သြဂုတ်လ- ၁၅ ရက်၊ ၂၀၁၃
M-Media
ဘရာဇီးနှင့် ရုရှားတို့ ရှုံးနိမ့်ပြီး အဂျင်တီးနား၊ ဆွီဒင် တို့အောင်ပွဲခံခဲ့သည့် နိုင်ငံတကာခြေစမ်းပွဲများ
နိုင်ငံတကာခြေစမ်းပွဲများကို သြဂုတ်လ ၁၄ ရက် ဗုဒ္ဓဟူးနေ့က ယှဉ်ပြိုင်ကစားခဲ့ရာ နာမည်ကြီးဘရာဇီးအသင်းနှင့် ရုရှားအသင်းတို့မှာ အံ့သြဖွယ်ရှုံးနိမ့်ခဲ့ရပြီး အာဂျင်တီးနားနှင့် ဆွီဒင်အသင်းတို့မှာ နိုင်ပွဲကိုယ်ဆီရခဲ့ကြသည်ဟုသိရသည်။
ဘေဆယ်တွင်ကစားခဲ့သည့် ဘရာဇီးလ်နှင့် ဆွစ်ဇလန်တို့ပွဲတွင် ဆွစ်ဇလန်အသင်းက ၁ ဂိုး ဂိုးမရှိဖြင့်အနိုင်ရရှိခဲ့သည်။ ဘရာဇီးလ်နောက်ခံလူ ဒန်နီယဲလ်အဲလ်ဗတ်စ်က ကိုယ့်ဂိုးကိုယ်သွင်းမိခဲ့ခြင်းဖြစ်ပြီး ထိုပွဲအရှုံးကြောင့် ဘရာဇီးလ်အသင်းမှာ ၁၁ ပွဲဆက်တိုက်ရှုံးပွဲမရှိစံချိန် ကြိုးပျက်ခဲ့ရသည်။
မြောက်အိုင်ယာလန်အသင်းမှာလည်း ရုရှားအသင်းကို မာတင်ပတ်တာဆန်၏ သွင်းဂိုးဖြင့် အနိုင်ရရှိခဲ့သည်။ ထိုပွဲအနိုင်ကြောင့် နောက်ဆုံး ၉ ပွဲတွင် တစ်ပွဲမှအနိုင် မရရှိခဲ့သည့် မြောက်အိုင်ယာလန်နည်းပြ မိုက်ကယ်အိုးနေးလ်မှာ ဖိအားများအထိုက်အလျောက်လျှော့ကျသွားသည်။
အီတလီနိုင်ငံ ရောမမြို့တွင် ကစားခဲ့သည့် အာဂျင်တီးနားနှင့် အီတလီတို့ပွဲတွင် အာဂျင်တီးနားက ၂ ဂိုး ၁ ဂိုးဖြင့် အနိုင်ရရှိခဲ့သည်။ အာဂျင်တီးနားအတွက် ဂိုးများကို ဂွန်ဇာလို ဟီဂူအင်နှင့် အီဗာ ဘန်နီဂါတို့ကသွင်းယူပေးခဲ့ပြီး အီတလီအသင်းအတွက် တစ်လုံးတည်းသောဂိုးကို လော်ရန်ဇို အင်ဆင်က သွင်းယူပေးခဲ့သည်။
ဆွီဒင်အသင်းနှင့် နော်ဝေအသင်းတို့၏ ပွဲစဉ်ကို စတော့ဟုမ်းတွင် ကစားခဲ့ကြပြီး ဆွီဒင်အသင်းက ၄ ဂိုး ၂ဂိုးဖြင့် အနိုင်ရရှိခဲ့သည်။ ဆွီဒင်အတွက်ဂိုးများကို အန်ဒါ ဆဗန်ဆန်က တစ်ဂိုးနှင့် အီဗရာဟီမိုဗစ်က ဟက်ထရစ်သွင်းယူပေးခဲ့ပြီး၊ မိုဟာမက် အဘ်ဒီလာအူနှင့် စတီဖန် ဂျိုဟန်ဆန်တို့က နော်ဝေအသင်းတွက် ချေပဂိုးများ သွင်းယူပေးခဲ့သည်။
အခြားပွဲစဉ်များတွင် ဥရုဂွေးအသင်းက ဂျပန်အသင်းကို ၄ ဂိုး ၂ ဂိုးဖြင့်လည်းကောင်း၊ ယူကရိန်းအသင်းက အစ္စရေးအသင်းကို ၂ ဂိုး ဂိုးမရှိဖြင့်လည်းကောင်း၊ ပိုလန်အသင်းက ဒိန်းမတ်အသင်းကို ၂ ဂိုး ၁ ဂိုးဖြင့်လည်းကောင်း အသီးသီး အနိုင်ရရှိခဲ့ကြသည်။
______________________________________
လမ်ဘာတ်အား ဟဒ်ဆန်ချီးကျူး
အင်္ဂလန်အသင်း၏နည်းပြဖြစ်သူ ရွိုင်ယန်ဟဒ်ဆန်မှာ ဆောက်သက်တမ်အသင်း၏ တိုက်စစ်မှူးဖြစ်သူ ရစ်ကီလမ်ဘာတ်အား ချီးကျူးပြောဆိုလိုက်သည်။ လမ်ဘာတ်မှာ ဗုဒ္ဓဟူးနေ့က ကစားခဲ့သည့် အင်္ဂလန်အသင်းက စကော့တလန်အသင်းအား ၃ဂိုး ၂ ဂိုးဖြင့် အနိုင်ရရှိခဲ့သည့် ခြေစမ်းပွဲတွင် အင်္ဂလန်အသင်းအတွက် အနိုင်ဂိုးကိုသွင်းယူပေးခဲ့သူဖြစ်သည်။ ထိုပွဲမှာ လမ်ဘာတ်၏ လက်ရွေးစင်အသင်းနှင့် ပထမဦးဆုံးကစားသည့်ပွဲလည်းဖြစ်သည်။
______________________________________
မော်ရင်ဟို၏လက်အောင်တွင် ကစားချင်သည်ဟု အီတူးဆို
ရုရှားကလပ် Anzhi Makhachkala အသင်း၏တိုက်စစ်မှူးဖြစ်သူ အီတူးက ၎င်းအနေဖြင့် မော်ရင်ဟို၏လက်အောက်တွင်ကစားချင်သည်ဟု ပြောဆိုလိုက်သည်။ အသက် ၃၂ နှစ်အရွယ်ရှိအီတူးမှာ စီးရီးအေကလပ်အင်တာအသင်းတွင် မော်ရင်ဟိုနှင့်လက်တွဲ့ခဲ့ဖူးပြီး စီးရီးအေဖလားနှင့် ချန်ပီယံလိဂ်ဖလားများကို ဆွတ်ခူးခဲ့ဖူးသည်။ အီတူး၏ မှတ်ချက်နှင့်ပက်သက်၍ မော်ရင်ဟိုက ယခင် ၎င်းနှင့်အလုပ်တွဲလုပ်ဖူးသူများမှာ ၎င်းနှင့်ထပ်မံလက်တွဲလိုကြောင်းကြားသိရသည့်အတွက်ပြောရွှင်မိကြောင်းပြောကြားခဲ့သည်။
______________________________________
ဖာဘရီဂတ်စ်အတွက် မန်ယူနောက်ဆုံး ကမ်းလှမ်းမှုပြုလုပ်
ပရီးမီးလားလိဂ်ထိပ်သီး မန်ချက်စတာယူနိုက်တက်အသင်းသည် ဘာစီလိုနာကွင်းလယ်လူ ဖာဘရီဂတ်စ်အားခေါ်ယူရန် နောက်ဆုံးကမ်းလှမ်းမှု ပြုလုပ်လိုက်သည်ဟုသိရသည်။ မန်ယူအသင်းမှာ အဆိုပါကစားသမားအား စောစောပိုင်းကလည်းခေါ်ယူရန်ကြိုးစားခဲ့ဖူးပြီး ဖာဘရီဂတ်စ်၏ အသင်းဖော်များနှင့် ဘာစီလိုနာ အသင်းက ဖာဘရီဂတ်စ်အား အသင်းမပြောင်းစေလိုဟု ထုတ်ဖော်ပြောဆိုထားသော်လည်း မန်ယူအသင်းက ပေါင် ၃၂ သန်းကျော်ဖြင့် နောက်ဆုံးကမ်းလှမ်းလိုက်ခြင်းဖြစ်သည်။
______________________________________
ဒီမစ်ချယ်လီအားခေါ်ယူရန် မန်စီးတီးပြင်ဆင်
မန်ချက်စတာစီးတီးအသင်းသည် လာလီဂါကလပ် မာလာဂါအသင်း၏နောက်ခံလူ မာတင် ဒီမစ်ချယ်လီအားခေါ်ယူရန် စီစဉ်နေသည်ဟုသိရသည်။ ရီးယဲလ်မက်ဒရစ် အသင်း၏ နောက်ခံလူ ပီပီအားခေါ်ယူရန်မအောင် မမြင်ဖြစ်ပြီးနောက် ဒီမစ်ချယ်လီအား ယူရို ၃.၅ သန်းဖြင့် ကမ်းလှမ်းရန် စီစဉ်နေခြင်းဖြစ်သည်။
Daily Mirror
______________________________________
ATP Western and Southern Open တင်းနစ်ပြိုင်ပွဲတွင် ဂျိုကိုဗစ်အနိုင်ရရှိ
ကမ္ဘာ့အဆင့် ၁ ရှိ ဆားဘီးယားတင်းနစ်သမား နိုဗက်ဂျိုကိုဗစ်မှာ အမေရိကန်နိုင်ငံတွင် ကျင်းပပြုလုပ်နေသည့် ATP Western and Southern Open တင်းနစ်ပြိုင်ပွဲ ဒုတိယအဆင့်တွင် အနိုင်ရရှိခဲ့သည်ဟုသိရသည်။ ဂျိုကိုဗစ်မှာ အာဂျင်တိုင်းထိပ်တန်းတင်းနစ်သမား ဂျူအန်မိုနာကိုအား ၇-၅၊ ၆-၂ ဖြင့် အနိုင်ရရှိခဲ့ခြင်းဖြစ်သည်။ နိုင်ခြေအဆင့် ၁ ရ ဂျိုကိုဗစ်မှာ ATP Western and Southern Open ဖလားကို ပြီးခဲ့သည့် ငါးနှစ်အတွင်း လေးကြိမ် ဆွတ်ခူးနိုင်ခဲ့သူလည်းဖြစ်သည်။
______________________________________
ဆရီနာနှင့် ကဗီတိုဗာတို့အနိုင်ရရှိခဲ့သည့်WTA Western and Southern Open တင်းနစ်ပြိုင်ပွဲ
အမေရိကန်နိုင်ငံ အိုဟိုင်းယိုးပြည်နယ် စင်စင်နတီမြို့တွင် ကျင်းပပြုလုပ်နေသည့် WTA Western and Southern Open တင်းနစ်ပြိုင်ပွဲ တတိယအဆင့်ပွဲစဉ်များကို ဆက်လက်ယှဉ်ပြိုက်ကစားခဲ့ရာ အမေရိကန်နာမည်ကြီးတင်းနစ်မယ် ဆရီနာဝီလီယံနှင့် ချက်တင်းနစ်မယ် ကဗီတိုဗာတို့ အနိုင်ရရှိခဲ့သည်ဟုသိရသည်။
ဂရန်းဆမ်း ဆုဖလား ၁၆ ခုဆွတ်ခူးရရှိထားသည့် ဆရီနာဝီလီယံမှာ ကနေဒါတင်းနစ်မယ် ယူဂျီနီဘူချာဒ်အား အနိုင်ရရှိခဲ့သည်။ ဆရီနာမှာ ပထမပွဲငယ်တွင် ၄-၆ဖြင့် ရှုံးနိမ့်ခဲ့ပြီး ဒုတိယနှင့် တတိယပွဲငယ်တို့တွင် ၆-၂၊ ၆-၂ ဖြင့်ပြန်လည်အနိုင်ရရှိခဲ့ကာ နောက်ဆုံး ၁၆ ဦးအဆင့်သို့ တက်ရောက်သွားပြီဖြစ်သည်။
နိုင်အခြေအဆင့် ၇ ရှိ ပီထရာကဗီတိုဗာမှာ နယူးဇီလန်တင်းနစ်မယ် မရီနာ အီရာကိုဗစ်အား ၆-၄၊ ၆-၇(၉-၇)၊ ၆-၃ ဖြင့်လည်းကောင်း၊ နိုင်ခြေအဆင့် ၆ ရ အီတလီတင်းနစ်မယ် ဆာရာ အီရာနီမှာ ဆလိုဗေးနီးယားတင်းနစ်မယ် ပိုလိုနာ ဟာကော့ဂ်ျ အား ၆-၄၊ ၅-၇၊ ၆-၄ ဖြင့်လည်းကောင်း အသီးသီးအနိုင်ရရှိခဲ့ကြသည်။
______________________________________
ဝင်ဘယ်လ်ဒန်လက်ရှိချန်ပီယံ တင်းနစ်လောကမှ အနားယူပြီ
အသက် ၂၈ နှစ်အရွယ်ရှိ ၀င်ဘယ်လ်ဒန်ချန်ပီယံ ပြင်သစ်တင်းနစ်မယ် မာရီယန် ဘာတိုလီမှာ တင်းနစ်လောကမှ အနားယူလိုက်ပြီဖြစ်ကြောင်းကြေညာခဲ့သည်။ အမေရိကန်နိုင်ငံ အိုဟိုင်းယိုးတွင်ကျင်းပနေသည့် WTA Western and Southern Open တင်းနစ်ပြိုင်ပွဲ ဒုတိယအဆင့်တွင် အား ၃-၆၊ ၆-၄၊ ၆-၁ ဖြင့်ရှုံးနိမ့်အပြီးတွင် ထိုကဲ့သို့ ကြေညာခဲ့ခြင်းဖြစ်သည်။ လွန်ခဲ့သည့် နှစ်အနည်းငယ်အတွင်း ဒဏ်ရာပြဿနာများနှင့် ရင်ဆိုင်ခဲ့ရသည့် ဘာလိုတီက သူမအနေဖြင့် အနားယူရန် အချိန်တန်ပြီဖြစ်ကြောင်း၊
ယခုနှစ်အစပိုင်းကတည်းက ဒဏ်ရာပြဿနာတော်တော်များများကို ရင်ဆိုင်ခဲ့ရကြောင်း ပြောကြားခဲ့သည်။ ဘာလိုတီမှာ ယခုနှစ် ၀င်ဘယ်လ်ဒန် တင်းနစ်ပြိုင်ပွဲတွင် ပူပူနွေးနွေး ဗိုလ်စွဲထားသူလည်းဖြစ်သည်။
______________________________________
ကမ္ဘာ့ချန်ပီယံရှစ်အားကစားပြိုင်ပွဲ မီတာ ၈၀၀ အပြေးပြိုင်ပွဲတွင် မာရီလင် အိုကိုရိုနှင့် လော်ရာမူအာရ်တို့ ဆီးမီးဖိုင်နယ်သို့ရောက်ရှိ
ရုရှားနိုင်ငံ မော်စကိုမြို့တွင် ကျင်းပပြုလုပ်နေသည့် ကမ္ဘာ့ချန်ပီယံရှစ်အားကစားပြိုင်ပွဲ မီတာ ၈၀၀ အပြေးပြိုင်ပွဲတွင် ဗြိတိန်နိုင်ငံသူ မာရီလင်အိုကိုရိုနှင့် လောရာမူအာရ်တို့မှာ ဆီးမီးဖိုင်နယ်အဆင့်သို့ တက်ရောက်သွားပြီဟု သိရသည်။ အိုကိုရိုမှာ ၁ မီနစ် ၅၉.၄၃ စက္ကန့်ဖြင့်လည်းကောင်း၊ မူအာရ်မှာ ၂ မိနစ် ၀.၈၀ စက္ကန့်ဖြင့်လည်းကောင်း အသီးအသီးပန်းဝင်ခဲ့ခြင်းဖြစ်သည်။
