ဖေဖော်ဝါရီ ၇၊ ၂၀၁၉
M-Media
– ဇန်န၀ါရီ ၂၁ ရက်နေ့က လေယာဉ်ပျက်မှုမှာ ပါဝင်ခဲ့တဲ့ ကာဒစ်ဖ်စီးတီးအသင်း တိုက်စစ်မှူးသစ် အီမီလီယာနို ဆာလာရဲ့ ရုပ်အလောင်းကို ဆယ်ယူနိုင်ပြီလို့ ရှာဖွေကယ်ဆယ်ရေးအဖွဲ့က ပြောကြားလိုက်ပါတယ်။
အသက် ၂၈ နှစ်အရွယ် ဆာလာဟာ ကာဒစ်ဖ်စီးတီးနဲ့ ပေါင် ၁၅ သန်းတန် အပြောင်းအရွှေ့စာချုပ် ချုပ်ဆိုပြီး ၂ ရက်အကြာ ပြင်သစ်က မိခင်ကလပ် နန်တီစ်ကို အလည်သွားရာကနေ ပြန်အလာမှာ ဒီလိုအဖြစ်ဆိုးနဲ့ ကြုံတွေ့ခဲ့ရတာ ဖြစ်ပါတယ်။
ဆာလာနဲ့ အသက် ၅၉ နှစ်အတွက် လေယာဉ်မှူး ဒေးဗစ် အီဘော့တ်ဆန်တို့ စီးနင်းလာတဲ့ Piper Malibu N264DB လေယာဉ်ငယ်ဟာ အင်္ဂလိပ်ရေလက်ကြားကို ဖြတ်ပျံနေစဉ် ဆက်သွယ်မှု ပြတ်တောက်သွားတာပါ။ အာဏာပိုင်တွေက ပျက်ကျသွားတဲ့လေယာဉ် ရှာဖွေမှုကို ဇန်န၀ါရီ ၂၄ ရက်နေ့မှာ ရပ်ဆိုင်းခဲ့ပြီး လေယာဉ်ပေါ် လိုက်ပါသွားသူတွေ အသက်ရှင်သန်နိုင်မယ့် အခွင့်အလမ်း အလွန်နည်းသွားပြီလို့ ပြောကြားခဲ့ပါတယ်။
ဒါပေမယ့် ပုဂ္ဂလိက ရှာဖွေရေးအဖွဲ့က ဆက်လက်ရှာဖွေခဲ့ရာမှာ ပြီးခဲ့တဲ့ သီတင်းပတ်အတွင်း တွေ့ရှိခဲ့ပါတယ်။ ပထမပိုင်းမှာ လေယာဉ်တစ်ခုလုံးကို ပြန်လည်ဆယ်ယူဖို့ စီစဉ်ခဲ့ပေမယ့် အဆင်မပြေတာကြောင့် အလောင်းတွေကိုသာ ဆယ်ခဲ့တယ်လို့ ရှာဖွေရေး တာဝန်ရှိသူတွေက ပြောကြားခဲ့ပါတယ်။
အလောင်းတွေကို တတ်နိုင်သမျှ လူ့ဂုဏ်သိက္ခာနဲ့လျော်ညီစွာ ဆယ်ယူခဲ့ပြီး ကျန်ရစ်သူမိသားစုတွေကို အသေးစိတ် အသိပေးထားတယ်လို့ ဆိုပါတယ်။ လက်ရှိမှာ ရုပ်အလောင်းတွေကို သေမှုသေခင်းစစ်ဆေးသွားမှာဖြစ်ကာ နောက်ပိုင်းမှာ မိသားစုထံ လွှဲပြောင်းပေးလို့ တာဝန်ရှိသူတွေက ပြောကြားခဲ့ပါတယ်။
ကာဒစ်ဖ်အသင်းဟာ ဆာလာကို အသင်းသမိုင်းတစ်လျှောက် စံချိန်တင်ပြောင်းရွှေ့ကြေးနဲ့ ခေါ်ယူခဲ့တာဖြစ်ပါတယ်။
Ref: BBC