ဖေဖော်ဝါရီ ၇၊ ၂၀၁၉
တိုက်ပွဲကြောင့်ထွက်ပြေးရသည့် ပြည်သူများ (Photo Credit – ဧရာဝတီ) – ချင်းပြည်နယ် ပလက်ဝမြို့နယ်အတွင်း မြန်မာစစ်တပ်နဲ့ AA တပ်ဖွဲ့တွေ တိုက်ခိုက်မှုကြောင့် အိုးအိမ်စွန့်ခွာထွက်ပြေးရတဲ့ ရခိုင်နဲ့ ချင်းလူမျိုးတွေဟာ ဘင်္ဂလားဒေ့ရ်ှနိုင်ငံထဲ ၀င်ရောက်ခိုလှုံနေရပြီး အကူအညီတွေ လိုအပ်နေတယ်လို့ သိရပါတယ်။
ဘင်္ဂလားဒေ့ရ်ှနိုင်ငံ ဘန်ဒါဘန်ခရိုင် လူ့အခွင့်အရေးကော်မရှင်အဖွဲ့ဝင် ဦးဝင်းသိန်းက ရီမက္ကရီ ဘင်္ဂလားဒေ့ရှ် နယ်ခြားစောင့်စခန်းနဲ့ ၁၁ ကီလိုမီတာအကွာ သူအီဆာရွာငယ်လေးမှာ မြန်မာဖက်က ထွက်ပြေးလာတဲ့ ဒုက္ခသည်တွေနဲ့ တွေ့ဆုံခဲ့တယ်လို့ ဆိုပါတယ်။
ပလက်ဝဒေသ အထက်ပိုင်း ခမောင်းဝကျေးရွာနဲ့ ကင်းသလင်းရွာက နေအိမ်တွေကို မြန်မာစစ်တပ်က မီးရှို့ခဲ့တယ်လို့ ဒုက္ခသည်တွေ ဦးဝင်းသိန်းကို ပြောကြားခဲ့ပါတယ်။ ဘန်ဒါဘန်ခရိုင်က ရူမာမြို့နယ်ကို တနင်္ဂနွေနေ့က ချင်းလူမျိုး ၁၂၄ ဦးရောက်ရှိလာခဲ့ပြီး တနင်္လာနေ့မှာ ရခိုင်လူမျိုး ၁၂၆ ဦး ရောက်လာခဲ့ပါတယ်။
ဦးဝင်းသိန်းက ထွက်ပြေးလာရသူတွေထဲမှာ မွေးကင်းစတွေအပါအ၀င် ကလေးငယ် ၆၀ လောက် ရှိနေကြောင်း၊ နွေးထွေးတဲ့ အ၀တ်အစားတွေ မရှိတဲ့အတွက် နမိုးနီးယားရောဂါအန္တရာယ်နဲ့ ရင်ဆိုင်နေရပြီး တနင်္လာနေ့မှာ ကလေးငယ် ၅ ဦး သတိလစ် မေ့မြောသွားခဲ့ကြောင်း ပြောကြားခဲ့ပါတယ်။
“သူတို့နေထိုင်နေတဲ့ဒေသဟာ ဖုန်းကွန်ယက်မရှိတဲ့ဒေသ ဖြစ်တာကြောင့် အခု အဲဒီမှာ ဘာတွေဖြစ်နေလဲဆိုတာကို မသိရသေးပါဘူး”
ရူမာမြို့က တက်ကြွလှုပ်ရှားသူ ဦးအေးထွန်းက ရီမက္ကရီဒေသမှာရှိတဲ့ ရခိုင်နဲ့ ချင်းဒုက္ခသည်တွေကို သွားရောက်တွေ့ဆုံခဲ့ပြီး တာပေါ်လင်စတွေ ပို့ပေးဖို့ စီစဉ်နေတယ်လို့ ပြောပါတယ်။
ဘင်္ဂလားဒေ့ရ်ှက မရမာလူမျိုးတွေဟာ ဒုက္ခသည်တွေကို စားနပ်ရိက္ခာတွေ ကူညီပေးနေပြီး၊ ဘင်္ဂလားဒေ့ရ်ှအာဏာပိုင်တွေက ဗုဒ္ဓဟူးနေ့အထိ ထောက်ပံ့မှုမရှိသေးကြောင်း၊ ဘင်္ဂလားဒေ့ရှ် နယ်ခြားစောင့်တပ်ဖွဲ့တွေက ဒုက္ခသည်တွေကို နေထိုင်ခွင့်ပေးထားကြောင်း ဦးအေးထွန်းက ထည့်သွင်းပြောဆိုခဲ့ပါတယ်။
“တောထူတဲ့ဒီဒေသမှာ လူကြီးတွေတောင် အနွေးထည်မရှိရင် မခံနိုင်တာ ကလေးတွေ မြေကြီးပေါ်မှာ စောင်မရှိ၊ ဘာမရှိနဲ့ အိပ်ရတယ်ဆိုတော့ စဉ်းစားသာကြည့်တော့ဗျာ”
ဘန်ဒါဘန်ခရိုင် လူ့အခွင့်အရေးကော်မရှင်အဖွဲ့ဝင် ဦးအေးသိန်းက မိသားစု ၄၀ လောက်နေထိုင်တဲ့ ကင်းသလင်းရွာနဲ့ မိသားစု ၆၀ လောက်နေထိုင်တဲ့ ခမောင်းဝရွာက အိမ်တွေကို မြန်မာစစ်တပ်က မီးရှို့ခဲ့ကြောင်း ဒုက္ခသည်တွေက ဖွင့်ဟခဲ့တယ်လို့ ပြောကြားခဲ့ပါတယ်။
ပလက်ဝဒေသနဲ့ ရခိုင်ပြည်နယ်မှာ ပြီးခဲ့တဲ့နှစ်နှောင်းပိုင်းကတည်းက မြန်မာစစ်တပ်နဲ့ AA တို့အကြား တိုက်ပွဲတွေ ဖြစ်ပွားခဲ့တာကြောင့် ဒေသခံပြည်သူတွေဟာ အိုးအိမ်းစွန့်ခွာ ထွက်ပြေးနေရပါတယ်။
AA ပြောရေးဆိုခွင့်ရှိသူ ခိုင်သုခက သူတို့ရဲ့ ထိန်းချုပ်မှုအောက်မှာ လူ ၁၂၀ လောက်ကို စောင့်ရှောက်ပေးထားတယ်လို့ ဧရာဝတီသတင်းဌာနကို ပြောကြားခဲ့ပါတယ်။
လတ်တလောကာလအတွင်း ဘင်္ဂလားဒေ့ရ်ှအာဏာပိုင်တွေက မြန်မာသံအမတ်ကို ၂ ကြိမ်တိုင်တိုင် ဆင့်ခေါ်ခဲ့ပြီး ဒုက္ခသည်တွေ ထပ်ရောက်လာမှုကိစ္စကို ဆွေးနွေးခဲ့တယ်လို့ ဦးအေးသိန်းက ပြောကြားခဲ့ပါတယ်။
“ဘင်္ဂလားဒေ့ရ်ှဖက်ကို ဒုက္ခပေးနေတယ်ဆိုပြီး မြန်မာစစ်တပ်ကို ဘင်္ဂလားဒေ့ရ်ှဘာဏာပိုင်တွေက တော်တော်လေး မကျေမချမ်းဖြစ်နေပါတယ်”
ဘင်္ဂလားဒေ့ရ်ှဟာ မြန်မာနိုင်ငံက ထွက်ပြေးလာရတဲ့ ရိုဟင်ဂျာ ၈ သိန်းကို ခိုလှုံခွင့်ပေးထားရပြီး သူတို့တွေနေရပ်ပြန်နိုင်ရေးကိစ္စ မြန်မာအစိုးရနဲ့ သဘောတူထားပေမယ့် အကောင်အထည်မဖော်နိုင်သေးပါဘူး။
Ref: Irrawaddy
(ဧရာဝတီသတင်းဌာန အင်္ဂလိပ်ပိုင်းမှသတင်းကို ကောက်နှုတ်ပြန်ဆိုပါသည်)
