သြဂုတ် ၂၆၊ ၂၀၁၈
M-Media
အာချေးမှ ဗလီဝတ်ကျောင်းတော်တစ်လုံး
– ဗလီဝတ်ကျောင်းတော်က ၀တ်ပြုဖို့နှိုးဆော်တဲ့ အာဇန်သံနဲ့ပတ်သက်ပြီး အငြင်းပွားမှုတွေ ဖြစ်ပွားခဲ့ပြီးတဲ့နောက် အင်ဒိုနီးရှား သာသနာရေးဝန်ကြီးဌာနက ဗလီတွေ လိုက်နာရမယ့် သတ်မှတ်ချက်အသစ်တွေ ထုတ်ပြန်လိုက်ပါတယ်။
အသံချဲ့စက်အသုံးပြုတဲ့ အာဇန်နှိုးဆော်သံဟာ ကျယ်လွန်းတယ်လို့ အွန်လိုင်းဆွေးနွေးမှုတစ်ခုမှာ ၀င်ရောက်ပြောဆိုခဲ့တဲ့ အသက် ၄၄ နှစ်အရွယ် တရုတ်လူမျိုး ဗုဒ္ဓဘာသာဝင် အမျိုးသမီးကို သာသနာ ညှိုးနွမ်းစေမှုနဲ့ အခုတစ်ပတ် အစောပိုင်းမှာ မီဒန်မြို့ တရားရုံးက ထောင်ဒဏ် တစ်နှစ်ခွဲ ချမှတ်ခဲ့ပါတယ်။
ဒီကိစ္စအတွက် ဝေဖန်မှုတွေ ရှိခဲ့ပြီး အင်ဒိုနီးရှားနိုင်ငံရဲ့ အကြီးဆုံး အစ္စလာမ့်ရေးရာအဖွဲ့ ‘နဒ်လာသွလ် အိုလမာ’ က အာဇန်သံကျယ်လွန်းကြောင်း ပြောဆိုမှုဟာ သူမရဲ့အမြင်ကို ချပြတာသာဖြစ်ပြီး ရာဇ၀တ်မှုမမြောက်ကြောင်း၊ အင်ဒိုနီးရှားလို ဗဟုလူ့အဖွဲ့အစည်းမှာ မွတ်စလင်တွေအနေနဲ့ အပြုသဘောဆောင်တဲ့ ဝေဖန်အကြံပြုမှုတွေကို ကြိုဆိုရမှာဖြစ်ကြောင်း သောကြာနေ့မှာ ကြေငြာချက် ထုတ်ပြန်ခဲ့ပါတယ်။
“ဗလီများ၊ ၀တ်ပြုဆောင်များ၌ လော်စပီကာအသုံးပြုမှု သတ်မှတ်ချက်များ” ဆိုတဲ့ ခေါင်းစဉ်နဲ့ အင်ဒိုနီးရှား သာသနာရေးဝန်ကြီးဌာနက ထုတ်ပြန်မှုမှာ အိပ်စက်အနားယူချိန်၊ ၀တ်ပြုဆုတောင်းချိန်တွေမှာ ဗလီဝတ်ကျောင်းတော်တွေအနေနဲ့ အာဇန်နှိုးဆော်သံကလွဲလို့ တခြား ဘယ်လို ကိစ္စမျိုး၊ အခမ်းအနားမျိုးကိုမှ လော်စပီကာတွေ အသုံးမပြုဖို့ တားမြစ်ထားပါတယ်။
လော်စပီကာ အသုံးပြုမှုနဲ့ပတ်သက်ပြီး လိုက်နာရမယ့် စည်းကမ်းသတ်မှတ်ချက် အပြည့်အစုံကတော့ အောက်ပါအတိုင်း ဖြစ်ပါတယ်။
၁။ ဗလီဝတ်ကျောင်းတော်များအား အများပြည်သူက ညိုညင်စရာဖြစ်စေနိုင်မည့် ဆူညံသောအသံများ မဖြစ်စေရန်အတွက် ဗလီများရှိ အသံချဲ့စက်များကို ကျွမ်းကျင်သူများကသာ ကိုင်တွယ်အသုံးပြုရမည်။
၂။ အာဇန်နှိုးဆော်သူများမှာ နားဝင်ပီယံရှိသော အသံမျိုးကို ပိုင်ဆိုင်ရမည်။
၃။ ၀တ်ပြုဆုတောင်းနေစဉ်တွင် အသံချဲ့စက်မှ အသံများကို မြှင့်မထားရ။
၎။ ပြည်သူများ အိပ်စက်ခြင်း၊ အနားယူခြင်းနှင့် ၀တ်ပြုဆုတောင်းနေသည့် အချိန်အခါမျိုးတွင် အာဇန်နှိုးဆော်သံမှုလွဲ၍ အခြားကိစ္စများအတွက် အသံချဲ့စက် မသုံးရ။
၅။ သာယာသော၊ နားဝင်ချိုသောအသံဖြင့် နှိုးဆော်ခြင်း အပါအ၀င် အာဇန်၏ အခြေခံ သတ်မှတ်ချက်များကို လိုက်နာရမည်။
၆။ နံနက်အာရုံတက် ၀တ်ပြုမှုမျိုးတွင် အာဇန်နှိုးဆော်မှုကို သင့်လျော်သည့်အချိန်၌သာ ပြုလုပ်ရမည်။ ကုရ်အာန်ကျမ်းတော်မြတ် ရွတ်ဖတ်ခြင်းကဲ့သို့ အခြားသော ကိစ္စများအတွက် ဗလီတွင်း အသံချဲ့စက်ကိုသာ အသုံးပြုရမည်။
Ref: The Star
