News @ M-Media

ထိပ်တန်းအသင်း ဆက်ဖြစ်ရန် လာမည်နှစ် ကစားသမား အသစ် ၆ ဦးခေါ်ရန် လိုအပ်ဟု ရွိုင်ကိန်းပြော

ဖေဖော်ဝါရီ ၁၂၊၂၀၁၄
M-Media
367809_heroa
– လာမည့်ရာသီတွင် ထိပ်တန်း အဆင့်ဖြင့် ယှဉ်ပြိုင်လိုပါက မန်ယူအနေဖြင့် ကစာသမားသစ် ၆ ဦး ခေါ်ယူရန် လိုအပ်သည်ဟု မန်ယူ အသင်းခေါင်းဆောင်ဟောင်း ရွိုင်ကိန်းက ပြောကြားလိုက်သည်။

ယမန်နှစ် ပရီးမီးယားလိဂ်ချန်ပီယံ မန်ယူအသင်းမှာ ယခုနှစ်တွင် ရုန်းကန်နေရပြီး ယခုလက်ရှိတွင် အဆင့် ၇ နေရာသို့ ရောက်ရှိနေကာ ထိပ်ဆုံးမှ ချယ်ဆီးအသင်းနှင့် ၁၈ မှတ်ကွာဟနေပြီး အဆင့်လေးနေရာနှင့်ပင် ၉ မှတ်ကွာဟနေသည်။

သို့သော်လည်း ထိုကဲ့သို့ ခြေစွမ်းကျဆင်းမှုများမှာ မိုယက်စ် အပြစ်မဟုတ်ဘဲ ယခင်နည်းပြဟောင်း ဖာဂူဆန်၏ နောက်ဆုံး အပြောင်းအရွှေ့တွင် အင်အားဖြည့်တင်းမှု မရှိခြင်းကြောင့်သာ ယခုအခြေအနေမျိုး ဖြစ်နေခြင်းဖြစ်သည်ဟု ရွိုင်ကင်းကဆိုသည်။

မန်ယူအသင်းနှင့် ပတ်သက်၍ ကစားသမားများနှင့် နည်းပြများ၏ မှတ်ချက်ပေးမှုများမှာ များပြားလာခဲ့ပြီး ချယ်ဆီးနည်းပြ မော်ရင်ဟိုကလည်း နည်းပြမိုယက်စ်အနေဖြင့် မန်ယူအသင်းအား လာမည့်နှစ် ချန်ပီယံလိဂ် ၀င်ခွင့်ရရှိအောင် စွမ်းဆောင်နိုင်လိမ့်မည်ဟု ယခုတစ်ပတ်အတွင်း မှတ်ချက်ပေးပြောဆိုထားသည်။
Ref: Goal.com

Comments

Leave a Reply