စက်တင်ဘာ ၅၊ ၂၀၁၈
M-Media
– ဗြိတိန်သူလျှိုဟောင်း ဆာဂျီ စကရီပဲလ်နဲ့ သူ့ရဲ့ သမီးဖြစ်သူ ယူလီယာတို့ကို အဆိပ်ဓာတ်ငွေ့နဲ့ လုပ်ကြံဖို့ ကြိုးစားခဲ့တဲ့ သံသယရှိသူနှစ်ဦးရဲ့ အမည်နဲ့ ဓာတ်ပုံတွေကို ဗြိတိန်က ထုတ်ပြန်လိုက်ပါတယ်။
အလက်ဇန်းဒါး ပီထရော့ဗ်နဲ့ ရုစ်လန် ဘိုရှီရော့ဗ်ဆိုတဲ့ အမည်တွေကို သုံးစွဲတဲ့ ရုရှားနိုင်ငံသားတွေဖြစ်ပြီး တရားစွဲဖို့ လုံလောက်တဲ့ အထောက်အထားတွေ ရရှိထားတယ်လို့ စကော့တလန်ယာ့ဒ်အဖွဲ့နဲ့ CPS အဖွဲ့တို့က ပြောကြားခဲ့ပါတယ်။
ဗြိတိန်ဝန်ကြီးချုပ် ထရီဇာမေက ဒီနှစ်ဦးဟာ ရုရှားစစ်ဖက်ထောက်လှမ်းရေး အရာရှိတွေဖြစ်တယ်လို့ ယူဆရကြောင်း၊ တိုက်ခိုက်မှုကို ရုရှားအစိုးရရဲ့ အကြီးတန်းပုဂ္ဂိုလ်က အတည်ပြုခဲ့တာ သေချာကြောင်း ပြောကြားခဲ့ပါတယ်။
အသက် ၆၆ နှစ်အရွယ် စကရီပဲလ်နဲ့ သမီးဖြစ်သူ ၃၃ နှစ်အရွယ် ယူလီယာတို့ဟာ မတ်လက ဆေလ်းစ်ဘူရီမြို့မှာ အဆိပ်ဓာတ်ငွေ့နဲ့ လုပ်ကြံခံခဲ့ရပြီး ဒါဟာ ရုရှားထောက်လှမ်းရေးလက်ချက်ဖြစ်တယ်လို့ ဗြိတိန်က စွပ်စွဲခဲ့ပါတယ်။ တိုက်ခိုက်မှုအတွင်း သူတို့ သားအဖနှစ်ယောက်စလုံး အသက်ဘေးက လွတ်ခဲ့ပါတယ်။
ရုရှားဖက်ကတော့ ဒီစွပ်စွဲချက်ကို ငြင်းဆိုခဲ့ပါတယ်။
ဇွန်လ ၃၀ ရက်နေ့က ဆေးလ်စ်ဘူရီနဲ့ သိပ်မဝေးတဲ့ အေမက်စ်ဘူရီမြို့မှာ နောက်ထပ် လူ နှစ်ဦး အဆိပ်ဓာတ်ငွေ့နဲ့ တိုက်ခိုက်ခံရပြီး အဲဒီထဲကတစ်ဦး သေဆုံးခဲ့ပါတယ်။ ဗြိတိန်ရဲတပ်ဖွဲ့က ဒါဟာ ဆေးလ်စ်ဘူရီက တိုက်ခိုက်မှုနဲ့ ဆယ်နွယ်တယ်လို့ ယူဆခဲ့ပါတယ်။
ရုရှားနိုင်ငံခြားရေးဝန်ကြီးဌာနက ဗြိတိန်ကနေ ထုတ်ပြန်တဲ့ အမည်တွေ၊ ဓာတ်ပုံတွေဟာ ရုရှားနဲ့ ဘာမှမဆိုင်ကြောင်း၊ စကရီပဲလ်တို့ တိုက်ခိုက်ခံရမှုမှာ ရုရှားက ပါဝင်ပတ်သက်တယ်ဆိုတဲ့ စွပ်စွဲချက်တွေဟာ အခြေအမြစ်မရှိကြောင်း တုန့်ပြန်ပြောကြားခဲ့ပါတယ်။
Ref: BBC,RT
