ဒီဇင်ဘာ ၁၄-၂၀၁၃
M-Media
သီရိ
ပေါင်းတည်။ ။ ခွင့်ပြုချက်မယူဘဲ စီတန်းလှည့်လည်မှု ပုဒ်မ ၁၈၊ အသင်းဖွဲ့ဆိုင်ရာ ဥပဒေ ၁၆ တို့ဖြင့် တရားစွဲဆိုခံထားရသည့် မိတ္ထီလာပြည်သူ့ အကျိးဆောင်ကွန်ရက်မှ ဒေါ်မြင့်မြင့်အေး၊ ၀ိမုတ္တိ လူမှုကူညီရေးအဖွဲ့မှ ဒေါ်မိမိခိုင်၊ နတ်တလင်းပြည်သူ့ အကျိုးဆောင်ရွက်ကွန်ရက်မှ ကိုသန့်ဇင်ထက် တို့သည် ဒီဇင်ဘာလ ၁၃ ရက်နေ့မှစတင်ကာ ပေါင်းတည်ထောင်တွင် အစာငတ်ခံ ဆန္ဒပြခဲ့ကြသည်။
ထိုသုံးယောက်အား ပဲခူးတိုင်းအနောက်ပိုင်း နတ်တလင်းမြို့နယ် ကြတ်ကြီးကြိုးဝိုင်းအတွင်းသိမ်းယူခံထားရသည့် လယ်ယာမြေ ဧက ၁၄၀ ခန့်ပေါ်တွင် ထွန်တုံးတိုက်ပွဲ ဆင်နွဲခဲ့သည့် တောင်သူများကိုအားပေး ကူညီမှုဖြင့် ဇွန် ၁၁ ရက်တွင် ဖမ်းဆီးခဲ့ခံရခြင်းဖြစ်သည်။
၎င်းတို့ကိုဖမ်းဆီးထားသည်မှာ ၆ လကျော်ရှိပြီဖြစ်ပြီး အမိန့်ချခြင်းမရှိသေးဘဲ ကြန့်ကြာနေသောကြောင့် ယခုလိုဆန္ဒပြသခြင်းဖြစ်သည်။ “လျှောက်လွှဲချက်တွေပြီးရင် အမြန်ဆုံးအမိန့်ချရမယ်လို့ ဥပဒေမှာပြဌာန်းထားပါတယ်။ ဒါပေမဲ့ လောလောဆယ် မှာတော့ လျှောက်လွှဲချက်ကြားနာပြီး တစ်လနီးပါးကြာသွားပြီ၊ အမိန့်မချသေးဘူး” ဟု ၎င်းတို့၏အကျိုးဆောင်ရှေ့နေ ဦးရဲလင်းနိုင်ကပြောခဲ့သည်။
“မြို့နယ်က စွဲချက်တင်သင့်ကြောင်း ချပေးတဲ့အမိန့်ကို တိုင်းတရားရုံးကပြင်ဆင်ချက်ပေးထားတယ်၊ အမိန့်ချမပေးခဲ့ဘူး အချိန်ဆွဲထားတယ်၊ ဒီလိုမျိုးအချိန်အကြာကြီးဆွဲထားတာဟာ တမင်ညှင်းပန်းရာကျတဲ့အတွက် အချုပ်ထဲမှာ သုံးယောက်လုံး အစာငတ်ခံ ဆန္ဒပြသွားမယ်” ဟု ဒီဇင်ဘာလ ၁၀ ရက်ရုံးချိန်းတွင် တရားရင်ဆိုင်နေရသူများက ပြောကြားခဲ့သည်။
ဓါတ်ပုံအညွှန်း- မိတ္ထီလာပြည်သူ့ အကျိးဆောင်ကွန်ရက်မှ ဒေါ်မြင့်မြင့်အေး (Photo-Internet)
