News @ M-Media

Blog

  • ဥက္ကံတွင် ယနေ့ည တရားပွဲပြီးချိန်၌ အိမ်များ ဖျက်မည့် သတင်းများကြောင့် မွတ်စလင်မ်များ စိုးရိမ်

    မတ်လ ၂၉၊ ၂၀၁၃
    M-Media
    သုတ

    ဥက္ကံတွင် ယနေ့ည တရားပွဲပြီးချိန်၌ မွတ်စလင်မ်အိမ်များ ဖျက်မည်ဟုဆိုသော သတင်းများကြောင့် မွတ်စလင်မ်များစိုးရိမ်ထိတ်လန့်ကြ (ည ၉း၃၀ နာရီ)

    Oak Kan
    ဥက္ကံ ။ ။ ဥက္ကံမြို့တွင် ဗလီနှင့် မွတ်စလင်မ်အိမ်များအား အကြမ်းဖက်သမားများမှ ယနေ့ည တရားပွဲအပြီးတွင် ဖျက်ဆီးမည်ဟု သတင်းထွက်ပေါ်လာသောကြောင့် မွတ်စလင်မ်များ စိုးရိမ်ထိတ်နေ့ပြီး မွတ်စလင်မ်တချို့မှာ ရှောင်ပြေးနေကြောင်းသတင်းရရှိသည်။

    ဥက္ကံမြို့တွင် ဗလီနှင့် မွတ်စလင်မ်အိမ်များအား အကြမ်းဖက်သမားများမှ ဖျက်ဆီးမည်ဟု လွန်ခဲ့သောရက်ကတည်းမှ သတင်းများထွက်ပေါ်ခဲ့ပြီးနောက် စစ်တပ်မှ လုံခြုံရေးချထားသော်လည်း ၂၇-ရက်ညမှ စတင်ခဲ့သော (၃)ရက်တိုင် တရားပွဲပြီးဆုံးမည့် ၂၉-ရက်နေ့ ညပိုင်းရောက်မည်ကို ဥက္ကံမှ မွတ်စလင်မ်လင်များ စိုးရိမ်သောကရောက်နေခဲ့ကြကြောင်း သိရပြီးဖြစ်သည်။

    (၃)ရက် တရားပွဲမှာ ယနေ့ည နောက်ဆုံးဖြစ်ပြီး တရားပွဲပြီးသည်နှင့် ဗလီနှင့် မွတ်စလင်မ်အိမ်များအား ဖျက်ဆီးမည်ဟုစီစဉ်ထားကြောင်း၊ ယခင်က ရပ်ကွက်အတွင်းရှိခဲ့သူ တချို့အား ကတုံးများတုံးပြီး သင်္ကန်းများဝတ်ပေးထားကြောင်း၊ တရားပွဲအပြီး ဖျက်မည်ဟု သံဓိဌာန်ချပြီး ကြိုတင်စီမံမှုများပြုလုပ်ထားပြီးဖြစ်သောကြောင့် မွတ်စလင်မ်များအား ရှောင်နေကြရန် ဗုဒ္ဓဘာသာဝင် မိတ်ဆွေတချို့မှ တိတ်တဆိတ်သတိပေးလာကြောင်းသိရသည်။

    ယခုအခါ စစ်တပ်မှ စစ်ကား ၂-စီးမှာ ဥက္ကံမြို့ အနော်ရထာ ရပ်ကွက်အုပ်ချုပ်ရေးရုံးရှေ့တွင် ရှိနေပြီး၊ တရားပွဲပြုလုပ်နေသည့် နေရာမှာ အနော်ရထာရပ်ကွက် ဘုရားကြီးဘုန်းကြီးကျောင်းဘေးက ကွင်းတွင် ဖြစ်ကြောင်းသိရသည်။ ယနေ့ည တရားဟောပြောမည့် ဆရာတော်မှာ မစိုးရိမ်တိုက်မှ ဖြစ်သည်ဆိုသောကြောင့် ဥက္ကံမြို့သားများ ပိုမိုထိတ်လန့်နေကြောင်းလည်းသိရသည်။ မစိုးရိမ်တိုက်ဆရာတော်မှာ ဦးဝီရသူ မဟုတ်ကြောင်းနှင့် နာမည်ကို မပြောတတ်ကြောင်း ဥက္ကံမြို့ခံမှ M-Media အား ပြောကြားလာပါသည်။

     

  • တရားဥပဒေစိုးမိုးရေး၊ ကယ်ဆယ်ရေး၊ ပြန်လည် ထူထောင်ရေး ကိစ္စရပ်များကို ပဲခူးတိုင်းဒေသကြီး ဝန်ကြီးချူပ်နှင့် အစ္စလာမ်ဘာသာရေး အဖွဲ့ကြီးမှ တာဝန်ရှိသူများတွေဆုံ ဆွေးနွေးခဲ့

    မတ်- ၂၉ ၊ ၂၀၁၃
    M-Media

    ပဲခူးတိုင်းဒေသကြီး ၀န်ကြီးချုပ်ဦးဥာဏ်ဝင်းနှင့် ဌာနဆိုင်ရာ တာဝန်ရှိသူများအား မြန်မာနိုင်ငံလုံးဆိုင်ရာ အစ္စလာမ်ဘာသာရေး အဖွဲ့ကြီးမှ တာဝန်ရှိသူများက ပဲခူးတိုင်းဒေသကြီး အစိုးရအဖွဲ့ရုံးသို့(၂၉.၃.၂၀၁၂)ရက်၊ နေ့လည် (၂)နာရီမှ (၃း၃၀) နာရီထိသွားရောက် တွေ့ဆုံဆွေးနွေးခဲ့ပါသည်။

    မြန်မာနိုင်ငံလုံး ဆိုင်ရာ အစ္စလာမ်ဘာသာရေးအဖွဲ့ကြီးမှ သွားရောက် တွေ့ဆုံခဲ့သူများမှာ

    • အလ်ဟာဂ်ျ ဦးတင်နိုင်(အိုလမာအစ္စလာမ် သာသနာ့ ပညာရှင်များ အဖွဲ့ချုပ်)၊
    • ဦးဝဏ္ဏရွှေ(တွဲဖက်အတွင်းရေးမှူး၊ အစ္စလာမ် သာသနာရေးရာ ကောင်စီ ဌာနချုပ်)၊
    • အလ်ဟာဂ်ျ ဦးမြင့်ထွန်း (ဥက္ကဋ္ဌ၊ မြန်မာမွတ်စလင် လူငယ်များ ဘာသာရေးအဖွဲ့မ.မ.လ)၊
    • ဟာဂျီဦးကျော်ခင်(အထွေထွေ အတွင်းရေးမှူး၊ မြန်မာမွတ်စလင် အမျိုးသားရေးရာအဖွဲ့ချုပ်)တို့ဖြစ်ပါသည်။

    ထိုသို့တွေ့ဆုံရာတွင် မြန်မာနိုင်ငံလုံးဆိုင်ရာအစ္စလာမ် ဘာသာရေးအဖွဲ့ကြီးမှ ပဲခူးတိုင်းအတွင်းအကြမ်းဖက်မှုများ ချုပ်ငြိမ်းကာ တည်ငြိမ် အေးချမ်းရေး၊ အကြမ်းဖက်မှုကြောင့် ဒုက္ခရောက်သူများအား ကူညီထောက်ပံ့နိုင်ရေး၊ အိုးအိမ်စွန့်ခွာခဲ့ကြရသူများမိမိတို့အိုးအိမ်တွင်ပြန်လည် အခြေချနေထိုင်နိုင်ရေးနှင့် ပျက်စီးသွားသော သာသနာ့ အဆောက်အအုံများပြန်လည် ပြင်ဆင်နိုင်ရေးကိစ္စများ တင်ပြဆွေးနွေးခဲ့တယ်လို့ သိရှိရပါသည်။

    ၀န်ကြီးချုပ်က အကြမ်းဖက်မှုများ ချုပ်ငြိမ်းကာ တည်ငြိမ်အေးချမ်းရေးအတွက် ဆောင်ရွက်နေမှုများနှင့် ဒုက္ခသည်များ ပံ့ပိုးကူညီ ရေးနှင့် မူလအိမ်များတွင် ပြန်လည် နေထိုင်နိုင်ရေး ဆောင်ရွက်နေမှုများကို အသေးစိတ် ရှင်းလင်းတင်ပြပြီး သမ္မတကြီး၏ လမ်းညွှန်ချက်အတိုင်း ပဲခူးတိုင်း ဒေသကြီး အတွင်း လုံးဝတည်ငြိမ် အေးချမ်းသွားအောင် ပြတ်ပြတ်သားသား ဆောင်ရွက်သွားမည် ဖြစ်ကြောင်းအလေးအနက် တာဝန်ယူ ပြောကြားခဲ့ကြောင်း သိရှိရပါသည်။

    (၂၈.၃.၂၀၁၃)၊ ည(၈)နာရီခန့်တွင် မြန်မာနိုင်ငံလုံး ဆိုင်ရာအစ္စလာမ် ဘာသာရေးအဖွဲ့ကြီးမှ သာသနာရေးဝန်ကြီးဌာန၊ ပြည်ထောင်စုဝန်ကြီးနှင့် တယ်လီဖုန်းဖြင့် ဆက်သွယ်၍ လတ်တလောဖြစ်ပေါ်နေသော အခြေအနေများနှင့် ပတ်သက်၍ ဆွေးနွေးခဲ့ပါသည်။ လတ်တလော ဖြစ်ပေါ်နေသော အခြေအနေများ တည်ငြိမ်အေးချမ်းစေရန်အတွက် သာသနာရေးဝန်ကြီးဌာန၊ ပြည်ထောင်စု ၀န်ကြီးထံလိပ်မူ၍ စာတစ်စောင်လည်း ပေးပို့ခဲ့ကြောင်းသိရှိရပါသည်။

    (ဓါတ်ပုံအညွန်း- ဗလီဝတ်ကျောင်းများနှင့် အစ္စလာမ်ဘာသာဝင်တို့၏ အိုးအိမ်စည်းစိမ်များကို အကြမ်းဖက်တိုက်ခိုက်မှုများ ဆက်တိုက်ဖြစ်ပွားခဲ့ရာ ပဲခူးတိုင်းဒေသာကြီး အနောက်ဘက်ခြမ်းရှိ မြို့များ ပြပုံ)

  • မိတ္ထီလာအကြမ်းဖက်မှုသည် နိုင်ငံတကာ ရင်းနှီးမြှပ်နှံလိုသူများအတွက် ခေါင်းခဲစရာဖြစ်လာ

    မတ်လ ၂၉ ရက်၊ ၂၀၁၃
    M-Media
    www.bangkokpost.com ပါ ဆောင်းပါးအား ဆီလျော်သလို မြန်မာပြန်ပါသည်။

     

    628x471မြန်မာနိုင်ငံသည် နိုင်ငံတကာဦးဆောင်ကုမ္ပဏီများနှင့်လက်တွဲကာ လယ်ယာစိုက်ပျိုးရေး ၊နိုင်ငံ့ကျောထောက်နောက်ခံ နှင့် ငွေကြေးအခန်းကဏ္ဍများ၌ ဒီမိုကရေစီနည်းကျ ဖွံဖြိုးအောင် ခိုင်မာ တည်ငြိမ်အောင် စိတ်ထက်သန်စွာကြိုးပမ်းနေသည့်အတွက် မြန်မာနိုင်ငံ၊ ရန်ကုန်မြို့၊ မတ်လ ၂၀-၂၁ ရက်တွင် စီးပွားရေး ရင်းနှီးမြှပ်နှံမှု ဆိုင်ရာထိပ်သီးဆွေးနွေးပွဲတစ်ရပ် ကျင်းပခဲ့သည်။

    မြန်မာနိုင်ငံ၏ဒီမိုကရေစီအပြောင်းအလဲသည် နောက်ကြောင်းပြန် မလှည့်မည့်၊ ကျယ်ကျယ် ပြန့်ပြန့်ပြုပြင်ပြောင်းလဲ တည်ဆောက်မည့် လမ်းကြောင်းပေါ်ရှိနေခဲ့ပြီး၊ ရင်းနှီးမြှုပ်နှံရေးနှင့် ကုန်သွယ်မှု အခန်းကဏ္ဍ အတွက် အချိန်ဆိုက်ရောက်နေပြီဖြစ်သည်။

    နိုင်ငံရေးနှင့်စီးပွားရေးအရ နှစ်ပေါင်းများစွာ ဖယ်ကြဉ်ခံထားရသည့် တိုင်းပြည်တစ်ခုအတွင်း စီးပွားရေးလုပ်ငန်းအလားအလာများ သစ်များနှင့် စပ်လျဉ်း၍ ရင်းနှီးမြှုပ်နှံသူများ အစုလိုက် အပြုံလိုက် စိတ်ဝင်တစား ရောက်ရှိလာကြသည်။

    သို့သော် မန္တလေးနှင့် မဝေးကွာလှသော မိတ္ထီလာမြို့နယ်၌ မွတ်စ်လင်မ်ဒေသခံများအပေါ် ရက်စက်ကြမ်းတမ်းစွာ ဆိုးဆိုးဝါးဝါးအကြမ်းဖက်ကြီးမှုအား လက်ပိုက်ကြည့်လွှတ်ထားခဲ့ခြင်း၊ ဆက်လက်ဖျက်ဆီးနေခြင်းကြောင့် အထက်ပါအချက်နှင့် လုံးလုံးလျားလျားဆန့်ကျင်သည့် အကျိုးဆက်များ ဖြစ်ပေါ်ရသည်။

    ယင်းထိပ်သီးဆွေးနွေးပွဲကျင်းပသည့်နေ့မှာပင် မိတ္ထီလာမှာ တိုက်ခိုက်ခံရပြီးသည်နှင့် စစ်မက်ဒဏ်ခံရပ်ဝန်းအလား ဖြစ်ပျက်သွားခဲ့သည်။ ဗလီဝတ်ကျောင်းတော်နှင့်ဈေးဆိုင်များ အပါအ၀င် အဆောက်အဦများစွာ ပြာပုံဘ၀ရောက်ခဲ့သည်။ ပြည်တွင်းရှိ မီဒီယာများနှင့် လူ့အခွင့်အရေး အဖွဲ့အစည်းများ၏ သတင်းအရ သတ်ဖြတ်ခံရသည့်လူဦးရေမှာ ရာဂဏာန်းအထိ ရှိကြောင်း ဆိုနေသည်။

    လူတို့ကို ကျောက်ခဲများဖြင့်ပစ်ပေါက်ခြင်း၊ ရိုက်နှက်ခြင်း၊ အရှင်လတ်လတ် မီးရှို့သတ်ဖြတ်ခြင်းတို့ ရှိခဲ့ကြောင်း မျက်မြင်သက်သေများ က ပြောဆိုလာပြီဖြစ်သည်။ အဆိုးဝါးဆုံးကိစ္စတစ်ရပ်အဖြစ် မိဘမဲ့ကလေးငယ်များပါဝင်သော အစ္စလာမ်ပညာသင် ကျောင်းသား ၂၈ ဦး၊ ဆရာ ၄ ဦးတို့အား ဗုဒ္ဓဘာသာဝင် အကြမ်းဖက် လူအုပ်ကြီးတစ်စုမှ မသေမချင်းရိုက်သတ်ခဲ့ကြောင်း သတင်းပြန့်ကြီးထွားလာခဲ့သည်။

    ယင်းရက်သတ္တပတ်တစ်လျှောက် နေပြည်တော်၊ ပဲခူး၊ ရမည်းသင်း၊ ရန်ကုန် အစရှိသော နိုင်ငံဒေသအများအပြား၌ စိုးရိမ်သောကများ၊ အကြမ်းဖက်မှု များ ကျယ်ပြန့်သွားသည်။ နာမည်ကြီး ဗိုလ်ချုပ်အောင်ဆန်းဈေးနှင့် ကြယ်ငါးပွင့်ဟိုတယ်များမှ မိနစ်ပိုင်းမျှခရီးတာရှိ ရန်ကုန်မြို့လယ်ခေါင်မှ မွတ်စ်လင်မ်ဈေးဆိုင်များ၊ ဗလီဝတ်ကျောင်းတော်များကို တနင်္ဂနွေနေ့ညဥ့်ပိုင်းတွင် ရန်ပြုတိုက်ခိုက်လုမတတ်ဖြစ်ပွားခဲ့ပြီးနောက် ထရပ်ကားသုံးစီးဖြင့် လက်နက်ကိုင်လုံခြုံရေးအဖွဲ့များ စေလွှတ်ခဲ့ရသည်။

    လတ်တစ်လောအကြမ်းဖက်မှုများသည် အပြန်အလှန်ပဋိပက္ခအသွင်မဆောင်၊ ၄င်းပြင် လူနည်းစုတို့အား စံနစ်တကျအကွက်ချတိုက်ခိုက်မှုများ၏ လက္ခဏာမှာ အထူးပေါ်လွင်နေသည်။ မိတ္ထီလာ၌ တိုက်ခိုက်မှုအရှိန်အဟုန်မြင့်မားစဉ်က တုန်လှုပ်နေကြသော ဒေသခံဗုဒ္ဓဘာသာဝင်တို့သည် မွတ်စ်လင်မ်တို့အား မိမိတို့၏နေအိမ်များအတွင်း ခိုကိုးရာပေးကာကွယ်၍တစ်မျိုး မြို့နှင့်ဝေးရာသို့ပို့ဆောင်ပေးခြင်းဖြင့်တစ်ဖုံ အသက်စွန့်ကယ်တင်ခြင်းများလည်း ဧကန်ဖြစ်ပွားခဲ့သည်။

    မိတ္ထီလာတိုက်ခိုက်မှုကြီးဖြစ်ပွားအောင်လှုံ့ဆော်ချက်ဟု လူသိများကြသော လက်ရှိ ၉၆၉ လှုပ်ရှားမှုအပါအ၀င် လပေါင်းများစွာကတည်းက မွတ်စ်လင်မ် ဆန့်ကျင်ရေး အတွက် သွေးထိုးပေးနေသည့်အုပ်စုများအား သတိထားကြရန် ပြည်တွင်း မွတ်စ်လင်မ်အဖွဲ့အစည်းများမှ သတိပေးလျက်ရှိသည်။ မွတ်စ်လင်မ် ဆန့်ကျင်ရေး လှုပ်ရှားမှုလုပ်ရပ်များမှာ လွန်ခဲ့သည့် လအနည်းငယ်လောက်မှစ၍ တရိပ်ရိပ်တိုးပွားလာခြင်းဖြစ်သည်။ ဖေဖော်ဝါရီလ ၁၇ ရက်က ရန်ကုန်မြို့ ဆင်ခြေဖုံးရှိ အစ္စလာမ်ဘာသာရေး စာသင်ကျောင်းတစ်ခုအား အကြမ်းဖက် ဗုဒ္ဓဘာသာဝင် ၃၀၀ ရှိလူအုပ်မှ ဖြိုချဖျက်ဆီးသည့်ကိစ္စမှာလည်း အပါအ၀င်တစ်ခုဖြစ်သည်။

    ၉၆၉ လှုပ်ရှားမှုခေါင်းဆောင် ဘုန်းတော်ကြီး ဦးဝီရသူ၏ဟောကြားချက်တစ်ခုတွင် “ (ဗုဒ္ဓဘာသာဝင်)လူထုအား ကျွန်ုပ်တို့မှ စုစည်းလှုပ်ရှားခြင်း မရှိပါမူ နိုင်ငံသည် (မွတ်စ်လင်မ်)ရန်သူတို့၏လက်ထဲသို့ ကျရောက်တော့မည်၊ ဤတိုက်စစ်အောင်မြင်သည်နှင့် အခြားမွတ်စ်လင်မ် ပစ်မှတ်များထံ ကျွန်ုပ်တို့ ဆက်လက် ဦးတည်မည်၊ ကျွန်ုပ်တို့၏ ပစ်မှတ်များအပေါ် ဆက်လက် စစ်ဆင်သွားမည် ” ဟူသော အဓိပ္ပာယ်မျိုး ပါဝင်နေခဲ့သည်။ ယင်းဟောပြောချက် မှတ်တမ်းသည် ပြီးခဲ့သည့်တနင်္ဂနွေနေ့က အွန်လိုင်းမျက်နှာစာပေါ်သို့ ရောက်လာခဲ့သည်။

    ၉၆၉ လှုပ်ရှားမှုအုပ်စုသည် မွတ်စ်လင်မ်တို့ကို ထိုးစစ်ဆင်ရန် လက်ကမ်းစာစောင်များ၊ စီဒီနှင့်ဗီစီဒီအခွေများ ဖြန့်ဝေခြင်းအားဖြင့် နိုင်ငံတစ်ဝှန်း တက်ကြွစွာ ဆောင်ရွက်နေဆဲဖြစ်သည်။

    ကမ္ဘာ့ကုလသမဂ္ဂအဖွဲ့အထွေထွေအတွင်းရေးမှူးချုပ်၏ မြန်မာနိုင်ငံဆိုင်ရာအထူးအကြံပေးပုဂ္ဂိုလ် ဗီဂျေး နမ်ဗီယာသည် ပြီးခဲ့သည့် တနင်္ဂနွေနေ့တွင် မိတ္ထီလာမြို့သို့ သွားရောက်ကြည့်ရှုခဲ့သည်။ ယင်းကိစ္စ၏တာဝန်ရှိသူများအား အရေးယူဆောင်ရွက်ရန် အစိုးရကိုလည်း တိုက်တွန်းခဲ့သည်။ သို့ရာတွင် ဤအကြမ်းဖက်မှုကြီးဖြစ်အောင် တွန်းပို့ခဲ့သူအချို့ကို ဗုဒ္ဓဘာသာဝင်လူ့အဖွဲ့အစည်းကိုယ်စားပြု သံဃာတော်များအဖြစ် ကုလသမဂ္ဂအရာရှိ များနှင့်တွေ့ဆုံစေခဲ့သည်။ လက်နက်ကိုင်အကြမ်းဖက်ကျူးလွန်သူအချို့အား ဖမ်းဆီးထိန်းသိမ်းသော်လည်း အကြမ်းဖက်မှုနောက်ကွယ်မှကြိုးကိုင်နေ သူများကိုမူ လွတ်လပ်ခွင့်ပေးထားဆဲဖြစ်သည်။

    မြန်မာအစိုးရဖက်မှ ထိခိုက်ခံဒေသများသို့ လုံခြုံရေးတပ်များစေလွှတ်၍ အရေးပေါ်အခြေအနေကိုထုတ်ပြန်ခဲ့သည်။ အကြမ်းဖက်မှုကိုရှုတ်ချကြောင်း၊ ဒီမိုကရေစီ တည်ဆောက်ရေးနှင့် ဖွံ့ဖြိုးတိုးတက်ရေးလုပ်ငန်းစဉ်အား ယိမ်းယိုင်စေမည့် အကြမ်းဖက်မှုနှင့်ဘာသာရေးအစွန်းရောက်မှုများ ကို ရှောင်ကြဉ်ကြရန် နိုင်ငံသားတို့အား တိုက်တွန်းမှာကြားကြောင်း သမ္မတဦးသိန်းစိန်သည် နိုင်ငံပိုင်ရုပ်မြင်သံကြားမှ တနင်္လာနေ့တွင် မိန့်ခွန်းပြောကြားခဲ့သည်။

    နိုင်ငံသားတို့အား ကာကွယ်ရန်၊ ပြည်သူတို့မှ လုံခြုံရေးနှင့်ငြိမ်းချမ်းမှုရရှိရန်ကား မိန့်ခွန်းပြောကြားယုံမျှဖြင့် အကျိုးမသက်ရောက်ပါ။ အာဃာတနှင့် အကြမ်းဖက်မှုအား နိုင်ငံတစ်ဝှန်းသို့သွတ်သွင်းနေသော ဦးဝီရသူ အပါအ၀င် အကြမ်းဖက်မှုနောက်ကွယ်တရားခံများ ကို မြန်မာနိုင်ငံအနေနှင့် ချက်ခြင်းလက်ငင်းဖမ်းဆီးအရေးယူရန် မဖြစ်မနေလိုအပ်ပေသည်။

    ပြင်းပြင်းထန်ထန် လူမျိုးရေး ဖိနှိပ်ခွဲခြားဆက်ဆံမှု၊ နှိပ်စက်ညှင်းပန်းမှု၊ ပျက်လိုဖျက်ဆီးရပ်တည်ချက်များသည် ဒီမိုကရေစီတည်ဆောက်နေသော တိုင်းနိုင်ငံ တစ်ခု၌ လုံးဝ မဖြစ်သင့်ပါ။ ထိုသို့ ပြုကျင့်ခံရပြီး လူပေါင်း တစ်သိန်းနှစ်သောင်းအား အိုးမဲ့အိမ်မဲ့ဖြစ်သွားစေသည့် ရခိုင်ပြည်နယ်မှ ဂယက်ကြီးနှစ်ခုဖြစ်ပွားပြီး တစ်နှစ်မပြည့် တတ်သေးမှီမှာပင် မိတ္ထီလာဖြစ်ရပ်ဆိုးကြီး ဖြစ်လာပြန်သည်။

    ဒီမိုကရေစီအသွင်ကူးပြောင်းရေးလုပ်ငန်းစဉ်သည် ဖော်ပြပါအချက်များကြောင့် အောင်မြင်လိမ့်မည် မဟုတ်ပါ။ အာဏာပိုင်အစိုးရမှသည် လူ့အဖွဲ့အစည်း အုပ်စုများ၊ ပညာတတ်အသိုင်းအ၀ိုင်းများ၊ ဒေသဆိုင်ရာအသင်းအဖွဲ့များ၊ ခေါင်းဆောင်များအထိ လူ့အဖွဲ့အစည်းတစ်ရပ်လုံး၏ အလွှာအသီးသီးမှ ၀ိုင်းဝန်းပံ့ပိုးဆောင်ရွက်ကြရန် လိုအပ်နေပါသည်။

    ပြည်ထောင်စုပုံစံ ပြန်လည်ဖော်ဆောင်တည်ဆောက်ရေး၌ လူတိုင်းပါဝင်ဆောင်ရွက်ရပါမည်။ လူမျိုးကြီးဝါဒအား လက်မခံရေးနှင့်အမြစ်လှန်ရေး၌ လည်းကောင်း၊ အစစ်အမှန် ရင်ကြားစေ့သင့်မြတ်ရေး အား ဖော်ဆောင်မှုလုပ်ငန်းစဉ်များ၌လည်းကောင်း ပြည်သူတစ်ရပ်လုံး တက်ကြွစွာလှုပ်ရှားရန် လိုအပ်ပေသည်။

    ဤသည်တို့ကို လျစ်လျူရှုလိုက်ပါလျှင် ဖွံ့ဖြိုးတိုးတက်မှုအလားအလာကောင်းတို့ကို တဖြည်းဖြည်း မြေမြှုပ်ဖြိုလဲမည့် ဖိအားများ၊ အရှိန်အဟုန်များ အား တည်ဆောက်ပေးရာရောက်ပါသည်။ လူသားချင်းစာနာထောက်ထားမှု ပုံရိပ်များ မှေးမှိန်သွားစေပါသည်။

    အာဆီယံအဖွဲ့ဝင်နိုင်ငံတစ်ခုဖြစ်သည့်အားလျော်စွာ မြန်မာအာဏာပိုင်များသည် အာဆီယံစာချုပ်ပါအချက်အလက်အပေါင်းကို လက် ကိုင်ပြုဖော်ဆောင်သော အစိုးရ တစ်ရပ်ဖြစ်ကြောင်း ပြသရပါလိမ့်မည်။ နိုင်ငံတကာအသိုင်းအ၀ိုင်းနှင့်ပြည်တွင်းလူ့ဘောင်ကလည်း လူမျိုး၊ ဘာသာ၊ သွေးသား မခွဲခြားသော ပြန်လည်သင့်မြတ်ပေါင်းစည်းရေး အစီအမံများ ထိထိရောက်ရောက် ပြုလုပ်ရန် မြန်မာအစိုးရအား တိုက်တွန်းခြင်း၊ ၀ိုင်းဝန်းကူညီခြင်းဖြင့် ဒီမိုကရေစီတည်ဆောက်မှုခရီးကြမ်းတွင် ကျယ်ကျယ်ပြန့်ပြန့်ပါဝင်ဆောက်ရွက်သင့်ပေသည်။

    သို့မဟုတ်ပါက ရန်ကုန်မြို့၌လတ်တစ်လောပြုလုပ်သွားခဲ့သည့် စီးပွားရေးဆိုင်ရာထိပ်သီးဆွေးနွေးမှုကြီးသည်ကား “ ဖွံဖြိုးတိုးတက်ရေးဆီ သို့အသွင် ကူးပြောင်းသည့်နိုင်ငံ ” ဟူသော အိပ်မက်များ အစိပ်စိပ် အမြွာမြွာဖြစ်သွားခြင်းနှင့်အတူ ကိုယ့်ဖက်ကိုယ်ယက်ဒဿနရှင်များ၏တွေ့ဆုံမှု တစ်ရပ်မျှသာဟု ဆိုရပေတော့မည်။

  • ပုဒ်မ ၁၄၄ ထုတ်ထားသော ဇီးကုန်းမြို့ လုယက်မှုများ ဆက်လက်ဖြစ်ပွားနေ

    မတ်လ ၂၉၊ ၂၀၁၃ (နံနက် ၉း၁၅ – နာရီ)
    M-Media
    zingon
    မတ်လ ၂၇ ရက်နေ့က ဇီးကုန်းမြို့တွင် မတရား ရက်စက်စွာ အကြမ်းဖက်ဖျက်ဆီးမှုခံရသော ဇီးကုန်းမြို့မှမွတ်စလင်မ်များသည် ဇီးကုန်းမှ ၂-မိုင်ခန့်ဝေးသော လယ်မအုပ်စု ကျွဲခြံရွာသို့ သွားရောက် ခိုလှုံနေကြရသည်။

    ယမန်နေ့က နိုင်ငံတော် သမ္မတမိန့်ခွန်းပြောပြီး ယနေ့ ၂၉-ရက်နေ့ နံနက် (၉း၁၅နာရီ)တွင် မွတ်စလင်မ်များ ထွက်ပြေး တိမ်းရှောင်နေသည့် ကျွဲခြံရွာသို့ အကြမ်းဖက်အုပ်စု ရောက်ရှိလာပြီး မွတ်စလင်မ်များပိုင် ပစ္စည်းများ ကျပ်သိန်း ၃၀ ဖိုးခန့်ကို အဓမ္မလုယက်ဖျက်စီးခဲ့ကြောင်း သိရသည်။ ၄င်း ပစ္စည်းများသည် အလယ်တန်းပြ မွတ်စလင်မ်ဆရာမ ဒေါ်ခင်ထွေးမူနှင့် ၎င်းမိသားစုတို့  ပိုင်ဆိုင်သော ပစ္စည်းများဖြစ်ပြီး အကြမ်း ဖက်မှုများကို စိုးရိမ်သဖြင့် ၄င်းရွာရှိ အသိ လက်သမား ဦးတင်စိန်ဆီသို့ လွန်ခဲ့သည့် ၁၀-ရက်ခန့်က ကြိုတင်ပို့ဆောင်ထားခြင်းဖြစ်ပြီး ဆိုင်ကယ်၊ရေခဲသေတ္တာ၊ တီဗီနှင့် အခြားသောအဖိုးတန်ပစ္စည်းများစွာ ပါဝင်သည်။

    ဆရာမ ဒေါ်ခင်ထွေးမူတို့မှာ အစိုးရကျောင်းဆရာ/မ မိသားစုများဖြစ်ကြပြီး ၎င်းတို့ မိသားစုတွင် အလယ်တန်းပြ ၅ ဦးနှင့် အထက်တန်းပြ ၁ ဦးတို့ပါဝင်သည်။ ၎င်းတို့သည် ဇီးကုန်းမြို့ပတ်ဝန်းကျင်တွင် ဗုဒ္ဓဘာသာ ကလေးငယ်များကို အနစ်နာခံ စာသင်ကြားပေးနေသူများဖြစ်ကြသည်။ ယခုအခါ ဇီးကုန်းမြို့ရှိ ၄င်းတို့အိမ်များပျက်စီးရုံမက ၄င်းတို့၏ကျောင်းစိမ်း ၀တ်စုံများကိုလည်း နင်းချေစုတ်ဖြဲထားရာ စာသွားသင်ဖို့ပင် ကျောင်းစိမ်းအင်္ကျီ မရှိတော့ကြောင်း သိရသည်။

    ဇီးကုန်းမြို့နယ်ဝန်းကျင်ကို ပုဒ်မ ၁၄၄ အမိန့်ထုတ်ထားသည့်ကြားက ယခုလို အကြမ်းဖက် လုယက်မှုဖြစ်သွားခဲ့ခြင်းဖြစ်သည်။

  • စောင့်ကြည့် သတိထားရမည့် ရန်ကုန်အခြေအနေ

    မတ်လ ၂၉၊ ၂၀၁၃
    M-Media
    သတင်း – ဆူးထက်
    police
    ပျံလွန်တော်မူသွားသော မစိုးရိမ် ကျောင်းတိုက်မှ ဆရာတော် ကိုရည်စူး၍ ဆုတောင်းပွဲတစ်ရပ်ကို (၂၉)ရက်၊ သောကြာနေ့ နေ့လည် ၁၂း၃၀ အချိန်တွင် ရန်ကုန်မြို့ မြို့တော်ခန်းမအနီး ဆူးလေစေတီတော်တွင် ကျင်းပပြုလုပ်မည်ဖြစ်ကြောင်း ထိုဆုတောင်းပွဲကို ဦးဝီရသူ တက်ရောက်မည် ဖြစ်ကြောင်းသတင်းရရှိသည်။

    ထိုအတူ လက်ပတောင်းတောင် ကြေးနီ စီမံကိန်း အရေး ဆန္ဒပြပွဲ တရပ်ပြုလုပ်ရန်ခွင့်ပြုချက် ရထားပြီးဖြစ်ကြောင်း သိရသည်။ ညနေ (၄း၀၀) နာရီတွင် ဆန္ဒပြပွဲကိုပြုလုပ်မည်ဖြစ်ကြောင်းသိရသည်။

    သို့ပါ၍ အစ္စလာမ်ဘာသာဝင် မိဘပြည်သူများ အနေဖြင့် ဂျွမ္မာအချိန်(သောကြာနေ့ဘုရားဝတ်ပြုချိန်)နှင့် အချိန်ကိုက်ဖြစ်နေသည်ကို သတိမူစေလိုကြောင်း၊ ရန်ကုန်မြို့တွင် ဆူပူအကြမ်းဖက်မှုဘက်သို့ ဦးတည်လာနိုင်သည်ကို သတိထားရမည် ဖြစ်ကြောင်း၊ အစ္စလာမ်ဘာသာဝင်များ အနေဖြင့် ၎င်းအနီးတ၀ိုက်မှ ရှောင်ကြဉ်ကြစေလိုကြောင်း၊ မိဘများ အနေဖြင့် မိမိသား သမီးများကို အိမ်ထဲတွင်သာ ထားရှိစေလိုကြောင်း၊ ပြဿနာဖြစ်စေနိုင်မည့် အရေးများမှ အတတ်နိုင်ဆုံး ကာကွယ် စောင့်ရှောက်ကြရန် တစ်ဦးချင်းစီမှာ တာဝန် ရှိကြောင်း၊ မိမိတစ်ဦးတစ်ယောက်ကြောင့် အစ္စလာမ်ဘာသာဝင်များ၏ အသက် အိုးအိမ်ကို မထိခိုက် မပျက်ဆီးစေရန် နေထိုင်ပြောဆိုသင့်ကြောင်း ကို ပန်းပဲတန်းမြို့နေ ပြည်သူတစ်ဦးမှ M-Media ကို ပြောပြလာပါသည်။