News @ M-Media

အီရန်၏ နျူးကလီးယားဆွေးနွေးမှု အပြန်အလှန်ယုံကြည်မှုပေါ်တွင် အခြေခံသင့်သည်ဟု နိုင်ငံခြားရေးဝန်ကြီးပြော

နိုဝင်ဘာ ၁၂၊ ၂၀၁၃
M-Media

334200_Iran talks

နိုင်ငံ၏ နျူးကလီယား ကိစ္စအပေါ် ကမ္ဘာ့အင်အားကြီး ၆ နိုင်ငံနှင့် အီရန်နိုင်ငံတို့ အကြား ညှိနှိုင်းဆွေးနွေးမှုများမှာ အပြန်အလှန် ယုံကြည်မှုအပေါ်တွင် အခြေခံသင့်သည် ဟု အီရန်နိုင်ငံခြားရေးဝန်ကြီး မိုဟာမက် ဂျာဗဒ် ဇာရစ်ဖ်က ပြောကြားလိုက်သည်။

“ဆွေးနွေးပွဲဟာ အပြန်အလှန်ယုံကြည်မှုအပေါ်မှာ အခြေခံသင့်ပြီး၊ တူညီတဲ့ ခြေလှမ်းတွေပေါ်မှာပဲ ဖြစ်သင့်ပါတယ်။ အီရန်အပေါ် အခြေအနေတစ်ခုကို ပြဌာန်းပေးတာ၊ ပါတီတစ်ခုက အမိန့်ပေးတာမျိုးတွေကို ကျွန်တော်တို့ လက်မခံနိုင်ပါဘူး” ဟု ယမန်နေ့ညပိုင်းက IRIB ရုပ်သံနှင့် ပြုလုပ်ခဲ့သည့် အင်တာဗျူးတွင် ဇာရစ်ဖ်က ပြောကြား ခဲ့သည်။

ထို့ပြင် လုံခြုံရေးကောင်စီ၏ အမြဲတမ်းအဖွဲ့ဝင် ၅ နိုင်ငံဖြစ်သည့် အမေရိကန်၊ တရုတ်၊ ရုရှား၊ ပြင်သစ်၊ ဗြိတိန်နှင့် ဂျာမနီနိုင်ငံတို့၏ အီရန်အား ဆက်ဆံသည့်ပုံ မတူညီမှု ကိုလည်း ဇာရစ်ဖ်က ထောက်ပြပြောဆိုသွားခဲ့သည်။

အီရန်နိုင်ငံ၏ နျူးကလီးကိစ္စနှင့် ပက်သက်၍ ဆွေးနွေးကြည့် အီရန်နှင့် ကမ္ဘာ့အင်အားကြီး ၆ နိုင်ငံတို့၏ အစည်းအဝေးကို ဆွစ်ဇလန်နိုင်ငံ ဂျီနီဗာမြို့တွင် နိုဝင်ဘာ ၇-ရက်နေ့မှ ၉-ရက်နေ့အထိ ပြုလုပ်ခဲ့ပြီး မည်သည့် သဘောတူညီချက်မှ ထွက်ပေါ်လာခြင်းမရှိခဲ့ပေ။

Ref : Press TV

Comments

Leave a Reply