ဖေဖော်ဝါရီ ၁၇၊ ၂၀၁၉
M-Media
– မလေးရှားနိုင်ငံ ပီနန်မြို့က ဗလီဝတ်ကျောင်းတော်တစ်လုံးမှာ တရုတ်လူမျိုးတွေရဲ့ နှစ်သစ်ကူးအခမ်းအနားကို ကျင်းပခဲ့ပြီး ဘာသာပေါင်းစုံက ပြည်သူ ၃၀၀ လောက် တက်ရောက်ခဲ့ပါတယ်။
‘မလေးရှား တရုတ်မွတ်စလင်အသင်း’ ရဲ့ ပီနန်ဌာနခွဲ၊ Abdullah Fahim ဗလီဝတ်ကျောင်းတော်၊ ပြည်နယ် အစ္စလာမ့်ရေးရာ ဦးစီးဌာနတို့က ဒီအခမ်အနားကို ပူးပေါင်းကျင်းပတာ ဖြစ်ပါတယ်။
“ဒီ ပွဲတော်ကို ပီနန်ကျွန်းမှာ လွန်ခဲ့တဲ့နှစ် တော်တော်အကြာကတည်းက ကျင်းပခဲ့တာ ဖြစ်ပါတယ်။ ဒီနှစ်မှာတော့ ကျွန်းမကြီးဖြစ်တဲ့ ကပါလာဘာတက်စ်မှာ လုပ်ဖြစ်ပါတယ်။ ဒီပတ်ဝန်းကျင်က မွတ်စလင်နဲ့ မွတ်စလင်မဟုတ်သူတွေ ပိုမိုရင်းနှီးပြီး နားလည်မှုရှိဖို့အတွက် ဒီပွဲက အခွင့်အလမ်းကောင်းတစ်ခုပါပဲ” လို့ တရုတ်မွတ်စလင်အသင်း ဥက္ကဌ မိုဟာမက် ဖာအစ်ဇ် ဂန် အဘ်ဒူလာက ပြောကြားခဲ့ပါတယ်။
ဖာအစ်ဇ်ဟာ အစ္စလာမ်ဘာသာကို ပြောင်းလဲသက်ဝင်ခဲ့တဲ့ တရုတ်လူမျိုးတစ်ယောက် ဖြစ်ပါတယ်။ အတိတ်ကထက်စာရင် လက်ရှိကာလမှာ ဘာသာလူမျိုးမတူသူတွေဟာ ပိုမိုဝေးကွာလာတာကြောင့် ဒီလို တွေ့ဆုံပွဲတွေကို ဆက်လက်လုပ်ဆောင်သွားဖို့ လိုတယ်လို့လည်း သူက ထည့်သွင်းပြောဆိုခဲ့ပါတယ်။
တရုတ်နှစ်သစ်ကူးအခမ်းအနား တက်ရောက်လာသူတွေကို တရုတ်၊ မလေး အစားအစာတွေနဲ့ ဧည်ခံခဲ့ပါတယ်။
အသက် ၂၇ နှစ်အရွယ် အရောင်းစာရေး လင်ဆွေချင်က ဒီလိုပွဲမှာ ပါဝင်ရတဲ့အတွက် ပျော်ရွှင်တယ်လို့ ပြောကြားခဲ့ပါတယ်။
“ဗလီမှာ ဒီလိုပွဲတော်မျိုး လုပ်တာကိုမြင်ရတော့ ကျွန်တော် တော်တော်ပျော်ရွှင်ပြီး ပါဝင်ဆင်နွှဲခဲ့ပါတယ်”
အသက် ၃၀ အရွယ် စက်ပြင်ဆရာ ကေ ကူးမာရ်နဲ့ အသက် ၄၂ နှစ်အရွယ် မိုဟာမက် ဆဘ်ရီ အစ္စမာအီလ်တို့ကလည်း ဒီလိုပွဲတော်မျိုးကို ထောက်ခံခဲ့ပါတယ်။
“ဟာရီရာယာ (၀ါကျွတ်အီးဒ်) နေ့မှာလည်း ဗလီက ဒီလိုပွဲမျိုးလုပ်ပြီး မွတ်စလင်မဟုတ်သူတွေ ပါဝင်ဆင်နွှဲစေဖို့ ဖိတ်ခေါ်တာမျိုးကို လုပ်ဖို့ ကျွန်တ်ာမျှော်လင့်ပါတယ်” လို့ မိုဟာမက် ဆဘ်ရီက ပြောကြားခဲ့ပါတယ်
Abdullah Fahim ဗလီက တရုတ်နှစ်ကူးအခမ်းအနားကို ပီနန် ဒုတိယ၀န်ကြီးချုပ် ဒါတွတ် အဟ်မဒ် ဇာကီယူဒင် အဘ်ဒူလ် ရဟ်မန်၊ မလေးရှား တရုတ်မွတ်စလင်အသင်း ပီနန်ဌာနခွဲက ဥက္ကဌဟောင်း အက်ရ်ှရက်ဖ် တန်ဟွေမင်တို့လည်း တက်ရောက်ခဲ့ကြပါတယ်။
Ref: The Star
