မေ-၂၉၊ ၂၀၁၃
M-Media
နေပိုင်
ဧရာဝတီတိုင်းဒေသကြီး၊ ပုသိမ်မြို့၊ အောင်သိဒ္ဓိရပ်ကွက်အတွင်း၊ ၂၄.၅.၂၀၁၃ ရက်နေ့တွင် လူတစ်ယောက်သည် ဓားတစ်ချောင်းဖြင့် ရမ်းကားနေခြင်း၊ မိန်းကလေးတစ်ဦးအားလည်း ဖက်နမ်းမည်ပြု၍ ထိုမိန်းကလေးမှ ထွက်ပြေးခဲ့ရခြင်း၊ အရက်ဆိုင်ထဲတွင်လည်း အတူသောက်စားနေသူအား ရိုက်နှက်ခဲ့ရာ ဒဏ်ရာပြင်းထန်စွာ ရရှိခဲ့ကြောင်း သတင်းရရှိခဲ့ပါသည်။
ဤဖြစ်စဉ်၌ ရမ်းကားနေသူမှာ အပြူး (ခ) သူရ၀င်း (ဘ)ဦးတင်ဝင်းဖြစ်ပြီး ပုသိမ်မြို့၊ သဲတန်းရပ်ကွက်အတွင်း နေထိုင်သူဖြစ်ကြောင်း စုံစမ်းသိရှိရပါသည်။
အပြူး(ခ) သူရ၀င်းမှာ ရပ်ကွက်အတွင်း – အရက်ဆိုင် – ဖဲဝိုင်း – ကမ်းနားဆိပ် နှင့် နေရာမျိုးစုံတွင် မိုက်ကြေးခွဲ ဆက်ကြေးတောင်းကာ ဆိုးသွမ်းရမ်းကားလေ့ရှိသူသူ တစ်ဦးဖြစ်သည်။ ၄င်းသည် ၁၅.၅.၂၀၁၂ ခုနှစ် ညပိုင်းတွင် ဥမ္မာဒဏ္ဍီရပ်ကွက်အတွင်းရှိ ပြည့်တန်ဆာလုပ်ငန်း လုပ်ကိုင်သောအိမ်သို့ ပြည့်တန်ဆာခေါ်ယူရန် သွားရောက်ရာမှ ပြည့်တန်ဆာခေါင်း အိမ်ရှင်နှင့် စကားများရန်ဖြစ်ကြပြီး၊ ပြည့်တန်ဆာခေါင်း၏ဦးခေါင်းမှာ ပြင်းထန်စွာ ဒဏ်ရာရရှိခဲ့ပါသည်။ ထိုနေ့ညဥ့် (၁)နာရီခန့် အချိန်၌လည်း ကမ်းနားလမ်း၊လူမှုဖူလုံရေးရုံးရှေ့တွင် ကွမ်းယာဆိုင်ဖွင့်လှစ်ရောင်းချသူ ကိုကတုံး ဆိုသူ လူတစ်ယောက်အား သူရ၀င်းမှ သစ်သားဒုတ်ဖြင့်လိုက်၍ ရိုက်နှက်ကြောင်း၊ ထွက်ပြေးသည်ကို ဆက်လက် လိုက်လံရိုက်နှက်ခြင်း၊ ခဲလုံးဖြင့် ထုနှက်ခြင်းကြောင့် ထိုကတုံး ဆိုသူမှာ ညောင်ပင်အောက်တွင် သေဆုံးခဲ့ရပါသည်။ သေဆုံးသူအား ကိုဘဲဥနှင့် ကိုအပြူးတို့မှ အနီးရှိ ကုန်စုံဆိုင်ရှေ့သို့ အလောင်းကိုရွှေ့ပြောင်း ထားရစ်ခဲ့သည်။ ကိုအပြူး(ခ)သူရ၀င်းမှ မျက်မြင်သက်သေ ဆိုက်ကားသမားတစ်ဦးအား ယင်းအကြောင်းကိုပြောလျှင် သတ်ပြစ်မည်ဟု ခြိမ်းခြောက်ကာ ရန်ကုန်မြို့သို့အချိန်အတန်ကြာ တိမ်းရှောင်သွားခဲ့ပါသည်။
တိမ်းရှောင်ပြီး တစ်နှစ်အကြာ ယခုပြန်လည်ရောက်ရှိလာရာတွင်လည်း အထက်ဖော်ပြပါအတိုင်း ထပ်မံရမ်းကားမှုများ ပြုလုပ်နေခြင်းဖြစ်သည်။ ထိုအပြူး (ခ) သူရ၀င်း၏ဖခင်ဖြစ်သူ ဦးတင်ဝင်း (ခ) ဗဂျီးယားဆပ်မှာ ငယ်စဉ်က ပြည်ထဲရေးလက်အောက်တွင် လက်ဝှေ့ထိုးသတ်ခဲ့သူတစ်ဦးဖြစ်ပြီး၊ ယခုအချိန်တွင်လည်း လက်ဝှေ့နည်းပြလုပ်ကိုင်နေသူတစ်ဦးဖြစ်ပါသည်။ ၄င်း၏တပည့်တပန်းအများအပြားမှာ ဌာနဆိုင်ရာ အတော်တော်များများတွင် နေရာရနေသော လူကြီးလူကောင်းများဖြစ်ကြသည်။ ၄င်းတို့အပေါ်တွင်လည်းကောင်း၊ ရဲစခန်းအပေါ်တွင်လည်းကောင်း ယခုတိုင်အောင် ဦးတင်ဝင်း၏ သြဇာ ကြီးစိုးသက်ရောက်နေဆဲဖြစ်ကြောင်း သိရပါသည်။
၎င်းဦးတင်ဝင်းမှာ ဟိန္ဒူဘာသာမှ အစ္စလာမ် ဘာသာသို့ ကူးပြောင်းလာသူတစ်ဦးဖြစ်ပြီး၊ ယခုကဲ့သို့ သူ၏သားဖြစ်သူ အပြူး(ခ) သူရ၀င်း ၏ ရမ်းကားမှုကြောင့် မလိုလားအပ်သော ဘာသာရေး အဓိကရုဏ်းအသွင်သို့ ပြောင်းလဲသွားမည်ကို မြို့ခံ အစ္စလာမ်ဘာသာဝင်များမှ စိုးရိမ်လျက်ရှိကြပါသည်။ ထို့ကြောင့် အပြူး (ခ) သူရ၀င်းအား လူသတ်မှု၊ ရိုက်မှု၊ ရမ်းကားမှုများဖြင့် တည်ဆဲဥပဒေအရ ထိရောက်စွာ အရေးယူပေးနိုင်ရန် မြို့နေပြည်သူတို့က လိုလားလျက်ရှိကြောင်း သိရှိရပါသည်။
