မတ် ၃၀၊ ၂၀၁၄
M-Media
– ယမန်နေ့က ဆန္ဒပြသူ ၂ ဦး ထပ်မံသေဆုံးခဲ့ပြီးနောက် ဗင်နီဇွဲလားနိုင်ငံအတွင်း ဖြစ်ပွားနေသည့် အစိုးရဆန့်ကျင်ရေး ဆန္ဒပြမှု၌ သေဆုံးသူများမှာ ၃၉ ဦး အထိ ရှိလာပြီဟု ပြည်ထဲရေးဝန်ကြီးက ပြောကြားခဲ့သည်။
မြို့တော် ဆန်ခရစ္စတိုဘဲလ်တွင် လမ်းအားပိတ်ဆို့ရန် ဘီလ်ဘုတ်တစ်ခုကို ဆန္ဒပြသူများက သယ်လာစဉ် ဗို့အားပြင်း ဓာတ်ကြိုးတစ်ခု ရိုက်မိမှုကြောင့် အသက် ၄၄ နှစ်အရွယ် အမျိုးသားတစ်ဦးသေဆုံးခဲ့ပြီး၊ အသက် ၃၃ နှစ်အရွယ် အမျိုးသားတစ်ဦးမှာလည်း မော်တာဗုံးတစ်လုံးသယ်ဆောင်လာစဉ် ပေါက်ကွဲခဲ့သောကြောင့် ယမန်နေ့တွင် သေဆုံးခဲ့ရသည်။
နိုင်ငံအတွင်း ရာဇ၀တ်မှုများထူပြောလာခြင်း၊ ငွေကြေးဖောင်းပွမှု အလွန်မြင့်တက်လာခြင်းနှင့် မရှိမဖြစ် ကုန်ပစ္စည်းများ ပြတ်လတ်မှုကြောင့် ဗင်နီဇွဲလားနိုင်ငံတွင် ဖောဖော်ဝါရီ ၄ ရက်နေ့ကတည်းက အစိုးရဆန့်ကျင်ဆန္ဒပြမှုများ ဆက်တိုက်ဖြစ်ပွားလာခဲ့ခြင်းဖြစ်သည်။
ဆိုရှယ်လစ်သမ္မတ နီကိုလက်စ်မာဒူရိုကမူ ထိုဆန္ဒပြမှုများမှာ ၎င်းတို့အစိုးရ ပြုတ်ကျရန်အတွက် အမေရိကန်၏ စီစဉ်မှုဖြစ်သည်ဟု ပြောကြားခဲ့ပြီး ၎င်းအား ထောက်ခံသူများကလည်း ကာရာကက်စ်မြို့တွင် တန်ပြန်ဆန္ဒပြမှုများ ပြုလုပ်ခဲ့ကြသည်။
“သူတို့(အစိုးရ)က ဆန္ဒပြတဲ့ ကျောင်းသားတွေကိုဖမ်းပြီး ရာဇ၀တ်မှုတွေနဲ့ လူဆိုးလူမိုက်တွေကိုကြတော့ လွှတ်ပေးထားပါတယ်။ ကျွန်တော်တို့ဟာ သီးခြားဖြစ်နေပြီး၊ ဘာမှပြောလို့လည်းမရပါဘူး။ စားဖို့ အစားအစာ အလုံအလောက်မရှိတာနဲ့၊ ကျွန်တော်တို့ရဲ့ ကလေးတွေကို သတ်ပစ်နေတဲ့ ရာဇ၀တ်မှုတွေကြားမှာ ကျွန်တော်တို့ နွမ်းလျနေပါပြီ” ဟု အသက် ၅၀ အရွယ် ပြည်သူ တစ်ဦးဖြစ်သူ မာတာ ပီရက်ဇ်က ပြောကြားခဲ့သည်။
အတိုက်အခံခေါင်းဆောင်များနှင့် ဆက်သွယ်ကာ အာဏာသိမ်းကြံစည်သည်ဟူသော စွပ်စွဲချက်ဖြင့် လေတပ်ဗိုလ်ချုပ် ၃ ဦးကိုလည်း မတ်လ ၂၆ ရက်နေ့တွင် မာဒူရိုက ဖမ်းဆီးခဲ့သေးသည်။
