News @ M-Media

Blog

  • သံတွဲ NLD သို့ ဘာသာရေး ပဋိပက္ခဖြစ်စေရန် ရေးသားထားသော စာတစ်စောင် ရောက်ရှိ

    သံတွဲ NLD သို့ ဘာသာရေး ပဋိပက္ခဖြစ်စေရန် ရေးသားထားသော စာတစ်စောင် ရောက်ရှိ

    သြဂုတ်၊ ၂၈၊ ၂၀၁၂

    YPI မှ ကူးယူဖော်ပြသည်။

    လွန်ခဲ့သောနှစ် ၃၀ ခန့်က ဘာသာရေးပဋိပက္ခများဖြစ်အောင် လှုံ့ဆော်ထုတ်ဝေခဲ့သော စာအား ကိုးကားရေးသားထားသော စာတစ်စောင်ကို ယမန်နေ့က စာတိုက်မှတစ်ဆင့်ရရှိခဲ့ကြောင်း သံတွဲမြို့နယ် NLD အတွင်းရေးမှူးကပြောသည်။

    သံတွဲမြို့ကိုကယ်တင်ပါ ဟု ခေါင်းစဉ်တပ်ထားသော အဆိုပါစာတွင် ဘင်္ဂါလီမွတ်စလင်များက ဗုဒ္ဓဘာသာ မိန်းကလေးများကို သိမ်းသွင်းလက်ထပ်နေမှုအားစိုးရိမ်ကြောင်းဖော်ပြထားပြီး အစ္စလာမ်ဘာသာနှင့် ပတ်သက်ပြီးမှားယွင်းသည့်အယူအဆများပါရှိကြောင်း NLD ပါတီဝင်တစ်ဦးက ပြောသည်။

    “ရန်ကုန်က ပို့တာပါ။ စာအိတ်မှာ ပေးသူအမည်က မထင်ရှားဘူး။ အတွင်းကစာမှာလည်း မြန်မာ နိုင်ငံသားတစ်ဦးလို့ပဲ ရေးထားတယ်” ဟု ၎င်းက ပြောသည်။သံတွဲသို့ရောက်ရှိလာသော ပေးပို့သူအမည် သဲကွဲစွာမပါရှိသည့်စာအိတ် သြဂုတ် ၂၂ ရက်စွဲဖြင့် ပေးပို့သော စာတိုက်တံဆိပ်တွင် စာရွေးစာပို့စခန်း၊ စာရွေး ၃ ဟု ရိုက်နှိပ်ထားသည်။

    ပူးတွဲပေးပို့သော လှုံ့ဆော်စာမှာ မွတ်စလင်များနှင့် ဗုဒ္ဓဘာသာဝင်များအကြား ပဋိပက္ခဖြစ်စေရန် လုပ်ကြံထားသောစာဖြစ်ကြောင်း အသက် ၆၅ နှစ်အရွယ် သံတွဲဒေသခံတစ်ဦးက ပြောသည်။

    “ဒါက ၁၉၈၀ ကျော်လောက်က ဖြန့်ခဲ့တဲ့စာတွေပါ။ (၁၉၈၀ က) သံတွဲမှာ ဒီစာတွေဖြန့်လို့ ဖမ်းဆီးမိခဲ့တဲ့သူတွေဟာ မွတ်စလင်တွေမဟုတ်ပါဘူး”ဟု ပြောသည်။

    သံတွဲမြို့နယ် NLD ပါတီဝင်တစ်ဦးကလည်း “ ဒီစာကို ဘာကြောင့်ပို့သလဲဆိုတာကို ရှင်းရှင်းလင်းလင်း မပြောထားတဲ့အတွက် လှုံ့ဆော်စာ သက်သက်ဖြစ်နေပါတယ်။ နောက်ထပ်ဘယ်နေရာတွေကို ပို့ထားသလဲဆိုတာက စိုးရိမ်စရာပါ ” ဟု ပြောသည်။

    ပြီးခဲ့သည့်ဇွန်လအတွင်းက ရခိုင်ပြည်နယ်အတွင်းဖြစ်ပွားခဲ့သော ပဋိပက္ခများကြောင့် လူပေါင်း ၈၀ နီးပါး သေဆုံးကာ ၆၄,၀၀၀ ၀န်းကျင် အိုးအိမ်မဲ့ဘ၀ရောက်ခဲ့ရသည် ဟုအစိုးရစာရင်းများကဆိုသည်။

  • အမှန်တရား ဆိုတာ (ကဗျာ)

    အမှန်တရား ဆိုတာ (ကဗျာ)

    စိန်ဌေးဟန်

    မေတ္တာတရားကို အယောင်ပြလို့မရိုးသား

    သစ္စာတရားကို အမှောင်ချဖို့ကြိုးစား

    အကွက်ချ အကောက်ကြံခြင်းကသာ

    အရှက်ရ နောက်ဆံတင်းရမှာ

    အမှန်တရားဆိုတာ ပင်ကိုယ်အားအကြီးဆုံးအရာ။

     

    အချိန်တန်တဲ့ အခါများမှာ

    ကလိမ်ကြံတဲ့ အရာများဟာ

    လက်သီး တစ်ချက်နဲ့တင်

    အသက် အပြီးထွက်ခဲ့ရင်

    အမှန်တရားဆိုတာ ပင်ကိုယ်လက်သံပြောင်တဲ့အရာ။

     

    သူ့ကို အချောင်နှိုက်သူများ အတွက်တော့

    တစ်မနက်စာ အရိုးအရွင်းပေါ့

    သူ့ကို ဗြောင်ကြိုက်သူများ အတွက်တော့

    တစ်သက်စာ မသိုးထမင်းပေါ့

    အမှန်တရားဆိုတာ တန်ဖိုး မဖြတ်နိုင်တဲ့အရာ။

     

    သူ့အလှကို မယှဉ်ပြိုင်ရဲလို့

    သူ့ဘ၀ကို အစဉ်ယိုင်လဲဖို့

    သတ်ဖြတ်ကြကာ အမြစ်မကျန် လှန်စဉ်မှာ

    မတ်တပ်ထကာ အသစ်တစ်ဖန် ပြန်ရှင်လာ

    အမှန်တရားဆိုတာ ဘယ်တော့မှ မသေတဲ့အရာ။  ။

     

  • မြန်မာမွတ်စလင်အသင်း(မလေးရှား)၏ ရုံးခန်းသစ် ဖွင့်ပွဲအခမ်းအနား ကျင်းပ

    သြဂုတ်၊ ၂၆ ၊ ၂၀၁၂

    ကွာလာလမ်ပူ၊မလေးရှား

    M-Media

     

    သြဂုတ်လ(၂၆)ရက် တနင်္ဂနွေနေ့ နေ့လည်၃နာရီ အချိန်တွင် မလေးရှားနိုင်ငံရောက် မြန်မာနိုင်ငံသား အစ္စလာမ်ဘာဝင်များ စုစည်းထားသော မြန်မာမွတ်စလင်အသင်း (မလေးရှား) ဖြစ်မြောက်ရေး ကော်မတီ၏ ရုံးခန်းသစ် ဖွင့်ပွဲအခမ်းအနားကို Jalan Tun Tan Siew Sin ရှိ Bangunan Cahaya Suria (၈) လွှာတွင် ကျင်းပခဲ့ပါသည်။

    အခမ်းနားမှူးအဖြစ် ဦးသက်နိုင်ဝင်းကဆောင်ရွက်ပြီး သဘာပတိအဖြစ် အလ်ဟာဂ်ျ ဦးတင်မောင်ဆွေက အဖွင့်အမှာ စကားပြော ကြားခဲ့ပါသည်။ အဆိုပါအခမ်းအနားသို့ မြန်မာမွတ်စလင်အသင်း(မလေးရှား) ဖြစ်မြောက်ရေး ကော်မတီ၏ ဗဟိုအလုပ်အမှူ့ဆောင် အဖွဲ့ဝင်များ ၊မလေးရှားနိုင်ငံရောက် မြန်မာမွတ်စလင် အသိုင်းအ၀ိုင်းမှ ဘာသာရေးဆိုင်ရာ ပညာရှင်များ၊ ဆရာဝန်များ၊ စီးပွားရေးလုပ်ငန်းရှင်များ၊ ဥပဒေပညာရှင်များ၊ စသည်ဖြင့်လုပ်ငန်းနယ်ပယ်အသီးသီးမှ ပုဂ္ဂိုလ်များ၊ ကျောင်းသား/ကျောင်းသူများ စုံညီစွာတက်ရောက်ခဲ့ကြပါသည်။

    သဘာပတိ အလ်ဟာဂ်ျ ဦးတင်မောင်ဆွေမှ အဖွင့်အမှာစကားပြောကြားရာတွင် မြန်မာမွတ်စလင် အသင်း(မလေးရှား) ဖြစ်မြောက်ရေးကော်မတီ၏ ရည်ရွယ်ချက်များဖြစ်သည့် မလေးရှားနိုင်ငံရောက် မြန်မာတို့၏ ကျန်မာရေးနှင့် ပညာရေး ကိစ္စရပ်များကိုဆောင်ရွက်ရန်၊ လူမျိုးဘာသာမခွဲခြားဘဲ မြန်မာနိုင်ငံသား များ ၏သာရေးနာရေးကိစ္စရပ်များကို ကူညီဆောင်ရွက်ပေးရန်၊ မြန်မာမွတ်စလင်တို့၏ ဘာသာရေးဆိုင်ရာ သာရေးနာရေး နှင့်လူမှု့ရေးကိစ္စရပ်များကို ကူညီဆောင်ရွက်ပေးရန်၊ ရည်ရွယ်ချက်တူ ပြည်တွင်းပြည်ပ အဖွဲ့စည်းများနှင့် ပူးပေါင်းဆောင် ရွက်သွားရန် ၊ အမိမြန်မာပြည်အတွက် အခါအားလျှော်စွာ ရင်ဆိုင်ကြုံ တွေ့ရတက်သော သဘာဝဘေးအန္တရာယ်အမျိုးမျိုးနှင့် လူမှု့ရေးကိစ္စ အရပ်ရပ်တို့အတွက်လည်း လူမျိုးဘာသာမခွဲ့ခြားဘဲ ထိုက်သင့်အားလျှော်စွာကူညီဆောင်ရွက်ပေးသွား ပါမည်ဟူ၍ စသည်ဖြင့် ထည့်သွင်းပြေားကြားသွားပါသည်။
    တက်ရောက်လာသူများမှလည်း မြန်မာမွတ်စလင်အသင်း(မလေးရှား)ဖြစ်မြောက်ရေးကော်မတီ၏ အနာဂါတ်လုပ် ငန်း စဉ် များအတွက် ၀ိုင်းဝန်း အကြံပြုတင်ပြဆွေးနွေးခဲ့ကြပါသည်။

    ၄င်းနောက် အခမ်းနားသို့တက်ရောက်လာသူများအား မြန်မာမွတ်စလင်အသင်း(မလေးရှား)ဖြစ်မြောက်ရေးကော်မတီ ၏ ဒုဥက္ကဌ-၁ တာဝန်ယူထား သော သဘာပတိအဖွဲ့ဝင် အလ်ဟာဂ်ျ ဦးတင်မောင်သန်းမှ ကျေးဇူးတင်စကားပြောကြားပြီး အခမ်းအနားကို ဆုတောင်းမေတ္တာပို့သ၍ ညနေ(၅)နာရီတွင် အောင်မြင်စွာ ရုပ်သိမ်းခဲ့ပါသည်။

    မြန်မာမွတ်စလင်အသင်း(မလေးရှား)ဖြစ်မြောက်ရေးကော်မတီအား ၂၀၀၉ခုနှစ်မှ စတင်၍ မလေးရှားနိုင်ငံရောက် နယ်ပယ်အသီးသီးမှ ပုဂ္ဂိုလ်များဖြင့် စုစည်းထားပြီး လူမှု့ရေး လုပ်ငန်းများကို မြန်မာနိုင်ငံသားများ အားလုံးအတွက် တက်စွမ်းသလောက်ကူညီဆောင်ရွက်ပေးနေ သော အသင်းပင်ဖြစ်ပါသည်။

    မြန်မာမွတ်စလင်အသင်း(မလေးရှား) ဖြစ်မြောက်ရေးကော်မတီအား ဆက်သွယ်လိုပါလျှင်

    အသေးစိတ် မေးမြန်ဆက်သွယ် စုံစမ်းရန်။

    Phone/Fax    +6 0320722786 ၊ ပိတ်ရက်မရှိ ရုံးချိန် နံနက်(10:00)နာရီမှ ညနေ(6:00)နာရီ အတွင်း
    လိပ်စာ          8th Floor, Bangunan Cahaya Suria Building Jalan Tun Tan Siew Sin, 50050 Kuala Lumpur, Malaysia တွင်ဖွင့်လစ်ထားရှိပါကြောင်း သတင်းရရှိပါသည်။
    E-mail:         [email protected]
    WebSite-        http://www.mma-m.org

  • ရခိုင်ဒေသ ကိုယ်တိုင် ရောက်ခဲ့သူ အချို့ထံမှ သိရတဲ့ မွတ်စလင်မ်တို့ အခြေအနေ(၁)

    သြဂုတ်၊ ၂၇ ၊၂၀၁၂

    M-Media

    ရခိုင်ပြည်နယ်မှာ လူမျိုးတုန်း သတ်ဖြတ်မှု မရှိနေ (သေး) ပါ။ ဒါပေမယ့် လူမျိုးတုန်းသေစေမှုကို တွန်းပို့နေတဲ့ အနေအထားတွေ တွေ့ရပါတယ်။ ဥပမာ… သူတို့တွေ ဘာမှ ဝယ်လို့မရ ဘယ်မှ သွားလို့မရ တစ်သက်တာ ၂၄နာရီ မာရှယ်လော ရှိနေတာပါ။ နောက်တစ်ချက်က ဒီအတိုင်းသွားရင် သူတို့တွေဟာ ဒုက္ခသည် စခန်းမှာ ပိတ်မိနေပြီး များမကြာမီ သူတို့ဟာသူတို့ သေကုန်ကြနိုင်ပါတယ်။ ဝမ်းရောဂါကပ်၊ ငှက်ဖျား၊ သွေးလွန်တုပ်ကွေးရောဂါတွေ အတော်ကို ပြန့်နေပါတယ်။ မျက်စိရှေ့တင် အပြင်းအထန် ကယ်ဖို့ ကြိုးစားရင်း ကွယ်လွန်ကုန်သူတွေ ရှိပါတယ်။

    အိမ်သာ မရှိပါ။ သောက်ရေ၊ သုံးရေသန့် မရှိပါ။ ရေကန်အနီးမှာ မစင်ပုံတွေ ခြေချစရာ မရှိအောင်တွေ့နေရပါတယ်။ ဆေးဝါး မရှိပါ။ တီဘီရောဂါသည် နဂိုက ဆေးသောက်အသက်ရှင်နေရသူတွေ ကြားထဲမှာ ဆေးမရလို့ ပိုးက ဆေးယဉ်သွားပါပြီ။

    ခြင်ထောင်မရှိပါ။ မိုးက မရပ်မနား ရွာနေတာတောင် ခြင်က အံ့သြလောက်စရာ အဆုပ်လိုက်အဆုပ်လိုက် ပက်ပါတယ်။

    အာဟာရပြတ်တဲ့ ကလေးလူကြီးတွေ မရေတွက်နိုင်အောင် ရှိနေပါတယ်။ (ဓာတ်ပုံများပြပါတယ်။) ဗိုက်ပူနံကား ကလေးတွေပါ။ အသားခြောက်နဲ့ငါး စားရပေမယ့် မြက်ကလွဲလို့ ဘာ ဟင်းသီးဟင်းရွက်မှ မရှိပါ။ မြက်ပဲ ဝါးစားနေရသူတွေ၊ ဘာမှကို စားစရာ မရှိလို့ အမေက ဆံပင်ဖြတ်ကျွေးတာကို စားခဲ့ကြရတဲ့ သားသမီးတွေ တွေ့ခဲ့ရပါတယ်။

    ဆေးကုဖို့ ဆေးခန်းကို လာကြစဉ် အတင်း တိုးဝှေ့ နေကြတော့ နယ်ခံ ခေါင်းဆောင်က ကူထိမ်းပေးပါတယ်။ အနားတိုးလာသူ မှန်သမျှကို ဂျပန် ပါးရိုက်သလို ရိုက်၊ ကြိမ်နဲ့ ရိုက်ပြီး နောက်ပြန်ဆုတ်ခိုင်းရပါတယ်။ အရိုက်ခံရတာကို (ရုပ်ပိုင်းဆိုင်ရာရော၊ စိတ်ပိုင်းဆိုင်ရာပါ) နာကြပုံ မပြပါ။ နွားများကဲ့သို့ သနားဖွယ် ပြုသမျှ ခံနေရပါတယ်။ အကြောက်လွန်ပြီး စိတ်ပုံမှန်မဟုတ်တဲ့ စိတ်ကျရောဂါမျိုး အများစုမှာ စွဲကပ်ကုန်ပါပြီ။

    အများစုက ဘာစာကိုမျှ ရေးတတ် ဖတ်တတ် မရှိကြပါ။

    အလှူပေးပို့လိုက်တဲ့  သိန်းထောင်ဂဏန်းဟာ တစ်ဦးစီအတွက် ဆန် နို့ဆီဘူး ခြောက်လုံးစာ၊ တစ်ဦးကို ပိုက်ဆံ ထောင်ဂဏန်း နည်းနည်းလေးပဲ ရခဲ့တာပါ။ နိုင်ငံတကာ အကူအညီတွေ လက်ဝယ် မရကြသေးခင်အထိ သူတို့ ဘယ်လို နှစ်ပါးသွားကြရမယ် မသိပါ။

    ဒီလူတွေဟာ လက်ရှိမှာ ရခိုင်ပြည်နယ်တွင်းမှာ နဂိုကနဲ့ မတူတဲ့ အခြေအနေဆိုးတစ်ခုနဲ့ ပိတ်မိပြီး အသတ်မခံရဘဲ သေကြရမယ့် အခြေအနေမှာ ရှိနေတာပါ။ ဒီတော့ သူတို့တွေကို ကျွန်တော်တို့က သေနိုင်မှန်း သိသိကြီးနဲ့ လစ်လျူရှုကြရင် သူတို့ကို သွယ်ဝိုက် သတ်တဲ့ လူသတ်တရားခံထဲ ပါနိုင်ပါတယ်။

    အဓိက ကတော့ သူတို့အတွက် လတ်တလော အရေးပေါ် လိုအပ်ချက် ဖြစ်မယ့် စားရေးနဲ့ ကျန်းမာရေးအတွက် အမြန် ထပ်စီစဉ်ပေးကြရပါမယ်။

  • သူတို့ အကြိုက် (ကာတွန်း)

    သူတို့ အကြိုက် (ကာတွန်း)

    From CarToon WaiYan  FB

    ဘာသာပေါင်းစုံပါဝင်ခဲ့တဲ့ မန္တလေးက မွတ်စလင်မ်တို့ ဝါကျွတ် အီးဒ်မိတ်ဆုံစားပွဲ  အစီအစဉ်ကို ဦးဆောင်ခဲ့သူ ဦးအောင်ဇော်ဝင်း နှင့် M-Media တွေ့ဆုံမေးမြန်းချက်မှ

    “ရခိုင်ဒေသမှာ ပြဿနာတွေစဖြစ်ပြီးတော့ ဘာသာပေါင်းစုံ ငြိမ်းချမ်းရေးဆုတောင်းပွဲလုပ်မယ်ဆိုပြီးစီစဉ်ခဲ့တယ်။ Oriental House မှာပါပဲ။ အဲဒီတုန်းကလည်း တော်တော်များများကိုဖိတ်ပြီးစီစဉ်ပြီးခါမှ ကျွန်တော်တို့ကို မလုပ်ပါနဲ့ဆိုပြီး တားခံရတယ်။ အဲဒါက ပထမအကြိမ်က။ ဒါကတော့ ဒုတိယအကြိမ်ပါ။

    ကျွန်တော်တို့ကလည်း တစ်ပတ်ကြိုပြီးတင်တာရယ်၊ သူတို့ကိုယ်တိုင်က ပင့်သံဃာစာရင်း လျာထားပေးတဲ့အတိုင်း ပင့်သံဃာတွေ ပင့်ခဲ့ပါတယ်။ သံဃာတွေပင့်ပြီးခါမှ မနေ့ကနေ့လည်ပိုင်းမှာမှ ကျွန်တော်တို့ကို ပါမစ်ချမပေးဘူးလို့ပြောပါတယ်။

    အဓိက ငြင်းပယ်တဲ့အကြောင်းပြချက်က ကျွန်တော်တို့တင်တဲ့စာမှာ မိတ်ဆုံစားပွဲလို့ တင်ထားတဲ့အတွက် သံဃာတော်များနဲ့ မအပ်စပ်ဘူးလို့ အကြောင်းပြပါတယ်။

    ဘာသာပေါင်းစုံပါဝင်ခဲ့တဲ့ မန္တလေးက မွတ်စလင်မ်တို့ ဝါကျွတ် အီးဒ်မိတ်ဆုံစားပွဲ