Blog

နိုဝင်ဘာ ၇၊ ၂၀၁၃
M-Media

ပင်လုံမြို့ရှိ ပင်လုံကျောက်တိုင်ကို ပြုပြင်ပြီး သမိုင်းဝင်ပြတိုက်ဖွင့်မည်

ရှမ်းပြည်နယ်တောင်ပိုင်း ပင်လုံမြို့ရှိ သမိုင်းဝင် ပင်လုံကျောက်တိုင်အား ပြန်လည်ပြုပြင်ပြီး ပင်လုံကျောက်တိုက်ဖြစ်ပေါ်လာပုံအား မော်ကွန်းအဖြစ် ပြသ သွားမည် ဖြစ်ကြောင်း၊ ယခု နိုဝင်ဘာမှ စတင်၍ ၂၀၁၄-ခု ဇန်န၀ါရီလအတွင်း အပြီးတည်ဆောက်ရန် လျာထားပြီး ဗိုလ်ချုပ်အောင်ဆန်းနှင့် တိုင်းရင်းသားခေါင်းဆောင်များ ပင်လုံစာချုပ် လက်မှတ်ရေးထိုးနေပုံများအပါအ၀င် ပင်လုံစာချုပ်ကိုပါ ထည့်သွင်း ပြသသွားမည်ဖြစ်ကြောင်း၊ ကျောက်တိုင်ဝင်း ပြုပြင်ရန် ပြည်နယ်အစိုးရမှ ကျပ်သိန်း ပေါင်း ၇-ထောင်ကျော် ချပေးမည်ဖြစ်ပြီး ထူးကုမ္ပဏီက တာဝန်ယူ ပြုပြင်မွမ်းမံသွားမည်ဖြစ်ကြောင်း ဧရာဝတီသတင်းဌာနမှတဆင့် သိရှိရပါတယ်။

_______________________

ပညာရေး ဒုဝန်ကြီး အရှက်ရစေခဲ့တဲ့ အမျိုးသားလွှတ်တော် ဥက္ကဋ္ဌ၏ မှတ်ချက်

အမျိုးသားလွှတ်တော်တွင် အောက်တိုဘာ ၁၀-ရက်နေ့က ပညာရေးဆိုင်ရာ မေးခွန်းများ သွားရောက်ဖြေကြားခဲ့သည့် ပညာရေးဝန်ကြီးဌာန ဒုတိယ၀န်ကြီး ဒေါက်တာစန်းလွင်မှာ အလွတ်ကျက်ထားသည့်ပုံစံဖြင့် မေးခွန်းများ မဖြေရန် အမျိုးသားလွှတ်တော် ဥက္ကဋ္ဌ ဦးခင်အောင်မြင့်က သတိပေးခဲ့မှုကြောင့် ဒုဝန်ကြီး အရှက်ကွဲခဲ့ရသည့်အတွက် မသင့်လျော်သော အပြုအမူဖြစ်သည်ဟု ပြည်ထောင်စုလွှတ်တော် နာယကထံသို့ အစိုးရအဖွဲ့ရုံးမှ စာပေးပို့ထားကြောင်း မနေ့က လွှတ်တော်အစည်းအဝေးတွင် ဦးခင်အောင်မြင့်က လွှတ်တော်ကိုယ်စားလှယ်များကို အသိပေးပြောဆိုလိုက်သည်ဟု ဧရာဝတီ သတင်းဌာနတွင် ဖော်ပြထားပါသည်။
______________________

တိုးမြှင့်သည့် မီတာခနှုန်းထားများ လျှော့ချ မပေးမချင်း ရက်အကန့်အသတ်မရှိ ဆန္ဒပြမည်ဟု ဆို

နိုဝင်ဘာလတွင် စတင် တိုးမြင့်ကောက်ခံမည်ဖြစ်သော မီတာခနှုန်းထားများကို လျော့ချပေးမချင်း ရက်အကန့်အသတ်မရှိ ဆန္ဒထုတ်ဖော်သွားမည်ဟု ရန်ကုန်မြို့တွင် နိုဝင်ဘာ ၇-ရက်ညနေပိုင်း၌ ဒုတိယနေ့အဖြစ် ဆန္ဒထုတ်ဖော်သူများက ပြောကြားလိုက်ကြောင်းနှင့် ဆန္ဒဖော်ထုတ်ရာတွင် ဒီမိုကရေစီအင်အားစု၊ Generation Youths၊ လိုင်ဇာသို့ ငြိမ်းချမ်းရေးအတွက် လမ်းလျှောက်သူများနှင့် ကုန်ဈေးနှုန်းကျဆင်းရေးအဖွဲ့တို့မှ ပါဝင်သော်လည်း အဖွဲ့ကိုယ်စားပြုအနေဖြင့် ဆန္ဒပြခြင်းမဟုတ်ဘဲ ပြည်သူကိုယ်စားပြုအနေဖြင့် ဆန္ဒထုတ်ဖော်ခဲ့ခြင်းဖြစ်သည်ဟု မဇ္ဈိမသတင်းဌာနတွင် ဖော်ပြထားပါသည်။
______________________

အစ္စရေး၏ အိမ်ရာစီမံကိန်းများမှာ တရားမ၀င်ဟု ဂျွန်ကယ်ရီပြော

မတရားသိမ်းပိုက်ထားသော ပါလက်စတိုင်းပိုင်နယ်မြေတွင် ဆောက်လုပ် နေသာ အစ္စရေး၏ အိမ်ရာစီမံကိန်းများနှင့်ပက်သက်၍ အမေရိကန် နိုင်ငံခြားရေးဝန်ကြီး ဂျွန်ကယ်ရီက ရှုတ်ချလိုက်ပြီး၊ ထိုအိမ်ရာစီမံကိန်းများမှာ တရားမ၀င်ဘဲ ယခုလက်ရှိဆောင်ရွက်နေသည့် ပါလက်စတိုင်း-အစ္စရေး ငြိမ်းချမ်းရေး အားထုတ်မှုအား ကူညီနိုင်မည် မဟုတ်ဟု ပြောကြား လိုက်သည်။

ကယ်ရီ၏ ထိုမှတ်ချက်မှာ ဘက်သလင်ဟမ်တွင် ပါလက်စတိုင်းဝန်ကြီးချုပ် မဟ်မူးဒ်အဘတ်စ်နှင့်တွေ့ဆုံပြီးနောက် ထွက်ပေါ်လာခြင်းဖြစ်သည်။

“အမေရိကန်ရဲ့ရပ်တည်ချက်ဟာ အခုကျွန်တော်တို့အခုပြောသလိုပါပဲ။ ဒီအိမ်ရာ စီမံကိန်းတွေဟာ တရားမ၀င်ဘူးဆိုတာကို အမေရိကန်က အမြဲတမ်းပြောခဲ့ပါတယ်”ဟု ဂျွန်ကယ်ရီက ပြောကြားခဲ့သည်။

ထို့ပြင် ထိုကဲ့သို့ တရားမ၀င်အိမ်ရာများဆောက်လုပ်ခြင်းက ငြိမ်းချမ်းရေး အတွက် အနှောက်အယှက်ဖြစ်ကြောင်း ပါလက်စတိုင်းပြည်သူများက ထင်မြင်ယူဆ နေကြောင်းကို ကယ်ရီက “ကျွန်တော်ရှင်းရှင်းလင်းလင်း ပြောချင်တာက ဒီတရားမ၀င်အိမ်ရာတွေကို ပါလက်စတိုင်းပြည်သူတွေက ဘယ်တော့မှ သဘောတူ လက်ခံမှာ မဟုတ်ပါဘူး” ဟု ထပ်လောင်းပြောကြား ခဲ့သည်။

၎င်းနောက် အမေရိကန်အနေနှင့် ပါလက်စတိုင်းနိုင်ငံ၏ စီးပွားရေးအား ပြန်လည်ထူထောင်ရေးအတွက် ကန်ဒေါ်လာ ၇၅-သန်း ကူညီထောက်ပံ့မည် ဟု ကယ်ရီက ကြေညာခဲ့သည်။

အစ္စရေးနိုင်ငံမှာ ၁၉၆၇ ခုနှစ် စစ်ပွဲပြီးကတည်းက ပါလက်စတိုင်းပိုင် အနောက်ဘက်ကမ်းခြေနှင့် အရှေ့ဂျေရုစလင်တို့ကို သိမ်းပိုက်ခဲ့ပြီး ထိုအချိန်မှ စ၍ အိမ်ရာများ ဆောက်လုပ်ခဲ့ကာ ယခုအချိန်အထိ ပါလက်စတိုင်း ပိုင် ထိုဒေသများတွင် အစ္စရေးနိုင်ငံသား သန်းဝက်ခန့် နေထိုင်နေကြသည်။

Ref : Aljazeera
____________________________
ရုရှားဗုံးကြဲလေယာဉ်နှစ်စီး ကိုလံဘီယာလေပိုင်နက်ထဲသို့ဝင်ရောက်ခဲ့

ရုရှားဗုံးကြဲလေယာဉ်နှစ်စီးမှာ ကိုလံဘီယာလေပိုင်နက်ထဲသို့ တရားမ၀င် ၀င်ရောက်လာခဲ့ခြင်းအား အံ့သြမိသည်ဟု ကိုလံဘီယာ လေတပ်ဦးစီးချုပ် ဗိုလ်ချုပ် ဂူအီလာမို လီယွန်က ပြောကြားခဲ့သည်။

ထိုဗုံးကြဲလေယာဉ်နှစ်စင်းမှာ ပြီးခဲ့သည့် သောကြာနေ့က ကိုလံဘီယာနိုင်ငံ လေပိုင်နက်ထဲသို့ဝင်ရောက်လာခဲ့ပြီး ခွင့်ပြုချက်မရှိဘဲ နီကာရာဂွာနိုင်ငံသို့ ပျံသန်းသွားခဲ့ခြင်း ဖြစ်သည်ဟု လီယွန်က သတင်းစာရှင်လင်းပွဲတွင် ပြောကြားခဲ့သည်။

“ဒီနှစ်မှာ နိုင်ငံ ၂၂ နိုင်ငံက လေယာဉ် ၁၂၂ စင်းကိုသာ ၀င်ရောက်ခွင့်ပေးထားပြီး ဗင်နီဇွဲလားနဲ့ နီဂါရာကွာလမ်းကြောင်းအတွက် ရုရှားလေယာဉ် ၅ စင်းပဲ ပျံသန်းခွင့် ပေးထားတာပါ”

ထို့ပြင် ဗုံးကြဲလေယာဉ် ၂-စင်းမှာ အပြန်တွင်လည်း ကိုလံဘီယာလေပိုင်နက်ထဲကသို့ ၀င်ရောက်လာခဲ့ပြီး ၎င်းတို့အား တားမြစ်ရန် ကိုလံဘီယာ တိုက်လေယာဉ်နှစ်စင်း ပျံတက်ခဲ့ပြီးနောက် ထိုဗုံးကြဲလေယာဉ်နှစ်စင်းမှာ ကိုလံဘီယာလေပိုင်နက်မှ ပြန်လည်ထွက်ခွာသွားသည်ဟု လီယွန်က ထပ်လောင်းပြောကြားခဲ့သည်။

ထိုဖြစ်ရပ်ဖြစ်ပွားပြီးနောက် ထိုလုပ်ရပ်နှင့်ပက်သက်၍ ကန့်ကွက်ကြောင်း ရုရှားအစိုးရအား သ၀ဏ်လွှာပေးပို့ရန် ကိုလံဘီယာသမ္မတ ဂျူအန် မန်နျူယဲလ် ဆန်းတို့စ်က ကာကွယ်ရေးဝန်ကြီး ဂျူအန် ကားလို့စ် ပင်ဇန်အား ညွှန်ကြားခဲ့သည်ဟု သိရသည်။

သို့သော်ရုရှားဘက်က ထိုသတင်းအားငြင်းဆိုခဲ့ပြီး ရုရှားနိုင်ငံ၏ လေတပ်မှာ နိုင်ငံတကာ စည်းမျဉ်းစည်းကမ်းများကို ချိုးဖောက်သောလုပ်ရပ်များကို လုပ်ဆောင်ခြင်း မရှိဟု ယမန်နေ့က ကြေညာချက် ထုတ်ပြန်ခဲ့သည်။

Ref : Xinhua
____________________________

 

ဟလာလ်စားသောက်ကုန်တင်ပို့မှုကို ဂျပန်တိုးမြှင့်မည်

အရှေ့အလယ်ပိုင်းနှင့် အာရှနိုင်ငံများရှိ မွတ်စလင်နိုင်ငံများမှာ ၀ယ်လိုအားကောင်းလာမှုကြောင့် နိုင်ငံ၏ ဟလာလ် အစားအသောက် တင်ပို့မှုအား တိုးမြှင့်ရန် ဂျပန်နိုင်ငံက စီစဉ်နေသည်ဟု သိရသည်။

၂၀၂၀-ခုနှစ်တွင် ဟလာလ်စားသောက်ကုန်တင်ပို့မှုအား နှစ်ဆအထိတိုးမြှင့်ရန် အစီအစဉ်တစ်ခုကို ဂျပန်ဝန်ကြီးချုပ် ရှင်ဇိုအာဘေးက ထုတ်ပြန်ကြေညာခဲ့ပြီး ဂျပန်နိုင်ငံ၏ ၀င်ငွေမှာ ကန်ဒေါ်လာ ၁၀.၃ ဘီလီယံ ရှိလာမည်ဖြစ်သည်။

ဟာလာလ်စံနှုန်းပြည့်မီရန်အတွက် စားသောက်ကုန်ထုပ်လုပ်ရေး ပစ္စည်းကိရိယာများအား အဆင့်မြှင့်တင်မှုများပြုလုပ်ရန် ဂျပန်အစိုးရက စီစဉ်နေသည်ဟု ကူဝိတ် သတင်းဌာနတစ်ခုက ဖော်ပြခဲ့သည်။

ဂျပန်အစိုးရမှာ အဓိကအားဖြင့် အမဲသားတင်ပို့မှုအား တိုးမြှင့်ရန် မျှော်လင့်နေပြီး၊ ဟောင်ကောင်နှင့် ထိုင်းနိုင်ငံများမှာ ဂျပန်နိုင်ငံမှ တင်ပို့သော အမဲသားအား အဓိက ၀ယ်ယူသော နိုင်ငံများဖြစ်ကြသည်။
သို့သော်လည်း ဂျပန်အမဲသားအား ယူအေအီးနိုင်ငံမှ ၀ယ်လိုအားလည်းမြင့်မားလျက်ရှိပြီး၊ ဆော်ဒီအာရေဗျ၊ အင်ဒိုနီးရှားနှင့် မလေးရှားနိုင်ငံများသို့လည်း တိုးချဲ့တင်ပို့ ရန် ဂျပန်နိုင်ငံမှ ရည်ရွယ်နေသည်။

Ref : Islam RU

____________________________

ပထမဦးဆုံး အမျိုးသမီးပြောရေးဆိုခွင့်ရှိသူအား ဟားမတ်စ်ခန့်အပ်

ပါလက်စတိုင်းတော်လှန်ရေးလှုပ်ရှားမှုကို ဦးဆောင်နေသည့် ဟားမတ်စ်အဖွဲ့က ၎င်းတို့၏ အင်္ဂလိပ်ရေးရာ ပြောရေးဆိုခွင့်ရှိသူအဖြစ် အမျိုးသမီးတစ်ဦးအား ပထမဆုံး ခန့်အပ်ခဲ့သည်ဟု သိရသည်။

အဆိုပါအမျိုးသမီးမှာ အလ်မူဒါလာဟု အမည်ရပြီး အသက် ၂၃ နှစ်အရွယ်ရှိပြီဖြစ်သည်။ ငယ်စဉ်က ယူကေတွင်ကြီးပြင်းခဲ့သည့် ဒါလာက ၎င်းအနေဖြင့် အနောက်နှင့် အစ္စရေးမီဒီယာများအား စာင့်ကြည့်သွားမည်ဖြစ်ပြီး၊ ပါလက်စတိုင်းနှင့် ဂါဇာနယ်မြေများနှင့်ပက်သက်၍ လွဲမှားစွာဖော်ပြနေမှုများအားပြောင်းလဲသွားမည်ဟု အင်တာဗျူး တွင် ဖြေကြားခဲ့သည်။

“အစ္စရေးမီဒီယာတွေက သတင်းအမှားတွေကိုဖော်ပြနေတယ်ဆိုတာ ကမ္ဘာ့မီဒီယာတွေကသတိပြုမိကြပါတယ်။ ဒါ့ကြောင့် အစ္စရေးရဲ့မမှန်မကန်ဖော်ပြမှုတွေကို ဖွင့်ချဖို့ ကျွန်မတို့အားထုတ်ရပါမယ်” ဟု ဒါလာက ထည့်သွင်းပြောကြားခဲ့သည်။

ဒါလာမှာ ယခင်က al-Kitab ရုပ်သံတွင် အလုပ်လုပ်ခဲ့ဖူးပြီး ဂါဇာရှိ အစ္စလာမ့် တက္ကသိုလ်တွင် ဂျာနယ်လစ်နှင့် မီဒီယာပညာရပ်များကို ဆည်းပူးခဲ့သူဖြစ်သည်။

Ref : Islam RU
____________________________
အမေရိကန် ရေတပ် ဒုဗိုလ်မှူးကြီးတစ်ဦး လာဘ်စားမှုကြောင့် တရားစွဲဆိုခံရ

အရှေ့တောင်အာရှရှိ အမေရိကန်သင်္ဘောများအား ဆိပ်ကမ်းဆိုင်ရာဝန်ဆောင်မှုပေးနေသည့် ကန်ထရိုက်တာတစ်ဦးထံမှ လာဘ်ငွေများယူခဲ့သောကြောင့် အမေရိကန် ရေတပ်မှ ဒုဗိုလ်မှူးကြီးတစ်ဦးမှာ တရားစွဲဆိုခံနေရသည်ဟု သိရသည်။

ဂျိုဆေး လူးဝစ်ဆန်းချက်ဇ်ဟု အမည်ရသည့် အဆိုပါ ဗိုလ်မှူးကြီးမှာ အသက် ၄၁-နှစ်အရွယ်ရှိပြီဖြစ်ပြီး၊ ဖလော်ရီဒါပြည်နယ်ရှိ တမ်ပမြို့တွင် ယမန်နေ့က ဖမ်းဆီးခံခဲ့ ရသည်။

ဆန်းချက်ဇ်မှာ ကန်ဒေါ်လာ တစ်သိန်း၊ ပြည့်တန်ဆာများနှင့် အခြားသာ ပစ္စည်းများကို လာဘ်လာဘ အဖြစ်ယူခဲ့ပြီးနောက်၊ အမေရိကန် ရေတပ်မှ အချက်အလက်များကို အာရှဆိုင်ရာ ရေကြာင်းကုမ္ပဏီတစ်ခုဖြစ်သည့် Glenn Defense Marine Asia Ltd ၏ စီအီးအိုဖြစ်သူ လီယွန်နာ့ဒ် ဂလန်း ဖရန်စစ်သို့ ပေးအပ်ခဲ့ခြင်းဖြစ်သည်။

ပြီးခဲ့သည့်စက်တင်ဘာလက စင်ကာပူအခြေစိုက် ကန်ထရိုက်တာ တစ်ဦးဖြစ်သူ ဖရန်စစ်အား ဆန်ဒီယေဂိုတွင် ဖမ်းဆီးခဲ့ပြီး ၎င်းမှာဆန်းချက်ဇ်နှင့်တွဲ၍ တရားရင်ဆိုင်ရမည် ဖြစ်သည်။

အခြားသော အမေရိကန်ရေတပ်အရာရှိနှစ်ဦးမှာလည်း ထိုအဖြစ်အပျက်တွင် ပါဝင်နေသည်ဟုသိရသည်။ ထိုနှစ်ဦးမှာ စစ်သင်္ဘောများသွားရောက်မည့် လမ်းကြောင်း များအား ပေါက်ကြားစေခဲ့သည့် ဒုဗိုလ်မှူးကြီး မိုက်ကယ်ဗန်းနက်နှင့် အကြီးတန်းရေကြောင်းပြ အရာရှိ ဂျွန် ဗလီဗ်ဗီအောတို့ဖြစ်ပြီး ၎င်းတို့နှစ်ဦးမှာ အပြစ်မရှိ ကြောင်း လျှောက်ထားခဲ့ကြသည်။

သို့သော်လည်း စုံးစမ်းစစ်ဆေးမှုများကို ဆက်လက်လုပ်ဆောင်နေသည်ဟု ရှေ့နေများမှ ထုန်ပြန်သော ကြေညာချက်တွင် ဖော်ပြထားသည်။

Ref : Press TV
____________________________

အစ္စလာမ်ဆန့်ကျင်ရေး လှုပ်ရှားမှုများအား သတင်းပေးပို့နိုင်သည့် ဖုန်းဆော့ဖ်ဝဲတစ်ခုအား ပြင်သစ်တွင် ဖြန့်ချီ

အစ္စလာမ်ဆန့်ကျင်ရေး အပြုအမူများနှင့် စကားများကို တိုင်ကြားနိုင်မည့် ဖုန်းဆော့ဖ်ဝဲတစ်ခုအား ပြင်သစ်ရှိ အစ္စလာမ်ကြောက်ရောဂါတိုက်ဖျက်ရေး အဖွဲ့တစ်ခု ဖြစ်သည့် The Collectif Contre l’Islamophobie en France(CCIF) ပြင်သစ်နိုင်ငံတွင် တနင်္လာနေ့က စတင်ဖြန့်ချီခဲ့သည်ဟု သိရသည်။

ထိုဆော့ဖ်ဝဲအား အိုင်ဖုန်း၊ အိုင်ပက်နှင့် အန်ဒရွိုက်ဖုန်းများတွင်ပါအသုံးပြုနိုင်မည်ဖြစ်ပြီး၊ အသုံးပြုသူများအနေဖြင့် လူမျိုးရေးခွဲခြားသူများနှင့် အစ္စလာမ်ဆန့်ကျင်ရေး အပြုအမူများအား စီစစ်နိုင်မည်ဖြစ်သည်။ ထို့ပြင် မိမိ၏ပတ်ဝန်းကျင်တွင် ထိုကဲ့သို့သောလုပ်ရပ်များ ရှိ၊ မရှိကို စစ်ဆေးနိုင်ပြီး အဓိကအားအဖြင့် ထိုကဲ့သို့သော အဖြစ်အပျက်များဖြစ်ပွားလာပါက ကျူးလွန်ခံရသူများနှင့် မျက်မြင်သက်သေများက ထိုဆော့ဖ်ဝဲအား အသုံးပြုကာ သတင်းပေးပို့နိုင်မည်ဖြစ်သည်။

“(ဆော့ဖ်ဝဲကိုထုပ်လုပ်ရခြင်းရဲ့) အဓိကရည်ရွယ်ချက်ကတော့ ဒီလိုခွဲခြားဆန့်ကျင်တဲ့ အပြုအမူတွေဖြစ်လာတဲ့အခါ ချက်ခြင်း သတင်းပေးပို့နိုင်ဖို့ပါ။ ပြီးတော့ အစ္စလာမ် ကြောက်ရောဂါရှိသူတွေရဲ့ အန္တရာယ်ပေးမှုကို ခံရတဲ့သူတွေကို ဥပဒေဆိုင်ရာ အကြံအဥာဏ်တွေပေးဖို့နဲ့၊ သူတို့ရဲ့ ရပိုင်ခွင့်တွေအကြောင်းကို သတင်းပေးဖို့လည်း ဖြစ်ပါတယ်” ဟု CCIF ၏ ပြောရေးဆိုခွင့်ရှိသူ Babacar Sene က The Local သတင်းစာသို့ တနင်္လာနေ့က ပြောကြားခဲ့သည်။

Ref : The Local
____________________________