ဇန်နဝါရီ ၃၀၊ ၂၀၁၄
M-Media
– ဂျာမနီနိုင်ငံ နိုင်ငံခြားရေးဝန်ကြီးဌာန၏ ဒုတိယပြောရေးဆိုခွင့်ရှိသူအဖြစ် မွတ်စလင်အမျိုးသမီးတစ်ဦးအား ဂျာမနီနိုင်ငံက ခန့်အပ်ခဲ့သည်ဟုသိရသည်။
အသက် ၃၅ နှစ်အရွယ် ပါလက်စတိုင်းနွယ်ဖွား ဆော်ဆန် ချက်ဘလီဖြစ်ပြီး နိုင်ငံခြားရေးဝန်ကြီး ဖရန့်ဝေါလ်ကာက ၀န်ကြီးဌာန ပြောရေးဆိုခွင့်ရှိသူ မာတင် ရှယ်ဖာ၏ လက်ထောက်အဖြစ် ပြီးခဲ့သည့် တစ်ပါတ်က ခန့်အပ်ခဲ့ခြင်းဖြစ်သည်။
“ကျွန်မရဲ့ဦးခေါင်းမှာ ပုဝါဆောင်း မထားတဲ့အတွက်ကြောင့် ကျွန်မကို မွတ်စလင်တစ်ဦးအဖြစ် သိကြမှာမဟုတ်ပါဘူး။ ဒါပေမယ့် ကျွန်မ ဘုရားဝတ်ပြုတယ်၊ ဥပုသ်သီလဆောက်တည်တယ်၊ (အစ္စလာမ်ကတားမြစ်ထားတဲ့ အတွက်ကြောင့်) ၀က်သားလည်း မစားဘူး၊ အရက်လည်း မသောက်ပါဘူး” ဟု ချက်ဘလီက ပြောကြားခဲ့သည်။
ချက်ဘလီမှာ ၁၉၇၀ ပြည့်နှစ်များတွင် ဘာလင်၌ မွေးဖွားခဲ့ပြီး အသက် ၁၅ နှစ်အရွယ်တွင် ဂျာမနီနိုင်ငံသားဖြစ်ခဲ့သည်။ နိုင်ငံရေးသိပ္ပံ အထူးပြုဖြင့် ဘွဲ့ရရှိထားပြီး ဂျာမနီပါလီမန်တွင် ၆ နှစ်အလုပ်လုပ်ခဲ့သူဖြစ်သည်။
ထိုကဲ့ရာထူးရယူရန် အစကတည်းက မျှော်လင့်ထားခဲ့ကြောင်း၊ ဘာသာအယူဝါဒနှင့် လူမျိုးသတ်မှတ်ချက်မှာ အနာဂတ်တွင် အရေးပါတော့မည် မဟုတ်ကြောင်း ချက်ဘလီက ပြောကြားခဲ့သည်။
ပြီးခဲ့သည့် စက်တင်ဘာလအတွင်းက ပြုလုပ်ခဲ့သည့် ရွေးကောက်ပွဲတွင် မွတ်စလင်အမျိုးသမီးတစ်ဦးမှာ အနိုင်ရရှိခဲ့ပြီး ဂျာမနီပါလီမန်တွင် ဥပဒေပြုအမတ်ဖြစ် တာဝန်ထမ်းဆောင်ခွင့်ရခဲ့သည်။
ဂျာမနီနိုင်ငံမှာ ပြင်သစ်ပြီးလျှင် ဒုတိယမြောက် အစ္စလာမ်ဘာသာဝင်အများဆုံးရှိရာ နိုင်ငံတစ်ခုဖြစ်ပြီး နိုင်ငံ လူဦးရေ ၈၂ သန်း၏ ၃.၈ ရာခိုင်နှုန်းမှ ၄.၃ ရာခိုင်နှုန်းကြားမှာ အစ္စလာမ်ဘာသာဝင်များဖြစ်ကြသည်။
Ref: OnIslam
