ဖေဖော်ဝါရီ ၂၂၊ ၂၀၁၄
M-Media
လမင်း
ရန်ကုန် ။ ။ လူငယ်များ ခေါင်းဆောင်မှု အရည်အသွေး မြင့်မားလာစေရန်၊ လူငယ်များအချင်းချင်း ချိတ်ဆက်မှု အားကောင်းလာစေရန်၊ လူငယ်များ၏ အခက်အခဲ များ၊ စိတ်ကူးစိတ်သန်းများ၊ အကြံညဏ်များနှင့် နည်းပညာဆိုင်ရာကျွမ်းကျင်မှုများကို ဆွေးနွေးနှီးနှော ဖလှယ်ခြင်းအားဖြင့် စွမ်းဆောင်ရည် ပြည့်ဝသော လူငယ်များပေါ်ထွက်လာစေရန် ရည်ရွယ်၍ မြန်မာမွတ်စလင်လူငယ်များမှ ၂-ရက်တာကာလ Muslim Youth Forum ကို ပထမဆုံး အကြိမ်အဖြစ် ယနေ့ ဖေဖော်ဝါရီ ၂၂-ရက်နေ့မှာ စတင်ကျင်းပခဲ့သည်။
နယူးယောက်မှာ ကုလသမဂ္ဂရုံးမှာ ချိတ်ဆွဲထားတဲ့ ဦးသန့်ရဲ့ ဓာတ်ပုံကိုမြင်ရတိုင်း စိတ်ထဲမှာ အတိုင်းမသိဝမ်းသာမိကြောင်း၊ မြန်မာ့လူ့ဘောင်နဲ့ တစ်သားတဲ့ဖြစ်နေတဲ့ အစ္စလာမ်လူငယ်များသည်လည်း တိုင်းပြည်အကျိုးကို သယ်ပိုးဆောင်ရွက်တဲ့နေရာမှာ စံပြထိုက်လောက်တဲ့ ပုဂ္ဂိုလ်မျိုးတွေကို အတုယူသင့်စေလိုကြောင်း၊ တိုင်းပြည်ရဲ့ကောင်းရာ ကောင်းကြောင်းတွေကို ပါဝင်လုပ်ဆောင်သင့်ကြောင်း တက်ရောက်လာသော သံတမန်တစ်ဦးက ပြောကြားခဲ့သည်။
“နိုင်ငံအနှံ့အပြားမှာလည်း အခုလို ဖိုရမ်တွေလုပ်နေကြပါတယ်။ အခုလည်း ဒီမှာ ဘာတွေဆွေးနွေးကြမလည်း ဆိုတာလည်း သိချင်တာနဲ့ လာခဲ့တာပါ။ ကျွန်တော့်အနေနဲ့လည်း ၀င်ရောက်ဆွေးနွေးသွားမှာပါ။ နိုင်ငံရဲ့ အနာဂတ်က လူငယ်တွေရဲ့လက်ထဲမှာ ရှိပါတယ်။ လူငယ်တွေအနာဂတ်မှာ ကောင်းမွန်မှ တိုင်းပြည်သာယာမှာပါ။ ဒီပွဲကနေ ရလဒ်ကောင်းတွေးအသိပညာတွေရလာမယ်လို့ ကျွန်တော့်အနေနဲ့ ယုံကြည်ပါတယ်” ဟု ကျောင်းသားသမဂ္ဂမှ ကိုဒီငြိမ်းလင်းက ပြောခဲ့သည်။
လူငယ်တွေဦးဆောင်နိုင်တဲ့အရာတွေကို လုပ်နိုင်သလောက်လုပ်ရမယ်။ လူကြီးမဖြစ်ခင် အားလုံးဟာ လူငယ်ဘ၀ကိုဖြတ်သန်းခဲ့ရတာဖြစ်တယ်၊ လူငယ်တွေဆိုတာ လူကြီးတွေရဲ့ ဖခင်တွေပါပဲဟု ဥပမာပေးကာ ဟု Muslim Youth Forum 2014 MYANMAR တွင် အစ္စလာမ့်ဓမ္မဗိမာန်မှ ဦးဆောင်ဆော်သြရေးမှူး အလ်ဟာဂ်ျ ဦးအေးလွင်က ပြောကြားခဲ့သည်။
“၁၁ ရာစု အနော်ရထာမင်းကြီး ပုဂံနေပြည်တော်ကိုတည်ထောင်ချိန်မှာ မြန်မာမွတ်စလင်များက နန်းတော်ထဲတွင် အမှုတော်ထမ်းလျက်ရှိကြောင်း ပုဂံကျောက်စာများတွင် ပါရှိပါတယ်။ မိမိချက်မြုပ်ရာနေရာမှာ တာဝန်ကျေပွန်ခဲ့ကြတယ်။ ဒီတိုင်းပြည်မှာမွေးဖွားပြီး ဒီတိုင်းပြည်ရဲ့ သားကောင်း ဖြစ်တယ်ဆိုတာ ပြသရမှာဖြစ်တယ်။ အရည်အသွေးပြည့်ဝတဲ့ လူသားရင်းမြစ်တွေကိုလိုအပ်ပါတယ်။ ဒီဖိုရမ်ကနေ အရည်အချင်းရှိတဲ့လူငယ်တွေကို မွေးထုတ်ပေးနိုင်မယ်လို့ ယုံကြည်ပါတယ်။ အနာဂတ်မြန်မာနိုင်ငံအတွက် မွတ်စလင်လူငယ်များမှ တတ်နိုင်သမျှပါဝင်လုပ်ဆောင်သွားမှာ ဖြစ်ပါတယ်” ဟု ၎င်းကဆက်လက်ပြောကြားခဲ့သည်။
ယခုကဲ့သို့ လူငယ်များတွေ့ဆုံခြင်းဖြင့် တစ်ယောက်နှင့်တစ်ယောက် အတွေးအမြင်များကို ဖလှယ်ကြပြီး ဒေသအသီးသီးရှိ လူငယ်များ မိမိတို့၏ မြို့ရွာများ ဖွံ့ဖြိုးတိုးတက်အောင် လုပ်ဆောင်ရာတွင် ပိုမိုချိတ်ဆက်နိုင်ပြီး အာဆီယံနှင့် နိုင်ငံတကာ လူငယ် ဖိုရမ်များသို့ မြန်မာနိုင်ငံကိုယ်စားပြု လူငယ်များတက်ရောက်နိုင်ရန် စသည့်ရည်ရွယ်ချက်များဖြင့် ပြုလုပ်ခြင်းဖြစ်ကြောင်း သိရသည်။
Muslim Youth Forum 2014 MYANMAR ကို နှစ်ရက်တိုင် သန်လျင်မြို့ ငါးပါးသခင်ဒါရ်ဂါတော်ဝင်းအတွင်းကျင်းပမည် ဖြစ်ပါသည်။ အခမ်းအနားဖွင့်ပွဲကို ယနေ့ ဖေဖော်ဝါရီလ ၂၂ ရက်နေ့ နံနက် ၉ နာရီတွင် နိုင်ငံတော်သီချင်းဖြင့် စတင်ဖွင့်လှစ်ခဲ့ပြီး မြန်မာပြည်တစ်ဝန်းမှ ကြွရောက်လာကြသော အစ္စလာမ် ညီအကိုမောင်နှမများမှ နှစ်ရက်တိုင်တိုင် Muslim Youth Forum တွင် ပါရှိသည့် အကြောင်းအရာများကို ဆွေးနွေးသွားကြမည် ဖြစ်သည်။
