ဇွန်- ၂၉ ၊ ၂၀၁၃
M-Media
လန်ဒန်။ ။ ဇွန်လ ၂၈ ရက်၊ သောကြာနေ့က ဗြိတိန်နိုင်ငံရှိ ရာပေါင်းများစွာသော ဗလီကျောင်းတော်များတွင် လိင်ပိုင်းဆိုင်ရာစော်ကားမှုအား ရှုံ့ချသည့်ဟောပြောချက်များကို တညီတညွတ်တည်း ဟောပြောခဲ့ပြီး၊ ကလေးသူငယ်များ နှင့် အားနွဲ့သူအား အကာကွယ်ပေးရမည့် အစ္စလာမ့်သွန်သင်ချက်များကို အလေးနက်ထား ထည့်သွင်းဟောကြားသွားသည်။
“လိင်ပိုင်းဆိုင်ရာစော်ကားမှုကို ကျွန်တော်တို့ ပူးပေါင်း တွန်းလှန်သွားမှာပါ။ မွတ်စ်လင်မ်ဖြစ်သည်နှင့်အညီ ကျွန်တော်တို့ဟာ လူ့အသိုင်းအ၀ိုင်းထဲက ဒီလိုမတရားမှုများကို ပပျောက်အောင် ကြိုးစားသွားရပါမယ် ” ဟု လိင်ပိုင်းဆိုင်ရာစော်ကားမှုအား ပူးပေါင်းဆန့်ကျင်ရေး (Together Against Grooming – TAG) အဖွဲ့မှ ပြောရေးဆိုခွင့်ရှိသူ အန်ဆွာအလီ (Ansar Ali) က BBC သို့ ဇွန်လ ၂၈ ရက်၊ သောကြာနေ့တွင် ပြောကြားခဲ့သည်။
TAG အဖွဲ့၏ ကြိုးစားအားထုတ်မှုတစ်ခုအဖြစ် ဗလီကျောင်းတော် ၅၀၀ နီးပါးရှိ အီမာမ် (ဗလီ ရှေ့ဆောင်ဆရာ) များသည် ကလေးငယ်များအား လိင်ပိုင်းဆိုင်ရာစော်ကားမှုကို ရှုံ့ချသော ဟောပြောချက်များ ပြုလုပ်သွားရန်ရှိသည်။
ဝက်စ်ယော့ခ်ရှိုင်းယား (West Yorkshire) ၊ ကိုင်လေ (Keighley) မှ အီမာမ်တစ်ဦးဖြစ်သော အိလ်ယပ်စ် ကရ်မာနီ (Alyas Karmani) ရေးသားထားသော ဓမ္မဟောပြောချက်က ကုရ်အာန်ကျမ်းတော်တွင် မွတ်စ်လင်မ်များသည် ကလေးသူငယ်များနှင့် အားနွဲ့သူများကို ကာကွယ်စောင့်ရှောက်ရမည့် အကြောင်းအရာအား အဓိကထားဖော်ပြထားသည်။ အခြားသူများအပေါ်၌ လိင်ပိုင်းဆိုင်ရာညစ်ညမ်းအကျင့်၊ ကောက်ကျစ်ယုတ်မာမှု နှင့် ဖိနှိပ်ညှင်းပန်းမှုများ မပြုလုပ်ရန် ကုရ်အာန်ကျမ်းတော်မြတ်၏ တားမြစ်ချက်ဖြင့် ၄င်းဟောပြောချက်အား စတင်ဖွင့်ဆိုထားသည်။
ထိုသိက္ခာမဲ့ အမူအကျင့်လုပ်ရပ်များအား ရင်နှင့်အမျှ ဆန့်ကျင်ရှုံ့ချကြရန်ကိုလည်း ထည့်သွင်းရေးသားထားခဲ့သည်။
မကောင်းမှုတစ်စုံတစ်ရာလုပ်ဆောင်နေသည်ကို တွေ့ရှိရပါက ရဲဝံ့စွာ ထုတ်ဖော်ပြောဆိုကြရန် မွတ်စ်လင်မ်တို့အပေါ် တိုက်တွန်းချက်ဖြင့် ဟောပြောချက်အား အဆုံးသတ်ထားသည်။
အီမာမ် ကရ်မာနီက ဤသို့ ဆိုသည်။
“ ယခုခေတ်တွင် အမျိုးသမီးများကို မလေးမစားဆက်ဆံသည့်ယဉ်ကျေးမှု ခေတ်ထ,နေသည်။ ထိုသို့ဖြစ်ပေါ်ခြင်းမှာ စံနမူနာယူရမည့်သူရှားပါးနေသောကြောင့် ဟု ကျွန်ုပ်တို့ အမြင်ရှိသည်။ အမျိုးသမီးတို့ကို လိင်ကျေးကျွန်များအဖြစ် ဖော်ပြထားသော ညစ်ညမ်းဓာတ်ပုံများက အမျိုးသမီးများအပေါ် အမျိုးသားများမှ အကြမ်းဖက်မှုဖြစ်ပေါ်လာအောင် နည်းပေးလမ်းပြ ဖြစ်နေစေပါသည် ”။
TAG နှင့် အတူ အကျိုးအမြတ် မမျှော်ကိုးသော အဖွဲ့စည်းတစ်ရပ်မှ ဗြိတိန်နိုင်ငံအတွင်း လိင်ပိုင်းဆိုင်ရာစော်ကားမှုအား ပပျောက်ရန် ကြိုးပမ်းထားသည့် ယင်းဟောပြောချက်ကို ဗြိတိန်နိုင်ငံရှိ မွတ်စ်လင်မ် ကောင်စီ (Muslim Council of Britain)၊ ဗလီကျောင်းတော်နှင့်အီမာမ်များဆိုင်ရာ နိုင်ငံတော်အကြံပေးအဖွဲ့ (Mosque and Imams National Advisory Board) နှင့် ဗြိတိန်နိုင်ငံရှိ အစ္စလာမ့်လူ့အဖွဲ့အစည်း (Islamic Society of Britain) တို့က ထောက်ခံခဲ့ကြသည်။
ဗြိတိန်နိုင်ငံတွင် လူနည်းစုဝင် မွတ်စ်လင်မ်ဦးရေမှာ ၂.၇ သန်းခန့်ရှိပြီး၊ ၄င်းတို့အနက်အများစုမှာ အိန္ဒိယ၊ ဘင်္ဂလားဒေ့ရှ် နှင့် ပါကစ္စတန်မှ လာရောက်နေထိုင်သူများ ဖြစ်ကြသည်။
လှုံ့ဆော်ရေး အစီအစဉ်
ဟောပြောချက်သည် လှုံ့ဆော်ရေးအစီစဉ်၏ ကြီးမားသောအစိတ်အပိုင်းတစ်ရပ်ဖြစ်ပြီး၊ အာရှတိုက်သား အမျိုးသားများအား ထိုအကြောင်းအရာနှင့် ပတ်သက်၍ ဂရုပြုမိစေရန်ဖြစ်သည်။
“လတ်တလော ရုံးတင်အမှုတွဲများရဲ့အကြောင်းအရာများဟာ ကျွန်တော်တို့ကို အထူးတုန်လှုပ်စေခဲ့ပါတယ်။ မွတ်စ်လင်မ်များအနေနဲ့ ဒီလို ရာဇ၀တ်မှုမျိုးကို ရှုံ့ချတားမြစ်ဖို့ တာဝန်ရှိကြပါတယ်။ သောကြာလိုနေ့မျိုးက ဗလီကျောင်းတော်ကို လူတွေ ရာပေါင်း၊ ထောင်ပေါင်းများစွာ တကူးတက လာရောက်လေ့ ရှိကြပါတယ်။ ဒီအချိန်ဟာ သူတို့ရဲ့ အထူးအာရုံစူးစိုက်မှုကို ရရှိနေချိန်ဖြစ်လို့ အလွန်ကို အရေးကြီးတဲ့ အကြောင်းအရာကို ပြောကြားဖို့ နဲ့ အသိတရားရအောင်လှုံ့ဆော်ဖို့ အကောင်းဆုံး အနေအထားဖြစ်ပါတယ်” ” ဟု TAG မှ ပြောရေးဆိုခွင့်ရှိသူ အန်ဆွာအလီ ကဆိုသည်။
ဘရက်ဖို့ဒ် (Bradford) ၊ အော့စ်ဖို့ဒ် (Oxford) ၊ ရို့ခ်ျဒေးလ် (Rochdale) နှင့် တဲလ်ဖို့ဒ် (Telford) တို့ရှိ အာရှတိုက်သား အမျိုးသားများက ကလေးငယ်များအား လိင်ပိုင်းဆိုင်ရာစော်ကားသော အမှုများစွာ ဖြစ်ပေါ်လာပြီးနောက်တွင် ]ဤဓမ္မဟောပြောချက်သည် လှုံ့ဆော်ရေးအစီအစဉ်အတွက် အလွန်ထိရောက်တာသွားသော ပထမဆုံးခြေလှမ်းဖြစ်ခဲ့သည် ဟု သူက ထည့်သွင်းပြောကြားခဲ့သည်။
ယမန်နှစ်က ပါကစ္စတန် နှင့် အာဖဂန်နွယ်ဖွား ဗြိတိန်နိုင်ငံသား ၉ ယောက်သည် မူးယစ်ဆေးဝါး နှင့် အရက်သေစာ အပေးအယူအတွက် ရို့ခ်ျဒေးလ် နှင့် ဒါဘီ (Derby) ရှိ လူဖြူမိန်းကလေးများအား ဖျက်ဆီးခဲ့ကြောင်း သိရသည်။
ကြာသပတေးနေ့က အော့စ်ဖို့ဒ်တွင် မိန်းကလေးငယ်များအား အနိုင်ကျင့်စော်ကားသူ လူ ၇ ဦး အား အိုးလ်ဘိုင်လေ(Old Bailey) ၌ တစ်သက်တစ်ကျွန်း ပြစ်ဒဏ်ကျခံစေခဲ့သည်။ ထိုလူများအနက် ၂ ဦးသည် အရှေ့အာဖရိကမှ လာရောက်ခဲ့သူဖြစ်ပြီး၊ ၅ ဦးသည် ပါကစ္စတန်မှဖြစ်သည်။
ဖျက်ဆီးခြင်း နှင့် ကလေးငယ်များအား အနိုင်ကျင့်စော်ကားခြင်းသည် လူ့ဘောင်၏ကဏ္ဍအားလုံးကို ထိခိုက်စေပြီး၊ ထိုပြစ်မှုမျိုးမှာ မည်သည့်လူမျိုးနှင့်မှ မကင်းလွတ်တတ်ကြပေ။ ကုရ်အာန်ကျမ်းတော်တွင် “ မကောင်းမှုနှင့် မတရားမှုကို တိုက်ဖျက်၍ တရားမျှတသောလူ့အဖွဲ့အစည်းကို တည်ဆောက်ကြ ” ဟု မွတ်စ်လင်မ်များအား လမ်းညွှန်တိုက်တွန်းထားကြောင်း သူက ဆက်လက်ပြောကြားခဲ့သည်။
ဗြိတိန်သားများအားလုံး မကောင်းမှုများကို ရဲရဲဝံ့ဝံ့ ထုတ်ဖော်ပြောကြားရန် လွန်ခဲ့သော ဧပြီလတွင် ဗြိတိန်နိုင်ငံ၊ မွတ်စ်လင်မ် ကောင်စီ (Muslim Council of Britain – MCB) မှ နောက်ထပ်လှုံ့ဆော်မှုတစ်ခုကို ပြုလုပ်တိုက်တွန်းခဲ့သည်။
မိန်းကလေးများကို အနိုင်ကျင့်စော်ကားခြင်းသည် အစ္စလာမ့်သွန်သင်ချက်များနှင့် ဆန့်ကျင်သော အကျင့်အမူဖြစ်နေကြောင်း၊ ထို့အတူ နိုင်ငံအတွင်း လူများအား လိင်ပိုင်းဆိုင်ရာစော်ကားမှုနှင့်ပတ်သက်၍ လူထုအတွင်း အသိပညာပေးရန် အမျိုးသားညီလာခံတစ်ရပ်ပြုလုပ်ရေး အစီအစဉ်များ ရေးဆွဲနေကြောင်း ဟု TAG အဖွဲ့မှ ကြေငြာတင်ပြလိုက်သည်။
Ref: OnIslam
