နိုဝင်ဘာ ၃၀၊ ၂၀၁၃
M-Media
သီရိ
ရန်ကုန် ။ ။ လက်ပံတောင်းတောင်သပိတ်စခန်းဖြိုခွဲမှု ၁-နှစ်ပြည့်ပြီ ဖြစ်သော်လည်း ယနေ့တိုင် အကြမ်းဖက်ဖြိုခွဲရန် ပစ်ခတ်သူ နှင့် အမိန့်ပေးစေခိုင်းသူ၊ တစ်ဦး တစ်ယောက်ကိုမှ ဖော်ထုတ်အရေးယူနိုင်ခြင်း မရှိခြင်း၊ငြိမ်းချမ်းစွာ ဆန္ဒ ဖော်ထုတ်နေသူများကို ပုဒ်မ ၁၈၊ ပုဓ်မ ၅၀၅(ခ) တို့ဖြင့် အရေးယူလျက် ရှိနေသာကြောင့် ဒီမိုကရေစီအင်အားစုမှ ယနေ့ နိုဝင်ဘာ ၂၉-ရက်နေ့တွင် ရန်ကုန်မြို့၌ ဆန္ဒထုတ်ဖော်ခဲ့ကြသည်။
၂၀၁၂-ခု နိုဝင်ဘာ ၂၉-ရက် ညသန်းခေါင်ယံ ၂း၃၀ နာရီအချိန်တွင် လက်ပံတောင်းတောင် သပိတ်စခန်းဖြိုခွင်းခံရမှု ဒေသခံအပါဝင် ရဟန်းသံဃာတော်များအား နိုင်ငံတော်မှအကြမ်းဖက်ဖြိုခွင်းခဲ့ပါသည်။အကြမ်းဖက်မှုများအားမရပ်တန့်ဘဲ နိုင်ငံတော်မှဆက်တိုက်ပြုလုပ်နေသည့်အတွက် ဆန္ဒထုတ်ဖော်မှုကို ဆူးလေဘုရားအနီး မြို့တော်ခန်းမရှေ့တွင် နေ့လည် ၂ နာရီမှစတင်ကာ ပြုလုပ်ခဲ့သည်။ ၎င်းဆန္ဒဖော်ထုတ်ပွဲမှာ ဆက်ဆိုင်ရာမှ ခွင့်ပြုချက်မတောင်းခံဘဲ ပြုလုပ်တာဖြစ်ကြောင်းသိရပါသည်။ “ခွင့်ပြုမိန့်မရတဲ့အတွက် ဖြစ်လာတဲ့အခြေအနေကို ရင်ဆိုင်ပါမယ်လို့” ဒီမိုကရေစီအမျိုးသမီးကွန်ယက်မှ ဒေါ်နော်အုန်းလှ ကပြောကြားခဲ့သည်။ “အေးချမ်းစွာဆန္ဒဖော်ထုတ်ခဲ့တဲ့ပြည်သူတွေနဲ့ ရဟန်းသံဃာတွေကို အကြမ်းဖက်ခဲ့တဲ့ အစိုးရကို ကျွန်မတို့ပြည်သူတွေမမေ့ပါဘူး၊ ဒါကိုအဲမြဲမမေ့ဘူးဆိုတာကို ဖော်ပြနေတာဖြစ်ပါတယ်” ဟု ၎င်းကထပ်လောင်းပြောကြားခဲ့ပါသည်။
ဆန္ဒဖော်ထုတ်ပွဲကို မြို့တော်ခန်းမရှေ့မှ မဟာဗန္ဓုလလမ်းမကြီးအတိုင်း အလုံမြို့နယ် ဗဟိုလမ်းအတိုင်း တရုတ်သံရုံးသို့ ချီတက်ခဲ့ရာ အလုံမြို့နယ် ဗဟိုလမ်းနှင့် တက္ကသိုလ်ရိပ်သာလမ်းထောင့်သို့ရောက်ရှိသောအခါ မြန်မာနိုင်ငံရဲတပ်ဖွဲ့မှ ရဲများက လမ်းကိုပိတ်ဆို့တားဆီးခဲ့သည်။
“မြန်မာနိုင်ငံရဲတပ်ဖွဲ့ဆိုတာပြည်သူကိုကာကွယ်ဖို့၊ စပ်တပ်ဆိုတာတိုင်းပြည်ကိုကာကွယ်ဖို့ အခုတော့ရဲတပ်ဖွဲ့က ပြည်သူတွေကိုဖိနှိပ်ဖို့ ချုပ်ချယ်ဖို့ဖြစ်နေပြီးတော့၊ စပ်တပ်ဆိုတာက သယံဇာတတွေကို ခိုးထုတ်ပြီး တိုင်းတပါးကိုရောင်းစားဖို့ဖြစ်နေပါတယ်။ အဲဒါတွေကိုပြည်သူတွေက ကိုယ့်စိတ်ဓာတ်နဲ့ကိုယ် ကာကွယ်ကြတဲ့အခါမှာ ကျွန်တော်တို့ကို ဖိနှိပ်ချုပ်ချယ်နေပါတယ် ပုဒ်မ ၁၈ ကိုဆန့်ကျင်တဲ့အတွက်ကြောင့် ကျွန်တော်တို့က ကြိုတင်ပြီးတော့မလျောက်တင်ပါဘူး၊ ဒါပေမဲ့ အမှုဖွင့်မယ် အရေးယူမယ်ဆိုရင်တော့ ခံမှာပါ ဒါကြောင့် ဒီလိုလမ်းတွေပိတ်ပင်တားဆီးတာကိုမလုပ်သင့်ပါဘူး ဖွင့်ပေးသင့်တယ် ဒါဟာအများပိုင်ပြည်သူလမ်းဖြစ်တယ်” ဟု ဆန္ဒပြသူတစ်ဦးဖြစ်တဲ့ ကိုအောင်မိုးမှ ပြောကြားခဲ့ပါသည်။
ကျွန်မတို့နိုင်ငံကရဲတွေက တရုတ်ကိုကာကွယ်တာ ကျွန်မတော့ အင်မတန်ဝမ်းနည်းပါတယ်၊ ကျွန်မတို့နိုင်ငံမှာ ပြည်သူပိုင်လမ်းကို ရဲက ပိတ်ပင်တာဟာ မဖြစ်သင့်ဘူး မြန်မာနိုင်ငံရဲတပ်ဖွဲ့က ပြည်သူတွေကိုကာကွယ်တဲ့ ရဲတပ်ဖွဲ့ပဲ ဖြစ်စေချင်ပါတယ် လို့ ဒေါ်နော်အုန်းလှကပြောကြားခဲ့သည်။ ပြည်သူတွေကိုအလေးမထားတဲ့အစိုးရတစ်ရပ်ကို ဒီနေရာမှ ကျွန်မရှုတ်ချပါတယ်၊ ပြည်သူတွေကိုအသံကိုနားထောင်ပါလို့လဲ ပြောချင်ပါတယ် ဟု၎င်းမှပြောကြားခဲ့ပါသည်။
ထို့နောက် “၀မ်ပေါင်” ကုမ္ပဏီ အလိုမရှိဟု ဟစ်ကြွေးပြီး တရုတ်နိုင်ငံတော်အလံကို မီးရှို့ခဲ့ကြသည်။
“လမ်းပိတ်တာဟာ ဥပဒေနှင့်အညီတားဆီးတာဖြစ်တယ် ခွင့်ပြုချက်မရှိဘဲဆန္ဒဖော်ထုတ်တာဖြစ်တာကို တားဆီးတာဖြစ်တယ် ဒီနေရာကနေပဲ လူစုခွဲပါတော့ ကျွန်တော်တို့လုံးဝခွင့်မပြုပါဘူး တရားဥပဒေနှင့်မညီပါဘူး” ဟု မြန်မာနိုင်ငံရပ်တပ်ဖွဲ့မှ အရာရှိတစ်ဦးကပြောကြားခဲ့သည်။
“ကျွန်တော်တို့နိုင်ငံမှာ တရုတ်နဲ့ မြန်မာ ရန်ဖြစ်ရင် မြန်မာနိုင်ငံရဲတပ်ဖွဲ့ကို မတိုင်ပါနှင့် ခံသာခံလိုက်ပါ၊ တိုင်ရင်တိုင်တဲ့လူပဲ အဖမ်းခံရလိမ့်မယ် အဲတော့ ကျွန်တော်တို့ မြန်မာပြည်ကပစ္စည်းတွေကိုလာသိမ်းရင်ခံလိုက် တရုတ်သံရုံးကို ကာကွယ်ပေးတဲ့မြန်မာရဲတပ်ဖွဲ့ကို အလိုမရှိပါဘူး” ဟု ဆန္ဒပြသသူ ကိုစည်သူမှ ပြောကြားခဲ့ပါသည်။
ထို့နောက် ရှေ့ဆက်ရန်ခွင့်မပြုပေးသော မြန်မာနိုင်ငံရဲတပ်ဖွဲ့ကြောင့် ဆန္ဒပြသမှုကို ညနေ ၅ နာရီ၌ ထိုနေရာတွင် ရပ်သိမ်းခဲ့ကြပါသည်။
