စက်တင်ဘာ ၁၈၊ ၂၀၁၈
M-Media
ထိပ်သီးအစည်းအဝေးအတွက် တောင်ကိုရီးယားသမ္မတ မြောက်ကိုရီးယားသို့ ရောက်ရှိ
=================
မြောက်ကိုရီးယားခေါင်းဆောင် ကင်ဂျုံအွန်နဲ့ တွေ့ဆုံဖို့အတွက် တောင်ကိုရီးယားသမ္မတ မွန်ဂျယ်အင်ဟာ မြောက်ကိုရီးယားမြို့တော် ပြုံးယမ်ကို ဒီကနေ့မနက်မှာ ရောက်ရှိလာခဲ့ပြီး မွန်ကို ကင်က နွေးထွေးစွာ ပွေ့ဖက်ကြိုဆိုခဲ့ပါတယ်။ လေဆိပ်မှာ ရာနဲ့ချီတဲ့ မြောက်ကိုရီးယားပြည်သူတွေဟာ မြောက်ကိုရီးယားအလံ၊ ကိုရီးယားကျွန်းဆွယ် အလံတွေကို ဝှေ့ယမ်းကာ ကြိုဆိုခဲ့ကြပါတယ်။ မွန်ဟာ ပြုံးယမ်မှာ ၃ ရက်ကြာနေထိုင်ကာ ဆွေးနွေးမှာ ဖြစ်ပါတယ်။ မွန်နဲ့ ကင်တို့ဟာ ဧပြီလနဲ့ မေလတွေမှာ နှစ်နိုင်ငံနယ်စပ် အပစ်ရပ်ရွာမှာ နှစ်ကြိမ်တိုင်တိုင် တွေ့ဆုံဆွေးနွေးခဲ့ကြပါတယ်။
ဆီးရီးယားတွင် ရုရှားစစ်လေယာဉ်တစ်စီး ပျောက်ဆုံး
===========
ဆီးရီးယားနိုင်ငံ လာတာကီးယားပြည်နယ်မှာ တနင်္လာနေ့ညပိုင်း အစ္စရေးက လေကြောင်းကနေ တိုက်ခိုက်မှု ပြုလုပ်စဉ် စစ်သည် ၁၄ ဦးလိုက်ပါသွားတဲ့ မိမိတို့ စစ်လေယာဉ်တစ်စင်း ပျောက်ဆုံးသွားတယ်လို့ ရုရှားက သတင်းထုတ်ပြန်ပါတယ်။ အစ္စရေးရဲ့လက်ချက်ကြောင့်လို့ သတင်းတွေထွက်နေပေမယ့် အတည်ပြုမပြုနိုင်သေးဘဲ ရုရှားက ရှာဖွေရေးလုပ်ငန်းတွေ လုပ်ဆောင်နေပါတယ်။ လာတာကီယာမှာ အစ္စရေးရဲ့တိုက်ခိုက်မှုဟာ ၁ နာရီလောက်ကြာခဲ့ပြီး မြေထဲပင်လယ်မှာရှိတဲ့ ပြင်သစ် ဖရီးဂိတ်ရေယာဉ်ကနေ ဒုံးကျည်တွေနဲ့ ပစ်ခတ်ခဲ့တယ်လို့လည်း ရုရှားက ပြောပါတယ်။
တရုတ်ပို့ကုန်များအပေါ် စည်းကြပ်ခွန်ပမာဏကို အမေရိကန်တိုးမြှင့်
===================
တရုတ်နိုင်ငံက တင်သွင်းတဲ့ ကုန်ပစ္စည်းတန်ဖိုး အမေရိကန်ဒေါ်လာ ဘီလီယံ ၂၀၀ အတွက် စည်းကြပ်ခွန် ၁၀ ရာခိုင်နှုန်း ကောက်ခံသွားမယ်လို့ အမေရိကန်သမ္မတ ဒေါ်နယ်ထရမ့်က မနေ့မှာ ပြောကြားလိုက်ပါတယ်။ ပထမ ဘီလီယံ ၅၀ ကနေ အခု ဘီလီယံ ၂၀၀ ဖြစ်လာတာဖြစ်ပြီး တရုတ်က ပြန်လည်တုန့်ပြန်သွားမှာဆိုရင် နောက်ပိုင်းမှာ ၂၆၇ ဘီလီယံတန်ဖိုးအထိ စည်းကြပ်ခွန် ကောက်သွားမယ်လို့ ထရမ့်က ဆိုပါတယ်။ အခု စည်းကြပ်ခွန်ကို စက်တင်ဘာ ၂၄ ရက်နေ့ကနေ စတင်ကောက်ခံသွားမှာဖြစ်ပြီး အခုနှစ်ကုန်ပိုင်းမှာ ၂၅ ရာခိုင်နှုန်းအထိ တိုးကောက်ဖို့ စီစဉ်နေပါတယ်။
နိုက်ဂျီးရီးယားရေကြီးမှု လူ ၁၀၀ ကျော်သေဆုံး
==================
နိုင်ငံဂျီးရီးယားနိုင်ငံတစ်ဝှမ်းမှာ မိုးသည်းထန်စွာ ရွာသွန်းပြီး ရေကြီးရေလျှံမှုတွေကြောင့် ပြည်နယ် ၁၀ ခုမှာ အနည်းဆုံး လူ ၁၀၀ လောက် သေဆုံးခဲ့ပြီး အဆောက်အဦး ပျက်ဆီးဆုံးရှုံးတာတွေလည်း ရှိခဲ့ပါတယ်။ ပြည်နယ် ၄ ခုကို ‘သဘာဝဘေးအန္တရာယ် အရေးပေါ်အခြေအနေ’ ကြေငြာခဲ့ပြီး ပြည်ထောင်စုအစိုးရက ဦးဆောင်ကာ ရှာဖွေကယ်ဆယ်ရေးတွေ လုပ်ဆောင်သွားမှာ ဖြစ်ပါတယ်။ မတ်လကနေ စက်တင်ဘာလအထိ ကြာမြင့်တဲ့ နိုက်ဂျီးရီးယားမိုးရာသီမှာ ရေကြီးရေလျှံမှုဟာ နှစ်စဉ် ဖြစ်ပေါ်လေ့ရှိပြီး ယခုနှစ်ဖြစ်ပွားမှုဟာ ၂၀၁၂ ခုနှစ်နောက်ပိုင်း အဆိုးဝါးဆုံးဖြစ်ပါတယ်။
Ref: CNA, Aljazeera, RT
