Blog

အသင်း အနေဖြင့် အရှုံးမှ အမြန် ပြန်လာရမည်ဟု ၀င်းဂါးဆို

ဖေဖော်ဝါရီ ၉ ၊ ၂၀၁၄
M-Media

– လီဗာပူးလ်အသင်းအား ဂိုးပြတ်ရှုံးနိမ့်ခဲ့ပြီးနောက် အာဆင်နယ် အသင်း အနေဖြင့် ထိုအရှုံးမှ လျင်မြန်စွာ ပြန်လာရမည်ဟု နည်းပြ အာဆင်ဝင်းဂါးက ပြောဆိုလိုက်သည်။

ယမန်နေ့က ကစားခဲ့သည့် ပရီးမီးယားလိဂ် ပွဲစဉ်တွင် အာဆင်နယ်အသင်းမှာ ပထမပိုင်း မိနစ် ၂၀ အတွင်းမှာပင် လီဗာပူးလ် အသင်း၏ သွင်းဂိုး ၄ ဂိုးကို ခွင့်ပြုခဲ့ရပြီး ပွဲအပြီး၌ ၅ ဂိုး ၁ ဂိုးဖြင့် ရှုံးနိမ့်ခဲ့သည်။

“ဒီရလဒ်ကနေ့ ကျွန်တော်တို့ရုန်းထွက်ရပါမယ်။ ကျွန်တော်တို့ရဲ့ စွမ်းဆောင်ရည် ဆိုးရွားခဲ့တဲ့အတွက် အထူးသဖြင့် မတူညီနဲ့ စွမ်းဆောင်ရည်တွေနဲ့ ပြန်လာရမှာပါ” ဟု ၀င်းဂါးက သတင်းထောက်များအား ပြောကြားခဲ့သည်။

ထိုအရှုံးမှ ရှာဖွေစရာ အဖြေများစွာရှိကြောင်း၊ လီဗာပူးလ်အသင်းမှာ မိမိတို့ထက် ပိုကောင်းခဲ့ပြီး၊ အာဆင်နယ်အသင်း ပရိတ်သတ်များမှာလည်း အသင်းအား အကောင်းဆုံးအားပေးခဲ့ကြောင်း ၀င်းဂါးက ထပ်လောင်းပြောကြားခဲ့သည်။

ထိုပွဲအရှုံးမှာ အာဆင်နယ်အသင်း၏ ယခုနှစ်ရာသီ ၄ ပွဲမြောက် အရှုံးဖြစ်ပြီး မန်စီးတီးအသင်းအား အီတီဟတ်တွင် ၆ ဂိုး ၃ ဂိုးဖြင့်ရှုံးနိမ့်ခဲ့ပြီးနောက် အဆိုးဝါးဆုံး အရှုံးလည်းဖြစ်သည်။

Ref: Goal

February 9, 2014
ဆီးရီးယား အစိုးရတပ်နှင့် သူပုန်တပ် တိုက်ပွဲအတွင်း ဟုမ်းစ်မြို့သို့ သွားရောက်သည့် ကယ်ဆယ်ရေး ယာဉ်တန်းထိခိုက်၊ ၂ ဦး ဒဏ်ရာရရှိ

ဖေဖော်ဝါရီ ၉ ၊ ၂၀၁၄
M-Media

– ဆီရီးယား အစိုးရတပ်များနှင် သူပုန်တို့အပြန်အလှန် တိုက်ခိုက်မှုများကြောင့် ဟုမ်းစ်မြို့တွင် ပိတ်မိနေသည့် အရပ်သား ၂၅၀၀ ကျော်အတွက် အစားအစာများ၊ ဆေးဝါးများ ထောက်ပံ့ရန်သွားရောက်သည့် ကုလသမဂ္ဂ ဦးဆောင်သော ကူညီကယ်ဆယ်ရေး ယာဉ်တန်းမှာ ယမန်နေ့က တိုက်ခိုက်ခံခဲ့ရသည်ဟု သိရသည်။

သူပုန်များ ထိန်းချုပ်ထားရာ ဒေသအချို့တွင် မှောင်ရီပျိုးစအချိန်၌ ဖြစ်ပွားခဲ့သော ထိုတိုက်ခိုက်မှုအတွင်း မော်တာကျည်မှာ ယာဉ်တန်း၏ အနီးအနားတွင် ကျရောက်ပေါက်ကွဲခဲ့ပြီး၊ ပစ္စည်းများတင်ဆောင်လာသည့် လော်ရီကားများကိုလည်း တိုက်ခိုက်မှုများရှိခဲ့ကာ လော်ရီယာဉ်မောင်းများ ထိခိုက်ဒဏ်ရာရရှိခဲ့ကြောင်း၊ လခြမ်းနီအဖွဲ့နှင့် ကုလမှ အနည်းဆုံး မော်တော်ယာဉ် ၉ စီးမှာ ဟုမ်းစ်မြို့တွင် နာရီပေါင်းအတော်ကြာ ပိတ်မိနေခဲ့ပြီး ဒေသစံတော်ချိန် ည ၁၀ နာရီမတိုင်မီ လွတ်မြောက်ခဲ့ကာ ထောက်ပံ့ရေး ပစ္စည်းများ သယ်ဆောင်လာသည့် လော်ရီကား ၂ စီး ပျက်စီးခဲ့ကြောင်း ဆီးရီးယားအာရပ် လခြမ်းနီအဖွဲ့က ပြောကြားခဲ့သည်။

ဟုမ်းစ်မြို့တွင် ပိတ်မိနေသည့် လူ ၂၅၀၀ အတွက် ရိက္ခာများ၊ ဆေးဝါးများ၊ အိပ်ရာများ၊ ငွေကြေးနှင့် အခြားပစ္စည်းများ ပါဝင်သော ထိုထောက်ပံ့ရေး ပစ္စည်းများမှာ ဟုမ်းစ်မြို့အနီး အစိုးရကထိန်းချုပ်ထားသော ကုလသမဂ္ဂ ကုန်လှောင်ရုံတွင် ရောက်ရှိနေသည်မှာ လပေါင်းအတော်ကြာနေပြီဖြစ်ပြီး၊ ယခုမှ သွားရောက်ပေးအပ်နိုင်ခြင်းဖြစ်သည်။

ပြီးခဲ့သည့် သီတင်းနှစ်ပတ်က ဆွစ်ဇလန်နိုင်ငံ ဂျီနီဗာတွင်ပြုလုပ်ခဲ့သည့် ငြိမ်းချမ်းရေးဆွေးနွေးပွဲတွင် သဘောတူညီထားသည့်အတိုင်း သောကြာနေ့က စတင်ကာ ၃ ရက်ကြာ အပစ်အခတ်ရပ်စဲခဲ့ပြီး ဟုမ်းစ်မြို့တွင် ပိတ်မိနေသူများအား ကယ်ထုတ်နိုင်ခဲ့သည်။

အပစ်အခတ်ရပ်စဲရေး ပျက်ပြယ်သွားမှုနှင့် ပတ်သက်၍ အစိုးရနှင့် သူပုန်များက အပြန်အလှန် ပြစ်တင်ပြောဆိုမှုများ ပြုလုပ်ခဲ့ကြသည်။ ဟုမ်းစ်မြို့၏ မြို့တော်ဝန် တာလာ အလ်-ဘာရာဇီကမူ Bustan al-Diwan နှင့် Hamidiyeh ဒေသများတွင် ရှိနေသည့် ပြည်သူများအား အကူအညီများ ဝေငှခဲ့ပြီးပြီဟု ပြောကြားခဲ့သည်။

Ref: aljazeera

February 9, 2014
တောင်ဥက္ကလာပက တရားပွဲမှ အကြမ်းဖက်ရန် ပြင်ဆင်နေသည့် သတင်းများ အွန်လိုင်းတွင် ပြန့်နှံနေသော်လည်း အောက်ခြေတွင် ယခုထိတည်ငြိမ်နေ

ဖေဖော်ဝါရီ ၉ ၂၀၁၄
M-Media

တောင်ဥက္ကလာက တရားပွဲ အစ္စလာမ် ဆန့်ကျင်ရေး ဦးစားပေးဟော၊ အကြမ်းဖက်ရန် ပြင်ဆင်နေသည့် သတင်းများ အွန်လိုင်းတွင် ပြန့်နှံနေသော်လည်း မြို့နယ် အတွင်း အခြေအနေ ယခု အချိန်ထိ တည်ငြိမ်နေဟုသိရ

– ရန်ကုန်တိုင်းဒေသကြီး တောင်ဥက္ကလာပမြို့နယ်တွင် တရားပွဲကျင်းပရာမှ တုတ်၊ ဓားများကိုင်ဆောင်ကာ အကြမ်းဖက်ရန် ပြင်ဆင်နေသည်ဆိုသော သတင်းများ ဆိုရှယ်မီဒီယာ စာမျက်နှာတွင် ပျံနှံလျက်ရှိသော်လည်း တောင်ဥက္ကလာပမြို့နယ်အတွင်း အခြေအနေမှာ ယခုအချိန်ထိ တည်ငြိမ်လျက်ရှိကြောင်း M-Media က စုံးစမ်းသိရှိရသည်။

တောင်ဥက္ကလာပမြို့နယ် ၇ ရပ်ကွက်၌ ကျင်းပသော တရားပွဲတွင် တရားနာယူရန် လာရောက်ကြသော ပရိတ်သတ်များမှ လူ ၃၀၀ ခန့်က တုတ်၊ ဓားများကိုင်ဆောင်ကာ အကြမ်းဖက်ရန် ကြံစည်နေကြသည်ဟု သတင်းများ ယနေ့ညနေတွင် အင်တာနက် စာမျက်နှာတွင်း ပေါ်ထွက်လာခဲ့ပြီး အွန်လိုင်း အသုံးပြုသူများအကြား ပျံ့နှံ့ခဲ့သည်။

ထို့ကြောင့် M-Media မှ စုံစမ်းကြည့်ခဲ့ရာ ထိုရပ်ကွက်၌ လွန်ခဲ့သည့် ၅ ရက်ခန့်ကတည်းက တရားပွဲကျင်းပနေခဲ့ပြီး ယနေ့မှာ နောက်ဆုံးနေ့ဖြစ်ကြောင်း၊ တရားပွဲများတွင် အစ္စလာမ် ဘာသာဝင်များအပေါ် လွဲမှားသည့် အမြင်များကိုသာ အသားပေးဟောပြောနေခဲ့ပြီး၊ ယနေ့မှာ နောက်ဆုံးနေ့ ဖြစ်သည့် အတွက် ပြဿနာများမဖြစ်ပွားစေရန် အစ္စလာမ်ဘာသာဝင်များက မိမိတို့၏ ဈေးဆိုင်များကို စောစီးစွာပိတ်သိမ်းခဲ့ကြကြောင်း၊ တာဝန်ရှိသူများကလည်း တရားပွဲကျင်းပရေး ကော်မတီသို့သွားရောက်ကာ အခြားဘာသာဝင်များအပေါ် အထင်အမြင်လွဲမှားစေမည့် ပြောဆိုမှုများ မပြုလုပ်ရန်နှင့် ဗုဒ္ဓဘာသာ၏ တရားစစ် တရားမှန်များ ကိုသာ ဟောပြောရန် မေတ္တာ ရပ်ခံခဲ့ကြောင်း၊ မလိုလားအပ်သည့် ပြဿနာများ မဖြစ်ပွားစေရန် လုံခြုံရေးများကိုလည်း ချထားကြောင်း တောင်ဥက္ကလာပတွင်နေထိုင်သည့် အစ္စလာမ် ဘာသာဝင်တစ်ဦးက ပြောကြားခဲ့သည်။

တောင်ဥက္ကလာပ မြို့နယ်အတွင်း အခြေအနေမှာ အင်တာနက်စာမျက်နှာများတွင် ပျံ့နှံ့နေသကဲ့သို့ မဟုတ်ဘဲ ယခုအချိန်ထိ တည်ငြိမ်လျက် ရှိနေသည်ဟု ၎င်းက ထပ်လောင်းပြောကြားခဲ့သည်။

စစ်အုပ်ချုပ်ရေးစနစ်မှ ဒီမိုကရေစီသို့ ကူးပြောင်းပြီး နောက်ပိုင်း ဘာသာရေးကို အခြေခံသည့် အကြမ်းဖက်မှုများ ပေါ်ပေါက်လာခဲ့ပြီး၊ နိုင်ငံအနှံ ကျင်းပသော ၉၆၉ တရားပွဲများတွင် နိုင်ငံသား အစ္စလာမ် ဘာသာဝင်များအပေါ် စွပ်စွဲမှုများ၊ ရိုင်းစိုင်းစွာ စော်ကားပြောဆိုမှုများလည်း များစွာရှိလာခဲ့သည်။ သို့သော်လည်း အစိုးရအနေဖြင့် တိုင်းပြည်အတွင်းရှိနေသည့် ပြည်သူများ အကြား စိတ်ဝမ်းကွဲစေကာ၊ တိုင်းပြည်တည်ငြိမ်အေးချမ်းရေးကို ထိပါးစေနိုင်သည့် ထိုအပြုအမူများအား ယခုအချိန်အထိ ထိရောက်စွာ ကိုင်တွယ် ဆောင်ရွက်နိုင်ခြင်းမရှိချေ။

February 9, 2014
အမေရိကန် ကျူးကျော်စစ်ကြောင့် ပျက်ဆီးခဲ့သည် အီရတ် အမျိုးသားပြတိုက် ပြန်လည် ဖွင့်လှစ်တော့မည်

ဖေဖော်ဝါရီ ၉ ၊ ၂၀၁၄
M-Media

– ၂၀၀၃ ခုနှစ်က အမေရိကန်တို့ ကျူးကျော်တိုက်ခိုက်မှုအတွင်းအဆောက်အဦး အစိတ်အပိုင်းအချို့ ပျက်ဆီးသွားခဲ့ပြီးနောက် ပိတ်ထားခဲ့ရသည့် အီရတ်အမျိုးသားပြတိုက်အား လာမည့်ဧပြီလတွင် ပြန်လည် ဖွင်လှစ်တော့မည်ဟု အဆိုပါ ပြတိုက်၏ ဒါရိုက်တာဖြစ်သူက ဖေဖော်ဝါရီ ၅ ရက် ဗုဒ္ဓဟူးနေ့တွင် ပြောကြားခဲ့သည်။

“ဒီပြတိုက် ပြန်လည်ပြင်ဆင်မှုကို အီတလီကုမ္ပဏီတစ်ခုနဲ့ ပူးပေါင်း လုပ်ဆောင်နေပါတယ်” ဟု ဒါရိုက်တာ ကွာအစ် ရရှစ်ဒ်က တူရကီ သတင်းဌာန Anadolu Agency သို့ ပြောကြားခဲ့သည်။ ထို့ပြင် စီစဉ်ထားသော ပြင်ဆင်မှုများ၏ နောက်ဆုံး အဆင့်မှာ ပြတိုက်၏ ၀င်ပေါက် အသစ်ဖြစ်ကြောင်း၊ လာမည့် ဧပြီလတွင် အဆုံးသတ်နိုင်မည်ဖြစ်ကြောင်း ၎င်းက ထည့်သွင်းပြောကြားခဲ့သည်။

စစ်ပွဲအတွင်း ပြတိုက်ရှိပစ္စည်းအချို့မှာလည်း ခိုးယူခြင်းခံခဲ့ရပြီး ထိုပြတိုက် ပြန်လည်ဖွင့်လှစ်မည်ဆိုသော သတင်းနှင့် ပတ်သက်၍ ရှေးဟောင်း သုသေသနပညာရှင် အဒီလ် အလ်-အက်ဇာဝီက “၂၀၀၃ ခုနှစ်က ဖောက်ထွင်းဖျက်ဆီးခံခဲ့ရတဲ့ ဒီပြတိုက်ကြီး ပြန်ဖွင့်တော့မယ် ဆိုတာဟာ အီရတ်ရဲ့ယဉ်ကျေးမှု စာမျက်နှာ အတွက် သတင်းကောင်းပါပဲ” ဟု ပြောကြားခဲ့သည်။ သို့သော်လည်း ထိုပြတိုက်တွင် နိုင်ငံ၏ ရှေးဟောင်း ပစ္စည်းများအားလုံး ပါဝင်တော့မည် မဟုတ်ဟု ထောက်ပြခဲ့ပြီး၊ အီရတ်နိုင်ငံ တစ်ဝှမ်းရှိ ပြည်နယ်များတွင် ထိုကဲ့သို့ ပြတိုက်များ တည်ဆောက်ရန် တိုက်တွန်းပြောဆိုခဲ့သည်။

ဘဂ္ဂဒတ်မြို့အရှေ့ဘက် Al-Salihiya ဒေသတွင် တည်ရှိသည့် အဆိုပါ အီရတ် အမျိုးသားပြတိုက်အား ၁၉၂၃ ခုနှစ်တွင် တည်ဆောက်ခဲ့ခြင်းဖြစ်သည်။ အသေးစိတ် စနစ်တကျ တည်ဆောက်ခဲ့သည့် အဆိုပါပြတိုက်တွင် သမိုင်းခေတ် အလိုက်ပြသသည့် ပြခန်းပေါင်း ၁၈ ခုပါဝင်ပြီး၊ သမိုင်း မတိုင်မီက ပစ္စည်းများ အပါအ၀င် ရှေးဟောင်း အနုပညာ လက်ရာပေါင်း ၂ သိန်းခန့် ပြသထားခဲ့သည်။

Ref : World Bulletin

February 9, 2014
အမှားအယွင်းမရှိခဲ့ဘဲ ဇယားထိပ်ဆုံးကို ရောက်လာတဲ့ ချယ်ဆီး၊ ဂိုးပေါက် ဆက်ပျောက်ခဲ့တဲ့ မန်းစီးတီး

ဖေဖော်ဝါရီ ၉၊ ၂၀၁၄
M-Media

အမှားအယွင်းမရှိခဲ့ဘဲ ဇယားထိပ်ဆုံးကို ရောက်လာတဲ့ ချယ်ဆီး၊ ဂိုးပေါက် ဆက်ပျောက်ခဲ့တဲ့ မန်းစီးတီး ပရီးမီးယားလိဂ် ပွဲစဉ် ၂၅ စနေနေ့ည ပွဲများ

– ပရီးမီးယားလိဂ် ပွဲစဉ် ၂၅ ရဲ့ မနေ့က ကစားခဲ့တဲ့ ၈ ပွဲမှာ ထိပ်ဆုံးက အာဆင်နယ် လီဗာပူးလ်ကို စောစောစီးစီးရှုံးသွားခဲ့လို့ နောက်ကလိုက်နေတဲ့ ချယ်ဆီးနဲ့ မန်စီးတီးတို့ အခွင့်ရေးကောင်းတွေရရှိခဲ့ပါတယ်။ ဒါပေမယ့် ချယ်ဆီးတစ်သင်းသာ အခွင့်အရေးကို အမိအရဆုပ်ကိုင်နိုင်ခဲ့ပြီး မန်စီးတီးကတော့ သရေတစ်မှတ်သာ ရရှိခဲ့ပါတယ်။

ပထမအကျော့ စိန့်ဂျိးမ်စ်ပါ့က်မှာ ၂ ဂိုး ဂိုးမရှိနဲ့ ရှုံးခဲ့တဲ့ ချယ်ဆီး အိမ်ကွင်းမှာတော့ ဘောလုံးပိုင်ဆိုင်မှုအသာနဲ့ ကစားခဲ့ပြီး လိုချင်တဲ့အနိုင်ဂိုးတွေကို ရခဲ့ပါတယ်။ ပြီးခဲ့တဲ့တစ်ပတ်က မန်စီးတီးကို ၁ ဂိုး ဂိုးမရှိနဲ့ နိုင်တဲ့ပွဲမှာ ခြေစွမ်းပြခဲ့တဲ့ ဟာဇာဒ့် အခုပွဲမှာလည်း အကောင်းဆုံးကစားနိုင်ခဲ့ပြီး ချယ်ဆီးရဲ့ အနိုင်ဂိုး ၃ ဂိုးစလုံးကို သူကပဲသွင်းယူပေးသွားခဲ့တာပါ။ ဒီပွဲအနိုင်ကြောင့် ချယ်ဆီးဆို့ ဇယားထိပ်ဆုံးကို ၁ မှတ်အသာနဲ့ ရောက်ရှိခဲ့ပါတယ်။

ပရီးမီးယားလိဂ်တိုက်စစ်အကောင်းဆုံးဖြစ်တဲ့ မန်စီးတီးတို့ကတော့ ဒီတစ်ပတ်မှာလည်း ဂိုးပေါက်ဆက်ပျောက်ခဲ့ပြီး အဝေးကွင်းမှာ ဘောလုံးပိုင်ဆိုင်မှု အသာနဲ့ ဖိကစားနိုင်ပေမယ့် ဇယားအောက်ခြေနားက နော်ဝစ်ခ်ျကို အနိုင်မယူနိုင်ခဲ့ပါဘူး။ ပထမအကျော့ အီတီဟတ်မှာ ၇ ဂိုးပြတ်နဲ့ အရှုံးပေးခဲ့ရတဲ့ နော်ဝစ်ခ်ျအသင်းရဲ့ အိမ်ကွင်းကစားပုံ မာကျောတာက မန်စီးတီးတို့အတွက် အခက်အခဲဖြစ်စေခဲ့ပါတယ်။

ပရီးမီးယားလိဂ် နောက်ဆုံး ၈ ပွဲမှာ ၆ ပွဲအထိ ရှုံးထားတဲ့ ဆွမ်းဆီးအသင်းကတော့ အိမ်ကွင်းမှာ နည်းပြသစ်နဲ့အတူ ကာဒစ်ဖ် အနိုင်ရခဲ့ပါတယ်။ ပြီးခဲ့တဲ့ရာသီက ဆွမ်ဆီးအသင်းကို လိဂ်ဖလားရရှိအောင် နည်းပြပေးနိုင်ခဲ့တဲ့ လော့ဒရပ်ထွက်ခွာ သွားပြီးတဲ့နောက် နည်းပြသစ် ဂယ်ရီမော့ကတော့ အနိုင်နဲ့ စာမျက်နှာသစ်ကို ဖွင့်လှစ်နိုင်ခဲ့ပါတယ်။ မန်ယူတိုက်စစ်မှူးဟောင်း ဆိုးလ်ရှားရဲ့ ကာဒစ်ဖ်ကတော့ ပထမပိုင်းမှာ အပိုင်ဂိုးသွင်းခွင့် ၂ ကြိမ်လောက် ရခဲ့ပေမယ့် ဂိုးအဖြစ်ပြောင်းလဲနိုင်ခြင်း မရှိခဲ့ပါဘူး။ ဆွမ်ဆီးအသင်းအတွက် ဂိုးတွေကို ဒုတိယပိုင်းမှ ရခဲ့တာဖြစ်ပြီး ရုသ်လက်ဒ်၊ ဒိုင်ယာနဲ့ ဘိုနီတို့က သွင်းယူပေးခဲ့တာပါ။

တန်းဆင်းဇုန်က ၀က်စ်ဟမ်းက အဝေးကွင်းမှာ ကီဗင်နိုလန်ရဲ့ ဒုတိယပိုင်းအစ သွင်းဂိုး ၂ ဂိုးနဲ့အတူ အက်စတွန်ဗီလာကိုအနိုင်ရခဲ့ပြီး၊ ခရစ္စတယ်ပဲလေ့စ်ကလည်း အိမ်ကွင်းမှာ ကစားသမားသစ်နှစ်ဦးရဲ့ ဂိုးတွေနဲ့ ၀က်စ်ဘရွန်းကို အနိုင်ယူနိုင်ခဲ့ပါတယ်။ ပြီးခဲ့တဲ့ပွဲမှာ နယူးကာဆယ်ကို အနိုင်ယူနိုင်ခဲ့တဲ့ ဆန်းဒါးလန်းဟာ အိမ်ကွင်းမှာ ဟားလ်စီးတီးကို ၂ ဂိုးပြတ်နဲ့ အရှုံးပေးခဲ့ရပါတယ်။ ပွဲအစသုံးမိနစ်မှာ နောက်ခံလူ ၀က်စ်ဘရောင်း တိုက်ရိုက်အနီကတ်နဲ့ထုတ်ခံလိုက်ရတာက ပွဲကို အလှည့်အပြောင်းဖြစ်စေခဲ့တာပါ။

ဆောက်သက်တမ်ကတော့ အိမ်ကွင်းမှာ ၂ ကြိမ်တိုင်တိုင်ဦးဆောင်နိုင်ခဲ့ပေမယ့် အနိုင်ကို ထိမ်းမထားနိုင်ခဲ့တာကြောင့် သရေတစ်မှတ် နဲ့သာ ကျေနပ်ခဲ့ရပါတယ်။

ပရီးမီးယားလိဂ် ပွဲစဉ် ၂၅ ရဲ့ စနေနေ့ည ရလဒ်တွေကတော့ အောက်ပါအတိုင်းဖြစ်ပါတယ်။

လီဗာပူးလ် ၅-၁ အာဆင်နယ်
ခရစ္စတယ်ပဲလေ့စ် ၃-၁ ၀က်စ်ဘရွန်း
အက်စတွန်ဗီလာ ၀-၂ ၀က်စ်ဟမ်း
ချယ်ဆီး ၃-၀ နယူးကာဆယ်
နော်ဝစ်ခ်ျ ၀-၀ မန်စီးတီး
ဆောက်သက်တမ် ၂-၂ စတုတ်စီးတီး
ဆန်းဒါးလန်း ၀-၂ ဟားလ်စီးတီး
ဆွမ်ဆီး ၃-၀ ကာဒစ်ဖ်

Photo-premierleague.com

#DailySportNews

February 9, 2014