ဇန်န၀ါရီ ၁၈၊ ၂၀၁၉
M-Media
ကွယ်လွန်သူနှစ်ဦး ဈာပနအခမ်းအနားမြင်ကွင်း
– လွန်ခဲ့တဲ့ ၄ နှစ်က ရှမ်းပြည်နယ်မြောက်ပိုင်းမှာ အဓမ္မပြုကျင့် သတ်ဖြတ်ခံခဲ့ရတဲ့ ကချင်ကျောင်းဆရာမ ၂ ဦးကိစ္စ အမှုမှန်ပေါ်ရေး နှေးကွေးနေပေမယ့် အမှန်တရားပေါ်လာအောင် ဆောင်ရွက်သွားမယ်လို့ သက်ဆိုင်သူတွေနဲ့ တက်ကြွလှုပ်ရှားသူတွေက ပြောကြားကြောင်း Frontier Myanmar က ဒီကနေ့ လွှင့်တင်တဲ့ သတင်းဆောင်းပါးတစ်ပုဒ်မှာ ဖော်ပြထားပါတယ်။
အသက် ၂၀ အရွယ် Maran Lu Ra နဲ့ အသက် ၂၁ နှစ်အရွယ် Tangbau Hkwan Nan Tsin တို့ဟာ ကချင်နှစ်ခြင်းအသင်းတော် KBC က လုပ်အားပေး ဆရာမတွေ ဖြစ်ကြပြီး ကောင်းခါးရွာမှာ တာဝန်ထမ်းဆောင်နေစဉ် ၂၀၁၅ ခုနှစ် ဇန်န၀ါရီ ၁၉ ရက်နေ့မှာ အဓမ္မပြုကျင့် သတ်ဖြတ်ခံခဲ့ရတာ ဖြစ်ပါတယ်။
အလောင်းမှာ ဓားဒဏ်ရာတွေ၊ ဦးခေါင်းဒဏ်ရာတွေကို တွေ့ခဲ့ရပြီး အခင်းဖြစ်ပွားခဲ့တဲ့ညဘက်မှာ သူတို့နေထိုင်ရာတဲက အော်သံတွေ ကြားရတယ်လို့ ရွာသားတွေက ပြောပါတယ်။
အခင်းမဖြစ်ပွားမီ ၂ ရက်အရင်က ကောင်းခါးကျေးရွာနဲ့ မီတာ ၁၀၀ အကွာမှာ အမှတ် ၅၀၃ ခြေမြန်တပ်ရင်းက ယာယီစခန်းလာချတာ၊ အခင်းဖြစ်ပွားရာနေရာမှာ စစ်တပ်ကထုတ်ပေးထားတဲ့ ခါးပတ်၊ တဲပတ်ဝန်းကျင်မှာ စစ်ဖိနပ်ရာတွေ တွေ့ရတာကြောင့် မြန်မာစစ်တပ်က စစ်သားတွေ ကျူးလွန်တာလို့ သံသယရှိခဲ့ကြပါတယ်။
KBC က ဒီအဖြစ်အပျက်ဖြစ်ပွားတာ ၄ နှစ်ကြာခဲ့ပြီး ရဲတပ်ဖွဲ့ရဲ့ စုံစမ်းစစ်ဆေးမှုတွေဟာ တိုးတက်မှု မရှိပေမယ့် အမှန်တရားကို ဆက်လက်ဖော်ထုတ်သွားမယ်လို့ ပြောကြားခဲ့ပါတယ်။
“ဒီကိစ္စနဲ့ပတ်သက်ပြီး ကျွန်တော်တို့ ဘာမှ ထပ်လုပ်လို့ မရပါဘူး။ အာဏာပိုင်တွေအပေါ်မှာပဲ မူတည်ပါတယ်” လို့ KBC ရဲ့ အထွေထွေအတွင်းရေးမှူး သိက္ခာတော်ရဆရာတော် Samson Hkalam က Frontier သတင်းဌာနကို ဇန်န၀ါရီ ၉ ရက်နေ့မှာ ပြောကြားခဲ့ပါတယ်။
မူဆယ်မြို့နယ် ရဲတပ်ဖွဲ့က ကောင်းခါးကျေးရွာက ရွာသားနှစ်ဦး ကျူးလွန်တာဖြစ်ပြီး သူတို့ဟာ KIO ထိန်းချုပ်တဲ့နယ်မြေထဲ ထွက်ပြေးသွားကြောင်း ပြောကြားခဲ့တယ်လို့ KBC က ဆိုပါတယ်။
၂၀၁၈ ခုနှစ် ဇူလိုင်လက စာနယ်ဇင်းကောင်စီနဲ့ တွေ့ဆုံစဉ်အတွင်း ကာကွယ်ရေးဦးစီးချုပ် ဗိုလ်ချုပ်မှူး မင်းအောင်လှိုင်က ဒီအဓမ္မပြုကျင့် သတ်ဖြတ်မှုဟာ ကချင်လွတ်မြောက်ရေးတပ်ဖွဲ့ KIA အဖွဲ့ဝင်တွေရဲ့ လက်ချက်ဖြစ်ပြီး DNA စစ်ဆေးမှုအရ အစိုးရတပ်က စစ်သားတွေ မဟုတ်ဘူးဆိုတာ တွေ့ရတယ်လို့ ပြောကြားခဲ့ပါတယ်။
၂၀၁၇ ခုနှစ် ဇန်န၀ါရီက ၂ နှစ်ပြည့် အောက်မေ့ဖွယ်အခမ်းအနားကို တက်ရောက်လာတဲ့ NLD ပါတီက အမျိုးသမီး လွှတ်တော်ကိုယ်စားလှယ် အဖွဲ့က အမှန်တရားကို ဖော်ထုတ်ပေးမယ်လို့ ပြောကြားခဲ့ကြောင်း Samson Hkalam က ပြောပါတယ်။
ကချင် ငြိမ်းချမ်းရေးကွန်ယက်က ဒေါ်ခွန်ဂျာက တပ်မတော် ယာယီစခန်းချတဲ့နေရာကို KIA တပ်ဖွဲ့တွေ သွားရောက်တယ်ဆိုတာ မဖြစ်နိုင်ကြောင်း ပြောကြားခဲ့ပါတယ်။
“အဲဒီအချိန်တုန်းက တိုင်းရင်းသားလက်နက်ကိုင်အားလုံးဟာ လူထုရဲ့ထောက်ခံမှုကို လိုချင်နေတဲ့အချိန်ပါ။ ဒီကိစ္စအတွက် KIA မှာ တာဝန်ရှိတယ်လို့ ကျွန်မ မယုံကြည်ပါဘူး”
ကျူးလွန်သူတွေဟာ အရပ်သားအစိုးရလက်အောက်မှာ အရေးယူ အပြစ်ပေး ခံရလိမ့်မယ်ဆိုတဲ့ မျှော်လင့်ချက်တွေကလည်း ရွာသားတွေကြားထဲမှာ မှေးမှိန်လာတယ်လို့ သူမက ထည့်သွင်း ပြောဆိုခဲ့ပါတယ်။
KBC က ၄ နှစ်ပြည့် အောက်မေ့ဖွယ်အခမ်းအနားကို ဇန်န၀ါရီ ၁၉ ရက်နေ့ ကောင်းခါးရွာမှာ ကျင်းပပြုလုပ်ဖို့ စီစဉ်ထားပြီး ကချင်လူငယ်အဖွဲ့တွေကလည်း တရားမျှတမှုရရှိရေး တောင်းဆိုဖို့ ရှိနေပါတယ်။
ကချင်လူငယ်အဖွဲ့အစည်းတစ်ခုဖြစ်တဲ့ Kachin Youth Movement ကော်မတီ ခေါင်းဆောင် Sut Seng Htoi က ကချင်ပြည်သူတွေဟာ ဒီကိစ္စကို ဘယ်တော့မှ မေ့မှာမဟုတ်ဘဲ သတ်ဖြတ်သူတွေကို ရှာဖွေဖော်ထုတ်ရေး အာဏာပိုင်တွေကို တိုက်တွန်းသွားမယ်လို့ ပြောကြားခဲ့ပါတယ်။
“တရားမျှတရေး တောင်းဆိုမှုကို ဒီနှစ်မှာ ကျွန်မတို့ တိုးချဲ့လုပ်ဆောင်သွားမှာပါ”
Ref: Frontier Myanmar
(Frontier Myanmar ၏ သတင်းဆောင်းပါးကို ကောက်နှုတ် ဘာသာပြန်ဆိုပါသည်)
