာ အာဆင်နယ်ကို ၆ ဂိုး သွင်းနိုင်ခဲ့တဲ့ ချယ်ဆီးတိုက်စစ်ဟာ ဒီနေ့ပွဲမှာလည်း ဂိုးသွင်းခွင့်ရခဲ့ပေမယ့် ဂိုးအဖြစ်တော့ ပြောင်းလဲနိုင်ခြင်းမရှိပါဘူး။ ပွဲအပြီးမှာတော့ ချန်ပီယံဆုကိုရဖို့ မဖြစ်နိုင်တော့ဘူးလို့ မော်ရင်ဟိုက ၀န်ခံသွားခဲ့ပါတယ်။

အီမရိတ်မှာကစားခဲ့တဲ့ အာဆင်နယ်နဲ့ မန်စီးတီးတို့ပွဲမှာတော့ ၂ သင်းစလုံး လူစုံထုတ်ခဲ့ပြီး ကြည့်ကောင်းတဲ့ ပွဲတစ်ပွဲလည်းဖြစ်ခဲ့ပါတယ်။ ပထမအကျော့က ၆ ဂိုး ၃ ဂိုးနဲ့ ရှုံးထားတဲ့ အာဆင်နယ်တို့ ဒီပွဲမှာတော့ သတိထားကစားခဲ့ပါတယ်။ ဒါပေမယ့် ပထမပိုင်းမှာ မန်စီးတီးအသင်း ပွဲကိုစိုးမိုးထားနိုင်ခဲ့ပြီး ၁၈ မိစန်မှာ ဆေးလ်ဗားက ဧရိယာအတွင်းကနေ အနီးကပ်ကန်သွင်းကာ မန်စီးတီးအတွက် ဦးဆောင်ဂိုး သွင်းယူပေးခဲ့ပါတယ်။ နောက်ပိုင်းမှာ အာဆင်နယ်တို့ ကစားပုံ ပိုမိလာပြီး မန်စီးတီးအသင်းဘက်ကို ထိုးဖောက်ကစားနိုင်ခဲ့ပါတယ်။ ၅၃ မိနစ်မှာတော့ ပိုဒေါစကီးရဲ့ ဖန်တီးပေးမှုကနေ ကွင်းလလ်လူ ဖလာမီနီက ဘယ်ခြေနဲ့ အဆုံးသတ်ပြီး အာဆင်နယ်အတွက် ချေပဂိုး သွင်းယူပေးခဲ့ပါတယ်။ ဒီဂိုးဟာ အာဆင်နယ်ကို ပြန်လာပြီးနောက်ပိုင်း သူ့ရဲ့ ဒုတိယမြောက်ဂိုးလည်းဖြစ်ပါတယ်။ ချန်ပီယံဖြစ်ဖို့အခွင့်အရေး တော်တော်လေးမှေးမှိန်သွားခဲ့ပေမယ့် ၀င်းဂါးကတော့ ရာသီကုန်အထိ ဆက်လက် တိုက်ပွဲဝင်သွားမယ်လို့ ဆိုခဲ့ပါတယ်။

ခုနောက်ပိုင်းပွဲတွေမှာ အနိုင်ရအောင်ကစားလာနိုင်တဲ့ စတုတ်စီးတီးအသင်းကလည်း ဟားလ်စီးတီးကို ပီတာ အိုဒမ်ဝင်ဂီရဲ့ ဒုတိယပိုင်းဂိုးနဲ့ အနိုင်ရခဲ့ပါတယ်။ ဆေက်သက်တမ်နဲ့ ဆွမ်ဆီးတို့ကလည်း အိမ်ကွင်းမှာ နယူးကာဆယ်နဲ့ နော်ဝစ်ခ်ျတို့ကို ဂိုးပြတ်ခြေပြတ်နိုင်နဲ့ အနိုင်ယူနိုင်ခဲ့ပါတယ်။ ၀က်စ်ဘရွန်းကတော့ အိမ်ကွင်းမှာ ဦးဆောင်ဂိုးတွေ သွင်းယူနိုင်ခဲ့ပေမယ့် ထိန်းမထားနိုင်ခဲ့တာကြောင့် မန်ယူတိုက်စစ်မှူးဟောင်း ဆိုးလ်ရှားရဲ့ ကာဒစ်ဖ်အသင်းကို ၃ ဂိုးပြန်ပေးခဲ့ရပြီး ၁ မှတ်သာ ရခဲ့ပါတယ်။ ဒီပွဲမှာ ကစားပုံကောင်းတဲ့ ကာဒစ်ဖ်တို့အတွက် ထိုက်တန်တဲ့ သရေတစ်မှတ်လို့လည်း ဆိုနိုင်ပါတယ်။

မနေ့က ကစားခဲ့တဲ့ ပရီးမီးယားလိဂ် ပွဲစဉ်တွေရဲ့ ရလဒ်များကတော့ အောက်ပါအတိုင်းဖြစ်ပါတယ်။

မန်ယူ ၄-၁ အက်စတွန်ဗီလာ
ခရစ္စတယ်ပဲလေ့စ် ၁-၀ ချယ်ဆီး
ဆောက်သက်တမ် ၄-၀ နယူးကာဆယ်
စတုတ်စီးတီး ၁-၀ ဟားလ်စီးတီး
ဆွမ်ဆီး ၃-၀ နော်ဝစ်ခ်ျ
ဝက်စ်ဘရွန်း ၃-၃ ကာဒစ်ဖ်
အာဆင်နယ် ၁-၁ မန်စီးတီး

March 30, 2014
ဂျပန်ဖက်ရှင် သီတင်းပတ်တွင် ဟိဂျဘ်ဖက်ရှင် လူကြိုက်များ

မတ် ၂၉ ၊ ၂၀၁၄
M-Media

– ဂျပန်နိုင်ငံ တိုကျိုမြို့တွင် ပြီးခဲ့သည့် သီတင်းပတ်က ပြုလုပ်ခဲ့သည့် ဖက်ရှင်သီတင်းပတ်တွင် လှပသည့် ဖက်ရှင်ဝတ်စုံများနှင့် ဟိဂျဘ်များပေါင်းစပ်ကာ ဒီဇိုင်းထုတ် ပြသမှုများရှိခဲ့ပြီး ပရိတ်သတ်များ၏ အားပေးထောက်ခံမှုလည်း ရရှိခဲ့သည်ဟု သိရသည်။

“ရိုးရိုးယဉ်ယဉ်ဟိဂျဘ်တွေဟာ အတားအဆီးမဟုတ်ပါဘူး။ ကိုယ့်ကိုယ်ကို ဒီလိုဆင်မြန်းပြီး၊ ပေါ့ပေါ့ပါးပါးနဲ့ ပိုကြည့်ကောင်းလာတယ်ဆိုတာ ပြတာပါပဲ” ဟု အဆိုပါ ဖက်ရှင် သီတင်းပတ်တွင် ၀င်ရောက်ပြသခဲ့သည့် ဒီဇိုင်နာ ၀ီဒီယက်စတာ ဒါရီက သတင်းထောက်များအား ပြောကြားခဲ့သည်ဟု AFP သတင်းဌာနက ဖော်ပြခဲ့သည်။

တိုကျိုဖက်ရှင်သီတင်းပတ်ကို တစ်နှစ်လျှင်နှစ်ကြိမ် ပြုလုပ်လေ့ရှိပြီး ဟိဂျဘ်ဝတ်ဆင်မှုအား ကမ္ဘာကို တင်ဆက်ပြသည့် အာရှမှ ဒီဇိုင်နာများလည်း ၀င်ရောက်ယှဉ်ပြိုင်ကြသည်။ ဒီဇိုင်နာ နူရ်ဇာဟာက “သစ္စာအလွှာများ” ခေါင်းစဉ်ဖြင့် နွေဦးရာသီနှင့် ဆောင်းရာသီဖက်ရှင်များကို ပြသခဲ့ပြီး ရိုးရိုးယဉ်ယဉ် ဟိဂျဘ်များကို ဆန်းပြားသောဖက်ရှင်ပုံစံဖြစ်လာအောင် တီထွင်ပြသသွားခဲ့သည်။

နူရ်ဇာဟာပြသည့် ဒီဇိုင်းများတွင် ရှီဘိုရီဟု ခေါ်သည် ဂျပန်တို့၏ ရိုးရာဖြစ်သော သဘာဝအတိုင်း အင်္ကျီဆေးဆိုးနည်းနှင့် အင်ဒို ပါတိတ်ဆေးဆိုးနည်းတို့ကို အသုံးပြုထားသည့် အ၀တ်များအား ချည်သား သို့မဟုတ် ပိုးသားဟိဂျဘ်များဖြင့် တွဲဖက်ကာ ဆင်မြန်းထားသည့် ဖက်ရှင်များလည်း ပါဝင်သည်။ ထို့ပြင် ကနုတ်များဖြင့် ကြာပွင့်များ၊ ပန်းပွင့်များသဏ္ဍာန် ပုံဖော်ထားသည့် ဒီဇိုင်းများနှင့် တူရကီတို့၏ ပန်းပွင့်များဖြင့် ပုံဖော်ထားသည့် ဒီဇိုင်းများလည်းပါဝင်သည်။

သာမန်ပုဝါများအား စတိုင်ကျသော အ၀တ်အစားများနှင့် ပေါင်းစပ်ကာ ပြုလုပ်ခဲ့သည့် ဒီဇိုင်းအသစ်များမှာ ပေါ့ပေါ့ပါးပါးရှိသည်ဟု ဒါရီက ပြောကြားခဲ့သည်။

“ဟီဂျဘ်ဆင်မြန်းတာဟာ ခက်ခဲတဲ့အရာမဟုတ်ဘဲ ဘယ်သူမဆို ၀တ်ဆင်နိုင်တယ်ဆိုတာကို လူတွေအားကျလာစေချင်တာပါ” ဟု သူမကဆိုသည်။

အစ္စလာမ့်နည်းကျ ဘဏ္ဍာရေးလုပ်ငန်းများမှ ကျန်မာရေးနှင့်ညီညွတ်သော ဟာလာလ်အစားအသောက်များအထိ ကျယ်ပြန့်လာခဲ့သည့် အစ္စလာမ့်ရှရီအသ်နှင့် ဆက်စပ်သည့် ကဏ္ဍများတွင် အစ္စလာမ့်ဖက်ရှင်မှာလည်း လူအများနှစ်ခြိုက်မှုများလာသည့် ကဏ္ဍတစ်ခုဖြစ်လာခဲ့သည်။ ဘာသာတရား အဆုံးအမနှင့် ညီညွတ်မှု၊ ဣနြေ္ဒသိက္ခာရှိမှုတို့မှာ တိုးတက်လာသော အစ္စလာမ့်ဖက်ရှင်၏ အဓိကအသက်ဖြစ်ပြီး အင်ဒိုနီးရှား၊ ဒူဘိုင်းတို့မှ အစပြုကာ အစ္စလာမ့်ဖက်ရှင်မှာ မွန်တီကာလိုအထိ ကျယ်ပြန့်လာခဲ့သည်။

ဂျပန်နိုင်ငံတွင် အစ္စလာမ်သာသနာမှာ တဖြည်းဖြည်းတိုးတက်လာခဲ့ပြီး လူဦရေး ၁၂၇ သန်းရှိသည့် ထိုနိုင်ငံတွင် အစ္စလာမ်ဘာသာကို သက်ဝင်ယုံကြည်သူဦးရေမှာ ယခုအခါ ၁၂၀၀၀၀ ခန့် ရှိလာသည်။

OnIslam & News Agencies

March 29, 2014
UNFPA ကို ပေးထားသည့် ကတိနှင့်ဆန့်ကျင်လျက် သန်းခေါင်စာရင်း၌ ရိုဟင်ဂျာ ဖြည့်သွင်းခွင့်မပြုဟု သမ္မတဆို

M-Media
မတ်လ ၂၉ ရက်၊ ၂၀၁၄

သန်းခေါင်စာရင်း အသိပညာ လက်ကမ်းစာစောင်များ (ဓါတ်ပုံ RFA)

UNFPA ၏ သန်းခေါင်စာရင်းနှင့် ပတ်သတ်သော ကြေညာချက်ထွက်အပေါ် အပြီး နောက်တစ်နေ့ (ယနေ့) တွင် သမ္မတဦးသိန်းစိန်က သန်းခေါင်စာရင်း ၌ ရိုဟင်ဂျာလူမျိုးဟု ထည့်သွင်းခြင်း ခွင့်မပြုဟု ၄င်း၏ ပြောခွင့်ရပုဂ္ဂိုလ် ပြန်ကြားရေး ဒုဝန်ကြီး ဦးရဲထွတ်မှ တဆင့် ပြောဆိုလိုက်ကြောင်း ဧရာဝတီနှင့် RFA သတင်း ဌာနများက တင်ပြထားပါသည်။

ဧရာဝတီသတင်းဌာန၏ “ရိုဟင်ဂျာဟု သန်းခေါင် စာရင်းတွင် ရေးသွင်းမှု ခွင့်မပြုဟု သမ္မတ ပြော” ဟူသော ယနေ့နေ့စွဲဖြင့် တင်ပြထားသည့် သတင်း တွင် ပြန်ကြားရေးဒုဝန်ကြီး ဦးရဲထွတ်က “ဒီနေ့ ပြည်ထောင်စု ၀န်ကြီး ဦးခင်ရီ စစ်တွေ သွားဖို့ ရှိတယ်။ သူကတော့ အသေးစိတ် သွားရှင်းပြမှာပေါ့။ အဓိကတော့ အိမ်တအိမ်ကို သွားပြီး သန်းခေါင်စာရင်း ကောက်ယူရာမှာ အဲဒီအိမ်က ရိုဟင်ဂျာလို့ ဖြည့်မယ် ဆိုရင် ကျနော်တို့က လက်ခံမှာ မဟုတ်ဘူး။ ဘင်္ဂါလီလို့ ဖြည့်မယ်။ တခြား သတ်မှတ်ထားတဲ့ ကုတ်နံပါတ် ဖြည့်ရင် ရမယ်။ ရိုဟင်ဂျာလို့ ပြောရင် စာရင်း ရေးသွင်းမှာ မဟုတ်ပါဘူး”ဟု အတည်ပြု ပြောဆိုသည်ဟု ဖော်ပြထားပါသည်။

မတ်လ၂၈ ရက်၊ ရက်စွဲဖြင့်ထုတ်ပြန်သော UNFPA ၏ကြေညာချက်တွင် သန်းခေါင်စာရင်း၌ မည်သူမဆို မိမိတို့အလိုရှိသည့် လူမျိုးအမည်ကို လွတ်လပ် စွာ ဖြည့်သွင်းခွင့်ရှိသည်ဟု ဖော်ပြထားသလို ဦးသိန်းစိန်ခေါင်းဆောင်သော မြန်မာအစိုးရကလည်း ထိုသည့်စံနှုန်းအတိုင်း လိုက်နာရန် ကတိက၀တ်ပြု ထားကြောင်း ဖော်ပြပါရှိသည်။

UNFPA ၏ ဖော်ပြချက်၌ ပါရှိသည်မှာ –

In accordance with international standards and human rights principles, and as part of its agreement with the UN and donors, the Government has made a commitment that everyone who is in the country will be counted in the census, and all respondents will have the option to self-identify their ethnicity. This commitment cannot be honoured selectively in the face of intimidation or threats of violence.

မြန်မာပြန် – နိုင်ငံတကာ စံချိန်စံညွှန်းများအရလည်းကောင်း၊ လူ့အခွင့်အရေး စည်းကမ်းနည်းနာများ အရသာမက ကုလနှင့် အလှူရှင်များ၏ သဘောဆန္ဒများအပေါ် မှာပါ အခြေခံ၍ (မြန်မာ) အစိုးရက သန်းခေါင်စာရင်း၌ လူတိုင်းလူတိုင်း ပါဝင်ကောက်ခံမှု ခံယူရရှိရေး အတွက် ကတိက၀တ်ပြုထားသည်။ ထို့ပြင် လူတိုင်း ကလည်း မိမိတို့၏ ကိုယ်ပိုင်လူမျိုးကို ထည့်သွင်းရေးချယ်ခွင့်ရှိကြောင်းကိုပါ ကတိက၀တ်ပြုထားသည်။ ခြိမ်းခြောက်မှုများ၊ အကြမ်းဖက်မှုများကြောင့် ထိုကတိက၀တ်များကို မျက်နှာလိုက်ကာ ဖြည့်ဆီးခြင်းမျိုး ပြုလုပ်၍ ရလိမ့်မည် မဟုတ်။

သို့ဖြစ်ရာ ဦးသိန်းစိန်ခေါင်းဆောင်သော မြန်မာအစိုးရက UNFPA သို့ နိုင်ငံတကာစံချိန်စံညွှန်းများ လိုက်နာပါမည်ဟု ကတိပေးထားပြီး ပြည်တွင်းတွင်မူ သန်းခေါင်စာရင်းပါ လူမျိုးနေရာဖြည့်စွက်ရာ၌ မည်သည့်အသုံးအနှုံးကို လက်ခံမည်၊ မည်သည့်အသုံးအနှုံးဆိုလျှင် လက်မခံဟု ပြောဆိုနေခြင်းမှာ ကတိက၀တ်ကို မထီမဲ့မြင်ပြု မလေးစားရာရောက်ကြောင်း ဝေဖန်မှုများ ထွက်ပေါ်လျက်ရှိပါသည်။

Ref:
၁) UNFPA ၏ ကြေညာချက် မူရင်း – http://bit.ly/O4JyfL
၂) UNFPA ၏ ကြေညာချက် မြန်မာပြန် – http://www.m-mediagroup.com/news/25934
၂) ဧရာဝတီသတင်းဌာနမှ သတင်းတင်ပြထားချက် – http://bit.ly/1jjD1dk

March 29, 2014
စစ်တွေမှ NGOs / INGOs များ တိုက်ခိုက်ခံရပြီးနောက် ကုန်ဈေးနှုန်းများ မြင့်တက်၊ ဒုက္ခသည်များ ရိက္ခာပြတ်မည်ကို စိုးရိမ်နေကျ

မတ် ၂၉၊ ၂၀၁၄
လင်းမာန်သီ

စစ်တွေမှ NGOs / INGOs များ တိုက်ခိုက်ခံရပြီးနောက် ကုန်ဈေးနှုန်းများ မြင့်တက်၊ မွတ်စလင် ဒုက္ခသည်များ ရိက္ခာပြတ်မည်ကို စိုးရိမ်နေကျ

ဓါတ်ပုံ- ကြေးမုံသတင်းစာ

ရခိုင်ပြည်နယ်၊ စစ်တွေမြို့တွင် ၊ နိုင်ငံတကာအဖွဲ့များ တိုက်ခိုက်ခံရပြီးနောက် ကုန်ဈေးနှုန်းများ မြင့်တက် လာကြောင်း ဒေသခံမွတ်စလင်မ်များ ထံမှ မေးမြန်း သိရှိရပါတယ်။

ယခင်က ဆန်တစ်အိတ်ကို ၁၂၀၀၀ ပေးရသော်လည်း၊ ယခု နိုင်ငံတကာ လူသားချင်းစာနာသော အဖွဲ့အစည်းများ တိုက်ခိုက်ခံရပြီးနောက်တွင် အခုလို ဆန်ဈေးနှုန်းများ၊ ကန်ုဈေးနှုန်းများ မြင့်တက်လာကြောင်း ဒေသလူငယ် တစ်ဦးထံမှဆက်သွယ်မေးမြန်း သိရှိရပါသည်။

“ယခင်က ဆန်အိတ်တစ်အိတ်ကို ၁၂၀၀၀ ဘဲပေးရတာပါ၊ ယခု ဆန်တစ်အိတ်ကို ၂၀၀၀၀-၂၁၀၀၀ ဖြစ်နေပါတယ်။ တကယ်လို့ စစ်တွေမြို့ သက်ကယ်ပြင်ဘက်မှာဆိုရင်တော့ ၂၄၀၀၀ သာပေးရမည်ဖြစ်ကြောင်း” ၄င်းက ပြောဆိုခဲ့ပါတယ်။ ရခိုင်ပြည်နယ်၊ စစ်တွေမြို့တွင် မတ်လ ၂၆ ရက်နေ့ညပိုင်းက နိုင်ငံတကာ လူသားချင်း စာနာမှုအကူအညီများ ပေးနေသော ဂျာမနီနိုင်ငံ အခြေစိုက် မာလ်တီဇာ ဆိုသည့် အဖွဲ့အစည်းတစ်ခုမှ ၀န်ထမ်းတစ်ဦးက သာသနာ့ အလံကို မဖွယ်မရာလုပ်ခဲ့သည်ဟု စွပ်စွဲကာ ၄င်းအဖွဲ့အား တိုက်ခိုက်ခဲ့ပြီး နောက်နေ့ မတ်လ ၂၇ ရက်နေ့တွင် ကျန်တဲ့ နိုင်ငံတကာ အဖွဲ့အစည်းများအား တိုက်ခိုက်ခဲ့ပြီး ယခုလို ကုန်ဈေးနှုန်းများ မြင့်တက်လာကြောင်း သိရှိရပါသည်။

ဒုက္ခသည်စခန်းတွေမှာ အဓိကစားနပ်ရိက္ခာ ပေးနေသည့် ကမ္ဘာ့ စာနပ်ရိက္ခာအဖွဲ့ကြီး WFP ရဲ့ စားနပ်ရိက္ခာ ဂိုဒေါင်တွေကိုလည်း ဒေါသထွက်နေသော အစွန်းရောက်များက တိုက်ခိုက်ဖျက်စီးခဲ့ပြီး ၊ ထိုအဖွဲ့အစည်းများမှ ၀န်ထမ်းများအားလုံးကို ပြည်တွင်းလေကြောင်းဖြင့် ရန်ကုန်မြို့သို့ ပို့ဆောင်ပေးခဲ့ကြောင်း သိရှိရပါသည်။ ယခုအခါ ရခိုင်ပြည်နယ်တွင် ပုဒ်မ ၁၄၄ ကိုထုတ်ပြန်ထားပြီး ညမထွက်ရ အမိန့်ထုတ်ပြန်ထားသော်လည်း၊ မွတ်စလင်မ်များအပေါ် နည်းမျိုးစုံဖြင့် ရခိုင်များဘက်မှ တိုက်ခိုက်လာမည်ကိုလည်း စိုးရိမ်ရသည့် အခြေအနေရှိနေကြောင်း ဒေသခံတွေက ပြောနေပါတယ်။ ထိုကဲ့သို့ နိုင်ငံတကာ အဖွဲ့အစည်များအား အကြမ်းဖက်တိုက်ခိုက်ခဲ့သည့် ဖြစ်ရပ်တွင် ရခိုင်ပြည်နယ် အစိုးရရဲ့ တာဝန်ကင်းမဲ့မှု တစ်ခုသာဖြစ်ကြောင်း သမ္မတရဲ့ ပြောရဲ ဆိုခွင့်ရှိသူ ဦးရဲထွဋ်၏ face book စာမျက်နှာပေါ်တွင် ရေးသားထားပြီး၊ စစ်တွေမြို့ခံ မွတ်စလင်မ်များမှလည်း ထိုကဲ့သို့ သုံးသပ်ဝေဖန်နေပါတယ်။

နိုင်ငံတကာအဖွဲ့အစည်းတွေမှ ထောက်ပံ့သည့် ထောက်ပံ့ရေးပစ္စည်းတွေ ခေတ္တရပ်ဆိုင်းရတော့မဲ့ အခြေအနေ ရှိနေသည့်အတွက် စစ်တွေမြို့ ဒုက္ခသည်စခန်းမှ မွတ်စလင်မ်များအနေဖြင့် စားနပ်ရိက္ခာ ပြတ်တောက်သွားမည်ကို အထူး စိုးရိမ်မိပါကြောင်း ဒေသခံ မွတ်စလင်မ် တစ်ဦးမှ ဖုန်းဖြင့် ပြောကြားလာပါတယ်။ ” မိမိတို့ အနေဖြင့် အလုပ်အကိုင် မရှိသည့် အချိန်တွင် WFP က ပေးသည့် ရိက္ခာတွေနဲ့သာ လုံလောက်အောင် စားနေရကြောင်း၊ ယခုအခါ နိုင်ငံတကာ အဖွဲ့အစည်များ၊ ဆေးဝါးထောက်ပံ့ပေးနေသည့် အဖွဲ့အစည်းများ တိုက်ခိုက်ခံရသည့်အပေါ် ကျွန်တော်တို့ အနေဖြင့် အထူးစိုးရိမ်နေရပါတယ်။ ကျွန်တော်တို့ အနေဖြင့် ကျန်းမာရေး စောင့်ရှောင်မှုတွေ လိုအပ်နေတဲ့ အချိန်မှာ ယခုလို ဖြစ်လာတော့ ပိုပြီး စိုးရိမ်ရတဲ့ အခြေအနေမှာ ရှိနေပါတယ်။ မွတ်စလင်မ်တွေ အနေဖြင့် စစ်တွေပြည်သူ့ ဆေးရုံမှာ သွားရောက်ကာ ဆေးကုသခံယူရန် အင်မတန်ခက်ခဲ လှပါတယ်။ ဒါကြောင့် ကျွန်တော်တို့ အနေဖြင့် နိုင်ငံတကာ ဆေးဝါးကုသပေးနေတဲ့ အဖွဲ့အစည်းတွေကို အားကိုးနေရပါတယ်လို့ ဒေသခံ မွတ်စလင်မ် တစ်ဦးမှ ပြောကြားသွားတာ ဖြစ်ပါတယ်။

March 29, 2014