ဇူလိုင် ၁၇၊ ၂၀၁၉
-နျူအရေး ထပ်မံဆွေးနွေးဖို့ အမေရိကန်သမ္မတ ဒေါ်နယ်ထရမ့်ရဲ့ ကမ်းလှမ်းမှုကို အီရန်နိုင်ငံခြားရေးဝန်ကြီး ဂျာဗဒ်ဇာရစ်ဖ်က ရှုတ်ချခဲ့ပြီး အမေရိကန်ဟာ ပင်လယ်ကွေ့နိုင်ငံတွေကို လက်နက်ရောင်းကာ အရှေ့အလယ်ပိုင်းကို ပြိုကွဲအောင် လုပ်ဆောင်နေတယ်လို့ ပြောကြားလိုက်ပါတယ်။
အခုတစ်ပတ် ကုလသမဂ္ဂ အစည်းအဝေးကို တက်ဖို့ နယူးယောက်မြို့ကို ရောက်ရှိနေစဉ် အမေရိကန်ရုပ်သံ NBC နဲ့ အင်တာဗျူးမှာ ဇာရစ်ဖ်ကအမေရိကန်နဲ့ အီရန်တို့အကြား ကိစ္စရပ်တွေကို သုံးသပ်ပြောကြားခဲ့ပါတယ်။
၂၀၁၅ ခုနှစ်က အီရန်နဲ့ အင်အားကြီး ၆ နိုင်ငံအကြား ရရှိခဲ့တဲ့ နျူသဘောတူညီချက်ကနေ နှုတ်ထွက်ကြောင်း သမ္မတထရမ့်က ပြီးခဲ့တဲ့နှစ်မေလမှာ ကြေငြာခဲ့ပြီး၊ နောက်ပိုင်းမှာတော့ နျူအရေး ပြန်ဆွေးနွေးမယ်လို့ အမေရိကန်အစိုးရက ကမ်းလှမ်းခဲ့ပေမယ့် ဆွေးနွေးမှုမှာ အီရန်ရဲ့ ဒုံးကျည်အစီအစဉ်ကိုပါ ထည့်သွင်းဖို့ လိုလားနေတာပါ။
ဇာရစ်ဖ်ကတော့ ၂၀၁၅ စာချုပ်က နှုတ်ထွက်ပြီးနောက်ပိုင်း အီရန်အပေါ် ပြန်လည်လုပ်ဆောင်ခဲ့တဲ့ ပိတ်ဆို့မှုတွေကို ဖယ်ရှားမှသာလျှင် အမေရိကန်နဲ့ ညှိနှိုင်းမယ်လို့ ပြောကြားခဲ့ပါတယ်။ အမေရိကန်နဲ့ သူ့ရဲ့မဟာမိတ်တွေဖြစ်တဲ့ ဆော်ဒီ၊ ယူအေအီးတို့ကိုလည်း ဇာရစ်ဖ်က ဝေဖန်ခဲ့ပါတယ်။
“ကျွန်တော်တို့ ဒုံးကျည်စီမံကိန်းအကြောင်း ပြောချင်ရင်၊ အမေရိကန်က ကျွန်တော်တို့ဒေသမှာ ရောင်းချတဲ့ လက်နက်တွေရဲ့ ပမာဏကိုလည်း ထည့်ပြောဖို့ လိုလိမ့်မယ်။ လူဦးရေ သန်း ၈၀ ရှိတဲ့ အီရန်ဟာ ပြီးခဲ့တဲ့နှစ်က စစ်တပ်အတွက် ကန်ဒေါ်လာ ၁၆ ဘီလီယံ သုံးခဲ့တယ်။ လူတစ်သန်းလောက်သာရှိတဲ့ ယူအေအီးက ၂၂ ဘီလီယံသုံးတယ်။ ကျွန်တော့်ရဲ့ တစ်ဝက်လောက်ပဲ
အမေရိကန်ရဲ့ လက်နက်တွေကြောင့် အရှေ့အလယ်ပိုင်းဒေသဟာ ပေါက်ကွဲလုနီးနီး ဖြစ်နေပြီလို့လည်း သူက ထည့်သွင်းပြောဆိုခဲ့ပါတယ်။
“အဲဒီတော့ ကျွန်တော်တို့ရဲ့ ဒုံးကျည်အစီအစဉ်တွေအကြောင်း ပြောချင်ရင် ပထမဆုံး ဒုံးကျည်တွေအပါအ၀င် ကျွန်တော်တို့ဒေသမှာ လက်နက်ရောင်းတာတွေအားလုံးကို ပထမဆုံး ရပ်ဖို့ လိုပါလိမ့်မယ်”
အင်္ဂါနေ့ အိမ်ဖြူတော်က အစည်းအဝေးမှာ အမေရိကန်နိုင်ငံခြားရေးဝန်ကြီး မိုက် ပွမ်ပီယိုက အီရန်ဟာ ဒုံးကျည်ကိစ္စအတွက် ဆွေးနွေးမှုလုပ်ဖို့ အဆင်သင့်ရှိနေပြီလို့ ပြောကြားခဲ့သလို၊ သမ္မတ ထရမ့်ကလည်း တိုးတက်မှုတွေ ရှိနေတယ်လို့ ဆိုပါတယ်။
ဒါပေမယ့် အီရန်အစိုးရ တာဝန်ရှိသူတွေကတော့ အမေရိကန်ရဲ့ ဒီပြောဆိုချက်တွေကို ငြင်းဆိုခဲ့ပါတယ်။
တံခါးဖွင့်ထားတယ်
NBC သတင်းထောက်က အရှေ့အလယ်ပိုင်းဒေသအတွင်း လက်နက်ကိုင်တပ်ဖွဲ့အချို့ကို အီရန်က ထောက်ပံ့နေမှုနဲ့ပတ်သက်ပြီး မေးမြန်းရာမှာ ဇာရစ်ဖ်က အမေရိကန်ရဲ့ အဓိကမဟာမိတ်ဖြစ်တဲ့ ဆော်ဒီရဲ့ လုပ်ရပ်တွေကို ထောက်ပြခဲ့ပါတယ်။
“ကျွန်တော် မေးကြည့်အုံးမယ်။ ယီမင်ကို ဘယ်သူဗုံးကြဲနေတာလဲ။ ဘာရိန်းကို ဘယ်သူ ကျူးကျော်တာလဲ။ တစ်ခြားတိုင်းပြည်ရဲ့ ၀န်ကြီးချုပ်တစ်ယောက်ကို အကျဉ်းချထားတာရော ဘယ်သူလဲ။ မြောက်အာဖရိကပြဿနာမှာ အီရန်ပါလား။ လစ်ဗျားက ပြဿနာရော ဘယ်သူလုပ်တာလဲ။ အီရန်က လစ်ဗျားကိစ္စမှာ ပါလို့လည်း။ ဆူဒန်မှာရော … အလ်ဂျီးရီးယားမှာရော … မတည်ငြိမ်မှုတွေ ဘာ့ကြောင့်ဖြစ်နေတာလဲ။ ကျွန်တော်တို့ဒေသမှာ မလိုမုန်းထားလုပ်ရပ်တွေကို ဘယ်သူလုပ်နေတာလဲဆိုတာ မှန်မှန်ကန်ကန်ကြည့်ဖို့ လိုပါတယ်။ အမေရိကန်အနေနဲ့ အီရန်ကို ပြစ်တင်နေမယ့်အစား ကိုယ့်ရဲ့မဟာမိတ်တွေကို ဆန်းစစ်ဖို့ လိုပါတယ်”
အီရန်ဟာ အမေရိကန်နဲ့ စစ်ဖြစ်ဖို့ မလိုလားဘူးလို့ ဇာရစ်ဖ်က ထည့်သွင်းပြောဆိုခဲ့ပြီး၊ ပိတ်ဆို့ထားမှုတွေကို ဖယ်ရှားကာ ဆွေးနွေးပွဲလုပ်ဖို့ ထရမ့်ကို တိုက်တွန်းခဲ့ပါတယ်။
“ပိတ်ဆို့မှုတွေကို ဖယ်ရှားလိုက်ရင် ညှိနှိုင်းဖို့အတွက် တံခါးလည်း ကျယ်ကျယ်ပွင့်သွားမှာပါ။ စားပွဲဝိုင်းကနေထွက်သွားတာက အမေရိကန်ပါ။ ပြန်လာဖို့ အမြဲတမ်း ကြိုဆိုနေပါတယ်”
ကိုယ့်ခြေထောက်ပေါ် ကိုယ်ရပ်တည်မယ်
အမေရိကန်ရဲ့ ထောက်လှမ်းရေးဒရုန်း တစ်စင်းကို အီရန် ဇွန်လအတွင်းမှာ ပစ်ချခဲ့ပြီးတဲ့နောက် သမ္မတထရမ့်က လက်တုန့်ပြန်တဲ့ အနေနဲ့ အီရန်ပစ်မှတ်တွေကို တိုက်ခိုက်ဖို့ အမိန့်ပေးခဲ့ပါတယ်။ ဒါပေမယ့် တိုက်ခိုက်ဖို့ နာရီပိုင်းအလိုမှာ အမိန့်ကို ပြန်ရုပ်သိမ်းခဲ့ပါတယ်။
ဒီလို ရုပ်သိမ်းမှုဟာ သံတမန်နည်းလမ်းနဲ့ သွားမယ်ဆိုတဲ့ သတင်းစကားတစ်ခု ဖြစ်မလားလို့ NBC သတင်းဌာနက မေးမြန်းရာမှာ ဇာရစ်ဖ်က သူ့အနေနဲ့ ဒီလိုမယူဆဘဲ မိမိကိုယ်ကိုယ် ကာကွယ်နိုင်တဲ့ တိုင်းပြည်တစ်ခုအပေါ် ရန်စကျူးကျော်မှု မလုပ်ဖို့ ဆုံးဖြတ်ချက်သာ ဖြစ်တယ်လို့ ဆိုပါတယ်။
“အီရန်ဟာ ကိုယ်ပိုင်ရင်းမြစ်တွေ၊ လုပ်နိုင်စွမ်းတွေနဲ့ ကိုယ်ပိုင်ပါရမီတွေကို အားကိုးပြီး တစ်ဖက်လှည့် ဖိအားတွေ၊ ကျူးကျော်မှုတွေကို ရင်ဆိုင်ဖို့ နည်းလမ်းရှာသွားမှာပါ”
၂၀၁၅ ခုနှစ် နျူသဘောတူညီချက်ကနေ နှုတ်ထွက်ပြီးတဲ့နောက် အမေရိကန်ဟာ အီရန်အပေါ် အရင်ကထက် ပိုမိုပြင်းထန်တဲ့ စီးပွားရေး ပိတ်ဆို့မှုတွေ လုပ်ခဲ့တာကြောင့် အီရန်စီးပွားရေး ဆိုးဆိုးဝါးဝါး ထိခိုက်ခဲ့သလို၊ အရေးပါတဲ့ ဆေးဝါး ပြတ်လတ်မှုတွေလည်း ဖြစ်ပေါ်ခဲ့ပါတယ်။
ဇာရစ်ဖ်ကတော့ ဒီဆောင်ရွက်မှုဟာ အီရန်ပြည်သူတွေအပေါ် လူသားချင်း စာနာထောက်ထားမှုဆိုင်ရာဖိအားတွေ ပေးလိုက်တာ ဖြစ်တယ်လို့ ပြောကြားခဲ့ပါတယ်။
“သူတို့ဟာ ကျွန်တော်တို့ရဲ့ ပြည်သူတွေအပေါ် အကြမ်းဖက်နေတာပါ။ သာမန် အရပ်သားပြည်သူတွေကို ပစ်မှတ်ထားနေတာဖြစ်ပြီး ဒါဟာ စစ်တိုက်တာထက် ဆိုးပါတယ်”
လေသံပျော့
ထရမ့်က အမေရိကန်အနေနဲ့ အီရန်အစိုးရ ပြုတ်ကျအောင် ဆောင်ရွက်နေတာ မဟုတ်ဘဲ နျူလက်နက်မရအောင် ဆောင်ရွက်ဖို့ စိတ်ပိုင်းဖြတ်ထားတယ်လို့ အင်္ဂါနေ့မှာ ပြောကြားခဲ့ပါတယ်။ ဒါဟာ အီရန်နဲ့ အမေရိကန်တို့ရဲ့ လတ်တလောတင်းမာမှုမှာ ထရမ့်ရဲ့လေသံ ပျော့သွားတာလည်း ဖြစ်ပါတယ်။
အီရန်အဓိပတိ အယာတိုလာ အလီ ခါမေနီက ဗြိတိန်၊ ဂျာမနီနဲ့ ပြင်သစ်တို့ဟာ ၂၀၁၅ သဘောတူညီချက်မှာပါတဲ့ သတ်မှတ်ချက်တွေကို လိုက်နာမှု မရှိတာကြောင့်၊ မိမိတို့လည်း စာချုပ်ပါ ကန့်သတ်ချက်တွေကို လိုက်နာတော့မှာ မဟုတ်ဘူးလို့ အင်္ဂါနေ့မှာ ပြောကြားခဲ့ပါတယ်။
“ဥရောပနိုင်ငံတွေဟာ သဘောတူညီချက် ၁၁ ချက်မှာ တစ်ခုမှ လိုက်နာခြင်းမရှိဘူးလို့ နိုင်ငံခြားရေးဝန်ကြီးက ပြောပါတယ်။ ကျွန်တော်တို့ကတော့ သူတို့လိုမဟုတ်ဘဲ ကတိက၀တ်တွေကို လိုက်နာပါတယ်။ အခုတော့ အဲဒီ ကတိက၀တ်တွေကို လိုက်နာတော့မှာ မဟုတ်ဘူးလို့ပြောတော့ သူတို့က လက်မခံဘူး။ လေးစားမှုမရှိတဲ့သူတွေ။ သူတို့ကြတော့ ကတိမတည်ကြဘူး”
နျူလက်နက် ထုတ်လုပ်နေတယ်ဆိုတဲ့ အမေရိကန်နဲ့ မဟာမိတ်တွေရဲ့ စွပ်စွဲချက်တွေကို အီရန်က တစ်စိုက်မတ်မတ် ငြင်းဆိုထားပါတယ်။ ၂၀၁၅ ခုနှစ် နျူသဘောတူညီချက်ပါ သတ်မှတ်ချက်တွေ လိုက်နာမှုကို တစ်ဖြည်းဖြည်း လျော့ချသွားပေမယ့် အမေရိကန် စာချုပ်ထဲ ပြန်ပါလာရင် မိမိတို့လည်း စာချုပ်အတိုင်း ဆက်သွားမယ်လို့လည်း အီရန်က ပြောကြားထားပါတယ်။
Ref: Aljazeera
