ဖေဖော်ဝါရီ ၂၅၊ ၂၀၁၉
M-Media
– အီရန်က စမ်းသပ်တဲ့ ဒုံးကျည်တွေနဲ့ လွှတ်တင်တဲ့ ဒုံးပျံတွေကို ဖျက်လိုဖျက်ဆီးလုပ်ဖို့ ရန်သူတွေက ကြိုးစားခဲ့ပေမယ့် မိမိတို့က ရှာဖွေဖော်ထုတ်နိုင်ခဲ့တယ်လို့ အီရန်တော်လှန်ရေးအစောင့်တပ်ဖွဲ့က ပြောကြားလိုက်ပါတယ်။
တော်လှန်ရေး အစောင့်တပ်ဖွဲ့ရဲ့ လေတပ်ဆိုင်ရာ တပ်မှူး အမိရ် အလီ ဟာဂျီဇာဒါဟ်က ရန်သူတွေဟာ အီရန်ဒုံးကျည်တွေကို ပစ်မှတ်မရောက်ဘဲ လေပေါ်မှာတင် ပေါက်ကွဲသွားဖို့အတွက် နိုင်ငံခြားကတင်သွင်းတဲ့ ပစ္စည်းတွေကနေတစ်ဆင့် လုပ်ဆောင်ခဲ့တယ်လို့ ဆိုပါတယ်။
“အစကတည်းက ဒီပစ်ချက်ကို ရှာဖွေတွေ့ရှိကာ ပြင်ဆင်ခဲ့တာကြောင့် သူတို့ ဒီလို ဖျက်လိုဖျက်ဆီး မလုပ်နိုင်ခဲ့ပါဘူး”
ဘယ်နိုင်ငံက ဆောင်ရွက်လဲဆိုတာကိုတော့ ဟာဂျီဇာဒါဟ်က အတိအကျ ပြောကြားခဲ့ခြင်း မရှိပါဘူး။
အီရန်ဟာ ၂၀၁၅ ခုနှစ် နျူသဘောတူညီချက်ကြောင့် သူတို့ရဲ့ နျူလုပ်ငန်းတွေကို ရပ်တန့်ထားပေမယ့် ဒုံးကျည်စီမံကိန်းကို ဆက်လက်လုပ်ဆောင်နေပါတယ်။
အခုလအစောပိုင်း နယူးယောက်တိုင်းမ်းစ် သတင်းစာရဲ့ သတင်းတစ်ပုဒ်မှာ အမေရိကန်ဟာ အီရန်ရဲ့ ဒုံးကျည်စီမံကိန်းကို ဖျက်ဆီးဖို့အတွက် နှစ်ပေါင်းများစွာ လျှို့ဝှက် ကြံစည်ခဲ့ပြီး ထရမ့်လက်ထက်မှာ ဒီလုပ်ငန်းကို အရှိန်မြှင့် ဆောင်ရွက်လာတယ်လို့ ဖော်ပြခဲ့ပါတယ်။
အမေရိသမ္မတ ဂျော့ဂ်ျ ဒဘလူဘုရ်ှလက်ထက်မှာ အီရန်ရဲ့ ဒုံးကျည်စီမံကိန်းထဲကို ချို့ယွင်းချက်တွေရှိနေတဲ့ အစိတ်အပိုင်းတွေ ရောက်သွားအောင် လုပ်ဆောင်ခဲ့တယ်လို့လည်း သတင်းစာမှာ ထည့်သွင်း ဖော်ပြခဲ့ပါတယ်။
အခုနှစ် ဇန်န၀ါရီ ၁၅ ရက်နဲ့ ဖေဖော်ဝါရီ ၅ ရက်နေ့တွေက ဒုံးကျည်စမ်းသပ်မှုတွေမှာ အီရန်ဟာ မအောင်မြင်မှုနဲ့ ကြုံတွေ့ခဲ့ရပါတယ်။
အမေရိကန်က အီရန်ရဲ့ ဒုံးကျည်စီမံကိန်းကို တားဆီးဖို့ လူသိရှင်ကြား ကြိုးစားနေပြီး ဒီဇင်ဘာလအတွင်း ပြုလုပ်ခဲ့တဲ့ ကုလရဲ့ လုံခြုံရေးကောင်စီ အစည်းအဝေးမှာ အီရန်ဒုံးကျည်စမ်းသပ်မှုတွေကို ပိတ်ပင်ဖို့အတွက် တောင်းဆိုခဲ့ပါတယ်။ ဒီ ဒုံးကျည်စီမံကိန်းကို အကြောင်းပြပြီး အမေရိကန်သမ္မတ ဒေါ်နယ်ထရမ့်က ပြီးခဲ့တဲ့နှစ် မေလမှာ နျူသဘောတူညီချက်နေ နှုတ်ထွက်ကာ အီရန်အပေါ် ပိတ်ဆို့မှုတွေ ပြန်လည် လုပ်ဆောင်ခဲ့ပါတယ်။
Ref: Aljazeera
