Blog

ကမန် တိုင်းရင်းသားများ ဘာသာရေးကြောင့် လွတ်လပ်စွာ ခရီးသွားလာခွင့်မရ

ရခိုင်ပြည်နယ်မှ ကမန်တိုင်းရင်းသားများမှာ မြန်မာ အစိုးရမှ သတ်မှတ်ထားသော တိုင်းရင်းသား လူမျိုး ၁၃၅ မျိုးထဲ ပါဝင်သော်လည်း အစ္စလာမ်ဘာသာကို ကိုးကွယ်သူများ ဖြစ်သဖြင့် လွတ်လပ်စွာ ခရီးသွားလာခြင်း မရဘဲ ကန့်သတ် ပိတ်ပင် ခံနေကြရသည်ဟု သတင်း ရရှိသည်။

ရခိုင်ဘုရင်လက်ထက်တွင် ကမန်အမျိုးသားများသည်လေးသည်တော်များ အဖြစ် တာဝန် ထမ်းဆောင် ခဲ့ကြသည်။

ကမန် တိုင်းရင်းသားများမှာ မြန်မာ အစိုးရမှ ထုတ်ပေးသော နိုင်ငံသား စိစစ်ရေး ကဒ်ပြား အစစ်အမှန်ကို ကိုင်ဆောင်ထားသူများ ဖြစ်ကြသော်လည်း ခရီးသွားလာရာတွင် အဆိုပါ နိုင်ငံသား ကဒ်ပြားဖြင့် ခရီးသွားလာခွင့်မရဘဲ ပုံစံ(၄) ဖြင့်သာ ခရီးသွားလာနေကြရသည်။

ကျွန်တော်တို့မှာ နိုင်ငံတော် အစိုးရမှ ထုတ်ပေးထားတဲ့ နိုင်ငံသား စီစစ်ရေး ကဒ်ပြား အစစ်အမှန်တွေ ရှိပါတယ်။ ဒါပေမယ့် ကျွန်တော်တို့ရဲ့ ခရီးသွားလာခွင့်ကို အဲဒီကဒ်ပြားတွေနဲ့ သွားလာလို့ မရဘူး။ ပုံစံ (၄) စာရွက်နဲ့သာ သွားနေရပါတယ်။ အဲဒီ ပုံစံ ၄ စာရွက်ကို မြို့နယ်၊ ခရိုင်၊ ပြည်နယ်ထိ တင်ရပါတယ်။ ပြည်နယ်က ခွင့်ပြုချက်ရပြီးမှ သွားလာလို့ ရတာ ဖြစ်ပါတယ် ဟု မင်းပြားမှ ကမန်အမျိုးသား တစ်ဦးဖြစ်သူ ဦးသိန်းရွှေက ပြောသည်။ (more…)

June 25, 2011
ရွှေခေတ်ကို ပြန်လည်ရယူလိုပါလျှင် …

ရွှေခေတ်ဟု ကျော်ကြားသော အစ္စလာမ်သာသနာဝင်မုစ်လင်မ်တို့၏အတိတ်ကာလသည် ဂုဏ်ယူစ၀င့်ကြွားဖွယ်ရာ အကြောင်းတစ်ရပ် ဖြစ်လျက်ရှိပါသည်။ စာရေးဆရာများနှင့်ဟောပြောသူများအဖို့ လက်၊လျှာ၊အာတွေ့ မဆုံးနိုင်အောင် ဖြစ်နေကြ၏။ အတိတ်မျှော်ဂုဏ်ဖော်နေခြင်းအား ယခုနေရာတွင် တန့်လိုက်ကြပြီး ခမ်းနားကြီးကျယ်လှသည့် ထိုခေတ်ကြီး မည်သို့ဖြစ်တည်လာခဲ့ကြောင်း အတွေးအမြင်အချို့ကို ဆွေးနွေးကြည့်ကြပါစို့။

ကြွားဝါမာန်တက်ရေးအတွက် အဖြစ်အပျက်များမှ ရိက္ခာထုတ်ဖော်ခြင်းသည် အစ္စလာမ့်အနှစ်သာရနှင့် လုံးလုံးလျားလျား ဆန့်ကျင်နေပါသည်။ ဖြစ်ရပ်များကို သုံးသပ်ရာတွင် အစ္စလာမ့်နည်းလမ်းသည် ထိုအရာများမှ သင်ခန်းစာ ရယူခြင်းဖြစ်သည်။ အရှိတရားကို မြင်အောင်ကြည့်ရှုစေခြင်းဖြစ်သည်။ ကျွန်ုပ်တို့အား အမှန်တကယ်သင်ပေးလိုက်သည့်အချက်သည် အဘယ်အရာဟူသည်ကို ကောက်ချက်ချနိုင်ရပါမည်။ အကြောင်းအချက်များမှာ အရှိတရားအပေါ်အခြေမခံပါက စိတ်နှလုံးအတွက် ဓါတ်စာမဖြစ်၊ တလွဲမာန သွတ်သွင်းလိုက်သလိုသာ ဖြစ်ရပေ၏။

အတိတ်ကာလမုစ်လင်မ့်သမိုင်းကို လေ့လာဆန်းစစ်ကြည့်သော် – ၄င်းရွေခေတ်ကြီးသည် ယနေ့ခေတ်မုစ်လင်မ်များ လုပ်ဆောင်နေသလိုမျိုး အခွင့်အရေးတိုက်ပွဲဝင်မှုမှ ထွက်ပေါ်လာခဲ့ခြင်း မဟုတ်သည်ကို တွေ့ရ၏။ ၄င်းခေတ်ကာလ၏ အောင်မြင်မှုသည် သူတစ်ပါးတို့အပေါ် ကျွန်ုပ်တို့၏အသုံးကျမှု ( ကောင်းကျိုးဖြစ်ထွန်းစေမှု ) ဖြင့် သတ်မှတ်နိုင်ပေသည်။ ယင်းအရည်အသွေး၏ဂုဏ်ရည်က မုစ်လင်မ်တို့အား ယင်းသို့သော ထိပ်တန်းအောင်မြင်မှုသို့ ရောက်ရှိသွားစေခဲ့ပါသည်။

ယနေ့တွင် အမေရိကန်ပြည်ထောင်စု၊ ဗြိတိန်နှင့် ရုရှ(ဆိုဗီယက်)တို့မှာ ခေတ်သစ်ယဉ်ကျေးမှု၏ဗဟိုဌာနများအဖြစ် ထင်ပေါ်ကျော်ကြား၏။ သို့သော် ထိုအရာများ၏ဘူမိနက်သန်သည် ထိုနိုင်ငံများ မဟုတ်ချေ။ အသိပညာပြန်လည်ထွန်းကားမှုသည် ထိုဒေသများမှ အစပြုခဲ့သည်မဟုတ်ပါ။ ဥရောပတွင် အသိပညာနှင့်လူ့ယဉ်ကျေးမှု စတင်ထွန်းကားရာသည် စပိန်၊ စစ္စလီနှင့် အီတလီ ဖြစ်ခဲ့ကြောင်းတွေ့ရလေသည်။ ဖော်ပြပါကမ်းရိုးတန်းဒေသများမှ အသိပညာပြန်လည်ရှင်သန်ခြင်း စတင်ခဲ့၏။ ၄င်းနောက် ခေတ်သစ်ယဉ်ကျေးမှု၏မျိုးစေ့များကို ကြဲဖြန့်ခဲ့၏။ ထိုမှတစ်ဆင့် အခြားဥရောပတိုင်းပြည်များသို့ ပျံ့နှံ့သွားခဲ့ပေသည်။

အသိပညာနှင့်ယဉ်ကျေးမှုများသည် ဥရောပသို့ မုစ်လင်မ်တို့မှတစ်ဆင့် ရောက်ရှိခဲ့ခြင်းသာဖြစ်သည်။ မုစ်လင်မ်တို့၏ခေတ် မတိုင်မီက ဥရောပတိုက်သည် အမှောင်ကမ္ဘာကြီးဖြစ်ခဲ့၏။ ထိုကာလမှာ မှောင်မိုက်ခြင်းနေ့ရက်များ ဟု သမိုင်းတွင် ထင်ရှား၏။ မုစ်လင်မ်တို့သည် ပင်လယ်ကိုဖြတ်ကာ အာဖရိကမှ ဥရောပသို့ ဦးစွာဝင်ရောက်ခဲ့ကြ၏။ မော်ရိုကိုမှ စပိန်သို့ ရေကြောင်းခရီးဖြင့် ရောက်ခဲ့ကြ၏။ အလားတူပင် တူနီးရှားမှ မြေထဲပင်လယ်ကို ကျော်ဖြတ်ပြီး စစ္စလီနှင့် အီတလီသို့ ၀င်ခဲ့ကြသည်။ ၄င်းနောက် မုစ်လင်မ်တို့သည် ယင်းဥရောပနိုင်ငံများအတွင်း ပညာနှင့်ယဉ်ကျေးမှု၏အုတ်မြစ်ကို ချခဲ့ကြကုန်၏။ အနောက်ဥရောပ တစ်ခွင်သို့ လက်ဆင့်ကမ်းပျံ့နှ့ပြီး နောင်သောအခါ အမေရိကန်ပြည်ထောင်စုသို့ ဆိုက်ရောက်ခဲ့ခြင်းဖြစ်သည်။ လေ့လာသင်ကြားခြင်းဟူသော အလင်းတန်းကို ဥရောပသို့ ထုတ်လွှတ်ပေးခဲ့သူများမှာ မုစ်လင်မ်များဖြစ်ကြကြောင်း မည်သူမျှ မငြင်းနိုင်ခဲ့ပါ။

ထိုခေတ်ကာလတွင် မုစ်လင်မ်တို့သည် ကမ္ဘာကိုခါးစောင်းတင်ခဲ့ကြသူများဖြစ်၏။ ထိုခေတ်မုစ်လင်မ်တို့အနေနှင့် ကမ္ဘာမြေ၀ယ် ခြေတစ်လှမ်း လှမ်းလေတိုင်း ထိုနေရာမှ ပညာရေစမ်း ပန်းထွက်လာ၏၊ သမိုင်းထဲက အမှောင်နေ့ရက်များကို ယဉ်ကျေးမှုထွန်းတောက်သည့်ကာလအဖြစ် လှည့်ပြောင်းပေးခဲ့ကြ၏။ နေရာတစ်ခုခုတွင် မုစ်လင်မ်တို့ အခြေချသည့်အခါတိုင်း ခြောက်သွေ့မြေပေါ် နတ်ဘုံရေစင်ဆိုက်ရောက်သကဲ့သို့ ဖြစ်ရသည်အထိ သူတို့၏အသိပညာဖြန့်ချိရေးစွမ်းရည် မြင့်မားခဲ့ကြလေသည်။

လန်ဒန်မြို့ရှိ ဗြိတိသျှပြတိုက်ကြီးဝယ် ခရစ်သက္ကရာဇ်(774)ခုနှစ်က သွန်းလုပ်ခဲ့သော ရွှေဒင်္ဂါးတစ်ချပ်ရှိ၏။ ရှေးဟောင်းအင်္ဂလန်ပြည့်ရှင် Offa Rax (757 – 796 ) လက်ထက်အတွင်း ပြုလုပ်ခဲ့ခြင်းဖြစ်သည်။ ထိုဒင်္ဂါး၏မျက်နှာစာတစ်ဖက်တွင် ထိုဘုရင်၏အမည်ကို တွေ့ရပြီး အခြားတစ်ဖက်တွင်မူကား မုစ်လင်မ်တို့၏ယုံကြည်ချက်သက်သေခံစကားရပ်ကို အရဘီဘာသာဖြင့် တွေ့ရလေသည်။ ပရော်ဖက်ဆာ Philip K.Hitti က မိမိ၏စာအုပ် History of the Arabs(1979)၊ စာမျက်နှာ(၃၁၆)တွင် ထိုဒင်္ဂါး၏ဓါတ်ပုံကို အောက်ပါကဲ့သို့ ခေါင်းစဉ်တပ်လျက် ဖော်ပြထားပါသည်။

အာရဗ် ဒီနာရ်(ဒင်္ဂါး)ကို တုပထားသော (၇၇၄)ခုနှစ်မှ အင်္ဂလို ဆက်ဆွန် ရွှေဒင်္ဂါး

(၈)ရာစုနှစ်မုစ်လင်မ်တို့သည် ဂရိဆေးဝါးပညာယူဆချက်များကို လိုက်စားခဲ့ကြ၏။ သို့သော် ၄င်းလမ်းကြောင်းပေါ် တစိုက်မတ်မတ် ရည်မှန်းချက်ဖြင့် စွမ်းစွမ်းတမံ အားထုတ်ခဲ့မှုကြောင့် နောင်တစ်ချိန်ဝယ် ကြောက်ခမန်းလိလိ တိုးတက်မှုများ ဖြစ်ပေါ်လာ၏။ နောက်ဆုံးတွင် သူတို့သည် သူတို့၏ခေတ်ကာလအတွင်း ကမ္ဘာ့ဆေးးပညာလောက၏ ဦးဆောင်သူများအဆင့်သို့ ရောက်ခဲ့ကြကုန်၏။ သမားတော်ကြီး Avicenna က ဗြိတိသျှစွယ်စုံကျမ်း(၁၉၈၄)တွင် ကျမ်းတစ်စောင်အကြောင်းကို ဖော်ပြထားပုံမှာ –

(မုစ်လင်မ်တို့ပြုစုခဲ့သော) ဆေးဝါးနှင့် ကုထုံးနိသျှကျမ်းကြီးသည် ဆေးပညာသမိုင်းတွင် အကျော်ကြားဆုံး ကျမ်းဂန်များအနက် အပါအ၀င်ဖြစ်နေဆဲပင် (I/681)

စစ္စလီ၏ဘုရင် ရော်ဂျာ – ၂(၁၀၉၅ – ၁၁၅၄)သည် သူ့ခေတ်ကာလတွင် ဥရောပ၏လျှမ်းလျှမ်းတောက် ဘုရင်များအနက် တစ်ဦးဖြစ်သည်။ သူသည် မိမိပိုင်နက်၏တည်နေရာအမှန်(နယ်နမိတ်)ကို အတိအကျ ဖော်ပြနိုင်သော ကမ္ဘာ့မြေပုံ တစ်ခုရေးဆွဲရန် အထူးစိတ်ဝင်စားခဲ့၏။ ထိုရည်ရွုယ်ချက်အကောင်အထည်ဖော်ရန် ပညာအပြည့်အ၀ဆုံးသူကို ရှာဖွေစေရာ အလ်အိဒ်ရိစီ ကို တွေ့လေ၏။ သူသည် မော်ရိုကိုနိုင်ငံတွင် မွေးဖွားခဲ့ပြီး စပိန်ရှိ မုစ်လင်မ်တက္ကသိုလ်များမှ ပညာသင်ကြားခဲ့သူဖြစ်သည်။ ထို့နောက် သူသည် အာရှ၊ အာဖရိကနှင့် ဥရောပတစ်လျှေုာက် ကျယ်ပြောသောခရီးစဉ်ကြီးတစ်ခုထွက်ခဲ့၏။ ယဉ်ကျေးမှုဖြစ်ထွန်းစ ထိုခေတ်၏ အထက်မြက်ဆုံး ပထ၀ီဗေဒပါရဂူမှာ အလ် အိဒ်ရိစီ ပင်ဖြစ်ပေသည်။ ဗြိတိသျှစွယ်စုံကျမ်းတွင် သူနှင့်ပတ်သက်ပြီး အောက်ပါအတိုင်း ရေးသားထားပေသည်။

အလ် အိဒ်ရိစီသည် စစ္စလီနိုင်ငံ၊ နော်မန်ဘုရင် ရော်ဂျာ ၂ ၏အရင်းနှီးဆုံးမိတ်ဆွေ၊ ၄င်းအပြင် အကြံတော်ပေးလည်း ဖြစ်၏။ နန်းတွင်းဝယ် ပထ၀ီဝင်ဗေဒပညာရှင်အဖြစ် အမှုထမ်းခဲ့၏။ ရော်ဂျာ ၂ က မိမိလိုချင်သော ကမ္ဘာ့မြေပုံတစ်ခုဖန်တီးရန် အလ်အိဒ်ရိစီအား စစ္စလီသို့ ဖိတ်ကြားခေါ်ယူခဲ့ခြင်း ဖြစ်သည်။ (9/198)

ကျွန်ုပ်တို့ ဘိုးဘေးဘီဘင် ရှေးအဆက်အနွယ်များ၏အခြေအနေမှာ ယင်းသို့ ဖြစ်ပါသည်။ ယနေ့သော်ကား ပြောင်းပြန်ဇောက်ထိုး ဆန့်ကျင်ဖက်အခြေအနေသို့ ဆိုက်ရောက်နေပါ၏။ ကမ္ဘာတစ်ဝှန်းရှိ မုစ်လင်မ်တို့မှာ ပြသနာ၏အရင်းခံများ ဖြစ်နေကြ၏။ အဖိုးထိုက်တန်လွန်းသူများ မဟုတ်ကြလေတော့။ သိပ္ပံနှင့်နည်းပညာဆိုင်ရာ ကဏ္ဍတိုင်းတွင် နောက်ကောက် ကျခဲ့ကြကုန်၏။ ရှေးအတိတ် မုစ်လင်မ်တို့ဆောင်ရွက်ခဲ့ကြကုန်သည့် သြဇာအရှိန်အ၀ါအခြေအနေမျိုးဆိုလျှင် မိမိတို့ဘ၀၏ မည်သည့် အခန်းကဏ္ဍမျှ ရှိမနေကြတော့ပါလေ။ ခေါင်းဆောင်ဆိုသူများကလည်း မိမိတို့ဖာသာ ဖန်တီးပုံဖော်ထားသော စိတ်ကူးယဉ် သုခဘုံ အတွင်း ရောက်ရှိစေအံ့ ဟု လူတို့အား ချော့သိပ်မှိုင်းတိုက်လျက် ရှိကြကုန်၏။

အချုပ်အားဖြင့် လက်ရှိမုစ်လင်မ်(အများစု)တို့မှာ ရယူသူများ ဖြစ်ကုန်ပြီး ပေးဆပ်သူများ အလျဉ်းမဟုတ်ကြတော့။ ယှဉ်ပြိုင်ရင်ဆိုင်ခြင်းနှင့် ကြိုးပမ်းရုန်းကန်ခြင်းတို့ဖြင့် အတိပြီးသော ယခုကမ္ဘာကြီးဝယ် တကယ်လို့များ သူတို့သည် ဂုဏ်ယူဖွယ် အနေအထားတစ်ရပ်သို့ မည်သည့်အခါမျှ ပြန်လည်မရောက်ရှိတော့ပါလျှင် …………………….

မိမိတို့၏လုပ်ရပ်သည် မိမိတို့၏အကျိုးသာ ဖြစ်ရပေအံ့။

မောင်လာနာ ၀ဟီဒုဒ္ဒီးန် ခန်း ၏ Getting What One Deserves ကို မြန်မာပြန်ဆိုတင်ပြခြင်း ဖြစ်သည်။

စလာမ်၊ ဒုအာအ်ဖြင့်

ဂျူလိုင်ရဲရင့်

June 16, 2011
ဟောင်ကောင်မှ ဗလီနှင့် ဆွလာသ်ဝတ်ပြုဆောင်များ အပိုင်း (၂)

ဒီရက်ပိုင်း ရုံးမှာအလုပ်ရှုပ်နေတာနဲ့ အပိုင်း ၂ ကို ဆက်မရေးဖြစ်ခဲ့တာပါ။ စိတ်ထဲမှာတော့ အကြွေးတစ်ခုကျန်နေတာမို့ ကသိ ကအောက်နဲ့ပါ။ အက်ဒ်မင်က ကျွန်မရဲ့ပိုစ့်စ်ကို ခရီးသွားဆောင်းပါးဆိုတဲ့ ခေါင်းစဉ်အောက်ထည့်ပေးတာ ကျေးဇူးပါ။ နေရာဒေသ တွေချည်းပဲရေးရတာ ပျင်းစရာကောင်းပါတယ်။ အတွေ့အကြုံလေးပါထည့်ရေးမှ ဖတ်တဲ့သူလဲ စိတ်ဝင်စားမှာပေါ့…နော်။ နောက်ထပ်ရေးပြချင်တဲ့ ဗလီကတော့ ၀န်ချိုင်းဆိုတဲ့အရပ်မှာရှိတဲ့ မက်စ်ဂျစ်ဒ်အမ်မာ နဲ့အွတ်စ်မန်းရမ်ဂျူးစဒစ်အစ္စလာမ်မစ်စင်တာပါ။ ၁၉၈၁ ခုနှစ်မှာ စတင်တည်ဆောက်ခဲ့ပြီး လူအယောက် ၇၀၀ဆံ့ပါ တယ်။ ဒီဗလီမှာအမှတ်ရစရာကတော့ မြန်မာပြည်က (more…)

June 14, 2011
ဗြိတိသျှ မွတ်စ်လင်မ် အမျိုးသမီးများ၏ “အကြမ်းဖက်မှုများအား ဆန့်ကျင်သည့် ဂျီဟာဒ်”

ဂျီဟဒ်အပေါ်လွဲမှားသည့် ထင်မြင်ယူဆချက်များအား ရှင်းလင်းရန် ရည်ရွယ်ချက်ဖြင့် ဗြိတိသျှမွတ်စလင်မ်အမျိုးသမီး တဖွဲ့က အကြမ်းဖက်မှု နှင့် အိမ်တွင်းမတရားမှုမျိုးစုံအား တွန်းလှန်ရန် Campaign စည်းရုံးလှုံ့ဆော်မှုအသစ်တခုအား စတင်မည်ဟု သိရပါတယ်။

“အကြမ်းဖက်မှုအား ဆန့်ကျင်သည့် ဂျီဟာဒ် အား လူတွေက ဝိရောဓိစကားလုံးအဖြစ် ထင်နေကြပါတယ်။ တကယ်တော့ ကျွန်မတို့ ဂျီဟာဒ်ဟာ ငြိမ်းချမ်းရေးအတွက်ပါ” ဟု Campaign စည်းရုံးလှုပ်ဆော်မှု ဒါရိုက်တာ Sara Khan က The Guardian သတင်းစာကို ဂျွန်လ ၆ ရက်နေ့က ပြောခဲ့ပါတယ်။

“အကြမ်းဖက်မှုများအား ဆန့်ကျင့်သည့် ဂျီဟာဒ်” ဟု အမည်ပေးထားသည့် Campaign ကို တနင်္ဂနွေနေ့က စတင်ခဲ့ပြီး အကြမ်းဖက်မှု မျိုးစုံကို တွန်းလှန်ရန် ရည်ရွယ်ကြောင်း သိရပါတယ်။

အဲဒီ Campaign က Terrorism အကြမ်းဖက်မှု၊ အိမ်တွင်းမတရားဖိနှိပ်မှု၊ အစ္စလာမ့်တရားတော်အား လက်တလုံးခြား ခုတုံးလုပ်ကာ ပြစ်မှုကျူးလွန်မှုများ စတဲ့ ရာဇဝတ်မှုတွေ ချေမှုန်းဖို့ အဓိကထား ရည်ရွယ်ပါတယ်။

အမျိုးသမီးများအား တန်ဖိုးထားသည့် အစ္စလာမ့်တရားတော်များအား အလေးထားကာ အမျိုးသမီးများအား နှိပ်စက်မှုများအား ရပ်တန်းကရပ်ရန်နှင့် မြင့်မြတ်တဲ့ အစ္စလာမ့်လမ်းညွှန်ချက်များအား ပြန်လည်ထိန်းသိမ်းရန် အမျိုးသားများအား လှုံ့ဆော်သွားခြင်းကို ဒီ Campaign အသစ်က လုပ်ဆောင်သွားမည်ဖြစ်သည်။

“အစ္စလာမ်ဟာ အကြမ်းဖက်မှုအားလုံးနှင့် အမျိုးသမီးများအား ဖိနှိပ်မှုများနှင့် ထပ်တူထပ်မျှဖြစ်လာနေပါပြီ” ဟု Khan ကပြောခဲ့သည်။

“ကျွန်မတို့ သာသနာကို အကြမ်းဖက်မှုတွေလုပ်ဆောင်ဖို့ အသုံးချနေတာကို ကျွန်မတို့ ဘာမှမပြောပဲ ငြိမ်နေလို့ရတယ်လို့ ကျွန်မတို့ထင်ခဲ့ကြပါတယ်”

“အကြမ်းဖက်မှုများအား ဆန့်ကျင်သည့် ဂျီဟာဒ်” Campaign သည် ကမ္ဘာ့မွတ်စ်လင်မ်အမျိုးသမီးများရှုရာကောင်စီ၏ အစီအစဉ်တခုဖြစ်သည့် အမေရိကန်မွတ်စလင် မြှင့်မှုများ ကဏ္ဍမှ အခြေခံလာခြင်းဖြစ်ပါသည်။

ဗြိသိသျှမွတ်စလင်အမျိုးသမီးများ၏ လုပ်ပိုင်ခွင့်များချပေးရန် လုပ်ဆောင်စဉ် ၎င်းတို့ “ယဉ်ကျေးမှု ရာဇဝတ်များ” ဟု ခေါ်တွင်သည့် မမှန်ကန်မှုများအား ပြင်ဆင်မည့် စည်းရုံးလှုံ့ဆော်ရေးအား ၂၀၀၉ ခုနှစ်မှာ စတင်ခဲ့တာ ဖြစ်ပါသည်။

အကြမ်းဖက်မှု မရှိစေရ

စည်းရုံးရေးလှုပ်ရှားသူများက သူတို့ရဲ့ ပထမဆုံးရည်မှန်းချက်ဟာ အကြမ်းဖက် terrorist များ ခိုးယူသုံးစွဲခဲ့သည့် “ဂျီဟာဒ်” ဆိုသည့် အသုံးအနှုံးအား ပြန်လည်ထိန်းသိမ်းရန် ဖြစ်သည်ဟု သိရပါသည်။

“ဂျီဟာဒ် အား ကမ္ဘာပေါ်ရှိ အစွန်းရောက်ဝါဒီများက အကြမ်းဖက်မှုများ လုပ်ဆောင်ရန် ထင်ယောင်ထင်မှားပြုလုပ်မှုများအား ကျွန်တော်တို့ စိတ်ပျက်နေပါပြီ” ဟု သူတို့၏ အင်တာနက်ဝဘ်ဆိုဒ်ပေါ်တွင် အဖွဲ့ကဖော်ပြခဲ့ပါသည်။

“အစွန်းရောက်တွေက အလေးအမြတ်ထားစရာ အစ္စလာမ့် တရားတော်များအား သူတို့ရဲ့ လူသားတွေအပေါ် ဆိုးယုတ်တဲ့အပြုအမှုတွေပြုလုပ်ဖို့ တလွဲအသုံးချနေတာတွေကို မွတ်စလင်မ် အဖွဲ့အစည်းတွေနဲ့ ခေါင်းဆောင်တွေက တိတ်ဆိတ်မနေဖို့ ကျွန်မတို့တိုက်တွန်းပါတယ်”

အစ္စလာမ့်သာသနာ့ပညာရှင်များက ကုရ်အာန်ကဖော်ပြသည့် ဂျီဟာဒ်ဆိုသည်မှာ မတရားမှုများအား ဖယ်ရှားရန်နှင့် ကောင်းမှုလုပ်ရန် “ရုန်းကန်ခြင်း” ဟု အကြိမ်ကြိမ်တိကျစွာ ကြေငြာခဲ့ပါသည်။

“ဂျီဟာဒ်” ဆိုသည့်စကားလုံးအား စက်တင်ဘာ ၁၁ အကြမ်းဖက်မှုနောက်ပိုင်းတွင် ဘာသာရေးစစ်ပွဲအဖြစ် အသုံးများလာကြသည်။

တဆူတည်းဘုရားအားကိုးကွယ်သော ဘာသာရေးသုံးခုလုံး၏ နာမည်ကြီး ဗြိတိသျှ စာရေးဆရာ Karen Armstrong ကလည်း အာရဗီစကားလုံး “ဂျီဟာဒ်” အား ဘာသာရေးစစ်ပွဲဟု အဓိပ္ပါယ်ဖွင့်ဆိုခြင်းအား ဝေဖန်ခဲ့သည်။

ဘိုင်ဇင်တိုင်းဧကရာဇ်တစ်ပါး ပြောကြားခဲ့သည့် “အစ္စလာမ် အားဓားမိုး၍ ဖြန့်ချီခဲ့သည်” ဟူသော အချက်ကို ကိုးကား၍ အစ္စလာမ့်ဂျိဟားဒ် သဘောတရားအပေါ် မေးခွန်းထုတ်ခဲ့ခြင်းအားဖြင့် ပုပ်ရဟန်းမင်းကြီး Benedict XVI သည် နိုင်ငံတကာဝေဖန်မှုတို့အားခံခဲ့ရလေသည်။

ဗြိတိသျှနိုင်ငံသည် ၂ သန်းခန့်မျှသော မွတ်စလင်မ် လူနည်းစုနေထိုင်ရာဖြစ်ပြီး ဂျူလိုင် ၇ အကြမ်းဖက်မှုများနောက်ပိုင်း အကြမ်းဖက်မှုအားတုန့်ပြန်သည့် ဥပဒေများ၏ ဒဏ်ကိုအပြည့်အဝခံစားနေရသည်။

မွတ်စလင်မ်ဖြစ်ခြင်းကလွဲလို့ မည့်သည့်အကြောင်းပြချက်မှ မရှိပဲ ရဲများ၏ မတရားမမျှတစွာ ပြုမူမှုများကို အကြိမ်ပေါင်းများစွာ ခံနေရကြောင်း တိုင်ကြားခဲ့ကြရသည်။

Financial Times ပြည်သူ့အထင်အမြင် ခံယူပွဲတစ်ခုက ဗြိတိန်ဟာ မွတ်စလင်မ်များကို သံသယအဖြစ်ဆုံးနိုင်ငံတခုဖြစ်သည်ဟု ဖော်ပြခဲ့ပါသည်။

MMSY အွန်လိုင်းက မွတ်စလင် သတင်းဘာသာပြန်ရအောင် ကဏ္ဍတွင် onislam မှ ယူဘာသာပြန်သည်။

June 10, 2011
လူမျိုးဆိုတာ

လူမျိုးဆိုတာ လူကို အမျိုးအစားခွဲခြားသတ်မှတ်တဲ့ အမည်ပညတ်ပါ။ ဘာလူမျိုး၊ ညာလူမျိုးရယ်လို့ ခွဲပြောတဲ့အခါမှာသာ ဒီဝေါဟာရကို သုံးနှုန်းလေ့ရှိပါတယ်။ အဲဒီ ဘာလူမျိုး၊ ညာလူမျိုးဆိုတာတွေက ဘယ်အပေါ်မှာ မူတည်ပြီး ခွဲတာပါလဲ။

ဟောဒီကမ္ဘာပေါ်မှာရှိနေတဲ့ လူမျိုးကွဲတွေဟာ ဟိုဂြိုဟ် ဒီဂြိုဟ်တွေကနေ ပေါင်းစုံပြီး ရောက်လာကြသူတွေမဟုတ်ဘူး။ အဲဒီလိုအထောက်အထားလည်း လူ့သမိုင်းရဲ့ ဘယ်မှတ်တမ်းမှာမှ မရှိခဲ့ဘူး။ ဒါဆို လူတွေဘယ်ကစသလဲ။ လူသားအစနဲ့ပတ်သက်လို့ အဆိုကွဲတွေ ရှိပါတယ်။

မြန်မာတွေက ဗြဟ္မာကြီးလေးဦးက စသတဲ့။ ခရစ်ယာန်တို့ အစ္စလာမ်တို့ကတော့ အာဒမ်နဲ့ ဧ၀ကစတယ်လို့ ယုံကြည်ကြ တယ်။ တစ်ခါ ဒါဝင်ရဲ့ သိပ္ပံအယူအဆအရ လူတွေဟာ မျောက်က ဆင်းသက်တာပါလို့ ဖြစ်ပြန်ရော။ ဘယ်ဟာ အမှန်ဆိုတာကို ခဏထား လိုက်ပါ။ ဒါပေမဲ့ သေချာတာတစ်ခုကတော့ အဲဒီအယူအဆတွေထဲက တစ်ခုသာလျှင် အမှန်ဖြစ်နိုင်ပါတယ်။ ဘာကြောင့်လဲ ဆိုတော့ ကမ္ဘာပေါ်မှာ တချို့က အာဒမ်လူမျိုး၊ တချို့က မျောက်က ဆင်းသက် လာတဲ့ မျောက်သက်လူမျိုး၊ တချို့က ဗြဟ္မာမျိုးရယ်လို့ ကိုယ့်အမျိုးနဲ့ကိုယ် ခွဲခြားခံယူပြီး ကွဲပြားနေတာမျိုးမှ မရှိတာ။

“လူသားအားလုံး အာဒမ်ဧ၀က စတယ်”

“လူသားအားလုံး ဗြဟ္မာကြီးလေးဦးက စတယ်”

“လူသားအားလုံး မျောက်က ဆင်းသက်တယ်”

လို့သာ လူသားအားလုံးရဲ့အစနဲ့ပတ်သက်ပြီး အယူအဆကွဲနေကြတာပါ။ ဒီအချက်ကို ကြည့်ရင်ပဲ ဘယ်အယူအဆက မှန်မှန်၊ သေချာတာ ကတော့ လူသားအားလုံးဟာ တူညီတဲ့ရေသောက်မြစ်ရှိပြီး ပင်စည်တစ်ခုတည်းက ဖြာထွက် လာတဲ့ အခက်အလက်တွေ ဆိုတာကို ဖော်ညွှန်းနေတာ တွေ့နိုင်ပါတယ်။ ဒါကြောင့် လူမျိုးမှန်သမျှဟာ ကမ္ဘာ့အိမ်ထောင်စုဝင် ညီနောင်သားချင်းတွေဖြစ်တယ်ဆိုတာကို ဂုဏ်ယူစွာလက်ခံထားကြဖို့ လိုပါတယ်။

““လူသားအားလုံးဟာ တစ်စုတစ်ဖွဲ့တည်း ဖြစ်တယ်”” (၂း ၂၁၃)

ဒါကတော့ ကျမ်းတော်မြတ်ကုရ်အာန်ရဲ့ အတည်ပြုချက်ပါ။ ကိုယ့် သမိုင်းရဲ့ တာထွက်အစမှတ်ကို ကိုယ်တိုင်ပြန်ရှာမတွေ့နိုင်တော့တဲ့ သနားစရာ့ လူသတ္တ၀ါတွေအတွက် ဖန်ဆင်းရှင်အလ္လာဟ်က လူသားအစနဲ့ပတ်သက်ပြီး အခုလို အသိပေးထားပါသေးတယ်။

““ထိုအရှင်မြတ်သည် အသင်(လူသား)တို့အား တစ်ဦးတစ်ယောက် တည်းမှ အစပြုဖန်ဆင်းထားခြင်း ဖြစ်၏။ ထိုတစ်ဦးတစ်ယောက်မှ သူ၏ကြင်ရာကို ခွဲထုတ် ဖန်ဆင်း၏။ သူတို့မောင်နှံမှတစ်ဆင့် များစွာသော ယောက်ျား၊မိန်းမတို့ကို ပြန့်ပွားစေ၏”” (၄း ၁)

ကျမ်းတော်လာ မူလအစ တစ်ဦးတည်းသောသူဆိုတာ အာဒမ်ဖြစ် ကြောင်းလည်း ကျမ်းတော်(၂း ၃၀-၃၄)မှာ ဖော်ပြထားချက်အရ သိရပါတယ်။ တစ်ယောက်ကနေ တစ်စုံ၊ တစ်စုံကနေ အများအပြား ဆင့်ပွားပြန့်နှံ့လာခဲ့တာပါ တဲ့(ကုရ်အာန် ၄း ၁)။

အဲဒီလို အာဒမ်ရဲ့ မိသားစုကြီးဟာ တဖြည်းဖြည်းကြီးထွားလာတဲ့အခါမှာ စားရေရိက္ခာပေါများရာ၊ နေပျော်ရာအရပ်တွေကို ပြောင်းရွှေ့နေထိုင်ရင်း ပြန့်နှံ့ ကုန်ပါတယ်။ ဘာသာစကားတွေ ကွဲကုန်တယ်။ ရေမြေအလိုက် ဓလေ့စရိုက်တွေ ခြားလာတယ်။ လုပ်ငန်းဆောင်တာ ၀မ်းစာရှာသဘာဝတွေလည်း ကွဲလာတယ်။ ရာသီဥတုအလိုက် ၀တ်စားဆင်ယင်ပုံ စားသောက်နေထိုင်ပုံတွေလည်း မတူတော့ ဘူး။

ဒီလိုနဲ့ နှစ်ပေါင်းထောင်ချီ ကြာမြင့်လာတဲ့အခါမှာ နယ်မြေအလိုက် ယဉ်ကျေးမှုတံတိုင်းတွေက သိသိသာသာခြားကုန်တယ်။ တစ်စုနဲ့တစ်စုရဲ့ ကွဲပြား ခြားနားချက်တွေက ပိုပြီးမြင်သာထင်သာရှိလာကြတယ်။ ဒီလိုနဲ့ လူမျိုးကွဲတွေအဖြစ် သတ်မှတ်ချက်တွေ ဖြစ်လာပါတယ်။ အဲဒီလိုကွဲပြားနေတဲ့ လူမျိုးကွဲတွေကို အစ္စလာမ်က ဘယ်လိုရှုမြင်ပါသလဲ။ ကုရ်အာန်က ပြောတာကတော့-

““အို-လူသားတို့၊ ငါအရှင်သည် အသင်တို့ကို ယောက်ျားတစ်ယောက်၊ မိန်းမတစ်ယောက်မှအစပြု ဖန်ဆင်းတော်မူခဲ့၏။ အသင်တို့အချင်းချင်း ခွဲခြားသိမြင် မှတ်မိကြရန်အတွက်သာ လူမျိုးအသီးသီးကို ပြုလုပ်တော်မူခဲ့ခြင်းဖြစ်၏။ စင်စစ် အလ္လာဟ်အရှင်မြတ်ထံ၌ အမြင့်မြတ်ဆုံးသောသူသည် အပြစ်ရှောင်သူဖြစ်၏”” (၄၉း ၁၃)တဲ့။

ဒီအာယသ်တော်က ပထမတစ်ဆင့် လူတွေဟာ တစ်မိတစ်ဖတည်းက ဆင်းသက်လာတဲ့ တအူတုံ့ဆင်း မောင်ရင်းနှမ ညီနောင်သားချင်းတွေဖြစ်တယ် ဆိုတာကို အသိပေးနေတယ်။

ဒုတ်ိယတစ်ဆင့် လူမျိုးဆိုတာ မှတ်မိလွယ်အောင်ရည်ရွယ်ချက်နဲ့သာ ဖန်တီးထားတာလို့ အသိပေးတယ်။ လူတွေတစ်ယောက်နဲ့တစ်ယောက် မှတ်မှတ် သားသားလေးဖြစ်အောင် ကိုယ်ပိုင်နာမည်လေးတွေ ပေးထားကြသလိုပေါ့။ လူမျိုး ဆိုတာကလည်း လူတွေအဆမတန်များပြားလာတဲ့အခါမှာ ကိုယ့်ကိုယ်ပိုင် အမှတ်သင်္ကေတလေးတွေနဲ့ သီးသီးခြားခြားဖြစ်နေရင် ပိုပြီးမှတ်မှတ်သားသား ဆက်ဆံပေါင်းသင်းကြဖို့ လွယ်ကူရုံသက်သက်ပါပဲ။ ဒါကြောင့် အစ္စလာမ်က လူမျိုးရဲ့ ယဉ်ကျေးမှုသွင်ပြင်လက္ခဏာတွေကို ဘယ်တော့မှ မရိုက်ချိုးဘူး။ ယဉ်ကျေးမှု အောက်တန်းနောက်တန်းကျနေတဲ့ လူမျိုးတွေကိုသာ ယဉ်ကျေးမှု မြင့်မားလာအောင် ခေတ်တိုင်း ဒေသတိုင်းမှာ တမန်တော်တွေစေလွှတ်ပြီး ပြုပြင် မြှင့်တင်ပေးခဲ့တာ။(ကြည့် ၁၆း ၃၆)

အထက်က အာယသ်တော်ရဲ့ တတိယအဆင့် သတင်းစကားကတော့ အမြင့်မြတ်ဆုံးသောသူဟာ အပြစ်ရှောင်သူ၊ ကိုယ်ကျင့်တရားကောင်းသူသာ ဖြစ်တယ်တဲ့။ ဒါကလည်း လူမျိုးကွဲပြားမှုဟာ ခွဲသိနိုင်ဖို့အတွက် ရှိနေရပေမယ့် အားလုံးဟာ တစ်မိသားစုဝင် သားချင်းတွေသာဖြစ်ကြတဲ့အတွက် သွေးခွဲသွေးကွဲ မှုတွေ မရှိအပ်ဘူးလို့ဆိုလိုတာပါ။ လူမျိုးတစ်မျိုးနဲ့တစ်မျိုး ဘယ်သူထက် ဘယ်သူ ကမှ ယုတ်ညံ့ခြင်း၊ မြင့်မြတ်ခြင်းမရှိဘူး။ တန်းတူရည်တူသဘောထားအပ်တယ်။ မြင့်မြတ်တယ် ယုတ်ညံ့တယ်ဆိုတာက လူမျိုးအချင်းချင်းမှ မဟုတ်ဘူး။ လူမျိုး တစ်မျိုးထဲက လူတစ်ယောက်ချင်းစီမှာလည်း ကိုယ်ကျင့်တရားအရသာ ကွာခြားမှု တွေရှိနိုင်တယ်ဆိုတာကို သတိပေးထားတာပါ။

ဒီအာယသ်တော်ကို အကြောင်းပြုပြီး တမန်တော်မြတ်ကလည်း နောက် ဆုံး ဟဂ်ျမိန့်ခွန်းတော်မှာ-

““အာရဗ်လူမျိုးက အခြားလူမျိုးထက် ပိုမမြတ်၊ အခြားလူမျိုးကလည်း အာရဗ်လူမျိုးထက် ပိုမမြတ်၊ လူမည်းဟာ လူဖြူထက်မမြတ်၊ လူဖြူကလည်း လူမည်းထက် မမြတ်။ မြင့်မြတ်မှုဆိုတာ ကိုယ်ကျင့်တရားကောင်းမွန်မှုအပေါ်မှာ သာ မူတည်တယ်။ သင်တို့အားလုံးဟာ ကမ္ဘာဦးဖခင်ကြီး အာဒမ်ရဲ့သားသမီးတွေ ဖြစ်ကြတယ်။ ဖခင်ကြီးအာဒမ်ကို မြေကြီးကနေ ဖန်ဆင်းထားတယ်””လို့ ဟောကြားတော်မူခဲ့ပါတယ်။

ဆိုလိုတာက လူတစ်ယောက်နဲ့တစ်ယောက် သာလွန်နိုင်တဲ့အချက်က ကိုယ်ကျင့်တရားပဲ။ ကိုယ်ကျင့်တရားစံသာ အလ္လာဟ်အရှင်အသိအမှတ်ပြုတဲ့ မြင့်မြတ် သာလွန်တဲ့ စံဖြစ်တယ်။ လူမျိုးတို့၊ အသားအရောင်တို့ဆိုတာ လူလူချင်း ခွဲခြားမြင်စရာ၊ ခွဲခြားဆက်ဆံစရာ ပေတံမဟုတ်သလို ဇာတိအနွယ်ဆိုတာကလည်း ကွဲပြားစေရာ အကြောင်းခံမဟုတ်ဘူး။ လူတိုင်းဟာ အာဒမ်ရဲ့ သားသမီးတွေ ဖြစ်ကြသလို လူတိုင်းဟာ မြေကြီးကနေဖြစ်တဲ့ ဇာတိအနွယ်တူတွေချည်းပဲဆိုတာ ကို သတိပေးထားတာပါပဲ။

နောက်ပြီးတမန်တော်မြတ်က မိမိရဲ့ ကုရိုက်ရ်ှမျိုးနွယ်စုတွေကို မှာခဲ့တဲ့ စကားလေးကလည်း မှတ်သားစရာပါ။

““အို၊ ကုရိုက်ရ်ှမျိုးနွယ်စုအပေါင်းတို့၊ ဧကန်အမှန် အလ္လာဟ်အရှင်မြတ် သည် အမိုက်ခေတ်၏ မာနထောင်လွှားမှုနှင့် မိဘဘိုးဘေးတို့ကို အကြောင်းပြု၍ ဆွေဂုဏ်မျိုးဂုဏ် ၀င့်ကြွားမောက်မာမှုကို အဆုံးသတ်လိုက်ပြီ””တဲ့။

ဒီတော့ ဆွေဂုဏ်မျိုးဂုဏ်ကို အကြောင်းပြုပြီး ၀င့်ကြွားပလွှားမှုဟာလည်း အစ္စလာမ်က တားမြစ်ထားတဲ့၊ မနှစ်သက်မလိုလားတဲ့ အမိုက်ခေတ်က မိစ္ဆာ လမ်းစဉ်မျိုးသာ ဖြစ်ပါတယ်။

တကယ်တော့ မျိုးနွယ်စွဲဟာ လူသားတွေရဲ့ ကမ္ဘာ့အိမ်ထောင်စုမှာ အဆိပ်အတောက်ကိစ္စပါ။ မျိုးနွယ်ကိုအစွဲပြုပြီးတက်တဲ့ မာန်မာနကို ပါဠိလိုတော့ ဇာတိမာန်လို့ ခေါ်ပါတယ်။ လူသားဗီဇအရ ဇာတ်ိမာန်ဟာ ခပ်ပါးပါးရှိနေရင် ကိုယ့်မျိုးကိုယ့်နွယ်အတွက် အကျိုးပြုလိုစိတ် စောင့်ရှောက်လိုစိတ်ရှိဖို့ အထောက် အကူဖြစ်တတ်ပေမယ့် ထူထူထဲထဲဖြစ်လာရင်တော့ အတ္တကြီးပြီး မဟာလူမျိုးကြီး ၀ါဒကို ကိုင်စွဲလာမိတတ်တယ်။ အခြားလူမျိုးတွေကို ကဲ့ရဲ့ရှုံ့ချ စော်ကားဆက်ဆံ မိတတ်တယ်။ လူမျိုးခြားကို စည်းတားဆက်ဆံတဲ့အလေ့ ခွဲခြားနှိမ်ချတဲ့အလေ့ သာတူညီမျှသဘောမထားနိုင်တဲ့အလေ့တွေကို ဇာတိမာန်လို့ ဂုဏ်ယူမိလာပြီဆိုရင် တော့ အဲဒီဇာတိမာန်က ကိုယ့်လူမျိုးတိုးတက်ရာတိုးတက်ကြောင်းကိုပါ တစ်နည်း တစ်ဖုံနဲ့ အဟန့်အတားဖြစ်စေတတ်ပါတယ်။ နောက်ဆုံး အာရီယန်(လူဖြူ)မျိုးနွယ် တွေသာ အခြားလူမျိုးတွေထက်ပိုပြီးမြင့်မြတ်ကြီးကျယ်ပါတယ်လို့ ဇာတိမာန် သွေးနားထင်ရောက်ခဲ့တဲ့ ဟစ်တလာလို သမိုင်းမှာ အရုပ်ဆိုးအကျည်းတန်စေမယ့် လုပ်ရုပ်မျိုးတွေလည်း လုပ်မိလာတတ်ပါတယ်။

ကမ္ဘာဦးကာလမှာ အာဒမ်ကို ဦးချဖို့ အီဗ်လီစ်က ငြင်းခဲ့တဲ့အကြောင်းက လည်း ဇာတိမာန်ပြင်းထန်လွန်းလို့ပါ။ သူပြောတာက သူက မီးနဲ့ ဖန်ဆင်းခံရတာ၊ အာဒမ်က မြေနဲ့ဖန်ဆင်းခံရတာ၊ ဆိုလိုတာကတော့ သူက အာဒမ်ထက်မြတ်တယ် ပေါ့၊ ဒါကြောင့် ဦးမချနိုင်ပါဘူးတဲ့။ ဒီလို မျိုးနွယ်စွဲကြောင့် သူဟာ မျှော်လင့်ချက် ကင်းဝေးသူအဖြစ်နဲ့ ရှိုင်သွာန်ဘ၀ကို ကိယာမသ်တိုင် ရောက်သွားရတဲ့အပြင် အကျိုးဆက်အနေနဲ့လည်း နောက်ဆုံးမှာ ငရဲမီးမှာအဆုံးသတ်ရမယ့်သူဖြစ်တယ်။ ဒါဆို မျိုးနွယ်စွဲစိတ်ပြင်းထန်သူတွေ၊ မျိုးနွယ်ကို အကြောင်းပြုပြီး ခွဲခြားလိုစိတ် ရှိသူတွေဟာ ရှိုင်သွာန်ရဲ့ စိတ်ဓာတ်မျိုးကို အမွေခံထားသူတွေ၊ ရှိုင်သွာန်ရဲ့ လမ်းစဉ်ကို ဖ၀ါးခြေထပ်လိုက်သူတွေဆိုတာ ထင်ရှားပါတယ်။

မျိုးနွယ်စွဲစိတ်ဟာ တဖြည်းဖြည်းကြီးထွားလာရင် လူမျိုးမုန်းတီးရေးကို ဖြစ်စေတတ်ပါတယ်။ ကျမ်းမြတ်ကုရ်အာန်က-

““လူမျိုးတစ်မျိုးကို အမုန်းစိတ်နဲ့ မလွန်ကျူးရ””( ၅း ၂)

လို့ ပြတ်ပြတ်ထင်ထင် တားမြစ်ထားပါတယ်။ အမုန်းတရားဟာ ကမ္ဘာ့အိမ်ထောင်စု ရဲ့ ငြိမ်းချမ်းသာယာမှုကို ရိုက်ချိုးပစ်နိုင်စွမ်းပါတယ်။ မေတ္တာတရားကသာလျှင် ငြိမ်းချမ်းရေးကို တည်ဆောက်နိုင်ပါတယ်။ အစ္စလာမ်ဘာသာနည်းတူ အခြား ဘာသာတရားတွေဟာလည်း မေတ္တာတရားကို အခြေပြုကြတာများပါတယ်။ ဒီတော့ ဘာသာတရားတွေ ထွန်းကားနေတဲ့ ဒီနေ့ခေတ်မှာ ကိုယ့်ဘာသာတရားရဲ့ အဆုံးအမနဲ့အညီ တကယ်နေထိုင်ကြမယ်ဆိုရင် လူမျိုးမုန်းတီးရေးဆိုတာဟာလည်း ရှိလာနိုင်စရာ အကြောင်းမရှိပါဘူး။

ဒီနေရာမှာ စကားစပ်လို့ လူမျိုးနဲ့ ဘာသာတရားယုံကြည်မှုကဏ္ဍလေးကိုလည်း ကြားဖြတ်ပြောချင်ပါတယ်။ တချို့က လူမျိုးနဲ့ ဘာသာတရားကို အသေချည်နှောင်ထားကြတာမျိုးတွေ ရှိပါတယ်။ တကယ်တော့ လူမျိုးနဲ့ ဘာသာ တရားဟာ သီးခြားပါ။ ဒီလူမျိုးကြားပေါက်ဖွားလာလို့ ဒီလူမျိုးဖြစ်နေရခြင်းဟာ ပြင်ဆင်လို့ မရတော့တဲ့ လက်ခံလိုက်ရမယ့်ကိစ်္စပါ။

ဘာသာတရားယုံကြည်မှုဆိုတာကတော့ လူတစ်ယောက်ချင်းရဲ့ နှလုံးသားကိစ္စပါ။ လူ့ဘ၀ပန်းတိုင်နဲ့ တမလွန်သေပြီးနောက် ကိစ္စတွေအပေါ်မှာ ကိုယ်ယုံကြည်မိရာ ဘာသာတရားကို တစ်ဦးချင်းက ကိုယ့်သဘောဆန္ဒနဲ့ကိုယ် ရွေးချယ်ခွင့်ရှိပါတယ်။ တစ်ခါတစ်ခါမှာ အစွန်းရောက်အတွေးအခေါ်တွေနဲ့ မိဘကို ရွေးချယ်ခွင့်မရှိသလို၊ လူမျိုးကို ရွေးချယ်ခွင့်မရှိသလို ဘာသာတရားကိုလည်း ဒီလူမျိုးက ဒီဘာသာတရားပဲ ဖြစ်ရမယ်ဆိုတဲ့ ခပ်ရှော်ရှော် အတွေးအခေါ်တွေကို စွန့်ပစ်ကြဖို့သင့်ပါပြီ။

အိန်္ဒိယလူမျိုးဟာလည်း ကွမ်ယင်မယ်တော်ကို ကိုးကွယ်ချင် ကိုးကွယ်နိုင် ပါတယ်။ တရုတ်လူမျိုးဟာလည်း ဟိန္ဒူဘာသာဝင် ဖြစ်ချင်ဖြစ်နိုင်ပါတယ်။ ဗမာ လူမျိုးစစ်စစ်ကလည်း ခရစ်ယာန်ဘာသာဝင် ဖြစ်ချင်ဖြစ်နိုင်ပါတယ်။ လူမျိုးက တခြား၊ ယုံကြည်ကိုးကွယ်မှုက တခြားပါ။ ယုံကြည်ကိုးကွယ်မှုခြားတိုင်း လူမျိုးခြား လို့ သတ်မှတ်တာမျိုး၊ ငါတို့နဲ့မဆိုင်ဘူးလို့ စည်းခြားပစ်လိုက်တာမျိုးတွေ လုပ်လာရင် အဲဒီလူမျိုးမှာ သွေးကွဲမှုတွေ ဖြစ်လာပြီး စည်းလုံးညီညွတ်မှုပြိုကွဲပြီး နိုင်ငံတိုးတက်ရာ တိုးတက်ကြောင်းကိစ္စတွေမှာလည်း ခရီးမတွင်ဖြစ်တတ်ပါတယ်။

နောက်တစ်မျိုးရှိသေးတာက နိုင်ငံတစ်နိုင်ငံကို လူမျိုးတစ်မျိုးအတွက် ဆိုတဲ့ ရည်ရွယ်ချက်နဲ့ မတည်ထောင်စကောင်းပါ။ နိုင်ငံတိုင်းမှာ လူမျိုးခွဲ တိုင်းရင်းသားပေါင်းစုံ နေထိုင်ကြတာချည်းပါပဲ။ အဲဒီတိုင်းရင်းသားတွေဟာ ဒီနိုင်ငံ အတွင်းကဆိုပေမဲ့ ရောက်ရှိဖြစ်ပေါ်လာရာလမ်းကြောင်းတွေက တူချင်မှ တူကြပါ တယ်။ မတူသော်ငြားလည်း အစဉ်အဆက်နေထိုင်လာပြီး အခြေကျဖွံ့ဖြိုးလာတဲ့ ယဉ်ကျေးမှုနဲ့အတူ မူလလာရာမျိုးနွယ်ကနေ ကွဲထွက်ပြောင်းလဲသွားကြပါပြီ။ အခြားလူမျိုးတွေနဲ့ ရောနှောယှက်ဖြာသွားကြပါပြီ။

ဒီအချိန်မှာ သူတို့သိတာက သူတို့ရဲ့ လူနေမှုဘ၀မြင့်မားရေး၊ သူတို့ နေထိုင်ရာ တိုင်းပြည်ကြီးပွားတိုးတက်ရေးပါပဲ။ ဘယ်သူကမှ ကိုယ်မွေးဖွားကြီးပြင်း နေထိုင်ရာ ဇာတိရပ်ရွာထက် ဘိုးဘေးဘီဘင်တို့ နေထိုင်ရာဒေသကို ပိုချစ်တဲ့ လူရယ်လို့ မရှိပါဘူး။ တမန်တော်မြတ်ရဲ့ သြ၀ါဒတော်တစ်ပါးမှာ တိုင်းပြည်ကို ချစ်ခြင်းဟာ ယုံကြည်ချက်ရဲ့ အစိတ်အပိုင်းဖြစ်တယ်လို့ ဆိုထားပါတယ်။ မွတ်စလင် တစ်ယောက်အဖို့ မိမိဘာသာတရားကို တကယ်ယုံကြည်သူဖြစ်ဖို့ဆိုရင် ကိုယ်နေ ထိုင်ရာ တိုင်းပြည်ကိုလည်း ချစ်မြတ်နိုးရပါတယ်။

တိုင်းပြည်ကို ချစ်ခြင်း မချစ်ခြင်း ကိစ္စကို သွေးနဲ့တိုင်းတာလို့ မရပါဘူး။ သွေးမနှော သွေးမရောဘဲ ဖြစ်လာတဲ့ လူမျိုးဆိုတာလည်း ကမ္ဘာပေါ်မှာမရှိပါဘူး။ တကယ်တော့လည်း ကပြားတို့ သွေးနှောတို့ဆိုတာက ပညတ်ပါ။ အားလုံးဟာ ကမ္ဘာဦးအစမှာ တစ်မိတစ်ဖ တည်းက မွေးဖွားလာကြတဲ့ လူသွေးချင်းတူကြသူတွေ ချည်းပါပဲ။

လူမျိုးစွဲစိတ်ကြီးလာတော့ ငါ့မျိုးနွယ်မှငါမျိုးနွယ်ဆိုတဲ့စိတ်နဲ့ လူလူချင်း မရောမယှက်ဖို့ တံတိုင်းတွေခြားထားမိတတ်ကြပါတယ်။ တကယ်တော့ ဒီကနေ့ ကမ္ဘာမှာ ထိပ်ဆုံးကနေ စွာနေတဲ့ အမေရိကန်ဟာ လူမျိုးပေါင်းစုံရောယှက်ပြီးနေတဲ့ နိုင်ငံပါ။ သူတို့အားလုံးဟာ သူ့နိုင်ငံတိုးတက်ကြီးပွားရေးကိုသာ ရှေးရှုပြီး နိုင်ငံသား အကျိုးကိုသာ ကြည့်ကြပါတယ်။ ကိုယ့်နိုင်ငံသားဆိုရင် ဘယ်လူမျိုးဖြစ်ဖြစ် တန်ဖိုးထားကြပါတယ်။ ဒါတောင် သူတို့ဆီမှာ လူဖြူလူမည်းခွဲခြားမှုဟာ တော်တော်ကြီးထွား အမြစ်တွယ်ခဲ့တယ်။ အခုတော့ လူမည်းတစ်ယောက်ဟာ လည်း နိုင်ငံသမ္မတဖြစ်နိုင်တဲ့အထိ ခွဲခြားမှုတွေ ခ၀ါချခဲ့ကြပါပြီ။

ဒီလိုပဲ စင်္ကာပူနိုင်ငံမှာ စင်္ကာပူနိုင်ငံသား ဆိုတာတွေဟာ တရုတ်အနွယ် လည်းဖြစ်နိုင်သလို အိန်္ဒိယအနွယ်လည်း ဖြစ်နိုင်ပါတယ်။ အဖြူအမည်းကွဲပေမယ့် တိုင်းပြည် တိုးတက်ရေးအတွက်တော့ ဒါတို့နိုင်ငံ တို့တိုးတက်အောင်လုပ်ကြရမယ်ဆိုတဲ့ ရည်ရွယ်ချက်မှာတော့ တစ်စိတ်တည်း တစ်ဝမ်းတည်း ရှိကြပါတယ်။ ဒါကြောင့်လည်း နိုင်ငံက တိုးတက်ပါတယ်။ ဒီတော့ မှီတင်းနေထိုင်ရာ လူမျိုးက ဘယ်လူမျိုးသာ ဖြစ်ရမယ်ဆိုတဲ့ သတ်မှတ်ချက်ဟာ နိုင်ငံတစ်နိုင်ငံအတွက် အရေးမကြီးတာ ထင်ရှားပါတယ်။

ဘယ်လူမျိုး ဘယ်အနွယ်ပဲဖြစ်ပါစေ တိုင်းပြည်မှာ အေးအတူ ပူအမျှ နေထိုင်ပြီး တိုင်းပြည်အကျိုးကို သယ်ပိုးထမ်းရွက်ချင်စိတ်ရှိရင် သူဟာ တိုင်းပြည်က လိုလားမျှော်လင့် အားထားရမယ့် သားကောင်းရတနာဖြစ် သွားတာပါပဲ။ ဘာသာစွဲ လူမျိုးစွဲကြောင့် ချန်ထား၊နှိမ်ထားရင် ထိုက်တန်တဲ့နေရာမှာ ထိုက်တန်တဲ့ လူ့အရင်း အမြစ်တွေ မသုံးစွဲနိုင်တဲ့အတွက် တိုင်းပြည်ဖွံ့ဖြိုးတိုးတက်ရေးမှာ အဟန့်အတား ဖြစ်ရတတ်ပါတယ်။

လူမျိုးတွေမှာ အင်အားကြီးတာက အင်အားနည်းတာကို ဝါးမျိုသွားတတ် တာ သဘာဝပါပဲ။ လူမျိုးတွေဖြစ်လာတာ သဘာဝဖြစ်သလို ပျောက်ကုန်တာ လည်း သဘာဝပါပဲ။ လူမျိုးတစ်မျိုးပျောက်သွားခြင်းဟာ အခြားလူမျိုးတစ်မျိုးပေါ် လာဖို့ အကြောင်းတစ်ခုဖြစ်ပါတယ်။ ပျူတွေပျောက်ပြီး မြန်မာဆိုတာပေါ်လာသလို ပေါ့။ ဒါကြောင့် မြေမျိုလို့ လူမျိုးမပျောက် လူမျိုမှ လူမျိုးပျောက်တယ်ဆိုတဲ့ ဆောင်ပုဒ်နဲ့ လူမျိုးမနှောရေးဝါဒဟာ ကိုယ့်လူမျိုးရဲ့ ဇာစ်မြစ်ကို ကိုယ်တိုင်ပြန်မေ့နေ ကြသူတွေရဲ့ လက်တွေ့မကျတဲ့၊ သဘာဝတရားနဲ့ ကင်းကွာတဲ့စကားပါ။

ကမ္ဘာ့သမိုင်းမှာ ဆမူးဒ်လူမျိုးတွေဟာ ငလျင်ဒဏ်နဲ့ မြေမျိုလို့ လူမျိုး ပျောက်ခဲ့ရပါတယ်(ကြည့် ကုရ်အာန် ၇း ၇၉)။

ဒါကြောင့် မြေမျိုလို့ လူမျိုးပျောက်တာ ရှိပါတယ်။

ဒီလိုပဲ တမန်တော်နူးရ်ရဲ့ လူမျိုးတွေက ရေကြီးပြီးနစ်မြုပ်သွားလို့ မျိုးပျောက်ခဲ့ရတယ်။(၂၉း ၁၄)

တမန်တော် လူးသ်ရဲ့ လူမျိုးတွေဟာ ခဲမိုးရွာပြီး မျိုးပျောက်ဇာတ်သိမ်း ခဲ့ရတယ်။ (၇း ၈၄)

အားဒ်လူမျိုးတွေဟာလည်း လေပြင်းမုန်တိုင်းဒဏ်သင့်ပြီး မျိုးပျောက်ခဲ့ရ တယ်။ (၄၆း ၂၄)

သူတို့တွေ ဘာကြောင့် မျိုးပျောက်ခဲ့ရပါသလဲ။ ကိုယ်ကျင့်တရား ပျက်ပြားမှုကြောင့်ပါ။ သစ္စာတရားကို ဟောကြားပို့ချတဲ့ တမန်တော်တွေကို လက်မခံငြင်းဆန်ပြီး ထင်ရာစိုင်းခဲ့ကြတဲ့အတွက် ဒီလိုအဖြစ်ဆိုးတွေနဲ့ ဇာတ်သိမ်း ခဲ့ကြရတာပါ။ ဒါဆို ဘာလူမျိုး ညာလူမျိုးဆိုတာတွေက အရေးကြီးသလား၊ ကိုယ်ကျင့်တရားက အရေးကြီးသလားဆိုတာ ခွဲခြားသိမြင်နိုင်လောက်ပါတယ်။

ကုရ်အာန်ကျမ်းတော်မှာ သတိပေးထားတာက-

““လူမျိုးအသီးသီးအတွက် ကာလအပိုင်းအခြားရှိ၏။ ယင်းတို့၏ အချိန်ကျသော် အချိ်န်အနည်းငယ်မျှပင် နောက်ဆုတ်ရှေ့တိုးပြုလုပ်နိုင်မည်မဟုတ်”” တဲ့။

ဒီတော့ လူမျိုးတစ်မျိုးကို ထာဝရအဓွန့်ရှည်အောင် ကြိုးစားဖို့ဆိုတာကလည်း မိုက်မဲတဲ့ ရေပေါ်အရုပ်ရေးလုပ်ရပ်မျိုးပါပဲ။

အချုပ်ကိုပြောရရင် လူသားအားလုံးဟာ တစ်မိတစ်ဖတည်းက ပေါက်ပွားလာတဲ့ ညီင်္နောင်သားချင်းတွေဖြစ်တယ်။ လူမျိုးဆိုတာက ခွဲမှတ်ရုံအတွက် သက်သက်ပဲ။ ခေတ်ကာလအမျိုးအမျိုး အခြေအနေအမျိုးမျိုးအရ လူမျိုးတွေဟာ အမည်ပညတ်အမျိုးမျိုးနဲ့ ပေါ်လာလိုက် ပျောက်သွားလိုက်ရှိမှာပဲ။ ဘယ်လိုပဲ ရှိရှိ လူကို လူလိုမြင်ပြီး လူသားဝါဒကိုလက်ကိုင်ပြုမယ်၊ လူသားချင်းစာနာထောက် ထားမယ်၊ သာတူညီမျှ ဆက်ဆံမယ်၊ လူမျိုးတစ်မျိုးနဲ့တစ်မျိုး ခွဲခြားမှုမရှိဘဲ လေးစားတန်ဖိုးထားမယ်၊ ညီရင်းအစ်ကိုလိုသဘောထားမယ်ဆိုရင် လူ့အဖွဲ့အစည်း အသီးသီးဟာ ညီညွတ်စွာ တိုးတက်မြင့်မားလာနိုင်ပါတယ်။ ကမ္ဘာတစ်ခု မိသား တစ်စုဆိုတဲ့ စိတ်ဓာတ်နဲ့ ကမ္ဘာကြီးဟာလည်း ငြိမ်းချမ်းတဲ့ ဥယျာဉ်ဘုံတစ်ခု ဖြစ်လာလိမ့်မယ်ဆိုတာကို မမှိတ်မသုန်ယုံကြည်မိပါတယ်။

သန်းမင်းထိုက်(မြန်မာစာ)

(ဒီရေထဲက ပန်းကလေးများ-အစ္စလာမ့်ဓမ္မရသစာစုများ မှ)

June 6, 2011