Blog

ဒီဇင်ဘာ ၁၁ အားကစားသတင်းများ

ဒီဇင်ဘာ ၁၁၊ ၂၀၁၃
M-Media

– ၂ ဂိုးပြတ်ဖြင့် ဦးဆောင်နေခဲ့သော်လည်း ၃ ဂိုးပြန်လည်ပေးခဲ့ရကာ အိမ်ကွင်းတွင် မန်စီးတီးအသင်းကို အရှုံးပေးခဲ့ရခြင်းမှာ အသင်းအတွက် အရေးပါသော သင်ခန်းစာဖြစ်သည်ဟု ဘိုင်ယန်မြူးနစ် အသင်း၏ နည်းပြ ဂွာဒီယိုလာက ပြောကြားခဲ့သည်။ ပထမအကျော့ အီတီဟတ်တွင် အနိုင်ကစားနိုင်ခဲ့သည့် ဘိုင်ယန်မှာ ထိုပွဲတွင် ပွဲအစ ၁၂ မိနစ်အချိန်မှာတွင်ပင် ၂ ဂိုးပြတ်ဖြင့်ဦးဆောင်နေခဲ့ပြီး အနိုင်ဂိုးများကို မထိန်းနိုင်ခဲ့ဘဲ အရှုံးပေးခဲ့ရခြင်းဖြစ်သည်။
………………………………..
– ချန်ပီယံလိဂ် အုပ်စုအဆင့်တွင် ၉ ဂိုးအထိသွင်းယူခဲ့ပြီး စံချိန်သစ်တင်ခဲ့ခြင်းမှာ အလွန်ထူးခြားသောအရာဖြစ်သည်ဟု ရီးယဲလ် တိုက်စစ်မှူး ရော်နယ်ဒိုက ပြောကြားခဲ့သော်လည်း ယခုကစားသည့် ပုံစံမှာ အကောင်းပုံစံ မဟုတ်သေးဟု ပြိုင်ဘက်များအား သတိပေးခဲ့သည်။ ဒဏ်ရာကြောင့် အနားယူနေရာမှာ ပြန်လည် ပါဝင်လာသည့် ရော်နယ်ဒိုမှာ ယနေ့နံနက်က ကစားခဲ့သည့် ကိုပင်ဟေဂင်အား ၂ ဂိုး ဂိုးမရှိဖြင့် အနိုင်ရရှိခဲ့သောပွဲတွင် အသင်းအတွက် ၁ ဂိုးသွင်းယူပေးခဲ့ပြီး ချန်ပီယံလိဂ် အုပ်စုအဆင့်တွင် သွင်းယူခဲ့သည့် ၉ ဂိုးမြောက်ဂိုးလည်းဖြစ်ခဲ့သည်။ ထိုပွဲတွင် ပင်နယ်တီတစ်လုံးလွဲချော်ခဲ့သော်လည်း ရော်နယ်ဒို၏ ကစားပုံနှင့်ပက်သက်၍ နည်းပြ အန်ဆယ်လော့တီက ချီးကျူးပြောဆိုခဲ့သည်။
………………………………
– ရှက်တာဒိုးနက်နှင့် ကစားခဲ့သည့် ချန်ပီယံလိဂ်ပွဲ ပထမပိုင်းအပြီးတွင် ကစားသမားများအား ပြင်းထန်သောဝေဖန်မှုများပြုလုပ်ခဲ့သည်ဟု မန်ယူအသင်း နည်းပြ ဒေးဗစ်မိုယက်စ်က ပြောကြားခဲ့သည်။ ထိုကဲ့သို့ ဝေဖန်မှုမှာ ထိရောက်ခဲ့ပြီး ဖီလ်းဂျုံးက အသင်းအတွက် အနိုင်ဂိုး သွင်းယူပေးနိုင်ခဲ့သောကြောင့် မန်ယူမှာ အုပ်စုဗိုလ်အဖြစ် နောက်တစ်ဆင့်သို့ တက်ရောက်သွားခဲ့ပြီး ရှုံးထွက်အဆင့်တွင် ရီးယဲလ်၊ ဘိုင်ယန်၊ ပီအက်စ်ဂျီ၊ အက်သလက်တီကို အသင်းတို့အား ရှောင်ရှားနိုင်မည်ဖြစ်သည်။
……………………………………..
– အာဆင်နယ်အသင်း၏ အလှည့်ကျကစားသည့်စနစ်နှင့်ပက်သက်၍ အဆင်ပြေသော်လည်း အရန်ခုံတွင် ထိုင်နေရခြင်းကို စိတ်ပျက်မိကြောင်း တိုက်စစ်မှူး ဂျရူးက ၀န်ခံပြောကြားခဲ့သည်။ ဂျရူးမှာ ပရီးမီးယားလိဂ် ၁၄ ပွဲကစားပြီး ၇ ဂိုးသွင်းယူထားခဲ့ကာ ဟာလ်စီးတီးအသင်းအား ၂ ဂိုး ဂိုးမရှိဖြင့် အနိုင်ရရှိခဲ့သည့်ပွဲတွင် လူစားဝင်ကစားသမားအဖြစ် ကစားခဲ့ရသည်။ အာဆင်နယ်တွင် တိုက်စစ်မှူး စစ်စစ်အဖြစ် ဂျရူးတစ်ဦးတည်းသာရှိနေပြီး အာဆင်ဝင်းဂါးအနေဖြင့် လာမည့် ဇန်န၀ါရီအပြောင်းအရွှေ့တွင် တိုက်စစ်မှူးတစ်ဦးခေါ်ယူရတော့မည်ဖြစ်သည်။
…………………………………….
– ယခုနောက်ပိုင်းကြုံတွေ့နေရသည့် ရလဒ်ဆိုးများကြောင့် မီဒီယာများက အသင်းအား ဝေဖန်နေကြသော်လည်း အသင်းအနေဖြင့် ယုံကြည်မှုအပြည့်အ၀ရှိကြောင်း ဘာစီလိုနာအသင်း၏ အလယ်တန်းလူ ဆာဂျီယို ဘက်စ်ကတ်က ပြောကြားလိုက်သည်။ ဒဏ်ရာကြောင့် မက်ဆီမပါဝင်နိုင်သည့် ဘာကာအသင်းမှာ ချန်ပီယံလိဂ်တွင် အေဂျက်အသင်းနှင့် လာလီဂါတွင် ဘီလ်ဘာအိုတို့အားဆက်တိုက်ရှုံးနိမ့်ခဲ့ပြီးနောက် အသင်းမှာ မက်ဆီအား အားထားလွန်းသည်ဟု ဝေဖန်မှုများရှိနေခဲ့သည်။
…………………………………..
– အသင်းရှိ နောက်ခံလူ အရ်ှလေးကိုလ်းမှာ ဖရော်ရှင်နယ်ကစားသမားများ အတုယူစရာ ကစားသမားတစ်ဦးဖြစ်သည်ဟု ချယ်ဆီး နည်းပြ မော်ရင်ဟိုက ပြောကြားလိုက်ပြီး ကိုလ်းအား နှစ်ရှည်စာချုပ် သစ်ချုပ်ဆိုရန် မျှော်လင့်နေသည်ဟုသိရသည်။ အရှက်လေးကိုလ်းမှာ မော်ရင်ဟို ရောက်လာပြီးနောက်ပိုင်း အသင်းတွင်ပုံမှန်နေရာမဖြစ်နေပြီး၊ စာချုပ်သက်တမ်းမှာလည်း ယခုနှစ် ဘောလုံးရာသီ အကုန်တွင် ပြည့်မည်ဖြစ်သည်။
………………………………………
– ဘိုင်ယန်မြူးနစ်အသင်း၏ ကွင်းလယ်လူဖြစ်သူ ဖရန့်ရီဘာရီမှာ ပြင်သစ်ဘောလုံးမဂ္ဂဇင်း France Football မှ မဲပေးရွေးချယ် ချီးမြှင့်သည့် တစ်နှစ်တာအတွက် အကောင်းဆုံးကစားသမားဆုအား အဲဗာတန်တိုက်စစ်မှူး ပေါဂ့်ဘာ ပီအက်စ်ဂျီ ကစားသမား ဘလေ့စ် မာတူအီဒီတို့ကိုကျော်ကာ ရရှိခဲ့သည်ဟု သိရသည်။ အသက် ၃၃ နှစ်အရွယ်ရှိ ရီဘာရီမှာ ၂၀၀၇ ခုနှစ်နှင့် ၂၀၀၈ ခုနှစ်များကလည်း ထိုဆုအားရရှိခဲ့ပြီး ယခုအခါ တတိယအကြိမ်ရရှိခဲ့ခြင်းဖြစ်ကာ ပြင်သစ်တိုက်စစ်မှူးဟောင်း ဟင်နရီနှင့်လည်း စံချိန်တူသွားပြီဖြစ်သည်။

………………………………………

မန်ယူ၊ မန်စီးတီးတို့ အနိုင်ရခဲ့ပြီး အိုလံပီယာကော့စ်နှင့် လေဗာကူဆင်တို့ နောက်တစ်ဆင့်သို့ တက်ရောက်သွားခဲ့သည့် ချိန်ပီယံလိဂ် အုပ်စုနောက်ဆုံးပွဲစဉ်များ

ချန်ပီယံလိဂ် အုပ်စု A၊ B၊ C၊ D ၏ အုပ်စုနောက်ဆုံးပွဲစဉ်များကို ယနေ့နံနက်ပိုင်းက ကစားခဲ့ရာ မန်ယူအသင်းမှာ အိမ်ကွင်း၌ အနိုင်ကစားနိုင်ခဲ့ပြီး မန်စီးတီးအသင်းမှာလည်း အဝေးကွင်းတွင် အနိုင်ရခဲ့သည်။ အိုလံပီယာကော့စ်နှင့် လေဗာကူဆင် အသင်းတို့မှာ အိမ်ကွင်းတွင် ပြိုင်ဘက်အသင်းများကို အသီးသီးအနိုင်ရရှိခဲ့ပြီး နောက်တစ်ဆင့်သို့တက်ရောက်သွားခဲ့ကာ ဂျုဗင်တပ်စ်နှင့် ဂါလာတာစာရေးတို့ပွဲစဉ်မှာ ဆီးနှင်းများ ထူထပ်စွာကျဆင်းနေမှုကြောင့် ရပ်နားခဲ့ရပြီး ယနေ့ညတွင် ပြန်လည်ကစားမည်ဖြစ်သည်။

အုပ်စု A

မန်ယူ ၁-၀ ရှက်တာဒိုးနက်
ဆိုစီဒက် ၀-၁ လေဗာကူဆင်

လေးရက်အတွင်း အိမ်ကွင်း၌ ၂ ပွဲဆက်တိုက်ရှုံးနိမ့်ခဲ့သည့် မန်ယူအသင်းမှာယခုပွဲတွင် အိုးထရက်ဖို့ဒ်၌ ရှက်တာဒိုးနက်အသင်းအား အနိုင်ကစားနိုင်ခဲ့သည်။ ရှက်တာဒိုးနက်မှာ ယုခပွဲအနိုင်ရရှိလျှင် နောက်တစ်ဆင့်သို့တက်ရောက်မည့်အခွင့်အရေးရှိနေပြီး ဂိုသွင်းနိုင်မည့်အခွင့်အရေး ၃ ကြိမ်ထက်မနည်း ရခဲ့သော်လည်း ဂိုးအဖြစ် ပြောင်းလဲနိုင်ခဲ့ခြင်း မရှိပေ။ မန်ယူအသင်းအတွက် တစ်လုံးတည်းသောအနိုင်ဂိုးကို ဒုတိယပိုင်း ၆၇ မိနစ်တွင် ဖီလ်ဂျုန်းစ်က သွင်းယူပေးခဲ့သည်

နောက်တစ်ဆင့်တက်ရေးအတွက် မျှော်လင့်ချက်ရေးရေးရှိနေသည့် လေဗာကူဆင်အသင်းမှာ အမှားအယွင်းမရှိဘဲအနိုင်ကစားနိုင်ခဲ့ပြီး ရှက်တာဒိုးနက်အသင်းမှာလည်း မန်ယူအသင်းကို ရှုံးနိမ့်သွားခဲ့သောကြောင့် လေဗာကူဆင်အသင်းမှာ နောက်တစ်ဆင့်သို့ တက်ရောက်သွားခဲ့ပြီဖြစ်သည်။ နောက်တစ်ဆင့်သို့တက်ရောစေမည့်အနိုင်ဂိုးအား ဒုတိယပိုင်းအစ ၄၉ မိနစ်တွင် အိုမာတိုပရက်က သွင်းယူပေးခဲ့ခြင်းဖြစ်သည်။
……………………….
အုပ်စု B

ကိုပင်ဟေဂင် ၀-၂ ရီးယဲလ်မက်ဒရစ်
ဂါလာတာစာရေး ၀-၀ ဂျုဗင်တပ်စ် (ပွဲဖျက်ခဲ့ရ)

အဝေးကွင်းတွင်ကစားခဲ့ရသော်လည်း ရီးယဲလ်တို့မှာ အသင်းငယ် ကိုပင်ဟေဂင်အသင်းအား တောက်လျှောက်ဖိကစားနိုင်ခဲ့ပြီး မိုဒရစ်နှင့် ရော်နယ်ဒိုတို့၏သွင်းဂိုးများဖြင့် အနိုင်ရရှိခဲ့သည်။ ယခုပွဲအနိုင်ကြောင့် ရီးယဲလ်တို့မှာ ချန်ပီယံလိဂ်ရှုံးပွဲမရှိကစားနိုင်ခဲ့ပြီး၊ ရော်နယ်ဒိုမှာလည်း ချန်ပီယံလိဂ် ၉ ဂိုးသွင်းယူနိုင်သည့် စံချိန်ရရှိခဲ့သည်။

အစ္စတန်ဘူလ်တွင်ကစားခဲ့သည့် ဂါလာတာစာရေးနှင့် ဂျူဗင်တပ်စ်တို့ပွဲမှာ ပထမပိုင်းတစ်ဝက်ကျော်သာ ကစားခဲ့ရပြီး ဆီးနှင်းများ ထူထပ်စွာကျဆင်းမှုကြောင့် ပွဲကိုဖျက်သိမ်းခဲ့ရကာ ယနေ့ညတွင် ပြန်လည်ယှဉ်ပြိုင်ကစားမည်ဖြစ်သည်။
…………………………………
အုပ်စု C

ဘင်ဖီကာ ၂-၁ ပီအက်စ်ဂျီ
အိုလံပီယာကော့စ် ၃-၁ အန်ဒါလက်ခ်ျ

ဘင်ဖီကာအသင်းမှာ ယခုပွဲတွင်အနိုင်ရရှိအောင် ကစားနိုင်ခဲ့သော်လည်း ဂိုးကွာခြားချက်ကြောင့် နောက်တစ်ဆင့်သို့ တက်ရောက်နိုင်ခဲ့ခြင်းမရှိခဲ့ပေ။ ပွဲမှာအကြိတ်အနယ်ရှိခဲ့ပြီး ဦးဆောင်ဂိုးအား ပီအက်စ်ဂျီအသင်းက ၃၇ မိနစ်တွင် ကာဗာနီ၏ သွင်းဂိုးဖြင့်ရရှိခဲ့သည်။ သို့သော်လည်း ဘင်ဖီကာအသင်းအတွက် ၄၅ မိနစ်တွင် လီမာက ပင်နယ်တီမှတစ်ဆင့်လည်းကောင်း၊ ၅၈ မိနစ်တွင် ဂိုတန်မှလည်းကောင်း ချေပဂိုးနှင့် အနိုင်ဂိုးများကို အသီးသီးသွင်းယူပေးခဲ့သည်။

ပင်နယ်တီ ၂ လုံးအထိ လွဲချော်ခဲ့သော်လည်း ပြင်သစ်ကလပ် အိုလံပီယာကော့စ်အသင်းမှာ တိုက်စစ်မှူး ဆာဗီယိုလာ၏ သွင်းဂိုးများဖြင့် အနိုင်ရရှိခဲ့ကာ နောက်တစ်ဆင့်သို့ တက်ရောက်သွားခဲ့ပြီဖြစ်သည်။ ယခုပွဲတွင် အန်ဒါလက်ခ်ျအသင်းမှ ကစားသမားသုံးဦးအထိ အထုတ်ခံခဲ့ရသည်။ ပထမပိုင်း ၃၃ မိနစ်တွင် ဆာဗီယိုလာက အိမ်ရှင်အတွက် အဖွင့်ဂိုးကို လှပစွာသွင်းယူပေးခဲ့သည်။ သို့သော်လည်း ၆ မိနစ်အကြာတွင် အန်ဒါလက်ခ်ျတို့ ချေပဂိုးရရှိခဲ့ပြီး ကီဂျက်စတန်က သွင်းယူပေးခဲ့သည်။ ဒုတိယပိုင်း မိနစ် ၅၀ နှင့် ၇၂ မိနစ်တို့တွင် ဆာဗီယိုလာနှင့် ၀ီအစ်ဇ်တို့က ပင်နယ်တီအသီးသီးလွဲချော်ခဲ့ကြသည်။ သို့သော်လည် အိမ်ရှင်အသင်းအတွက် အနိုင်ဂိုးများကို ၅၈ မိနစ်တွင် ဆာဗီယိုလာကလည်းကောင်း၊ ဒုတိယပိုင်းနာကျင်အချိန်ပိုတွင် ပင်နယ်တီမှတစ်ဆင့် ဒိုမင်ဂက်ဇ်ကလည်းကောင်း သွင်းယူပေးခဲ့ပြီး အိုလံပီယာကော့စ်အား ၁၆ သင်း ရှုံးထွက်အဆင့်သို့ တက်ရောက်စေခဲ့သည်။
………………………………
အုပ်စု D

ဘိုင်ယန် ၂-၃ မန်စီးတီး
ပါဇန် ၂-၁ စီအက်စ်ကေအေ မော်စကို

ပထမအကျော့ အီတီဟတ်တွင် အရှုံးပေးခဲ့ရသည့် မန်စီးတီးအသင်းမှာ ယခုပွဲတွင် ဘိုင်ယန်အား ရှုံးကြွေးဆပ်နိုင်ခဲ့သည်။ သို့သော်လည်းမူလာနှင့် ဂိုတက်ဇ်တို့၏ ပွဲအစ ၅ မိနစ်နှင့် ၁၂ မိနစ်တို့တွင် သွင်းယူခဲ့သောဂိုးဖြင့် ဘိုင်ယန်ဦးဆောင်နေခဲ့ပြိး ၂၈ မိနစ်တွင် ဆေးလ်ဗားက မန်စီးတီးအတွက် ပထမချေပဂိုးသွင်းယူပေးခဲ့သည်။ ဒုတိယပိုင်း ၅၉ မိနစ်တွင် မန်စီးတီးတို့ ဒုတိယချေပဂိုးရရှိခဲ့ပြီး ကိုလာရော့ဗ်က ပင်နယ်တီမှတစ်ဆင့် သွင်းယူပေးခဲ့ခြင်းဖြစ်သည်။ ဘိုင်ယန်မြူးနစ်အသင်း၏ ချန်ပီယံလိဂ် ၁၀ ပွဲဆက်ရှုံးပွဲမရှိကစားနိုင်ခဲ့မှုအား အဆုံးသတ်သွားစေမည့် အနိုင်ဂိုးကို ၆၂ မိနစ်တွင် ကွင်းလယ်လူ မီလ်နာက သွင်းယူပေးခဲ့ခြင်းဖြစ်သည်။

ပါဇန်အသင်းမှာ အိမ်ကွင်းတွင် ၂ ဂိုး ၁ ဂိုးဖြင့် အနိုင်ကစားနိုင်ခဲ့သောကြောင့် အုပ်စုတွင် တတိယနေရာရရှိကာ ယူရိုပါလိဂ်ဝင်ခွင့်အား သေချာစေခဲ့သည်။ ဒုတိယပိုင်း ၆၅ မိနစ်တွင် စီအက်စ်ကေအေမှ မူစာ၏သွင်းဂိုးဖြင့်ဦးဆောင်ခဲ့ပြီး၊ ၇၆ မိနစ်နှင့် မိနစ် ၉၀ တို့တွင်ကိုလာနှင့် ၀ဂ်နာတို့က ပါဇန်အတွက် ချေပဂိုးနှင့် အနိုင်ဂိုးများကိုသွင်းယူပေးခဲ့သည်။ ယခုပွဲတွင် စီက်စ်ကေအေအသင်းမှ ကစားသမား နှစ်ဦးအထိ အထုတ်ခံခဲ့ရသည်။

December 11, 2013
ကွယ်လွန်သူ မင်ဒဲလားအတွက် ဆုတောင်းပွဲများပြုလုပ်၊ ကမ္ဘာ့နိုင်ငံ (၉၀) မှ ခေါင်းဆောင်များ တက်ရောက်ခဲ့ကြ

ဒီဇင်ဘာ ၁၁၊ ၂၀၁၃
M-Media

ပြီးခဲ့သည့် ကြာသာပတေးနေ့က ကွယ်လွန်သွားခဲ့သည့် တောင်အာဖရိက သမ္မတဟောင်း နယ်လ်ဆင်မင်ဒဲလားအတွက် ဂျိုဟန်နစ္စဘတ်ရှိ ဘောလုံးကွင်းတွင်ပြုလုပ်ခဲ့သည့် ဆုတောင်းပွဲတွင် ကမ္ဘာ့နိုင်ငံ ၉၀ မှ နိုင်ငံ့ခေါင်းဆောင်များတက်ရောက်ဂါရ၀ပြုခဲ့ကြကာ မင်ဒဲလား သက်ရှိထင်ရှားရှိစဉ်က ဆောင်ရွက်ခဲ့သည့် အသားအရောင်ခွဲခြားမှုပပျောက်ရေး၊ အမျိုးသားရင်ကြားစေ့ရေးနှင့် ဒီမိုကရေစီဖော်ဆောင်ရေးလုပ်ငန်းစဉ်များအား ပြန်ပြောင်း ပြောကြားခဲ့ကြသည်။

ထိုပွဲသို့ တက်ရောက်လာခဲ့သည့် အမေရိကန်သမ္မတ ဘာရက်အိုဘားမားက မင်ဒဲလားမှာ ရုန်းကန်ခြင်း၊ ထက်မြက်ခြင်း၊ ဇွဲရှိခြင်းနှင့် ယုံကြည်ခြင်းတို့နှင့်အတူ သမိုင်းတွင် နေရာတစ်နေရာကို ရယူခဲ့ကြောင်း ပြောကြားခဲ့ပြီး၊ မဟတ္တမဂန္ဒီ၊ မာတင်လူသာကင်းနှင့် အေဗရာဟင်လင်ကွန်းတို့နှင့် နှိုင်းယှဉ်ပြောကြားခဲ့သည်။ ထို့ပြင်မင်ဒဲလားမှာ သမိုင်းတွင် ကြီးမားသောပုဂ္ဂိုလ်တစ်ဦးဖြစ်ပြီး နိုင်ငံအား တရားမျှတမှုဘက်သို့ ဆောင်ကျဉ်း ပေးနိုင်ခဲ့သည့် ခေါင်းဆောင်တစ်ဦးအဖြစ် သတ်မှတ်ဖော်ပြခဲ့သည်။

ထို့ပြင် ၁၉၆၁ ခုနှစ်ကတည်းက အမေရိကန်နှင့် သံတမန်ဆက်ဆံရေးမရှိခဲ့သည့် ကျူးဘားနိုင်ငံ နှစ်(၅၀) ကျော်အုပ်စိုးခဲ့သူ သမ္မတဟောင်း ကက်စထရိုအား အိုဘားမားက လက်ဆွဲနှုတ်ဆက်ခဲ့သည်။
Ref: aljazeera

December 11, 2013
တောင်ကြီးမြို့ ပေါက်ကွဲမှုဖြစ်ရပ်မှန်သတင်း၊ မီဒီယာအများစု ဖြစ်ရပ်မှန်ကို လွဲမှားစွာဖော်ပြကြ

ဒီဇင်ဘာ ၁၁၊ ၂၀၁၃
M-Media
မိုးမြင့်မင်း

တောင်ကြီးမြို့တွင်ဖြစ်ပွားခဲ့သော ပေါက်ကွဲမှုဖြစ်ရပ်မှန်နှင့် တာဝန်ရှိသူများမှမေးမြန်း စစ်ဆေးဖော်ပြချက်များ တိကျစွာထွက်ပေါ်၊ မီဒီယာအများစု သတင်းဖြစ်ရပ်မှန်ကို လွဲမှားစွာဖော်ပြ

တောင်ကြီးမြို့တွင်ဖြစ်ပွားခဲ့သော ပေါက်ကွဲမှုဖြစ်ရပ်မှန်နှင့် တာဝန်ရှိသူများမှမေးမြန်း စစ်ဆေး ဖော်ပြချက်များ တိကျစွာထွက်ပေါ်လာခဲ့ပါတယ်။

တောင်ကြီးမြို့တွင်ဖြစ်ပွားခဲ့သော ပေါက်ကွဲမှုဖြစ်ရပ်မှန်ဖြစ်စဉ်အား တာဝန်ရှိသူများမှ ထုတ်ပြန် ပြောကြား ဖော်ပြရာတွင် တောင်ကြီးမြို့၊ မြို့မရပ်၊ မြောက်ကျောင်း လမ်းနှင့် အုတ်ဖိုလမ်းဒေါင့် အမှတ်(၁၈၈)တွင် နေထိုင်သော ဦးမြင့်သိန်း(ခ)ဟာဂျီယူစွဖ်၏ နေအိမ်တွင်၂၀၁၃ခုနှစ်၊ ဒီဇင်ဘာလ (၈)ရက် ညပိုင်း (၁၀း၃၀) ၀န်းကျင်ခန့်အချိန်တွင် ပေါက်ကွဲမှုတစ်ခုဖြစ်ပွားခဲ့ပါသည်။

ထိုကဲ့သို့သော ပေါက်ကွဲမှုဖြစ်စဉ်နှင့်ပတ်သက်၍ ၂၀၁၃ခုနှစ် ဒီဇင်ဘာလ (၁၀)ရက် နံနက်ပိုင်းတွင် တောင်ကြီးမြို့၊ စစ်စံထွန်းရပ်ကွက်ရှိ စစ်စံထွန်းဆေးရုံတွင် ဆေးကုသမှုခံယူလျှက်ရှိသော အခင်းဖြစ်ပွားရာပေါက်ကွဲမှုတွင်ပါဝင်ပြီး တစ်ဦးတည်းထိခိုက် ဒဏ်ရာရရှိခဲ့သူ ဦးမြင့်သိန်း(ခ)ဟာဂျီယူစွဖ်အား သက်ဆိုင်ရာ တာဝန်ရှိအဖွဲ့အစည်းအသီးသီးမှ တာဝန်ရှိသူများ၏ မေးမြန်းမှုများ စုံစမ်းစစ်ဆေးမှုများကို စ၀်စံထွန်းဆေးရုံ ဆေးကုသဆောင်အတွင်းတွင် ဦးမြင့်သိန်း(ခ)ဟာဂျီယူစွဖ်မှ ယခုကဲ့သို့ ဖြေကြားထွက်ဆိုခဲ့ရာတွင် “ ကျနော် ဦးမြင့်သိန်း ၊ အသက်(၄၈)နှစ် ၊ အဘ ဦးမောင်မောင်သည် တောင်ကြီးမြို့၊ မြို့မရပ်၊ မြောက်ကျောင်းလမ်းနှင့် အုတ်ဖို လမ်းဒေါင့် အမှတ်(၁၈၈)တွင် မိမိ၏ မိသားစု ဇနီး၊ သားသမီးများဖြင့် နေထိုင်လျှက်ရှိပြီး အမဲလိုင်စင်စီ(သားသတ်လုပ်ငန်း)ကို မြို့နယ်စည်ပင်သာယာမှ တရားဝင်ခွင့်ပြုချက်ဖြင့် လေလံရရှိကာ ကန်ထရိုက်စနစ်ဖြင့်ဆောင်ရွက်နေသူတစ်ဦးဖြစ်ကာ အမဲသားရောင်းချခြင်းအပြင် သားရေရောင်းဝယ်ခြင်း လုပ်ငန်းကိုလည်း လုပ်ဆောင်နေသူတစ်ဦးဖြစ်ပါသည်။

ကျနော် ဦးမြင့်သိန်းသည် အမဲသားရောင်းချခြင်းများကို မြို့မဈေးအတွင်းတွင် ဆောင်ရွက်သကဲ့သို့၊ မိမိနေအိမ်တွင်လည်း လုပ်ကိုင်ဆောင်ရွက်နေပါသည်။ ထို့အပြင် ရှမ်းပြည်တောင်ပိုင်းအတွင်းရှိ ဒေသအချို့နှင့် မြို့နယ်၊ ကျေးရွာအသီးသီးတွင် သားရေ ရောင်းဝယ်ခြင်းလုပ်ငန်းများကိုလည်း ဆောင်ရွက်ကာ အသားခြောက်ပြုလုပ်ရောင်းချခြင်း လုပ်ငန်းများကိုလည်း ဆောင်ရွက်ခဲ့ပါသည်။

အသားခြောက်လုပ်ငန်းလုပ်ဆောင်ရန်အတွက် အများသူငါ မထိခိုက်စေသော စားသုံးရန်သင့်သော ယမ်းစိမ်းများလည်း အသုံးပြုရပါသည်။ ထို့အပြင် မိမိ၏ ပင်ကိုယ်ဝါသနာအရ ငါးမျှား ငါးဖမ်းခြင်းဓလေ့ကို မကြာခဏ ဆောင်ရွက်လေ့ရှိသလို၊ မိမိဝါသနာအရ ငါးမျှား ငါဖမ်းခြင်းကို မကြာခဏ
ရပ်စောက်မြို့နယ်ရှိ မကျီးပင်ဆည်၊ ဇော်ဂျီဆည်၊ နမ့်ခုတ်မြို့နယ်ရှိ ဟန်လွဲဆည်၊ ကက္ကူမြို့နယ်ရှိ ပုန်းအင်းဆည်များတွင် မကြာ မကြာ ညအိပ်ညနေ ငါးဖမ်း ငါးမျှားသွားလေ့ရှိပြီး၊ လွန်ခဲ့သော နှစ်လကျော် သုံးလ၀န်းကျင်တွင် ရပ်စောက်မြို့အနီး ဇော်ဂျီဆည်တွင် ငါးလာဖမ်းသော အခြားဝါသနာတူ ငါးဖမ်းသူ မိတ်ဆွေအချို့မှ ငါးဖမ်းမိုင်းများကို အသုံးပြုခဲ့ကာ ငါးများစွာဖမ်းဆည်းရမိသည့်အတွက် ထိုသူများ အသုံးပြုခဲ့သော ငါးဖမ်းမိုင်းအကြောင်း စပ်စု မေးမြန်းမိခဲ့ရာမှ ငါးဖမ်းမိုင်းအကြောင်း သိရှိကာ ပိုမိုစိတ်ဝင်စားမိခဲ့ပါသည်။

ရှမ်းပြည်နယ်အတွင်းရှိ၊ အင်းအိုင် ချောင်းများတွင် ငါးဖမ်းသူများအနေဖြင့် ငါးဖမ်းခြင်းအတွက် ဘက်ထရီအိုးနှင့် လျှပ်စစ်ဓါတ်အား အသုံးပြုကာ ရှော့ခ်တိုက်၍ငါးများသေစေခြင်း နည်းလမ်များ ယခင်က အသုံးပြုခဲ့မှုရှိသလို၊ အခြားသူများသည်လည်း ငါးဖမ်းရန်ယမ်းပျော့မိုင်းအား
မိမိတို့အားသန်ရာနည်း စနစ်အချို့ဖြင့် ပြုလုပ်သုံးစွဲနေမှုများရှိခဲ့သည်မှာ အများအသိပင်ဖြစ်ပါသည်။

မိမိအနေဖြင့် ၀ါသနာအရ ငါးမျှား ငါးဖမ်းရာတွင် ငါးပိုမိုရရှိဖမ်းမိစေရန် ငါးဖမ်းမိုင်းပြုလုပ်ခြင်းကို တဆင့်မေးမြန်း လေ့လာပြင်ဆင်ခဲ့ကာ လိုအပ်သော ယမ်းစိမ်း ယမ်းပျော့ကို မိမိ၏ သားရေရာင်းဝယ်ခြင်းနှင့် အသားခြောက်လုပ်ငန်းတွင်အသုံးပြုသော ယမ်းစိမ်း ယမ်းပျော့ကိုသာအသုံးပြုခဲ့ပြီး အခြား ကန့်နှင့်လိုအပ် ပစ္စည်းများကို တောင်ကြီးမြိှု့၊ မြို့မဈေးရှိ ပါရဆေးအရောင်းဆိုင်အချို့တွင် အနည်းငယ်ဝယ်ယူကာ ငါးဖမ်းရာတွင် အသုံးပြုရန် ငါးဖမ်းမိုင်းကို မိမိကိုယ်တိုင် ၀ါသနာအရ ငါးဖမ်းမှုတွင် အသုံးပြုရန်သာ စီမံဆောင်ရွက်ခဲ့မိခြင်းဖြစ်ပါသည်။

အခြား မည်သူ တစ်ဦးတယောက်ကိုမျှ ထိခိုက်နစ်နာစေလိုခြင်းမရှိဘဲ မည်သည့်အဖွဲ့အစည်းနှင့်မျှ ဆက်နွယ်ပတ်သက်မှုမရှိခဲ့ဘဲ အခြားမည်သည့်အဖွဲ့စည်း ပုဂ္ဂိုလ်များကိုမျှ ထိပါးစေရန်မရည်ရွယ်ခဲ့မိကြောင်းဝန်ခံပါသည်။ မိမိပြုလုပ်ထားခဲ့မိသော ငါးဖမ်းရန်ယမ်းပျော့မိုင်းတခုအား စမ်းသပ်နိုင်ရန် ( ၉.၁၂.၂၀၁၃)ရက်နေ့တွင် မိမိ သားရေ၀ယ်ရန် သွားရောက်မည့် ခရီးစဉ်အတွင်းရှိ ကက္ကူကျေးရွာအနီး အင်းအိုင်တခုတွင် စမ်းသပ်ရန်အလို့ဌာ မိမိပြုလုပ်ထားသော ယမ်းပျော့မိုင်းအား မိမိနေအိမ်အပေါ်ထပ်မှ ၂၀၁၃ခုနှစ်၊ ဒီဇင်ဘာလ (၈)ရက်ညပိုင်း (၁၀း၃၀)ခန့်တွင် နေအိမ်အောက်ထပ် မိမိအိမ်အနောက်ခြံဝန်းရှိ မိမိကားအတွင်းသို့ ထည့်သွင်းထားရန် ယူဆောင်လာစဉ် ၊ အိမ်အပေါ်ထပ်မှအဆင်း လှေကားခြေနှင်းအုတ်ခုံအနီးတွင် မတော်တဆ ခြေချော်ထိမိ၍ ငါးဖမ်းယမ်းပျော့ မိုင်းပြုတ် ကျသွားခဲ့ရာမှ ပေါက်ကွဲမှုဖြစ်ပွားခဲ့ပြီး၊ မိမိ၏ ဘယ်ဖက်ခြေထောက် ခြေကျင်းဝတ်ခန့်
ပြင်းထန် ဒဏ်ရာရရှိခဲ့ခြင်းဖြစ်ပါသည်။

မိမိအနေဖြင့် ယခုကဲ့သို့ ငါးဖမ်းယမ်းပျော့မိုင်းအား စမ်းသပ်ပြုလုပ်ခဲ့မှုသည် မည်သူတစ်ဦးတစ်ယောက်ကိုမျှ ထိခိုက်နစ်နာစေလိုခြင်းမရှိခဲ့ပဲ၊ မိမိ ၀ါသနာအရ ငါးမျှား ငါးဖမ်းခြင်းတွင်သာ စမ်းသပ် အသုံးပြုနိုင်ရန်ရည်ရွယ်ခဲ့ကြောင်း “ အာဏာပိုင် အဖွဲ့အစည်းအသီးသီး၏ မေးမြန်း စစ်ဆေးစုံစမ်းမှုများကို အထက်ဖော်ပြပါ အကြောင်းအရာများအတိုင်း ဖြေကြားထွက်ဆိုခဲ့ပါသည်။

အခင်းဖြစ်ပွားရာပေါက်ကွဲမှုတွင် ထိခိုက် ဒဏ်ရာရရှိခဲ့သူ ဦးမြင့်သိန်း(ခ)ဟာဂျီယူစွဖ်သည် တောင်ကြိးမြို့၊ မြို့မရပ်ကွက်အတွင်းရှိ အစ္စလာမ်ဘာသာရေးဝတ်ပြုကျောင်းတော်တစ်ခုဖြစ်သော မြို့လယ်ဗလီ၏ အုပ်ချုပ်မှုကော်မတီ( မြို့လယ်ဗလီဂေါပက ) အဖွဲ့ဝင် တစ်ဦးဖြစ်သလို
မြို့လယ်ဗလီအုပ်ချုပ်မှု ကော်မတီ ဥက္ကဌအဖြစ် တာဝန်ရှိသူတစ်ဦးသာဖြစ်သော်လည်း၊ ဌင်းသည် မြို့လယ်ဗလီ၏ ရှေ့ဆောင် ဗလီဆရာ မော်လ၀ီဆပ် တစ်ဦးမဟုတ်သလို၊ တောင်ကြီးမြို့၏ မွတ်စလင်မ်ခေါင်းဆောင် ဘာသာရေးတာဝန်ခံတစ်ဦးလည်း လုံးဝမဟုတ်ကြောင်း ၄င်း၏ ပြောပြ
ထွက်ဆိုချက်များအရ သိရှိရပါသည်။

၎င်းအနေဖြင့် အစ္စလာမ်ဘာသာဝင် တစ်ဦးဖြစ်သော်လည်း အခြားမည်သည့် လူပုဂ္ဂိုလ်နှင့်အဖွဲ့အစည်းများကို မလိုမုန်းတီးမှုများမရှိခဲ့သလို၊ မည်သူ့ကိုမျှထိခိုက်နစ်နာစေရန် ရည်ရွယ်ချက်မရှိခဲ့ကြောင်း၊ ယခုကဲ့သို့ ငါးဖမ်းယမ်းပျော့မိုင်းအား ပြုလုပ်ရခြင်းသည်လည်း မိမိဝါသနာအရ
မိမိငါးဖမ်းသွားရာတွင် အခြားသူများ သုံးစွဲမှုကိုတွေ့ရှိခဲ့၍ နည်းစနစ်မေးမြန်းကာ ပြန်လည်လုပ်ဆောင် စမ်းသပ်မှုတစ်ခုသာဖြစ်မိကြောင်း ၄င်း၏၀န်ခံပြောကြား ထွက်ဆိုသွားချက်များကို သက်ဆိုင်ရာတာဝန်ရှိပုဂ္ဂိုလ်များ၏ ပြန်လည်ပြောကြားချက်များအရ တိကျစွာသိရှိရပါသည်။

အထက်ဖော်ပြပါ အကြောင်းအရာများနှင့်ပတ်သက်၍ မြို့လယ်ဗလီ ဥက္ကဌ ဦးမြင့်သိန်း(ခ)ဟာဂျီယူစွဖ်၏ နေအိမ်အတွင်းပေါက်ကွဲမှုဖြစ်စဉ်များအရ ၂၀၁၃ခုနှစ်၊ ဒီဇင်ဘာလ (၉)ရက် နံနက်ပိုင်း ၂း၃၀ ၀န်းကျင်ခန့်အချိန်တွင် တောင်ကြီးမြို့၊ မြို့မရပ်၊ မြောက်ကျောင်းလမ်းရှိ မြို့လယ်ဗလီအား
သက်ဆိုင်ရာတာဝန်ရှိအဖွဲ့အစည်းအသီးသီးမှ ၀င်ရောက်စစ်ဆေးမှုများ ပြုလုပ်ခဲ့ကြောင်းသိရှိရကာ၊ စုံစမ်းစစ်ဆေးမှုများအပြီးတွင် မြို့လယ်ဗလီ လုံခြုံရေးအတွက် တာဝန်ရှိသူ စောင့်ရှောက်သူများမှ ရန်သူမျိုးငါးပါး အန္တရာယ်ကာကွယ်ရန်ဆောင်ထားသော လောက်လေးခွနှင့်ဂေါ်လီများအနည်းငယ်တွေ့ရှိခဲ့သလို၊ မြို့လယ်ဗလီ ပစ္စည်းထိမ်းသိန်းမှုနှင့် ဌားရမ်းသောအခန်းတွင်းမှ သုဿာန်သန့်ရှင်းရေးတွင် အသုံးပြုလေ့ရှိသော ဓါးမတို၊ ဓါးမရှည်အချို့နှင့် သားကောင်စွန့်လှူမှု အိးဒ်ပွဲတော်အတွက် သားကောင်အလှူရှင်များအား
ခေတ္တဌားရမ်းပေးရလေ့ရှိသော ဓါးရှည်အချို့အားတွေ့ရှိကာ သက်ဆိုင်ရာမှ တာဝန်ဝတ္တရားများအရ သိမ်းဆည်းသွားခဲ့ကြောင်းလည်းသိရှိရပါသည်။

ဖြစ်ပွားခဲ့သော ဖြစ်စဉ်များအတွင်း သတင်းမီဒီယာသမားများ အချိန်မှီရောက်ရှိ သတင်းယူနိုင်မှုမရှိခဲ့ဘဲ အင်တာနက်စာမျက်နှာများတွင် သတင်းဓါတ်ပုံများပြန့်နှံမှုသည် မှတ်တမ်းရိုက်ကူးခွင့်ရရှိခဲ့သော သက်ဆိုင်ရာ အဖွဲ့အစည်းအသီးသီးမှ တာဝန်ရှိသူများနှင့်သာသက်ဆိုင်ကြောင်း၊
မလျှော် မမှန်မကန် သတင်းမှားများနှင့် မှတ်တမ်းဓါတ်ပုံဖော်ပြမှုများသည် သက်ဆိုင်ရာတာဝန်ရှိ အဖွဲ့အစည်းအသီးသီးမှ တာဝန်ရှိပုဂ္ဂိုလ်များ၏ မမှန်ကန်သော လုပ်ရပ်များ၊ သတင်းမှားဖော်ပြမှုများသာဖြစ်နိုင်ကြောင်းကိုလည်း အခင်းဖြစ်ပွားရာအချိန်အတွင်းနှင့်
စစ်ဆေးစုံစမ်းမှုများတွင်ပါဝင်လိုက်ပါခဲ့သော မြို့မရပ်ကွက် အုပ်ချုပ်ရေးမှူးရုံး အဖွဲ့ဝင် တာဝန်ရှိသူတစ်ဦးမှ ပြောကြားခဲ့ပါသည်။

ရှမ်းပြည်တောင်ပိုင်း၊ တောင်ကြီးမြို့ပေါ်ရှိ အစ္စလာမ်ဘာသာရေး ဗလီဝတ်ကျောင်းတော်များနှင့် ပတ်သက်၍ သံသယဖြစ်ဖွယ် ကောလဟာလသတင်းမှားများ ပြန့်နှံ့နေခဲ့သည့်အတွက် ရှမ်းပြည်နယ် အစ္စလာမ်ဘာသာရေးအဖွဲ့ကြီးမှ တာဝန်ရှိလူကြီးမင်းများအနေဖြင့်၊ ယနေ့ ၂၀၁၃ခုနှစ်၊ ဒီဇင်ဘာလ (၁၀)ရက်နေ့တွင် တောင်ကြီးမြို့ပေါ်ရှိ အစ္စလာမ့်ဗလီဝတ်ကျောင်းတော်(၄)ခုနှင့် ဘာသာရေးစာသင်ကျောင်းတစ်ကျောင်းသို့ မိမိတို့ အစ္စလာမ်ဘာသာရေးအဖွဲ့ကြီး၏ လုံခြုံရေးနှင့် စစ်ဆေးရေးအစီအစဉ်များအရ ဗလီဝတ်ကျောင်းတော်အသီးသီးတည်ရှိရာ ရပ်ကွက်များမှ
ရပ်ကွက်အုပ်ချုပ်ရေးမှုးရုံး အဖွဲ့ဝင်များ၊ နယ်မြေတာဝန်ခံများပါဝင်လျှက် သွားရောက်စစ်ဆေးခဲ့ကြောင်းသိရှိရပြီး၊ တောင်ကြီးမြို့ပေါ်ရှိ ဗလီဝတ်ကျောင်းတော်(၄)ခုအပြင် ဘာသာရေးစာသင်ကျောင်းတစ်ကျောင်းနှင့် ပတ်သက်၍ ပြန့်နှံ့နေသည့် သတင်းများမှာ ကောလဟာလ မခိုင်လုံသော
သတင်းမှားများသာဖြစ်ကြောင်း၊ တောင်ကြီးမြို့ပေါ်ရှိ ဗလီဝတ်ကျောင်းတော်များနှင့် ပတ်သက်၍ မည်သူမဆို၊ မည်သည့်အဖွဲ့အစည်းမဆို မည်သည့်အချိန်တွင်မဆို ၀င်ရောက် လေ့လာ၊ စုံစမ်းစစ်ဆေးနိုင်ပါကြောင်း၊ ဘာသာလူမျိုးမခွဲခြားဘဲ လာရောက် လေ့လာ စုံစမ်းမှုများအတွက် ရှမ်းပြည်နယ်
အစ္စလာမ်ဘာသာရေးအဖွဲ့ကြီးမှ ခင်မင်ရင်းနှီးစွာ ဖိတ်ခေါ်ကြိုဆိုလျှက်ရှိပါကြောင်းကိုလည်း သတင်းရရှိပါသည်။

December 11, 2013
၂၀၁၄ သန်းခေါင် စာရင်းနှင့် မြန်မာမွတ်စလင်

ဒီဇင်ဘာ ၁၁၊ ၂၀၁၃
M-Media
ဆောင်းပါးရှင်-O’Laie Manzu

၂၀၁၄ ခုနှစ် သန်းခေါင်စာရင်းကောက်ခံတဲ့အခါမှာ မြန်မာနိုင်ငံမှာရှိတဲ့ အစ္စလာမ်ဘာသာဝင်တွေက ဘယ်လူမျိုးအဖြစ် ဖြည့်စွက် သင့်သလဲဆိုတဲ့ အမေးခွန်းအပေါ်မှာ ဆွေးနွေးမှုတွေ၊ ငြင်းခုန်မှုတွေပေါ်လာပါတယ်။ ဒီကိစ္စဟာ သမိုင်းတွင်မယ့် အရေးကြီးကိစ္စရပ် တစ်ခုဖြစ်တဲ့ အတွက် ဆွေးနွေးသင့်တယ်။ ငြင်းခုန်သင့်တယ်။ ဒါပေမယ့် အဖြေရှိရာဆီကိုတော့ ဦးတည်သင့်ပါတယ်။ သမိုင်း တလျှောက် မြန်မာနိုင်ငံမှာနေထိုင်ကြတဲ့ အစ္စလာမ်သာသနာဝင်တွေရဲ့ လူမျိုးရေးကိစ္စ အငြင်းပွားလာခဲ့ကြရင်း ဒီနေ့ဒီအချိန်မှာ မြန်မာမွတ်စလင်တွေ နင်းပြား ပြားနေကြရတယ်။ တစ်စုတစ်စည်းတည်းဖြေရှင်းနိုင်မယ့် အင်အားလည်းမရှိဘူးဖြစ်နေပါတယ်။ ဒီလိုငြင်းကြ ခုံကြရင်း ဒီနင်းပြားဘဝ နှောင်မျိုးဆက်တွေကို အမွေအဖြစ် လက်ဆင့်ကမ်းကြရမယ့်အရေး စိုးရိမ်မိပြီး သုံးသပ်မိသမျှကို အကျဉ်းချုပ်ရေးသားလိုက်ရပါတယ်။

ဘုံအမည်

မြန်မာနိုင်ငံမှာရှိတဲ့ အစ္စလာမ်သာသနာဝင်တွေကို ပသီ၊ ပသီကုလား၊ ဇေတဘာဒီ၊ ကုလား၊ မဟာမေဒင်၊ ဗမာမူဆလင် နဲ့ မြန်မာမွတ်စလင် ဆိုပြီး ဘုံနာမည် အမျိုးမျိုးနဲ့သမိုင်းတလျောက်ခေါ်လာခဲ့တယ်ဆိုတာ အားလုံးအသိဘဲဖြစ်ပါတယ်။ ဒီဘုံနာမည် တွေထဲမှာမှ ပသီ နဲ့ ဗမာမူဆလင် ကတော့ ဘုံနာမည်အဖြစ်ခေါ် တာရှိသလို ရှေးအကျဆုံး အစ္စလာမ်သာဝင်လူမျိုးစုကနေဆင်းသက်လာတဲ့ သီးခြားလူမျိုးစု တစ်စုကို ခေါ်တဲ့ လူမျိုးစုနာမည်လို့လည်း သက်မှတ်နေကြတာရှိပါတယ်။ ၁၉၄၆ ခုနှစ်မှာကျင်းပပြုလုပ်ခဲ့တဲ့ ဗမာမွတ်စလင်ကွန်ဂရက် (ဗမက) ရဲ့ဆုံးဖြတ်ချက်အရ ဗမာမူဆလင် (အစ္စလာမ်ဘာသာဝင် ဗမာ လူမျိုး) ဆိုတဲ့ ဘုံနာမည်အောက်မှာ ဗမာ လူမျိုးတွေနဲ့တန်းတူ လူများစုအခွင့်အရေးယူမယ်ဆိုပြီး ဆုံးဖြတ်ခဲ့တယ်။ နောက်တော့ နိုင်ငံအမည်ကို အဆွဲပြုပြီး မြန်မာမူဆလင်၊ မြန်မာ မွတ်စလင်လို့ ဖြစ်လာပြန်တယ်။ ဘုံနာမည် အကြောင်းပြောမယ်ဆိုရင် အဓိကထား စဉ်းစားရမယ့် အချက်နှစ်ချက်ရှိတယ်။ ပထမအချက်ကတော့ ဒီဘုံနာမည်ဟာ ဘယ်သူတွေကို ရည်ညွန်း ခေါ်ဝေါ်တဲ့ဘုံနာမည်လဲ ဆိုတာသုံးသပ်ဖို့လိုပါတယ်။ ကိုးကွယ်တဲ့ဘာသာကိုအခြေခံတာလား၊ လူမျိုးစုတွေကိုအခြေခံတာလား၊ မျိုးရိုးဇစ်မြစ်ကိုအခြေခံတာလား၊ ဒါမှမဟုတ် လူ့အသိုင်းအဝိုင်းတစ်ခုကိုအခြေခံတာလား ဆိုတာ ပြန်လည်သုံးသပ်ဖို့လိုပါတယ်။ နောက်ထပ်အရေးကြီးတဲ့အချက်ကတော့ ဒီလို ဘုံနာမည် တစ်ခု လိုအပ်သလား ဆိုတာကိုလည်း ခွဲခြားစိတ်ဖြာဖို့လိုပါတယ်။

မြန်မာမွတ်စလင်

၂၀၁၄ သန်းခေါင်စာရင်းကိစ္စဆွေးနွေးကြရင်း ကုလား၊ ပသီ၊ မြန်မာ နဲ့ မြန်မာမွတ်စလင်ဆိုတဲ့ အမည်နာမည်တွေအနက်က ဘုံနာမည်တစ်ခုရဲ့အောက်မှာ တရားဝင် တညီတညွတ်တည်းသုံးစွဲကြဖို့ တိုက်တွန်းတာတွေပေါ်လာခဲ့ပါတယ်။ နိုင်ငံရေးရေစီးကြောင်းအရ ယခုလက်ရှိသုံးစွဲနေတဲ့ မြန်မာမွတ်စလင်ဆိုတာ လူမျိုးနဲ့ ဘာသာဒွန်တွဲနေတဲ့အတွက် လူမျိုးတစ်ခုအဖြစ်ရပ်တည်ဖို့မရနိုင်ကြောင်း အတော်များများလက်ခံလာတဲ့သဘောရှိပါတယ်။ အကယ်လို့သာ မြန်မာနိုင်ငံမှာ နေထိုင်ကြတဲ့ ဒါမှမဟုတ် မြန်မာနိုင်ငံသား အစ္စလာမ်ဘာသာဝင်တွေကို ရည်ညွန်းခေါ်ဝေါ်တဲ့ ဘုံနာမည်ဆိုရင်တော့ “မြန်မာမွတ်စလင်” ဆိုတာ အသင့်တော်ဆုံးပါဘဲ။ ဒါဟာ အစ္စလာမ်ဘာသာဝင် လူ့အသိုင်းအဝိုင်းတစ်ခုလုံးကို ခြုံငုံပြီး ခေါ်ဝေါ်တဲ့အမည်တစ်ခုသာဖြစ်ပါတယ်။ ဒါပေမယ့် ဒီမိုကရေစီစနစ်လို လူထုကိုယ်စားလှယ်တွေနဲ့ အုပ်ချုပ်တဲ့ ခေတ်ကာလမှာ မြန်မာမွတ်စလင် (မြန်မာနိုင်ငံရှိ အစ္စလာမ်ဘာသာဝင်) တွေကို ကိုယ်စားပြုဖို့ နိုင်ငံရေးအရလည်း စဉ်းစားဖို့လိုသေးတယ်။ ကိုယ်စားလှယ်ရှိမှလည်း မြန်မာမွတ်စလင်တွေရဲ့အရေး နိုင်ငံရေးစဉ်မြင့်မှာ ပြောဆိုဆွေးနွေးလို့ရမှာကို။ တချိန်တည်းမှာလည်း မြန်မာနိုင်ငံဟာ ဘာသာရေးကိုယ်စားလှယ်တွေနဲ့ အုပ်ချုပ်တဲ့ နိုင်ငံရေးစနစ်မဟုတ်တဲ့အတွက် မြန်မာမွတ်စလင်ဆိုတဲ့ အစ္စလာမ်ဘာသာဝင်တွေကို သီးခြားကိုယ်စားပြုမယ့် ကိုယ်စားလှယ်ရနိုင်ဖို့ကတော့ သဘာဝမကျပြန်ပါဘူး။ ဒါကြောင့် ဘာသာတူသူတွေကို စုပြီးခေါ်တဲ့ ဘုံအမည်အစား လူမျိုးစုကို အခြေခံတဲ့ ဘုံအမည်အဖြစ် ပြောင်းလဲ စဉ်းစားလာကြခဲ့တယ်။ မြန်မာမွတ်စလင်ဆိုတာ ဘယ်လိုလူတွေလည်း ဆိုတာကို စဉ်းစားလာခဲ့ကြတယ်။ ပသီ၊ ကုလား၊ မြန်မာ ဆိုတဲ့ လူမျိုးစုအမည်ကို စဉ်းစားဖို့ ပေါ်လာတယ်။

ပသီ လူမျိုး

အခုတလော ပသီလူမျိုးအဖြစ်ခံယူကြဖို့ တိုက်တွန်းနေတာတွေပြန်ပေါ်လာတယ်။ ဒါပေမယ့် ခက်တာက ပသီဆိုတာကိုရှု့မြင်တဲ့ အမြင်တွေကလည်း ကွဲနေသေးတယ်။ တချို့က ပသီလူမျိုးဆိုတာ ရှေ့အကျဆုံး တောင်အာရှနဲ့ အရှေ့အလယ်ပိုင်းက ဆင်းသက်လာတဲ့ လူမျိုးစုတွေကနေ ပေါက်ဖွားလာတဲ့ သီးခြားလူမျိုးစုတစ်စုဖြစ်တယ်လို့ သတ်မှတ်ကြတယ်။ တချို့ကြပြန်တော့ ပသီဆိုတာ မြန်မာနိုင်ငံမှာနေထိုင်ကြတဲ့ ရိုဟင်ဂျာ၊ ပန်းသေး၊ ပသျှူး၊ ပထန်၊ မယ်မန်၊ ကျူလီယာ၊ စူရ်သီ အစရှိတဲ့လူမျိုးတွေအပါအဝင် တောင်အာရှ လူမျိုးစုတွေနဲ့မျိုးစပ်တဲ့ ကပြားတွေ အားလုံးကို ခြုံငုံခေါ်ဝေါ်တဲ့ ဘုံအမည်ဖြစ်တယ်လို့သက်မှတ်ကြပြန်တယ်။ တနည်းပြောရရင် မြန်မာမွတ်စလင်တွေ အနက်က ပသီလူမျိုးဟာ သီးခြားလူမျိုးစုတစ်စုဖြစ်တယ်လို့မြင်တဲ့သူတွေရှိသလို မြန်မာမွတ်စလင်တွေအားလုံးပါတဲ့ ဘုံလူမျိုးအမည်တစ်ခုဖြစ်တယ်လို့မြင်နေတာတွေလည်းရှိပါတယ်။

ပသီလူမျိုးရဲ့သမိုင်းကိုပြန်ကြည့်ရင် အာရပ် ကုန်သည်တွေ၊ ပါရှန်လူမျိုးတွေ၊ ပဒေသရာဇ်ခေတ်က စစ်မှုထမ်း တောင်အာရှမျိုးဆက်တွေ လည်းပါတယ်။ မျိုးရိုးဇစ်မြစ်ကိုအခြေခံတယ်လို့ယူဆသူတွေရှိသလို အများအားဖြစ်ကတော့ လက်ရှိမြန်မာနိုင်ငံ အလယ်ပိုင်းမြစ်ဝကျွန်းပေါ်ဒေသ ကိုရောက်ရှိလာကြတဲ့ အစ္စလာမ်ဘာသာဝင်တွေကို ဘုံလူမျိုးအဖြစ်ခေါ်ဝေါ်ခဲ့ကြတယ်လိုမှတ်ယူထားကြပါတယ်။ မျက်မှောက်ခေတ်အမြင်အရ ပဒေသရာဇ်ခေတ် ကတည်းက မြန်မာ့နယ်နမိတ်အတွင်းကို ရောက်ရှိနေထိုင်ကြသူတွေအားလုံးဟာ နိုင်ငံသားအဖြစ်မှတ်ယူထားတဲ့အတွက် ပသီတွေဟာ နိုင်ငံခြားသားလို့ သတ်မှတ်လို့ မရပါဘူး။ ပသီတွေဟာ နိုင်ငံခြားသားမဟုတ်တဲ့အတွက် နိုင်ငံခြားသားနဲ့ တိုင်းရင်းသားပေါင်းစပ်တဲ့ ကပြားတွေလို့လည်း ယူဆလို့မရပါဘူး။ ဒီလိုဘဲ ရိုဟင်ဂျာ၊ ပန်းသေး၊ ပသျှူး၊ မြေဒူး နဲ့ ကမန် လူမျိုးတွေကလည်း ပဒေသရာဇ်ခေတ် ကတည်းက ပသီတွေနဲ့ ခေတ်ပြိုင်ရှိခဲ့ပါတယ်။ ဒါကြောင့် သမိုင်းကြောင်းတလျှောက် သီးခြားလူမျိုးစုတွေ အဖြစ်နေထိုင်လာခဲ့ကြတဲ့ ရိုဟင်ဂျာ၊ ပန်းသေး၊ ပသျှူး၊ မြေဒူး နဲ့ ကမန် လူမျိုးတွေကို ပသီလူမျိုးအောက်ထဲ ဆွဲထည့်လိုက်မယ်ဆိုရင် ဘယ်လိုမှ သဘာဝမကျပါဘူး။

တချိန်တည်းမှာ မိမိကိုယ်မိမိ အာရပ်ကုန်သည်တွေ၊ ပါရှန်လူမျိုးတွေ၊ ပဒေသရာဇ်ခေတ်က စစ်မှုထမ်း တောင်အာရှ မျိုးဆက်တွေကနေ ပေါက်ဖွားလာတယ်လို့ ခံယူကြရင်တော့ လွတ်လွတ်လပ်လပ် ပသီလူမျိုးလို့ ခံယူပိုင်ခွင့်ရှိပါတယ်။ ပဒေသရာဇ်ခေတ်မှမဟုတ်ပါဘူး၊ ကိုလိုနီခေတ် အတွင်းမှာ မြန်မာနိုင်ငံကိုရောက်လာတဲ့ တောင်အာရှ မျိုးနွယ်စုတွေ ကနေပေါက်ဖွားလာသူတွေလည်း ပသီလူမျိုးအြ ဖစ် ခံယူခွင့်ရှိပါတယ်။ လူမျိုးတစ်မျိုးဆိုတာ နေချင်းညချင်းပေါ်ပေါက်လာတာ မဟုတ်ပါဘူး။ လူမျိုးဆိုတာ အချိန်ကာလနှင့်အမျှပြောင်းလဲတက်တဲ့ Process ဖြစ်တည်မှုမျိုးပါ။ လူအုပ်စု တစ်စုဟာ လူမျိုးတစ်မျိုးအသွင်ဆောင်လာဖို့အတွက် နှစ်ပေါင်း ရာနဲ့ထောင်နဲ့ချီကြာလေ့ရှိပါတယ်။ ပထဝီအနေအထား၊ လူမှုဘဝ၊ ဘာသာစကား၊ ကိုယ်ကွယ်တဲ့ဘာသာ၊ ယဉ်ကျေးမှု၊ ဓလေ့ထုံးစံ အစရှိတဲ့ပြောင်းလဲမှုတွေနဲ့အတူ လူမျိုးစုတွေဟာလည်းပေါ်လာတက်တယ်၊ ပျောက်ကွယ်သွားတက်တယ်။ ပြောင်းလဲသွားတက်ပါတယ်။ ပသီလူမျိုးဖြစ်တည်မှု Process က အင်္ဂလိပ်-ဗမာ ပထမစစ်ဖြစ်လိုက်တာနဲ့ ရပ်မသွားပါဘူး။ အင်္ဂလိပ်-ဗမာ ပထမစစ် ရဲ့ အရှေ့ပိုင်းတွေ၊ အနောက်ပိုင်းတွေနဲ့ အချိန်ကာလ စည်းမျှဉ်းခြားတာက သက်ဆိုးရှည်ခဲ့တဲ့ အာဏာရှင်ဟောင်း ဦးနေဝင်းရဲ့ အယူအဆသာဖြစ်ပါတယ်။ အင်္ဂလိပ်-ဗမာ ပထမစစ်ပြီးခဲ့တဲ့ ၁၈၂၆ ခုနှစ်ကိုအခြေခံပြီးပိုင်းခြားတဲ့ တိုင်းရင်သားလူမျိုး-နိုင်ငံခြားသာလူမျိုးဆိုတဲ့ ဦးနေဝင်းရဲ့ခွဲခြားသက်မှတ်မှုနည်းနာအတိုင်းလည်း ရပ်တည်ဖို့မလိုပါဘူး။ ယခုမျက်မှောက်ခေတ်ကိုလည်း ပသီလူမျိုးအသွင်ကူးပြောင်းနေတဲ့ ကာလတစ်ခုအဖြစ် မှတ်ယူနိုင်ပါတယ်။ ဒါကြောင့် အာရပ်ကုန်သည်တွေ၊ ပါရှန်လူမျိုးတွေ၊ တောင်အာရှမျိုးဆက်တွေကနေဆင်းသက်လာပြီး မြန်မာ့လူ့ယဉ်ကျေးမူရေစီးကြောင်းအတိုင်းနေထိုင်သူတိုင်းဟာ ပသီလူမျိုးဖြစ်တယ်လို့ ခံယူပိုင်ခွင့်ရှိရမှာဖြစ်ပါတယ်။

မြန်မာ (ဗမာ) လူမျိုး

၁၉၄၆ ခုနှစ် ဇန္နဝါရီလ မှာကျင်းပတဲ့ ဖဆပလ ရွှေတိဂုံအလယ်ပစ္စယံ ညီလာခံမှာ ဗမာမူဆလင် တွေဟာ လူနည်းစုအခွင့်အရေးအပြည့်အဝရသင့်တယ်၊ ဒီလို လူနည်းစုအခွင့်အရေးအပြည့်အဝရဖို့အတွက်ကိုလည်း ဖဆပလအဖွဲ့ချုပ်ကြီးကတာဝန်ယူတယ် ဆိုပြီး ဆရာကြီးဒီဒုတ်ဦးဘချိုကအဆိုတင်သွင်းခဲ့တယ်။ ဒါပေမယ့် အဲဒီနှစ် ဒီဇင်ဘာလမှာကျင်းပတဲ့ ဗမကအဖွဲ့ချုပ် နှစ်ပတ်လည် ညီလာခံမှာ လူနည်းစုအခွင့်အရေးကိစ္စနဲ့ပါတ်သက်ပြီး (၃၇)မဲ – (၃၇)မဲ မဲချင်းတိုက်နေတော့ သဘာပတိဖြစ်တဲ့ ဆရာကြီးဦးရာဇတ်က ဘယ်ဘာသာဘဲကိုးကွယ်ကိုးကွယ် ဗမာလူမျိုးဟာ ဗမာလူမျိုးဘဲ ဆိုတဲ့အယူအဆကို လက်ကိုင်ထားပြီး ဗမာလူမျိုးနည်းတူ လူများစုအခွင့်အရေးသာ ရယူသင့်ကြောင်း ဆုံးဖြတ်ပေးခဲ့တယ်။

မျက်မှောက်ခေတ် မြန်မာနိုင်ငံမှာ ရှိရှိသမျှ လူမျိုးစုတွေအားလုံးကို ခြုံငုံပြီး “မြန်မာလူမျိုး” လို့ကျယ်ကျယ်ပြန့်ပြန်အဓိပ္ပါယ်ဖွင့်ကြသလို ဆရာကြီးဦးရာဇာတ်တို့ခေတ်က လက်ခံထားကြတဲ့ “ဗမာလူမျိုး” ဆိုတဲ့ သက်မှတ်ချက်က ကျယ်ပြန့်တယ်။ Inclusive တော်တော်လေးဖြစ်ပါတယ်။ နောက်ပိုင်းတော့ ဗမာလူမျိုးဆိုတဲ့ သက်မှတ်ချက်ဟာ မျိုးရိုးဗီဇကိုအခြေခံတဲ့ သီးခြားလူမျိုးစုတစ်စုအသွင်ကို ဦးတည်လာခဲ့ပါတယ်။ တချို့ကြပြန်တော့လည်း ဗမာဆိုတာ နိုင်ငံအမည်ကိုဘဲခေါ်တာပါလို့ပြောကြပြန်တယ်။ ဗမာနဲ့မြန်မာ အမည်နာမတွေကိုလက်ခံတဲ့ပုံတွေအပေါ်မှာ အငြင်းပွားမှုတွေဖြစ်လာခဲ့တယ်။ တစ်ဖက်မှာတော့ ဗမာ ဆိုပြီးပြည်မ မှာနေထိုင်ကြတဲ့ လူမျိုးစုတွေနဲ့ တန်းတူရပ်တည်ကြတဲ့ အစ္စလာမ်ဘာသာဝင် ဗမာ (ဗမာ မူဆလင်) တွေဟာ ဗမာအဖြစ်မရပ်တည်ကြတော့ဘဲ နိုင်ငံအမည်နဲ့အတူ အစ္စလာမ်ဘာသာဝင် မြန်မာလူမျိုး (မြန်မာမွတ်စလင်) လို့ တဖြည်းဖြည်းပြောင်းလဲလာခဲ့ပါတယ်။

တစ်ချိန်က ဒီနိုင်ငံ၊ ဒီနယ်နမိတ်အတွင်းမှာ တမြေတည်းနေ၊ တရေတည်းသောက် အတူတကွနေထိုင်ကြသူတွေကို ဗမာလူမျိုးတွေပါဘဲလို့ တပြေးညီသက်မှတ်ခဲ့ကြပေမယ့် အခုခေတ် မြန်မာလူမျိုး (အချို့အယူအဆအရ ဗမာလူမျိုး) ဆိုတဲ့အထဲမှာတော့ သက်ဆိုင်ရာ လူမျိုးစုကွဲတွေရှိနေပြန်တယ်။ ဒါကို တိုင်းရင်းသားလူမျိုးစုဆိုတဲ့ ကန့်သတ်ချက်တွေချထားတယ်။ တိုင်းရင်းသားဆိုတာကလည်း ဦးနေဝင်းသက်မှတ်ပေးခဲ့တဲ့ ၁၈၂၆ ခုနှစ်ကို ပေတံတစ်ခုအဖြစ် လက်ရှိတိုင်းတာနေဆဲဖြစ်ပါတယ်။ တချိန်က တိုင်းရင်းသားအဖြစ်အသိအမှတ်ပြုပေးခဲ့တဲ့ ရခိုင်-စစ်တကောင်း၊ မြန်မာမူဆလင်၊ မြေဒူး၊ မြန်မာ-အိန္ဒိယတွေကိုလည်း မြန်မာတိုင်းရင်းသားစာရင်းကပယ်ဖျက်ခဲ့တယ်။ ဒါကြောင့် လက်ရှိအနေအထားအရ ဗမာ၊ ကရင်၊ ရှမ်း အစရှိတဲ့ တိုင်းရင်းသားလူမျိုးစု ဆိုရင်တော့ အားလုံးတန်းတူ မြန်မာလူမျိုးလို့လက်ခံနိုင်တယ်။ ဒါဟာ ကိုးကွယ်တဲ့ဘာသာအပေါ်အခြေခံတာမဟုတ်ဘဲ လူမျိုးစုအပေါ် အခြေခံတာဖြစ်တယ်။ မြန်မာ့နယ်နမိတ် အတွင်းမှာ သန္ဓေတည်ခဲ့တဲ့ ရိုဟင်ဂျာ၊ ပသီ၊ ပန်းသေး၊ မြေဒူး နဲ့ ပသျှူး လူမျိုးတွေကတော့ မြန်မာ့လူမျိုးစုတွေ ဟုတ်မဟုတ်ဆိုတာ ဆက်လက်အငြင်းပွားနေဦးမှာဖြစ်ပါတယ်။ ဒီလူမျိုးစုဝင်တွေအနေနဲ့ အခြားမြန်မာလူမျိုးတွေနည်းတူ တန်းတူအခွင့်အရေးရဖို့အတွက် ဆက်လက်ချည်တက်ရမယ့် တော်လှန်ရေးကြီး တစ်ရပ်ဖြစ်ပါတယ်။ စူရ်သီ၊ မယ်မာန်၊ ကျူလီယာ၊ ဘန်ဂါလီ၊ ပထန် အစရှိတဲ့ တောင်အာရှနိုင်ငံတွေမှာ သန္ဓေတည်ခဲ့တဲ့ လူမျိုးစုတွေကိုတော့ မြန်မာလူမျိုးအဖြစ် သို့မဟုတ် မြန်မာနိုင်ငံရဲ့ တိုင်းရင်းဌာနေလူမျိုးစုတွေအဖြစ် တရားဝင်လက်ခံပေးမှာမဟုတ်ဘူးဆိုတာ မြင်သာနေပါတယ်။

ကုလား လူမျိုး

တချို့ကတော့ တောင်အာရှမျိုးဆက်ကို ရှေ့တန်းတင်ပြီး ကုလားဆိုတာကိုဘဲ ဘုံလူမျိုးအဖြစ်ရပ်တည်ဖို့ တိုက်တွန်းနေတာတွေကိုလည်းတွေ့ရပါတယ်။ လူမျိုးနာမည်ဘယ်လိုဘဲတပ်တပ် အစ္စလာမ်ဘာသာဝင်တိုင်းကို ကုလားလို့ခေါ်နေမယ့်အတူတူတော့ မထူးဇတ်ခင်းတဲ့သဘောနဲ့ ကုလားလို့သာခံယူကြမယ်ဆိုတဲ့ အတွေးအခေါ်ဖြစ်ပါတယ်။ ကုလားဆိုတာဟာ ချိုးနှိမ်ခေါ်ဝေါ်ရုံသက်သက်မဟုတ်ဘဲ ပြောင်းရွှေ့လာသူတွေကိုခေါ်တာဖြစ်တဲ့အတွက် ကုလားလို့ ခံယူခြင်းဟာ ပြောင်းရွှေ့လာသူတွေဖြစ်တယ်ဆိုတာကို တရားဝင်လက်ခံလိုက်တဲ့သဘောသက်ရောက်ပါတယ်။ မြန်မာနိုင်ငံအတွင်းမှာ နေထိုင်ကြသူတိုင်းဟာ အခြားဒေသတစ်ခုကပြောင်းရွေ့လာသူတွေပါဘဲ၊ အချိန်ကာလဘဲ ကွာတယ်လို့ စောဒက တက်နိုင်စရာရှိပါတယ်။ ဒါဟာ “ပြောင်းရွှေ့လာသူ” ဆိုတဲ့ အဓိပ္ပါယ်သက်မှတ်ချက်အပေါ်မှာ အချိန်ကာလတစ်ခုရဲ့ပိုင်းခြားချက်ဖြစ်ပါတယ်။

ကုလားလို့သာလက်ခံလိမ့်ကြမယ်ဆိုရင် မြန်မာနိုင်ငံအတွင်းမှာ ကုလားလူမျိုးတွေရှိတယ်ဆိုတာကို အစိုးရက အမြန်ဆုံးအသိအမှတ်ပြုပေးလိမ့်မယ်။ ဒါပေမယ့် ဒီအသိအမှတ်ပြုခြင်းနဲ့အတူ ပြောင်းရွှေ့လာသူတွေ၊ နိုင်ငံခြားမျိုးနွယ်စုတွေ ဆိုတဲ့အမှတ်တံဆိပ်ကလည်း တပါတည်း တွဲပါလာလိမ့်မယ် ဆိုတာကိုတော့ သတိမူသင့်ပါတယ်။ အထက်မှာဖော်ပြခဲ့သလို တောင်အာရှနိုင်ငံတွေမှာ သန္ဓေတည်လာခဲ့တဲ့ လူမျိုးတွေအဖြစ်ခံယူကြမယ်၊ တောင်အာရှ ယဉ်ကျေးမှုကိုလေ့လာလိုက်ကြစားမယ်၊ တောင်အာရှရဲ့ မျိုးရိုးအဖြစ်သာ ရပ်တည်ကြမယ်ဆိုရင် ကျူလီယာ၊ မယ်မန်၊ စူရ်သီ၊ ဘန်ဂါလီ၊ ပထန် စတဲ့ လူမျိုးစုတွေအဖြစ်နဲ့ရပ်တည်ကြပြီး ကုလားလူမျိုးဆိုတဲ့ ဘုံနာမည်အောက်မှာနေထိုင်နိုင်ကြပါတယ်။ မြန်မာဖြစ်ဖို့အရေး ကုလားသွေးဖောက်ထုတ်ပေးလို့ မရဘူးလို့ခံယူနေကြတဲ့ တောင်အာရှမျိုးချစ်ဝါဒီတွေအနေနဲ့ နိုင်ငံခြားသားလူမျိုးစုတွေအဖြစ်သာရပ်တည်ကြမယ်ဆိုရင်လည်း လွတ်လွတ်လပ်လပ် ကိုယ့်လမ်းကိုယ်ရွေးပိုင်ခွင့်အပြည့်ရှိပါတယ်။ ဒါပေမယ့် ကုလားလုပ်လို့သူတွေအနေနဲ့ကတော့ တွေ့ရမယ့်ဘေး ကြိုတွေးထားဖို့လိုသလို မြန်မာ့နယ်နမိတ်အတွင်းမှာ သမိုင်းကြောင်းချီပြီး သန္ဓေတည်လာတဲ့ ပသီ၊ ပသျှူး၊ ရိုဟင်ဂျာ၊ ကမန်၊ ပန်းသေး၊ မြေဒူး စတဲ့ လူမျိုးတွေရဲ့ ရပ်တည်မှုကို မထိခိုက်မိစေဖို့အတွက် အထူးသတိပြုဖို့လိုအပ်ပါတယ်။

ကပြားပြဿနာ

မြန်မာမွတ်စလင်အကြောင်းပြောရင် ကပြား ဆိုတာက အမြဲပါလာတက်ပါတယ်။ ကမ္ဘာနေ့ရာအနှံ့မှာ မတူကွဲပြားတဲ့ လူမျိုးတွေရောထွေးနေထိုင်ကြတာဖြစ်တဲ့အတွက် လူမျိုးမတူသူတွေအချင်းချင်း ထိမ်းမြှားကြတာဟာ ထူးစမ်းတဲ့ကိစ္စရပ်မဟုတ်ပါဘူး။ မြန်မာမွတ်စလင်တွေကသာ တမူထူးပြီး ကပြား ဇာတိပြနေတာမဟုတ်ပါဘူး။ ကပြားဆိုတာကိုလည်း ရှေ့တန်းတင်ဖို့မလိုအပ်ပါဘူး။ ကပြား ဟုတ်ခြင်း-မဟုတ်ခြင်း ဆိုတာဟာ လူတွေရဲ့သက်မှတ်ချက်သာဖြစ်ပါတယ်။ မျိုးရိုး သတ်မှတ်မှုတွေကိုပြန်ကြည့်တဲ့ အခါမှာ အဖေဖက် နဲ့ အမေဖက် မျိုးရိုးနှစ်ခုလုံးကို တန်းတူညီမျှအသိအမှတ်ပြုတဲ့ Bilateral Rules ကိုလက်ခံကျင့်သုံးသူတွေသာလျှင် ကပြား အဖြစ်ခံယူကြပါတယ်။ ဒီနည်းနာဟာ မျိုးရိုးသက်မှတ်ချက်မှာ တစ်ခုတည်းသောနည်းနာ မဟုတ်သလို မြန်မာနိုင်ငံမှာရှိတဲ့ လူမျိုးတွေကလည်း ဒီနည်းနာအတိုင်းကျင့်သုံးရမယ်လို့ ဥပဒေနဲ့ဘဲဖြစ်ဖြစ်၊ ဓလေ့ထုံးတမ်းအရဘဲဖြစ်ဖြစ် အတည်တကျသက်မှတ်ထားတာမရှိပါဘူး။ ဒါကြောင့် လူမျိုးမတူသူ မိဘ နှစ်ပါးက ပေါက်ဖွားလာသူတိုင်း ကပြားဖြစ်တယ်လို့ တသက်မှတ်တည်း မှတ်ယူလို့မရပါဘူး။ တချို့က Unilineral Rules လို့ခေါ်တဲ့ မျိုးရိုးတစ်ခုတည်းကိုဘဲ လိုက်တဲ့ နည်းနာတွေအတိုင်းလိုက်ခံကြပါတယ်။ မျိုးရိုးစဉ်ဆက် တစ်လျှောက် အဖေဖက် ဒါမှမဟုတ် အမေဖက် တစ်ခုခုကိုဘဲ အစဉ်တစိုက် လိုက်တာဖြစ်တယ်။ ဒီထဲမှာမှ အဖေဖက်လိုက်တယ်ဆို Patrilineal၊ အမေဖက်လိုက်တယ်ဆိုရင်တော့ Matrilineal လို့ သတ်မှတ်ပါတယ်။ ဒါပေမယ့် အဖေဖက် ကိုဘဲ လိုက်ရမယ်၊ အမေဖက်ကိုဘဲ လိုက်ရမယ်ဆိုတဲ့ စည်းကမ်း သတ်မှတ်ချက်လည်းမရှိပြန်ပါဘူး။ တချို့ကြပြန်တော့ Ambilineal Rule ဆိုတဲ့ အနေနီးတဲ့ ဆွေမျိုးအသိုင်းအဝိုင်းဖက်ကို လိုက်ကြပါတယ်။ အဖေရဲ့အမျိုးတွေကြားမှာကြီးပြင်းလို့ အဖေရဲ့လူမျိုးအဖြစ် ခံယူတာမျိုး၊ အမေရဲ့အမျိုးတွေကြားမှကြီးပြင်းရင် အမေရဲ့လူမျိုးအဖြစ် ခံယူတာမျိုးဖြစ်ပါတယ်။ နောက်တခုကတော့ Double Descent ဆိုတဲ့ နှစ်မျိုးလုံးကို ခွနှင်းတဲ့ သက်မှတ်ချက်လည်းရှိပါသေးတယ်။ အဖေရဲ့အမျိုးတွေကြားရောက်တော့ အဖေရဲ့လူမျိုး၊ အမေရဲ့အမျိုးတွေကြားရောက်တော့ အမေလူမျိုးလုပ်တာမျိုးဖြစ်ပါတယ်။ မြန်မာနိုင်ငံမှာရှိတဲ့ လူမျိုးတွေဟာ ဒီလို လူမျိုးသက်မှတ်ရာမှာ ဘယ်နည်းနာကိုဘဲ အတည်တကျ ကျင့်သုံးမယ်လို့ ပြဋ္ဌာန်းသတ်မှတ်ချက်တွေ မရှိတဲ့အတွက် မြန်မာမွတ်စလင်တွေကိုလည်း အဖေဖက်ရော အမေဖက်ပါ လိုက်ပြီး အပေါင်းလက္ခဏာတွေနဲ့ လူမျိုးနှစ်ခုစလုံးကိုထည့်ရမယ်လို့ အတင်းအဓ္ဓမ လုပ်လို့မရပါဘူး။ လူတစ်ယောက်ချင်းစီမှာ ကိုယ်ပိုင်ရွေးချယ်ခွင့်ရှိတယ်ဆိုတာ အရင်ဆုံး ကိုယ့်ကိုကိုယ် အသိအမှတ်ပြုဖို့လိုပါတယ်။ ကရင်သွေးစပ်လို့ ကရင်လူမျိုးအဖြစ် ခံယူချင်တယ်ဆိုရင်လည်း ကရင်လူမျိုးအဖြစ် ခံယူပိုင်ခွင့်အပြည့်အဝရှိပါတယ်။ ဒါပေမယ့် ကရင်လူမျိုးအဖြစ်ခံယူမယ်ဆိုရင်တော့ ကရင်ရဲ့ရိုးရာဓလေ့နဲ့ ယဉ်ကျေးမှုတွေကိုလည်း မြတ်နိုးတန်ဖိုးထားပြီး လိုက်နာကျင့်သုံးဖို့လိုပါတယ်။ ဘာသာရေးနဲ့ လူမျိုးရေးခွဲခြားတက်ဖို့လိုအပ်ပါတယ်။

၂၀၁၄ သန်းခေါင်စာရင်း

မြန်မာနိုင်ငံမှာနေထိုင်ကြတဲ့ အစ္စလာမ်ဘာသာဝင်တွေအနေနဲ့ လက်ရှိအစိုးရကအသိအမှတ်ပြုထားတဲ့ တိုင်းရင်းသားလူမျိုး ၁၃၅ စုထဲက လူမျိုးစုတစ်ခုခုအဖြစ် သန်းခေါင်စာရင်းမှာရွေးချယ်ဖြည့်စွပ်လိုက်တာနဲ့ တိုင်းရင်းသားဖြစ်သွားပြီလို့ မှတ်ယူလို့မရပါဘူး။ ဒါပေမယ့် သန်းခေါင်စာရင်း ထုတ်ပြန်ကြေညာတဲ့အခါမှာ ဘယ်လူမျိုးရဲ့ ဘယ်လောက်ရာခိုင်နှုန်းက ဘယ်ဘာသာကိုကိုးကွယ်တယ်ဆိုပြီး လူမျိုးနဲ့ ကိုးကွယ်တဲ့ဘာသာ ယှဉ်တွဲနေလိမ့်မယ်ဆိုတာကို သတိမူသင့်ပါတယ်။ တိုင်းရင်းသား ၁၃၅ မျိုးစာရင်းမှာမပါပေမယ့် ကိုယ့်ကိုကိုယ် မြန်မာအဖြစ်ခံယူထားကြတဲ့ အစ္စလာမ်ဘာသာဝင်တွေက လူမျိုးစုနေရာမှာ “အခြားတိုင်းရင်းသားများ” ဆိုတာကိုသာရွေးချယ်ပြီး မိမိသက်ဆိုင်ရာ ရိုဟင်ဂျာ၊ ပသီ၊ ပန်းသေး၊ ပသျှူး၊ မြေဒူး ဆိုတာကို လက်ရေးနဲ့ရေးထည့်ဖို့ လိုအပ်ပါလိမ့်မယ်။ ဒါဟာ တစ်ဦးတစ်ယောက်ချင်းစီက မိမိကိုယ်မိမိ တိုင်းရင်းသားဖြစ်ပါတယ်လို့ ကြွေးကြော်လိုက်တာဖြစ်ပါတယ်။

ဒါမှမဟုတ် ကုလားအဖြစ်ခံယူပြီး နိုင်ငံခြားသွေးနှောတယ်လို့ လက်ခံထားသူတွေကလည်း “မြန်မာ-နိုင်ငံခြားသွေးနှောများ” ဆိုတာကိုရွေးပြီး မိမိခံယူတဲ့ ကျူလီယာ၊ မယ်မန်၊ စူရ်သီ၊ ဘန်ဂါလီ၊ ပထန် အစရှိတဲ့ လူမျိုးတစ် မျိုးမျိုးဘဲဖြစ်ဖြစ်၊ အပေါင်းလက္ခဏာတွေခံပြီး နှစ်မျိုးသုံးမျိုးဘဲဖြစ်ဖြစ် လက်ရေးနဲ့ထည့်ရေးနိုင်ပါတယ်။ သန်းခေါင်စာရင်းဖြည့်တဲ့အခါမှာ ‘မြန်မာ-နိုင်ငံခြားသွေးနှောများ’၊ ‘အိန္ဒိယ’၊ ‘ပါကိစ္စတန်’၊ ‘ဘင်္ဂလားဒေ့ရှ်၊ဘင်္ဂလီ’ အစရှိတဲ့ လူမျိုးတွေကို ရွေးချယ်ထားကြပြီး အစ္စလာမ်ဘာသာဝင်တွေပါဆိုရင်တော့ “မြန်မာနိုင်ငံမှာရှိတဲ့ အစ္စလာမ်ဘာသာဝင်တွေက သူတို့ကိုယ်သူတို့နိုင်ငံခြားသားအဖြစ် ခံယူကြသူတွေ၊ နိုင်ငံသားသွေးနှော သူတွေအဖြစ် ခံယူကြသူတွေ၊ တိုင်းရင်းသားအဖြစ်မရွေးချယ်ကြသူတွေ ပါလို့” တရားဝင်မှတ်တမ်းတင်လိုက်သလိုဖြစ်နေပါလိမ့်မယ်။ ဦးနေဝင်းနဲ့ စစ်အာဏာရှင်တွေ ပေးခဲ့တဲ့ “နိုင်ငံခြားသားသွေးနှောတယ်” ဆိုတဲ့ အယူအဆကို သက်ဆိုးရှည်အောင် အင်အားဖြည့်သလိုဖြစ်သွားမယ်ဆိုတာ သတိပြုကြဖို့ လိုအပ်ပါတယ်။

** ဆောင်းပါးရှင်၏ အမြင်နှင့် အာဘော်သာဖြစ်ပါသည်။

December 10, 2013
ဒီဇင်ဘာ ၁၀ ရက် နိုင်ငံတကာသတင်း စုစည်းမှု

ဒီဇင်ဘာ- ၁၀ ၂၀၁၃
M-Media

နိုင်ငံပိုင် Ria Novosti သတင်းဌာန ပူတင်ဖျက်သိမ်း၊ Rossiya Segodnya (ရုရှားနေ့စဉ်) ဖြင့် အစားထိုး

– ရုရှားသမ္မတ ဗလာဒီမာပူတင်မှ နိုင်ငံပိုင် သတင်းဌာနတစ်ခုဖြစ်သည့် Ria Novosti အေဂျင်စီအား ဖျက်သိမ်းကာ Rossiya Segodnya (ရုရှားနေ့စဉ်) အမည်ရသည့် သတင်းအေဂျင်စီ အသစ်ဖြင့် ယမန်နေ့က အစားထိုးလိုက်သည်ဟု သိရသည်။

အေဂျင်စီအသစ်မှာ မီဒီယာရင်းမြစ်များ၏ အရည်အသွေးများကို မြှင့်ကာ ရုရှားနိုင်ငံ၏ပေါ်လစီနှင့် နိုင်ငံတစ်ဝှမ်းရှိ လူမှုဘ၀နေထိုင်မှုတို့အား ဘာသာစကားမျိုးစုံဖြင့် တင်ပြသွားမည်ဟု ကရင်မလင် ၀ဘ်ဆိုဒ်တွင် ရေးသားဖော်ပြခဲ့သည်။
Ref: aljazeera

—————————————————————-

ဆန္ဒပြသူများနှင့် ဆွေးနွေးမှုပြုလုပ်ရန် ယူကရိန်း သမ္မတ ကမ်းလှမ်း

– မြို့တော်ကိဗ်၏ လမ်းများပေါ်တွင် ထောင်ပေါင်းများစွာသောပြည်သူတို့မှာ သီတင်းပတ်အတော်ကြာ ဆန္ဒပြပွဲများပြုလုပ်ခဲ့ပြီးနောက် ရုရှားနှင့် ကုန်သွယ်ရေးလုပ်ငန်းများ လုပ်ဆောင်ရန် စိတ်အားထက်သန်သည့် ယူကရိန်းသမ္မတ ဗစ်တာယန်ကိုဗစ်ခ်ျက အတိုက်အခံများအား တွေ့ဆုံဆွေးနွေးရန် ကမ်းလှမ်းခဲ့သည်ဟုသိရသည်။

ဆိုဗီယက်ပြည်ထောင်စုမှခွဲထွက်ပြီးနောက်ပိုင်း ပထမဦးဆုံး သမ္မတဖြစ်ခဲ့သည့် လီယွန်နစ် ကရာဗ်ချော့၏ အကြံဥာဏ်ပေးမှုကြောင့် ထိုကဲ့သို့ ဆွေးနွေးရန် ကမ်းလှမ်းခဲ့ခြင်းဖြစ်ဖြစ်ပြီး သမ္မတရုံး ၀ဘ်ဆိုဒ်မှနေ၍ ကြေညာခဲ့သည်။

ရုရှားနှင့် ဆက်ဆံရေး ထိခိုက်မည်ကို စိုးရိမ်သောကြောင့် ဥရောပ ကုန်သွယ်ရေးသဘောတူညီချက်အား လက်မှတ်ထိုးရန် ယူကရိန်းအစိုးရက ငြင်းဆန်ခဲ့ပြီးနောက်ပိုင်း မြို့တော်ကိဗ်တွင် ထောင်ပေါင်းများစွာသော ပြည်သူတို့က ဆန္ဒပြပွဲများကို ပြုလုပ်ခဲ့ကြပြီး ဆိုဗီယက်ပြည်ထောင်စုကို တည်ထောင်ခဲ့သည့် လီနင်၏ ရုပ်ထုကိုပါ ဖြိုချခဲ့သည်အထိ ဖြစ်ခဲ့သည်။

#MMedia_IntShortNews

—————————————————

ပါလီမန် ဖျက်သိမ်းခဲ့သော်လည်း ထိုင်းအတိုက်အခံများ မကျေနပ်သေး

– အတိုက်အခံများက အိမ်စောင့်အစိုးရ အကြီးအကဲ ရာထူးမှ နှုတ်ထွက်ပေးရန် တောင်းဆိုထားသော်လည်း လာမည့် ဖေဖော်ဝါရီလ ၂ ရက်နေ့တွင်ပြုလုပ်မည့် ရွေးကောက်ပွဲ မတိုင်မီ နှုတ်ထွက်ပေးမည် မဟုတ်ဟု ထိုင်းဝန်ကြီးချုပ်ဟောင်း ယင်းလပ်ရှင်နာဝပ်ထရာက ယနေ့တွင် ပြောဆိုလိုက်သည်။

ယင်းလပ်မှာ ယမန်နေ့က ပါလီမန်အား ဖျက်သိမ်းပေးခဲ့ပြီး၊ ရွေးကောက်ပွဲပြုလုပ်မည့် ရက်ကို ကြေညာခဲ့သော်လည်း အတိုက်အခံများက ကြားဖြတ် အုပ်ချုပ်ရေးကောင်စီဖွဲ့စည်းကာ တိုင်းပြည်အား အုပ်ချုပ်စေရန် အလိုရှိနေကြသည်။
Ref: aljazeera

————————————————-

လျှို့ဝှက်ထောက်လှမ်းရေး လုပ်ငန်းစဉ်များကို ရပ်တန့်ရန် နည်းပညာ ကုမ္ပဏီများက အိုဘားမားအား ဖိအားပေး

– နိုင်ငံအတွင်းရှိ နည်းပညာလုပ်ငန်းများ၏ ဘဏ္ဍာရေးအခြေအနေကို ခြိမ်းခြောက်နေသော အမေရိကန်ထောင်လှမ်းရေးအေဂျင်စီမှ ပြုလုပ်နေသည့် အင်တာနက်မှ သတင်းအချက်အလက်များကို ကြားဖြတ်ခိုးယူနေမှုများအား အမေရိကန်အစိုးရအနေဖြင့် ထိန်းချုပ်ရန် ဆီလီကွန်တောင်ကြားရှိ နည်းပညာကုမ္ပဏီများဖြစ်သည့် Google၊ Apple၊ Yahoo၊ Facebook နှင့် Microsoft တို့မှ စုပေါင်းကာ သမ္မတ ဘာရက်အိုဘားမားအား ဖိအားပေးမှုကို တိုးမြှင့်ပြုလုပ်နေကြသည်။

ထိုကုမ္ပဏီများမှ စုပေါင်းကာ သမ္မတအား လိပ်မူသော အိတ်ဖွင့်ပေးစာတစ်စောင်ကို ရေးသားခဲ့ပြီး ယမန်နေ့ထုတ် သတင်းစာများနှင့် http://reformgovernmentsurveillance.com တွင် ဖော်ပြခဲ့ကြသည်။

———————————————————————————-

နိုင်ငံရှိ နိုင်ငံရေးသမားများ၏ ကံကြမ္မာနှင့်ပက်သက်၍ မှတ်ချက်ပေးရန် အမေရိကန်တွင် အခွင့်မရှိဟု တရုတ်ဆို

တိုင်းပြည်အတွင်းရှိ နိုင်ငံရေးသမားများ၏ ကံကြမ္မာနှင့်ပက်သက်ပြီး အမေရိကန်နိုင်ငံခြားရေးဝန်ကြီး ဂျွန်ကယ်ရီ၏ မှတ်ချက်ပေးမှုအား တရုတ်နိုင်ငံက ကန့်ကွက်ပြောဆိုလိုက်သည်ဟု Reuters သတင်းဌာနက ဖော်ပြထားသည်။ တရုတ်အစိုးရမှ ဖမ်းဆီးထားသည့် နိုဘယ်ဆိုရှင် လီရှောင်ဘိုအား ထိန်းသိမ်းမှု ငါးနှစ်ပြည့်မြောက်သည့်အချိန်တွင် ဂျွန်ကယ်ရီက ရှောင်ဘိုအား လွှတ်ပေးရန် တိုက်တွန်းခဲ့ပြီး ရှောင်ဘို၏ ဇနီးဖြစ်သူအတွက် စိးရိမ်မိသည်ဟု ပြောကြားခဲ့သည်။ သိုသော်လည်း နိုင်ငံအတွင်းရှိ ၁.၃ ဘီလီယံရှိသည့် ပြည်သူများကသာ နိုင်ငံအတွင်းရှိ လူ့အခွင့်အရေးနှင့်ပက်သက်၍ ပြောဆိုရန် အကောင်းဆုံးအခွင့်အရေးရှိသည်ဟု တရုတ်နိုင်ငံခြားရေးဝန်ကြီးဌာနမှ ပြောရေးဆိုခွင့်ရှိသူတစ်ဦးက ပြောကြားခဲ့သည်။
Ref: RT

——————————————————-

ဒရုန်းလေယာဉ်များဖြင့် တိုက်ခိုက်မှုများမှာ အကျိုးမရှိသော သက်ရောက်မှုများကို ဖြစ်စေနိုင်သည်ဟု ပါကစ္စတန်ဝန်ကြီးချုပ်ဆို

နိုင်ငံအနောက်မြောက်ပိုင်း လူမျိုးစုဒေသများတွင် အမေရိကန်မှပြုလုပ်နေသည့် ဒရုန်းလေယာဉ်များဖြင့် တိုက်ခိုက်မှုများမှာ အကြမ်းဖက်ဝါဒအား စစ်ဆင်မှုနှင့် ပက်သက်ပြီး အကျိုးမရှိသော သက်ရောက်မှုများကို ဖြစ်စေနိုင်သည်ဟု ပါကစ္စတန်ဝန်ကြီးချုပ် နာဝက်ဇ်ရှရစ်ဖ်က အစ္စလမ်မာဘတ်သို့ရောက်ရှိနေသော ဥရောပကိုယ်စားလှယ်အဖွဲ့နှင့် ယနေ့တွေ့ဆုံမှုအတွင် ပြောကြားခဲ့သည်။

ရှရစ်ဖ်မှာ ယမန်နေ့က အမေရိကန်ကာကွယ်ရေးဝန်ကြီး ချက်ဟေဂယ်နှင့်တွေ့ဆုံခဲ့စဉ်က အဆိုပါ ဒရုန်းလေယာဉ်များဖြင့် တိုက်ခိုက်မှုများအကြောင်း ဦစားပေးဆွေးနွေးခဲ့ကာ ယနေ့ပြုလုပ်ခဲ့သည့် ပါလီမန်အစည်းအဝေးတွင်လည်း အမေရိကန်၏ ဒရုန်းဖြင့်တိုက်ခိုက်မှုများအား ရပ်တန့်ရန်တောင်းဆိုချက်ကို ကန့်ကွက်သူမရှိ အတည်ပြုခဲ့သည်။
Ref: ဆင်ဟွာ

December 10, 2013