Blog

ဘရာဇီးတွင် ၂၀၁၄ ကမ္ဘာ့ဖလား ကျင်းပမည့် ဆောက်လုပ်စဲ ဘောလုံးကွင်းတွင် မတော်တဆမှုကြောင့် လုပ်သားတစ်ဦး သေဆုံး

ဖေဖော်ဝါရီ ၈ ၊ ၂၀၁၄
M-Media

– ကမ္ဘာ့ဖလားပြိုင်ပွဲများ ကျင်းပမည့် ဘရာဇီးရှိ ဆောက်လုပ်စဲ ဘောလုံးကွင်းတစ်ခု အနီးတွင် ဖြစ်ပွားခဲ့သော မတော်တဆမှုကြောင့် ဆောက်လုပ်ရေး လုပ်သားတစ်ဦး သေဆုံးခဲ့သည်ဟု သိရသည်။

Manau မြို့ရှိ Arena da Amazonia ဘောလုံးကွင်းတွင် ယမန်နေ့က ဖြစ်ပွားခဲ့ခြင်းဖြစ်ကာ ဘောလုံးကွင်း အမိုးတပ်ဆင်ရာတွင် အသုံးပြုသည့် ကရိန်းအား ဖြုတ်သိမ်းစဉ် သေဆုံးခဲ့ခြင်းဖြစ်သည်ဟု အဆိုပါဘောလုံးကွင်း ဆောက်လုပ်မှုအား ကြီးကြပ်ရသော တာဝန်ရှိသူများကဆိုပြီး သေဆုံးသူမှာ မည်သူမည်ဝါဖြစ်သည်ဆိုသည်နှင့် မည်ကဲ့သို့ သေဆုံးကြောင်းကို ထည့်သွင်းပြောကြားခဲ့ခြင်း မရှိချေ။

သို့သော်လည်း ဒေသတွင်း ရုပ်သံ တစ်ခုဖြစ်သည့် Globo TV ကမူ သေဆုံးသူမှာ အသက် ၅၅ နှစ်အရွယ်ရှိ ပေါ်တူဂီနိုင်ငံသားတစ်ဦးဖြစ်ပြီး ကရိန်းမှ ပြုတ်ကျလာသော သံချောင်း တစ်ချောင်းနှင့် ဦးခေါင်းအား ရိုက်မိခဲ့၍ သေဆုံးခဲ့ခြင်းဖြစ်ကြောင်း ဖေါ်ပြခဲ့သည်။

ထိုကွင်းအတွင်းနှင့် အနီးအနားတွင် မတော်တဆမှုများကြောင့် ဆောက်လုပ်ရေး လုပ်သားများ သေဆုံးမှုမှာ ၃ ဦးအထိရှိပြီဖြစ်သည်။ ထိုကွင်းမှာ ကမ္ဘာ့ဖလားပြိုင်ပွဲတွင် အင်္ဂလန်နှင့် အီတလီအသင်းတို့ ပွဲဦးထွက် ယှဉ်ပြိုင်ကစားမည့် ကွင်းလည်းဖြစ်သည်။

ကမ္ဘာ့ဖလားပြိုင်ပွဲ ကျင်းပရန်အတွက် ပြင်ဆင်မှုများနှင့် ပက်သက်၍ သတ်မှတ်ရက်အတွင်း အပြီးသတ်နိုင်ခြင်းမရှိသောကြောင့် ပြိုင်ပွဲကျင်းပရေး ကော်မတီမှာ ကမ္ဘာ့ဘောလုံးအဖွဲ့ချုပ်၏ ဖိအားပေးခြင်းကို ခံနေရပြီး၊ ဘရာဇီးအမှတ်ပေးပြိုင်ပွဲများတွင် ပရိတ်သတ်များ သောင်းကျန်းခြင်း၊ ကမ္ဘာ့ဖလားပြိုင်ပွဲကျင်းပမှုအား ဆန့်ကျင်သော ဆန္ဒပြမှုများ မကြာခဏဖြစ်ပွားခြင်းတို့ကြောင့် ပြိုင်ပွဲလုံခြုံရေးအတွက် နိုင်ငံတကာမှ စိုးရိမ် ပူပန်မှုများလည်းရှိနေသည်။

Ref: DailyMail

February 8, 2014
အလ်-အက်ဆာ ဗလီဝတ်ကျောင်းတော်သို့ အစ္စရေး ရဲတပ်ဖွဲ့ အကြမ်းဖက်စီးနင်း

ဖေဖော်ဝါရီ ၈ ၊ ၂၀၁၄
M-Media

– ပါလက်စတိုင်းပိုင် အရှေ့ဂျေရုစလင်ရှိ အလ်-အက်ဆာ ဗလီဝတ် ကျောင်းတော်အား အစ္စရေးရဲတပ်ဖွဲ့က ယမန်နေ့တွင် အကြမ်းဖက်ဝင်ရောက် စီးနင်းမှုပြုလုပ်ခဲ့သည်ဟု သိရသည်။

အစ္စရေးက မတရား သိမ်းပိုက်ထားသည့် အရှေ့ဂျေရုစလင်ရှိ အလ်-အက်ဆာ ဗလီဝတ်ကျောင်းတော်တွင် ယမန်နေ့ နေ့လည် ၀တ်ပြုမှုအပြီး မီးခိုးဗုံးများ အသုံးပြုကာ အစ္စရေးရဲများက ၀င်ရောက်စီးနင်းခဲ့ခြင်းဖြစ်ပြီး ၀တ်ပြုရန် လာရောက်ကြသူ ပါလက်စတိုင်းများကလည်း ခဲများဖြင့် ပြန်လည် ပစ်ပေါက်ခဲ့ကြသည်။ ထို့ပြင် “အို- အက်ဆာ၊ အသင့်အတွက် ငါတို့၏ အသက်နှင့်သွေးကို ပေးဆပ်မည်” ဟု ပါလက်စတိုင်းပြည်သူများက ကြွေးကျော်ခဲ့ကြသည်။

ဗလီဝတ်ကျောင်းတော်၏ ပရုဏ်ဝုဏ်အတွင်းထဲသို့ပင် ၀င်ရောက်ခဲ့သည့် အဆိုပါ အကြမ်းဖက်စီးနင်းမှုမှာ ၂ နာရီခန့် ကြာမြင့်ခဲ့ပြီး ပါလက်စတိုင်း တစ်ဦး ဒဏ်ရာရခဲ့ကာ ၇ ဦးအား အစ္စရေးရဲတပ်ဖွဲ့မှ ဖမ်းဆီးခဲ့သည်။

အစ္စလာမ်ဘာသာဝင်တို့မှ ထူးမြတ်သောဌာနများအဖြစ် သတ်မှတ်ထားသည့် နေရာများတွင် အပါဝင်ဖြစ်သော အလ်-အက်ဆာ ဗလီဝတ်ကျောင်းတော် ပရ၀ုဏ်အတွင်း ထိုကဲ့သို့ အကြမ်းဖက်စီးနင်းမှုများပြုလုပ်ခြင်းကို ထိုဗလီဝတ်ကျောင်းတော်၏ ရှေ့ဆောင်ဆရာတော် မိုဟာမက် ဟူစိန်က ရှုတ်ချပြောဆိုခဲ့သည်။

“ဒါဟာ ထင်ရှားတဲ့ အကြမ်းဖက်မှုမျိုးဖြစ်ပြီး ဘာသာတရားအားလုံးက ဆန့်ကျင်တဲ့ ကိစ္စတစ်ခုပါ။ ပြီးတော့ နိုင်ငံတကာ ဥပဒေကို ချိုးဖောက်ခြင်းလည်းဖြစ်ပါတယ်” ဟု ဆရာတော် ဟူစိန်က ပြောကြားခဲ့သည်။

ထို့ပြင် ထိုအကြမ်းဖက် လုပ်ရပ်အတွက် အစ္စရေးအစိုးရတွင်တာဝန်ရှိကြောင်း၊ ဗလီဝတ်ကျောင်းတော်တွင် ဖြစ်ပျက်ခဲ့သမျှ အရာအားလုံးအတွက် အစ္စရေး အစိုးရက တာဝန်ယူရမည်ဖြစ်ကြောင်း ၎င်းက ထပ်လောင်းပြောကြားခဲ့သည်။

သို့သော်လည်း ဗလီဝတ် ကျောင်းတော် အပြင်ဘက်ရှိ ရဲစခန်းသို့ ပါလက်စတိုင်းများက ခဲဖြင့် ပစ်ပေါက်သောကြောင့် ၎င်းတို့အနေဖြင့် ၀င်ရောက်စီးနင်း ရခြင်းဖြစ်သည်ဟု အစ္စရေးရဲတပ်ဖွဲ့၏ ပြောရေးဆိုခွင့်ရှိသူ မစ်ကီ ရိုဆန်ဖီးလ်က ထိုအဖြစ်အပျက်နှင့် ပတ်သက်၍ ကာကွယ်ပြောကြားခဲ့သည်။

Ref:Agencies
(MaanImages/file)

February 8, 2014
DVB: သုတေသနလုပ်ပြီးပါပြီ ရခိုင်မှာ ရိုဟင်ဂျာတွေ နှစ်ပေါင်းများစွာ(များစွာ) ကတည်းက နေလာတာပါ ဟု ဗြိတိန်သံအမတ်ပြော

ဖေဖော်ဝါရီ ၈ ၊ ၂၀၁၄
M-Media
ဘာသာပြန်ဆိုသူ -O’Laie Manzu

သုတေသနလုပ်ပြီးပါပြီ ရခိုင်မှာ ရိုဟင်ဂျာတွေ နှစ်ပေါင်းများစွာ(များစွာ) ကတည်းက နေလာတာပါ ဟု မြန်မာနိုင်ငံဆိုင်ရာ ဗြိတိန်သံအမတ်ပြော

Post by M-Media.

မေး။ ရိုဟင်ဂျာ မွတ်စလင်တွေကို ညင်းပမ်းနှိပ်စက်နေတာနဲ့ပါတ်သက်ပြီး အာရကန်ပြည်နယ်ကအခြေအနေတွေအပေါ် UK က ပွင့်ပွင့်လင်းလင်းပြောဆိုနေပါတယ်။ မကြာသေးမှီက မောင်းတောမှာ အကြမ်းဖက်မှုတွေထပ်ဖြစ်ခဲ့တယ်။ ဒီကိစ္စနဲ့ ပါတ်သက်ပြီး ဘယ်လိုမြင်ပါသလဲ။ ဖြေ။ ကျနော်တို့နဲ့ ယူအက်စ် သံရုံးတွေက ကြေညာချက် တစ်စောင် သောကြာနေက ထုတ်ခဲ့တာဆိုတာ တွေ့ပြီးလောက်ပြီပေါ့။ ရရှိတဲ့ သတင်း အချက်အလက်တွေထောက်ကြည့်ပြီး ကျနော်တို့ စိုးရိမ်မိပါတယ်။ အဲဒီမှာဘာတွေဖြစ်ခဲ့တယ်ဆိုတာကတော့ ရှင်းရှင်းလင်းလင်း မသိရသေးဘူး။ အဲဒီမှာဘာဖြစ်သလဲဆိုတာကို ရှင်းရှင်းလင်းလင်းသိရဖို့ အစိုးရကို စုံစမ်းစစ်ဆေးပေးဖို့ တိုက်တွန်းထားပါတယ်။ ကျနော် ထင်တာကတော့ ရခိုင်ပြည်နယ် တစ်ခုလုံးကို ခြုံကြည့်ရင် ပထမဆုံးအဆင့်ကတော့ လုံခြုံရေးရှိဖို့ပါဘဲ။ ဒီလိုအကြမ်းဖက်မှုတွေ ထပ်ပြီးမဖြစ်ဖို့ဘဲ။ ဒါက အစိုးရရဲ့တာဝန်ဖြစ်တယ်။ ဒီလိုအကြမ်းဖက်မှုတွေထပ်မဖြစ်အောင် လုံခြုံမှုရှိဖို့အတွက် အစိုးရက အာမခံဖို့လိုတယ်။ နောက်ထပ်အရေးကြီးတဲ့အချက်တစ်ခုရှိတယ်။ ဒါကတော့ ခရစ္စမတ်မတိုင်ခင် ကျနော်ကိုယ်တိုင် ရခိုင်ပြည်နယ်ရောက်တုန်း ကတွေ့ခဲ့တာပါ။ အဲဒါကတော့ လူသားချင်းစာနာထောက်ထားတဲ့ ကူညီမှုတွေ ပေါက်ရောက်နိုင်ဖို့ဘဲ။ တချို့ပြည်တွင်းပြောင်းရွှေ့နေရာ ချထားခြင်းခံရသူတွေက အရမ်းခက်ခဲတဲ့ အခြေအနေတွေမှာနေထိုင်နေ ရတယ်။ သူတို့ဆီကို လူသားချင်း စာနာထောက်ထားတဲ့ အကူအညီတွေရောက်ဖို့ အလွန်ဘဲ အရေးကြီးတယ်။ အသိုင်းအဝိုင်းတစ်ခု အပေါ်ကို အခြား အသိုင်းအဝိုင်းတစ်ခုထက် ပိုပြီး အသာပေးကူညီနေတယ်ဆိုတဲ့ နားလည်မူလွဲမှားတာတွေရှိတယ်လို့ ကျနော်ထင်တယ်။ ဒီအင်တာဗျူး ကနေ တဆင့် လူတွေကိုပြောချင်တာ ကတော့ အပြည်ပြည်ဆိုင်ရာ အထောက်အပံ့တွေက အမှန်တကယ် လိုအပ်တဲ့သူတွေဆီကိုရောက်ဖို့ပါဘဲ။ ဒါကြောင့် ဒီအကူအညီတွေက စခန်းတွေထဲမှာ အပြင်မထွက်ရသူတွေ၊ အလုပ်လုပ်ပြီး ငွေရှာလို့မရသူတွေဆီကို ဦးတည်ပါတယ်။ နောက်တစ်ခုက အစိုးရကလည်း ဒီ လူသားချင်းစာနာထောက်ထားတဲ့ အကူအညီတွေ ရောက်ရှိဖို့ အတွက်ကို အာမခံချက်ပေးဖို့ လိုပါတယ်။ နောက်ဆုံးတစ်ခုကတော့ ဒီရခိုင်ဒေသမှာရှိတဲ့ လူ့အသိုင်းအဝိုင်းတွေရဲ့ အနာဂါတ်ကိစ္စဘဲ။ ကျနော်တို့ကတော့ အစိုးရက နိုင်ငံသားစီစစ်ရေးကိစ္စ တွေကို ရှေ့ဆက်တိုး ကိုင်တွယ်ဖို့ တိုက်တွန်းနေပါတယ်။ နိုင်ငံသား ရထိုက်တဲ့သူတွေ နိုင်ငံသားရကြပြီး သူတို့ရဲ့ နိုင်ငံသားအခြေအနေတွေ ရှင်းရှင်းဖြစ်သွားလိမ့်မယ်။ မေး။ ရိုဟင်ဂျာတွေက ဒီမှာရှိနေခဲ့တယ် ... တစ်ချို့ဆိုရင် မျိုးဆက်အလိုက် ဒီမှာနေလာခဲ့တယ်... တချို့ကတော့ ကိုလိုနီခေတ်က ဗြိတိသျှခေါ် လာခဲ့တယ်။ ရိုဟင်ဂျာတွေနိုင်ငံဖြစ်ဖို့အတွက်ကို ထောက်ခံသလား။ ဖြေ။ အစိုးရပြောတာကတော့ သူတို့က ၁၉၈၂ ခုနှစ်နိုင်ငံသား ဥပဒေကိုဘဲ ကျင့်သုံးမယ်ဆိုတာ။ ကျနော်နားလည်တာက ဒီမှာ မျိုးရိုးစဉ်ဆက် အတိုင်းအတာတစ်ခု အထိနေထိုင်ခဲ့တယ်ဆိုရင် နိုင်ငံသားဖြစ်ပိုင်ခွင့်ရှိတယ်။ ကျနော့်အမြင်နဲ့ ကျနော်တို့ သုတေသနပြုထားတဲ့ အရဆိုရင် ဒီဥပဒေအရကိုဘဲ ရိုဟင်ဂျာ အများစုကနိုင်ငံသားဖြစ်ခွင့်ရှိနေတယ်။ ဒါပေမယ့် အစိုးရက ဘယ်သူတွေက နိုင်ငံသားဖြစ်ခွင့်ရှိပြီး ဘယ်သူတွေကတော့ မဖြစ်သင့်ဘူးဆိုတာ စီစစ်ဖို့လိုတယ်။ ဒါပေမယ့် ခင်ဗျာ ပြောတာကို ကျနော် သဘောတူတယ်။ ရခိုင်ပြည်မှာ မွတ်စလင်ထုကြီးက လွန်ခဲ့တဲ့ နှစ်ပေါင်း များစွာ (များစွာ) ကတည်းက နေလာ ခဲ့တယ်။ ကျနော်တို့ သုတေသန လုပ်ပြီးပြီ။ တကယ်တော့ ၁၉ ရာစုနှစ် အစပိုင်းလောက်မှာ ဗြိတိသျှတွေ အဲဒီကို ပထမဆုံးအကြိမ်ရောက်တုံးကတည်းက အဲဒီမှာ မွတ်စလင်ထု တော်တော်လေးကိုရှိနေပြီးသား။ အခုပြောနေတဲ့ အဲဒီမှာရှိတဲ့လူတိုင်းက တရားမဝင်ခိုးဝင်လာသူတွေဆိုတာကြီးကတော့ မမှန်ပါဘူး။ မေး။ ရိုဟင်ဂျာကိစ္စကတော့ လျစ်လျူရှု့ထားလို့မရပါဘူး။ လူတွေကလည်း အမျိုးမျိုးထင်ကြေးပေးနေကြတယ်။ ဒီကိစ္စကြီးပြေလည်ဖို့အတွက် ဗြိတိန် အနေနဲ့ပါဝင်ပေးနိုင်တဲ့ အခန်းကဏ္ဍမျိုးရှိပါသလား။ ဖြေ။ အပြည်ပြည်ဆိုင်ရာ အသိုင်းအဝိုင်းကတော့ အစိုးရကို ထောက်ပံကူညီပေးလို့ရတယ်။ လုံခြုံရေးလို ကိစ္စမျိုးကို ကိုင်တွယ်ဖို့အတွက် အစိုးရကို တိုက်တွန်းလို့ရတယ်။ ပြောင်းရွှေ့နေရာ ချထားခြင်းခံရတဲ့ သူတွေ အသက်ရှင်နေထိုင်နိုင်ဖို့အတွက် အကူအညီတွေပေးလို့ရတယ်။ ရခိုင်ပြည်နယ်ကလူတွေရဲ့ ရေရှည် အခြေအနေအတွက် အစိုးရနဲ့ လက်တွဲလုပ်ဆောင်လို့ရတယ်။ အပြည်ပြည်ဆိုင်ရာအသိုင်းအဝိုင်း ကူလုပ်ပေးနိုင်တာတွေရှိတယ်... ဒါပေမယ့် အမှန်တကယ်ကတော့ မြန်မာအစိုးရက အဲဒီကိစ္စတွေကို ကိုင်တွယ်ဖို့အတွက် တာဝန်အရှိဆုံးဖြစ်တယ်။ မြန်မာနိုင်ငံဆိုင်ရာ ဗြိတိန် သံအမတ်ကြီး Andrew Patrick နှင့် DVB သတင်းဌာနတို့ တွေ့ဆုံ မေးမြန်းခန်းကို O'Laie Manzu မှ ကောက်နှုတ်၍ မြန်မာလို ပြန်ဆိုထားခြင်းဖြစ်ပါသည်။ Video Copy Right- DVB မူရင်း ဗီဒီယို လင့်=>https://www.dvb.no/dvb-video/dvb-talks-to-british-ambassador-to-burma/36760

February 8, 2014
ပါကစ္စတန်နှင့် တာလီဘန်တို့ ငြိမ်းချမ်းရေးဆွေးနွေးပွဲ စတင်၊ တိုးတက်မှုများရှိနေ

ဖေဖော်ဝါရီ ၈ ၊ ၂၀၁၄
M-Media

– ပါကစ္စတန်အစိုးရနှင့် တာလီဘန်တို့အကြား ဆွေးနွေးပွဲ အောင်မြင်နိုင်မည့် အခွင့်အလမ်းအပေါ် နှစ်ဦးနှစ်ဘက် သံသယရှိနေသောကြောင့် ကာလကြာရှည် မသေမချာဖြစ်နေသည့် ငြိမ်းချမ်းရေးဆွေးနွေးပွဲပထမအဆင့်အား ယမန်နေ့က အစ္စလာမ်မာဘတ်တွင် စတင်ခဲ့သည်ဟု သိရသည်။

ငြိမ်းချမ်းရေးဖော်ဆောင်မှု မူဝါဒလမ်းစဉ်များ ချမှတ်ရန်အတွက် ရည်ရွယ်ခဲ့သည့် အဆိုပါဆွေးနွေးပွဲသို့ ပါကစ္စတန်အစိုးရဘက်မှ ကိုယ်စားလှယ် ၄ ဦးနှင့် တာလီဘန်တို့ဘက်မှ ကိုယ်စားလှယ် ၃ ဦးတို့ တက်ရောက်ခဲ့ကြပြီး ၃ နာရီကျော်ကြာ ဖော်ဖော်ရွေရွေ ရင်းရင်းနှီးနှီး ဆွေးနွေးခဲ့ကြခြင်းဖြစ်သည်။

ဆွေးနွေးပွဲအပြီး ကြေညာချက်ထုတ်ပြန်ရာတွင် နှစ်ဘက်စလုံးက အကြမ်းဖက် လုပ်ရပ်များကို ရှုတ်ချကြောင်းနှင့် ဆွေးနွေးပွဲအား ပျက်ပြားစေနိုင်သည့် လုပ်ရပ်များကို နှစ်ဖက်စလုံးမှ ရှောင်ကျဉ်ကြမည့်အကြောင်း စသည့် အချက်များပါဝင်သော ကြေညာချက်တစ်စောင်ကို ထုတ်ပြန်ခဲ့သည်။ ထိုဆွေးနွေးပွဲမှာ တိုးတက်မှုများရှိနေပြီး ယနေ့တွင် အသေးစိတ် ဆက်လက် ဆွေးနွေးရန်လည်း ရှိနေသည်။

တာလီဘန်တို့မှာ ပါကစ္စတန်အတွင်း ဆယ်စုနှစ်တစ်ခုအကြာ အစိုးရဆန့်ကျင်ရေး တိုက်ခိုက်မှုများပြုလုပ်ခဲ့သော အဖွဲ့ဖြစ်သည်။ သို့သော်လည်း တိုက်ခိုက်မှုများ ရပ်တန့်ရေးနှင့် ပြဿနာရပ်များအား ဖြေရှင်းရေးတို့ဆောင်ရွက်ရန်အတွက် အားထုတ်မှုများမှာ အဆင်သင့်ဖြစ်နေပြီဟု ယုံကြည်ကြောင်း ပါကစ္စတန်ဝန်ကြီးချုပ် နာဝဇ်ရှရစ်ဖ်က ပြောကြားခဲ့သည်။
Ref: aljazeera

February 8, 2014
ယူကရိန်းအရေး ဖုန်းဖြင့် ဆွေးနွေးစဉ် ဥရောပသမဂ္ဂအား ဆဲဆိုခဲ့မှု အမေရိကန် သံအမတ်ပြန်တောင်းပန်

ဖေဖော်ဝါရီ ၈ ၊ ၂၀၁၄
M-Media

– ယူကရိန်းတွင် ဖြစ်ပွားနေသည့် မတည်ငြိမ်မှုများနှင့် ပတ်သက်ပြီး တယ်လီဖုန်းပြောဆိုမှု တစ်ခုအတွင်း ဥရောပသမဂ္ဂအား ဆဲရေးတိုင်းထွာ မိသည့်အတွက် ဥရောပဆိုင်ရာ အမေရိကန် သံအမတ်က ယမန်နေ့က ပြန်လည်တောင်းပန်လိုက်သည်ဟု သိရသည်။

ယူကရိန်းရှိ အမေရိကန်သံအမတ် ဂျီယိုရေး ပိုင်ယတ်နှင့် ဥရောပသမဂ္ဂဆိုင်ရာ အမေရိကန် သံအမတ် ဗစ်တိုးရီးယား နူလန်တို့ ကိဗ်မြို့တွင် ဖြစ်ပွားနေသည့် ဆန္ဒပြမှုများနှင့် စပ်လျဉ်း၍ တယ်လီဖုန်းပြောကြားစဉ် နူလန်က ဥရောပအားသမဂ္ဂအား ဆဲရေးတိုင်းထွာသော စကားလုံးများဖြင့် ပြောဆိုခဲ့ပြီး ထိုပြောဆိုမှုမှာ ဖေဖော်ဝါရီ ၄ ရက်နေ့မှ စတင်ကာ အင်တာနက် စာမျက်နှာများတွင် ပြန့်နှံ့ခဲ့သည်။

၎င်းတို့နှစ်ဦးမှာ ထိုဆန္ဒပြမှုများပေါ် နိုင်ငံတကာမှ ဖြေရှင်းရန် ကြိုးစားမှုများနှင့် ပတ်သက်၍ ပြောကြားနေစဉ် နူလန်က “F— the EU” ဟု ဆဲရေးခဲ့ခြင်းဖြစ်သည်။

ထို့ကဲ့သို့ သတင်းများ ထွက်ပေါ်လာခြင်းက ယူကရိန်းကိစ္စ အပေါ် ဥရောပသမဂ္ဂ၏ ကိုင်တွယ်မှုနှင့် ပတ်သက်၍ အမေရိကန်ဘက်မှ စိတ်ပျက်လျက် ရှိကြောင်း ပေါ်လွင်လာခဲ့ပြီး အဆိုပါကိစ္စနှင့် ပတ်သက်၍ အမေရိကန် အစိုးရ အာဏာပိုင်များက ငြင်းဆိုခဲ့ခြင်း မရှိခဲ့ပေ။ ထို့ပြင် နူလန်၏ တောင်းပန်မှုနှင့် ပတ်သက်၍လည်း အသေးစိတ်ထုတ်ဖော်ပြောကြားခြင်း မရှိခဲ့ဘဲ၊ မည်သူ့ကို တောင်းပန်ခဲ့ကြောင်းကိုလည်း မဖေါ်ပြခဲ့ပေ။

Ref: aljazeera
Photo- BBC

February 8, 2014