ဖေဖော်ဝါရီ ၄၊ ၂၀၁၄
M-Media
ကြောက်စရာ မန်စီးတီးတိုက်စစ်ကို အကောင်းဆုံး နောက်တန်းနဲ့ ရင်ဆိုင် အနိုင်ယူခဲ့ပြီး ချန်ပီယံဆုအတွက် သံချောင်း ခေါက်လိုက်တဲ့ ချယ်ဆီး
– ပရီးမီးယားလိဂ် ပွဲစဉ် ၂၄ ရဲ့ Match of the Week ဖြစ်တဲ့ ထိပ်ဆုံးက မန်စီးတီးနဲ့ ချယ်ဆီးတို့ရဲ့ ပွဲစဉ်ကို ယနေ့နံနက်က ကစားခဲ့ပြီး မန်စီးတီးရဲ့ အိမ်ကွင်း အီတီဟတ်မှာ အိုင်ဗန်နိုဗစ်ရဲ့ ဂိုးနဲ့ မော်ရင်ဟိုရဲ့ ချယ်ဆီး အောင်ပွဲခံနိုင်ခဲ့ပါတယ်။
နောက်ပိုင်းပွဲတွေမှာ ဂိုးမြူးနေတဲ့ မန်စီးတီး တိုက်စစ်မှာ အဂူရို ဒဏ်ရာကြောင့် မပါဝင်နိုင်ခဲ့ဘဲ ဇီကိုနဲ့ နီဂရီဒိုတို့ ပွဲထွက်ခဲ့ပါတယ်။ အလယ်တန်းမှာလည်း နာဆရီ မပါဝင်နိုင်ခဲ့ပါဘူး။
မော်ရင်ဟိုကတော့ သူရဲ့ပုံစံအတိုင်း ခံစစ်ကို အကောင်းဆုံးပြင်ဆင်ခဲ့ပြီး တောရက်စ် မပါဝင်နိုင်တဲ့အတွက် တိုက်စစ်မှာ အီတူး၊ ၀ီလီယံနဲ့ ဟာဇာ့ဒ်တို့ကို တွဲပေးခဲ့ပါတယ်။ အသစ်ရောက်လာတဲ့ ကစားသမားတွေထဲမှာ ဆားဘီးယား အလယ်တန်း ကစားသမား မာတစ် ပရီးမီးယားလိဂ် ပထမဆုံး ပွဲထွက်ခွင့်ရခဲ့ပြီး ခြေစွမ်းပြနိုင်ခဲ့ကာ အီဂျစ်တိုက်စစ်မှူး မိုဟာမက် ဆာလာဟ်ကတော့ အရန်စာရင်းမှာပါခဲ့ပေမယ့် ၀င်ရောက်ကစားခွင့်မရခဲ့ပါဘူး။
ပွဲအစကတည်းက အိမ်ရှင် မန်စီးတီးက ဘောလုံးပိုင်ဆိုင်မှု အသာနဲ့ ကစားခဲ့ပေမယ့် သိပ်သည်းလှတဲ့ ချယ်ဆီးနောက်တန်းကြောင့် ဂိုးပေါက်ကိုတော့ ထိထိရောက်ရောက် မခြိမ်းခြောက်နိုင်ခဲ့ပါဘူး။ ချယ်ဆီးကတော့ မာတစ်ရဲ့ ကွင်းလယ်မောင်းနှင်မှုနဲ့ အတူ ဘောလုံးပိုင်ဆိုင်မှု အားနည်းခဲ့ပေမယ့် မန်စီးတီးဘက်ကို ဂိုးသွင်းခွင့်တော်တော် များများရခဲ့ပြီး အပိုင်သုံးလုံးလောက် တိုင်ထိထွက်ခဲ့တာကြောင့် ၁ ဂိုးနဲ့သာ ကျေနပ်ခဲ့ရတာပါ။
ချယ်ဆီးရဲ့ တစ်လုံးတည်းသော အနိုင်ဂိုးကိုတော့ ၃၂ မိနစ်မှာ နောက်ခံလူ အိုင်ဗန်နိုဗစ်က ဧရိယာအပြင်ဘက်ကနေ ဘယ်ခြေနဲ့ အပြင်း ကန်သွင်းယူခဲ့ပါတယ်။ ချယ်ဆီးဟာ နောက်ဆုံး ကစားတဲ့ ၈ ပွဲမှာ ၆ ပွဲအထိ ဂိုးမပေးရခဲ့ဘဲ၊ အခုပွဲဟာ လေးပွဲဆက်တိုက် ဂိုးမပေးရခြင်းလည်းဖြစ်ပါတယ်။ နောက်ဆုံးကစားခဲ့တဲ့ ပွဲ ၂၀ မှာ ၁၉ ပွဲအထိ အနိုင်ရခဲ့တဲ့ မန်စီးတီးအသင်းကတော့ ၂၀၁၀ နောက်ပိုင်း အိမ်ကွင်းမှာ ပေးဂိုးမရဘဲ ပထမဆုံး ရှုံးနိမ့်ခဲ့ခြင်းပါ။ ဒီပွဲရဲ့ အကောင်းဆုံး ကစားသမားဆုကိုတော့ ချယ်ဆီးနောက်ခံလူ ကာဟေးလ်က ဆွတ်ခူးသွားပါတယ်။
ဒီပွဲအနိုင်ကြောင့် ချယ်ဆီးဟာ အာဆင်နယ်ထက် ၂ မှတ်လျော့၊ မန်စီးတီးနဲ့ အမှတ်တူ ဂိုးကွာချက်ကြောင့် တတိယနေရာမှာရှိနေခဲ့ပါတယ်။
Photo-.premierleague.com
