သြဂုတ် ၂၅၊ ၂၀၁၈
M-Media
– ကလေးငယ်တွေအပေါ် ဘုန်းကြီးတွေက လိင်ပိုင်းဆိုင်ရာ ကျူးလွန်တာကို ကက်သလစ်အသင်းတော်က ထိထိရောက်ရောက် မဖြေရှင်းပေးနိုင်မှုအတွက် အရှက်ရမိတယ်လို့ ပုပ်ရဟန်းမင်းကြီး ဖရန်စစ်က ဒီကနေ့မှာ ပြောကြားလိုက်ပါတယ်။
ကမ္ဘာ့ ခရစ်ယာန်ကက်သလစ် ဘာသာဝင် အများဆုံးရှိရာ အိုင်ယာလန်နိုင်ငံကို အလည်အပတ်ရောက်ရှိစဉ်မှာ ဒီလိုပြောကြားလိုက်တာပါ။ ဒါဟာ ၁၉၇၉ ခုနှစ် ပုပ်ရဟန်းမင်းကြီး ဂျွန်ပေါလ်နောက်ပိုင်း ပထမဆုံးအကြိမ် အိုင်ယာလန်နိုင်ငံကို ပုပ်ရဟန်းမင်းကြီး လည်ရောက်လည်ပတ်တာလည်း ဖြစ်ပါတယ်။
“ကာကွယ်ပေးဖို့၊ ပညာသင်ပေးဖို့ တာဝန်ရှိနေတဲ့ ကက်သလစ်အသင်းတော် အဖွဲ့ဝင်တွေက အိုင်ယာလန်မှာ ကလေးငယ်တွေအပေါ် ကျူးလွန်တဲ့ ဒီလို ဆိုးရွားတဲ့ကိစ္စတွေကို ကျွန်တော် ၀န်ကိုဝန်ခံရပါလိမ့်မယ်။ ဂိုဏ်းအုပ်ဘုန်းတော်ကြီးတွေ၊ ဘာသာရေးဆိုင်ရာ တာဝန်ရှိသူတွေ၊ ဘုန်းကြီးတွေနဲ့ တစ်ခြားသူတွေလို အသင်းတော် အာဏာပိုင်တွေရဲ့ ပျက်ကွက်မှု၊ ဒီရွံစရာ ရာဇ၀တ်မှုတွကို ထိထိရောက်ရောက် မဖြေရှင်းပေးမှုဟာ အမျက်ဒေါသတွေကို မြင့်တက်စေပြီး ခရစ်ယာန်ကက်သလစ် အသိုင်းအ၀ိုင်းအတွက် နာကျင်စရာ၊ အရှက်ရစလည်း ဖြစ်ပါတယ်” လို့ ပုပ်ရဟန်းမင်းကြီးက မိန့်ခွန်းမှာ ထည့်သွင်း ပြောကြားခဲ့ပါတယ်။
ကက်သလစ်အသင်းတော်က ဘုန်းကြီးတွေ ကလေးငယ်တွေအပေါ် လိင်ပိုင်းဆိုင်ရာ ကျူးလွန်မှုဟာ အိုင်ယာလန်နိုင်ငံက ကက်သလစ်အသင်းတော် ဦးစီးတဲ့ မိဘမဲ့ဂေဟာတွေ၊ လူငယ်စောင့်ရှောက်ရေးဂေဟာတွေ၊ စက်ရုံတွေ၊ ကျောင်းတွေနဲ့ တစ်ခြားနေရာတွေမှာ ကျယ်ကျယ်ပြန့်ပြန့် ဖြစ်ပွားခဲ့ပြီး ပုပ်ရဟန်းမင်းကြီးက ဒီလုပ်ရပ်တွေဟာ အိုင်ယာလန်နိုင်ငံ၊ လူ့အဖွဲ့အစည်းနဲ့ ကက်သလစ်အသင်းတော်အတွက် အမည်းစက်ဖြစ်စေတယ်လို့ ထည့်သွင်း ပြောဆိုခဲ့ပါတယ်။
ဘုန်းကြီးတွေရဲ့ ကျူးလွန်မှုကို ခံခဲ့ရသူတွေနဲ့ ဒီနေ့ညနေမှာ ပုပ်ရဟန်းမင်းကြီးက တွေ့ဆုံဖို့ ရှိနေပါတယ်။
ပုပ်ရဟန်းမင်းကြီး မလာခင်လေးတင်မှာပဲ အိုင်ယာလန်ဝန်ကြီးချုပ်က ကလေးငယ်တွေအပေါ် လိင်ပိုင်းဆိုင်ရာ ကျူးလွန်တဲ့ ဘုန်းကြီးတွေ၊ အဲဒီကိစ္စကို ဖုံးကွယ်မှုမှာ ပါဝင်တဲ့သူတွေကို အရေးယူပေးဖို့အတွက် ပုပ်ရဟန်းမင်းကြီးကို အလေးအနက်ထား တောင်းဆိုခဲ့ပါတယ်။
ခရစ်ယာန် ကက်သလစ်အသင်းတော်က ဘုန်းကြီးတွေဟာ ကလေးငယ်တွေအပေါ် လိင်ပိုင်းဆိုင်ရာ ကျူးလွန်တဲ့ကိစ္စနဲ့ပတ်သက်လို့ ၂ နှစ်ကြာ စုံစမ်းစစ်ဆေးမှုတွေ ပြုလုပ်ခဲ့ပြီးတဲ့နောက် အမေရိကန်ပြည်ထောင်စု ပင်ဆဲလ်ဗာနီးယားပြည်နယ် အစိုးရက ပြီးခဲ့တဲ့တစ်ပတ်မှာ အစီရင်ခံစာတစ်စောင် ထုတ်ပြန်ခဲ့ပါတယ်။
အဲဒီအစီရင်ခံစာထဲမှာ ကက်သလစ်ဘုန်းကြီး ၃၀၀ ကျော်လောက်ဟာ ကလေးငယ်ပေါင်း တစ်ထောင်ကျော်လောက်ကို လိင်ပိုင်းဆိုင်ရာ စော်ကားမှုတွေ ပြုလုပ်ခဲ့တယ်ဆိုတာကို တွေ့ရပြီး ထုတ်ဖော်မပြောရဲတာတွေကြောင့် အမှန်တကယ် ကျူးလွန်ခံရသူအရေအတွက်ဟာ ဒီထက်ပိုများနိုင်တယ်လို့ ဆိုပါတယ်။
ဒါ့အပြင် ဒီကျူးလွန်မှုတွေကို ကက်သလစ်အသင်းတော်ရဲ့ တာဝန်ရှိသူ ဘုန်းတော်ကြီးတွေက စနစ်တကျ ဖုံးကွယ်ပေးခဲ့တယ်လို့လည်း အစီရင်ခံစာမှာ ရေးသားဖော်ပြထားပါတယ်။
Ref: BBC