ဇူလိုင် -၁ ၊ ၂၀၁၃
M-Media
အိမေ
ရန်ကုန် ။ ။ သီလ၀ါဆိပ်ကမ်း ဖွံ့ဖြိုးရေးလုပ်ငန်းများ ဆောင်ရွက်ရန် ဒေသခံလယ်သမားများ ဆိပ်ကမ်းမြေကွက်များတွင် နေထိုင်သူများ၊ ဒေသ အာဏာပိုင်များနှင့် မြန်မာ့ဆိပ်ကမ်း အာဏာပိုင်တို့ တွေ့ဆုံပွဲကို ၂၀၁၃-ခုနှစ်၊ ဇူလိုင်လ ၁-ရက်၊ နေ့လည် ၃-နာရီတွင် မြန်မာ့ဆိပ်ကမ်းအာဏာပိုင်ရုံးတွင် ပြုလုပ်ခဲ့သည်။
မြန်မာ့ဆိပ်ကမ်းအာဏာပိုင် အထွေထွေမန်နေဂျာ ဦးကျော်မြင့်က “နိုင်ငံတော်ကတာဝန်ယူ အကောင်အထည်ဖော် ဆောင်ရွက်လျက်ရှိသော သီလ၀ါစီမံကိန်းကိုလည်း ထိခိုက်ပျက်စီးစေဖို့ ရည်ရွယ်ချက်မရှိသလို ဒေသခံများရဲ့အကျိုးကိုလည်း မထိခိုက်အောင်ဆောင်ရွက်မှသာ မလိုလားအပ်သော အရာတွေ မဖြစ်ပေါ်စေမှာ ဖြစ်ပါတယ်။ ဒါကြောင့် ဒေသခံပြည်သူတွေ ရဲ့ထိခိုက်နစ်နာမှုမရှိအောင် အခုလိုခေါ်ယူဆွေးနွေးတာပါ။” ဟုပြောကြားခဲ့သည်။
တက်ရောက်လာသော ဒေသခံလယ်သမားများထဲမှ ကျောက်တန်းမြို့နယ်၊ ရွှေပြည်သာယာရပ်ကွက်၊ဘေးပေါက်ကျေးရွာတွင်နေထိုင်သော ဦးတင်အုန်းက “ကျွန်တော်တို့ ဒီဆိပ်ကမ်းမြေပေါ်မှာ လုပ်ကိုင်စားသောက်နေတာ ၁၉၉၅-ခုနှစ်ကတည်းကပါ။ နိုင်ငံတော်ရဲ့ဖွံ့ဖြိုးတိုးတက်မှုကို အနှောင့်အယှက်မလုပ်ပါဘူး။ ကျွန်တော်တို့ရဲ့နစ်နာမှုကို အခုလိုခေါ်ယူညှိနှိုင်းပေးတဲ့အတွက် အရမ်းဝမ်းသာပါတယ်။”ဟု သူ၏ခံစားချက်ကို ပြောပြသွားခဲ့ပါသည်။
ယင်းဒေသစီမံကိန်းတွင် ပါဝင်သောဒေသခံပြည်သူများအား ဆုံးရှုံးနစ်နာမှုမရှိစေရန် အဓိက ဆောင်ရွက်သွားမည် ဖြစ်ကြောင်းနှင့် အဆိုပါပွဲသို့ ဒေသခံလယ်သမားဦးရေ ၂၅၀-ကျော်နှင့် သတင်းမီဒီယာ ၄၀-ဦးခန့် တက်ရောက်ခဲ့ကြောင်းသတင်းရရှိသည်။
အဆိုပါဆွေးနွေးပွဲဆုံးဖြတ်ချက်ကိုလာမည့်သီတင်းပတ်တွင်ကြေညာပေးသွားမည်ဖြစ်ကြောင်းသိရသည်။
ဓါတ်ပုံများ ကြည့်ရန် ။ Click Here
Leave a Reply
You must be logged in to post a comment.