ဇူလိုင် ၂၉၊ ၂၀၁၈
M-Media
ယနေ့မနက် အင်ဒိုနီးရှားငလျင် အနည်းဆုံး လူ ၁၀ ဦးသေဆုံး
============
အင်ဒိုနီးရှားနိုင်ငံ အရှေ့ပိုင်းမှာ ဒီကနေ့မနက် အစောပိုင်းက ပြင်းအား ၆.၄ မဂ္ဂနီကျုရှိတဲ့ ငလျင်တစ်ခု လှုပ်ခတ်သွားတာကြောင့် အနည်းဆုံး လူ ၁၀ ဦးသေဆုံးပြီး ကမ္ဘာလှည့်ခရီးသွားတွေ စိတ်ဝင်စားရာ လွမ်ဘွတ်မှာ အဆောက်အဦးတွေ အများအပြား ပြိုကျ ပျက်ဆီးခဲ့ပါတယ်။ ပျက်ဆီးဆုံးရှုံးမှုစာရင်းကို အတိအကျ မသိရသေးဘဲ အာဏာပိုင်တွေက ဆူနာမီသတိပေးချက် ထုတ်ပြန်ထားပါတယ်။ နောက်ပိုင်းမှာ ပြင်းအား ၅.၄ ရှိတဲ့ နောက်ဆက်တွဲ ငလျင်တစ်ခုလည်း လှုပ်ခတ်သွားပါတယ်။
အိန္ဒိယတွင် ပျော်ပွဲစားထွက်သည့် ဘတ်စ်ကား ချောက်ထဲထိုးကျ
================
အိန္ဒိယနိုင်ငံ အနောက်ပိုင်း မဟာရက်ရ်ှထရာပြည်နယ်မှာ ခရီးသည်တင် ဘတ်စ်ကားတစ်စီး ချောက်ထဲထိုးကျခဲ့တဲ့အတွက် တက္ကသိုလ်က ဆရာ၊ ဆရာမတွေအပါအ၀င် လူပေါင်း ၃၃ ဦး သေဆုံးခဲ့ပါတယ်။ တောင်ပေါ် အပန်းဖြေစခန်းကို ပျော်ပွဲစားထွက်လာတဲ့ အဲဒီကားပေါ်မှာ လူပေါင်း ၃၄ ဦး လိုက်ပါလာခဲ့ပြီး တစ်ဦးသာ အံ့ဖွယ် အသက်ရှင်ခဲ့ပါတယ်။ အိန္ဒိယနိုင်ငံဟာ ယာဉ်မတော်တဆမှု အများအပြားဖြစ်ပွားတဲ့ နိုင်ငံတစ်ခုဖြစ်ပြီး တစ်နှစ်ကို လူပေါင်း ၁ သိန်း ၁ သောင်းလောက် ယာ
ဉ်မတော်တဆမှုကြောင့် သေဆုံးနေရပါတယ်။
ရပ်ဆိုင်းထားသည့်အကူအညီများ အီဂျစ်ကို အမေရိကန် ပြန်ပေးမည်
================
လူ့အခွင့်အရေး စိုးရိမ်ရမှုတွေကြောင့် ရပ်ဆိုင်းထားတဲ့ အကူအညီ ကန်ဒေါ်လာ ၁၉၅ သန်းကို အီဂျစ်ထံ ပြန်လည်ပေးအပ်သွားမယ်လို့ အမေရိကန်အစိုးရက မနေ့မှာ ကြေငြာလိုက်ပါတယ်။ အမေရိကန်ရဲ့ မဟာမိတ်ဖြစ်တဲ့ အီဂျစ်ဟာ ပြီးခဲ့တဲ့နှစ်က NGO တွေအပေါ် ကန့်သတ်တဲ့ ဥပဒေ ပြဌာန်းမှုကြောင့် အမေရိကန်က သူတို့ နှစ်စဉ်ပေးနေကြ အကူအညီအထဲက ၁၉၅ သန်းကို ရပ်ဆိုင်းခဲ့တာပါ။ ဒါပေမယ့် အခုနောက်ပိုင်းမှာ တိုးတက်မှုတွေ ရှိလာခဲ့ပြီး ပူးပေါင်းဆောင်ရွက်မှုတွေ တိုးမြှင့်သွားမယ်လို့ အမေရိကန်ရဲ့ မနေ့ကကြေငြာချက်မှာ ဖော်ပြခဲ့ပါတယ်။
ကမ္ဘောဒီးယား တစ်ဖက်သက်ရွေးကောက်ပွဲ ယနေ့တွင်စတင်
=================
ကမ္ဘောဒီးယားနိုင်ငံမှာ အထွေထွေရွေးကောက်ပွဲအတွက် ဒီကနေ့မနက်မှာ စတင်မဲပေးခဲ့ကြပြီး လေ့လာသူတွေကတော့ ဒီရွေးကောက်ပွဲဟာ လတ်တလောသမိုင်းမှာ တစ်ဖက်သက်အဆန်ဆုံး ဖြစ်တယ်လို့ ဝေဖန်နေကြပါတယ်။ ၀န်ကြီးချုပ် ဟန်ဆန်ရဲ့ အာဏာရ CCP ပါတီဟာ သူတို့ကို စိန်ခေါ်နိုင်မယ့် CNRP ပါတီကို စနစ်တကျ နှိပ်ကွပ်ခဲ့ပြီး၊ ပြည်သူတွေကိုလည်း မသမာတဲ့နည်းတွေနဲ့ မဲဆွယ်ခဲ့ကြပါတယ်။ CNRP ပါတီခေါင်းဆောင် ကမ်ဆိုခါဟာ လက်ရှိမှာ နိုင်ငံတော် သစ္စာဖောက်မှုနဲ့ ဖမ်းဆီးအကျဉ်းချခံထားရပါတယ်။
Ref: CNA, Aljazeera
