Blog

ဖေဖော်ဝါရီ ၃၊ ၂၀၁၄
M-Media

– ပြင်သစ်နိုင်ငံ ပဲရစ်မြို့တွင် ကျင်းပပြုလုပ်ပြီးစီးခဲ့သည့် Open GDF SUEZ WTA တင်းနစ်ပြိုင်ပွဲတွင် ရုရှားတင်းနစ်မယ် အန်နက်စ်တာစီယာ ပက်ဗလူချင်ကိုဗာက အနိုင်ရ ဗိုလ်စွဲခဲ့သည်ဟု သိရသည်။

ယမန်နေ့က ကစားခဲ့သည့် ဗိုလ်လုပွဲတွင် ပက်ဗလူချင်ကိုဗာက နိုင်ခြေအဆင့် ၃ ရှိ အီတလီ တင်းနစ်မယ် ဆာရာ အီရာနီအား ၃-၆၊ ၆-၂၊ ၆-၃ ဖြင့် အနိုင်ရရှိခဲ့ခြင်းဖြစ်သည်။

အသက် ၂၂ နှစ်အရွယ် ပက်ဗလူချင်ကိုဗာမှာ နိုင်ခြေအဆင့် ၇ ရှိ ကာရ်လာ ဆွာရက်ဇ် နာဗာရို၊ နိုင်ခြေအဆင့် ၄ ရှိ အိန်ဂျလီကာရ်ဘာနှင့် နိုင်ချေအဆင့် ၁ ရှိ မာရီယာ ရှာရာပိုဗာ စသည့် နာမည်ကျော် တင်းနစ်မယ်များအား အနိုင်ကစားကာ နောက်ဆုံးဗိုလ်လုပွဲသို့ တက်ရောက်နိုင်ခဲ့ခြင်းဖြစ်ပြီး ထိုက်ထိုက်တန်တန် ဗိုလ်စွဲနိုင်ခဲ့ခြင်းလည်းဖြစ်သည်။

Ref : SkySports

ဖေဖော်ဝါရီ ၃၊ ၂၀၁၄
M-Media

– အသက် ၁၀၂ နှစ်အရွယ် ပြင်သစ် စက်ဘီးစီးသမား အဘိုးအိုတစ်ဦးမှာ ၂၆.၉၂၇ ကီလိုမီတာ( ၁၆.၇ မိုင်) ခရီးအား တစ်နာရီအတွင်း စီးပြခဲ့ပြီး အသက် ၁၀၀ အထက် သက်ကြီးတန်း စက်ဘီးအားကစားနယ်ပယ်တွင် ကမ္ဘာ့စံချိန်သစ် တင်နိုင်ခဲ့သည်ဟု သိရသည်။

ရော်ဘတ် မားချန့်ဟု အမည်ရသည့် အဆိုပါ အဘိုးအိုမှာလွန်ခဲ့သည့် ၂ နှစ်က ၎င်းကိုယ်တိုင်တင်ထားသည့် စံချိန်အား ၂.၅ ကီလိုမီတာအသာဖြင့် ချိုးဖျက်နိုင်ခဲ့ခြင်းလည်းဖြစ်သည်။ မီးသတ်သမားဟောင်းတစ်ဦးဖြစ်သည့် မားချန့်မှာ အသက် ၁၀၀ အရွယ် ၂၀၁၂ ခုနှစ်ကလည်း ကီလိုမီတာ ၁၀၀ (၆၂ မိုင်) ခရီးအား ၄ နာရီ ၁၇ မိနစ် ၂၇ စက္ကန့်ဖြင့် အရောက်စီးပြနိုင်ခဲ့သည်။

ပြင်သစ် စက်ဘီးစီးစင်တာ National Velodrome အတွင်း စီးပြခဲ့ခြင်းဖြစ်ပြီး၊ ပန်းဝန်လာသည့် မားချန့်အား ဓာတ်ပုံဆရာများ၊ ကင်မရာမန်းများအပါအ၀င် လူပေါင်းများစွာက ကြိုဆိုခဲ့ကြသည်။

၎င်းအား အားပေးသူများကို လက်ပြနှုတ်ဆက်ခဲ့သည့် မားချန့်က

“သိပ်ကိုကောင်းပါတယ်။ ဒါပေမယ့် ပန်းဝင်တဲ့အချိန်မှာ နည်းနည်းတော့ ခက်ခဲခဲ့ပါတယ်။ ကျွန်တော့်ကို အားပေးဖို့ ကီလို မီတာ ၆၀၀ လောက်ဝေးတဲ့နေရာကနေ လာရတဲ့သူတွေရှိပါတယ်။ သိပ်ကို အံ့သြစရာပါပဲ။ ကျွန်တော် ပြောနိုင်တာကတော့ ဒီလောက်ပါပဲ” ဟု မားချန့်က ပရိတ်သတ်များအား ပြောကြားခဲ့သည်။

ထို့ပြင်ပရိတ်သတ်များ၏ အားပေးမှုမရှိဘဲနှင့် ယခုကဲ့သို့ ဆောင်ရွက်နိုင်မည်မဟုတ်ဟု မားချန့်က ထည့်သွင်းပြောကြားခဲ့သည်။

Ref : English Alarabiya