Blog

ဧပြီ ၁၆၊ ၂၀၁၈
M-Media

– အိန္ဒိယက ထိန်းချုပ်ထားတဲ့ ကက်ရ်ှမီးယားဒေသမှာ အသက် ၈ နှစ်အရွယ် ကလေးငယ်တစ်ဦးကို ပြန်ပေးဆွဲကာ အုပ်စုဖွဲ့ အဓမ္မကျင့် သတ်ဖြတ်မှုအပါအ၀င် နိုင်ငံအတွင်း ကလေးငယ်တွေကိုအပေါ် အဓမ္မကျင့်မှုတွေကို ဆန့်ကျင်တဲ့အနေနဲ့ အိန္ဒိယပြည်သူတွေဟာ တစ်နိုင်ငံလုံးအတိုင်းအတာနဲ့ မနေ့မှာ ဆန္ဒပြခဲ့ကြပါတယ်။

“အပြစ်ရှိသူကို အပြစ်ပေးပါ” ဆိုတဲ့ ခေါင်းစဉ်နဲ့ မနေ့က ပြုလုပ်ခဲ့တာဖြစ်ပြီး မြို့တော် နယူးဒေလီ၊ မွမ်ဘိုင်း၊ ဘန်ဂလောနဲ့ အခြားမြို့ကြီးတွေမှာ ဆန္ဒပြခဲ့ကြတာပါ။

အိန္ဒိယ ထိန်းချုပ်ထားတဲ့ ကက်ရ်ှမီးယားက ဂျာမူးဒေသအနီး ကာသူအာခရိုင်မှာ ဘာကာဝါလ် မွတ်စလင်လူ့အဖွဲ့အစည်းက အသက် ၈ နှစ်အရွယ် အာဆီဖာဘာနိုဟာ ဇန်န၀ါရီလအလယ်မှာ လူတစ်စုရဲ့ ပြန်ပေးဆွဲမှုကို ခံခဲ့ရပါတယ်။ အဲဒီလူတွေက ဒီကလေးငယ်ကို ဟိန္ဒူဘုရားကျောင်းထဲမှာ ချုပ်ထားပြီး မူးယစ်ဆေးတွေ တိုက်ကျွေးကာ ၄ရက်အတွင်း အနည်းဆုံး လူ ၃ ဦးက အကြိမ်ကြိမ် အဓမ္မပြုကျင့်ခဲ့ကြတာပါ။

နောက်ပိုင်းမှာ အာဆီဖာကို ရိုက်နှက်သတ်ဖြတ်ခဲ့ပြီး ဟိန္ဒူဘုရားကျောင်းအနီးက တောအုပ်ထဲမှာ အလောင်းကို စွန့်ပစ်ထားခဲ့ပါတယ်။

ကျူးလွန်သူတွေထဲမှာ ရဲတပ်ဖွဲ့ဝင်တစ်ဦးလည်းပါဝင်ပြီး သူတို့အုပ်စုကို တရားစွဲဖို့ ပြည်နယ်အစိုးရက ဆောင်ရွက်မှုကို ဟိန္ဒူရှေ့နေတွေက တားဆီးခဲ့တဲ့နောက်ပိုင်း ပြည်သူလူထုကြားထဲမှာ မကျေနပ်မှုတွေ ပေါ်ထွက်လာခဲ့တာ ဖြစ်ပါတယ်။

ဂျာမူးနဲ့ ကက်ရ်ှမီးယားအစိုးရအဖွဲ့က ၀န်ကြီး ၂ ဦးအပါအ၀င် အာဏရ ဟိန္ဒူအမျိုးသားရေးပါတီ BJP ခေါင်းဆောင်တွေဟာ ကျူးလွန်သူတွေကို ကာကွယ်ပေးတဲ့ ချီတက်မှုတစ်ခုကိုလည်း ပြုလုပ်ခဲ့ကြပါတယ်။ ပြည်သူတွေရဲ့ ဝေဖန်မှု အကြီးအကျယ်ပေါ်ထွက်လာတာကြောင့် အဲဒီဝန်ကြီးနှစ်ဦးဟာ စနေနေ့မှာ နှုတ်ထွက်သွားခဲ့ပါတယ်။

အာဆီဖာကို ကျူးလွန်သူတွေဟာ ဟိန္ဒူအစွန်းရောက်ဝါဒ လွှမ်းမိုးပြီး ဘာသာရေး မုန်းတီးမှုကို အခြေခံကာ ဒီလို ပြုမူဆောင်ရွက်ခဲ့ကြတာဖြစ်ပြီး အစ္စလာမ်ဘာသာဝင်တွေကို ကြောက်လန့်စေဖို့၊ ဒေသကနေ ထွက်ခွာသွားဖို့ ရည်ရွယ်တာ ဖြစ်ပါတယ်။

BJP အစိုးရ အုပ်စိုးတဲ့ အူတာပရာဒက်ရ်ှပြည်နယ်မှာ BJP ပါတီဝင် လွှတ်တော်အမတ် အသက် ၅၀ အရွယ် ကူလ်ဒီပ် ဆင်း ဆန်ဂါဟာ အသက် ၁၆ နှစ်အရွယ် မိန်းကလေးငယ်တစ်ဦးကို ပြီးခဲ့တဲ့နှစ် ဇွန်လမှာ အဓမ္မကျင့်ခဲ့ပြီး ပြီးခဲ့တဲ့ စနေနေ့မှာ ဖမ်းဆီးခံခဲ့ရပါတယ်။

ဆန်ဂါရဲ့ ကိစ္စမှာလည်း ရဲတွေနဲ့ အစိုးရတာဝန်ရှိသူတွေက တစ်နှစ်နီးပါးကြာ ကာကွယ်ပေးခဲ့ကြပြီး ကျူးလွန်ခံရတဲ့ အမျိုးသမီးငယ်ရဲ့အဖေဟာ အမှုဖွင့်ဖို့ကြိုးစားရင်း ဖမ်းဆီးခံခဲ့ရကာ ဆန်ဂါရဲ့ညီက အချုပ်ခန်းအတွင်း လာရောက်ရိုက်နှက်မှုကြောင့် ပြီးခဲ့တဲ့တစ်ပတ်မှာ သေဆုံးသွားခဲ့ပါတယ်။

ကျူးလွန်ခံရတဲ့ မိန်းကလေးငယ်ဟာ လူမြင်ကွင်းမှာ သူ့ကိုယ်သူ သတ်သေဖို့ ကြိုးစားခဲ့တဲ့အတွက် လူတွေက ဒီကိစ္စကို အာရုံစိုက်လာကာ ဆန္ဒပြမှုတွေလုပ်ခဲ့တာကြောင့် နောက်ဆုံးမှာ ဆန်ဂါကို ရဲတပ်ဖွဲ့က အမှုဖွင့် ဖမ်းဆီးခဲ့တာ ဖြစ်ပါတယ်။

“မိန်းကလေးငယ်လေးတွေဟာ နေ့စဉ်လိုလို အဓမ္မကျင့်ခံနေရတယ်။ ဒီလိုဖြစ်နေတာကို ထောက်ခံပြီး မုဒိမ်းကောင်တွေကို လမ်းပေါ်ထွက် ကာကွယ်ပေးသူတွေလည်း ရှိနေပါတယ်။ ဒါဟာ ပုံစံအသစ်ဖြစ်ပြီး ကျွန်တော်တို့ ဒီကိစ္စကို သတိပေးဖို့ အချိန်ကျနေပါပြီ” လို့ နယူးဒေလီ ဆန္ဒပြမှုမှာ ပါဝင်ခဲ့သူ ဗဒ် အမ်ရီတာက ပြောကြားခဲ့ပါတယ်။

နိုင်ငံမြောက်ပိုင်း ချန်ဒီဂါမြို့ ဆန္ဒပြမှုမှာ ပါဝင်ခဲ့တဲ့ အိန္ဒိယ အဆိုတော်နဲ့ တေးရေးဆရာ ဗီရှာလ် ဒဒ်လာနီက “မုဒိမ်းကောင်တွေကို ကာကွယ်ပေးတဲ့သူတွေ အာဏာရနေသမျှ ဒါတွေက ဆက်ဖြစ်နေအုံးမှာပါ” လို့ ပြောကြားခဲ့ပါတ
ယ်။

အဓမ္မကျင့်မှုနဲ့ပတ်သက်ပြီး မြန်မြန်ဆန်ဆန် စစ်ဆေးပေးမယ့် တရားရုံးတွေ ဖွဲ့စည်းပေးဖို့လည်း သူက ဆော်သြခဲ့ပါတယ်။

ဧပြီလ ၉ ရက်နေ့က ဂူဂျာရတ်ပြည်နယ် ဆူရတ်မြို့မှာ အဓမ္မပြုကျင့် သတ်ဖြတ်ခံထားရတဲ့ မိန်းကလေးငယ်တစ်ဦးရဲ့အလောင်းကို တွေ့ရှိခဲ့ပါတယ်။ ရဲတပ်ဖွဲ့က သေဆုံးသူမှာ ဒဏ်ရာပေါင်း ၈၆ ချက်ကို တွေ့ရပြီး
ဘယ်သူဘယ်ဝါဖြစ်တယ်ဆိုတာကို မဖော်ထုတ်နိုင်သေးဘူးလို့ မနေ့မှာ ပြောကြားခဲ့ပါတယ်။

ဝန်ကြီးချုပ် နရန်ဒရာမိုဒီက အဓမ္မကျင့်ခံရသူတွေအတွက် တရားမျှတမှုရှိအောင် ဆောင်ရွက်ပေးမယ်လို့ ကတိပြုပြောကြားခဲ့ပေမယ့် ဒီစကားဟာ တော်တော်နောက်ကျမှ ထွက်လာတယ်လို့ ဝေဖန်မှုတွေလည်း ရှိနေပါတယ်။

အိန္ဒိယမှာ အမျိုးသမီးတွေ၊ မိန်းကလေးငယ်တွေ အဓမ္မကျင့် သတ်ဖြတ်ခံရမှုဟာ ပုံမှန်လိုလိုဖြစ်နေပြီး အစိုးရက ပြုပြောင်းလဲမှုတစ်ချို့ ပြုလုပ်ထားပေမယ့် ဒီအဖြစ်အပျက်တွေ လျှော့ကျသွားတာမျိုး မရှိသေးပါဘူး။

Ref: Aljazeera

ဧပြီ ၁၅၊ ၂၀၁၈

M-Media

– လွန်ခဲသည့်တစ်နှစ်က ဆယ်ကျော်သက် မိန်းကလေးငယ်တစ်ဦးကို ပြန်ပေးဆွဲမှု၊ အဓမ္မကျင့်မှုတို့ဖြင့် အာဏာရပါတီ BJP မှ အမတ်တစ်ဦးကို ဖမ်းဆီးလိုက်သည်ဟု အိန္ဒိယရဲတပ်ဖွဲ့က ထုတ်ပြန်ကြေငြာခဲ့သည်။

အူတာပရာဒက်ရ်ှပြည်နယ် လွှတ်တော်အမတ် အသက် ၅၀ အရွယ် ကူလ် ဒီပ် ဆင်း ဆန်ဂါဆိုသူဖြစ်ပြီး ပြီးခဲ့သည့်နှစ် ဇွန်လတွင် အသက် ၁၆ နှစ်အရွယ် မိန်းကလေးငယ်တစ်ဦးကို အဓမ္မကျင့်ခဲ့သည်ဟု စွပ်စွဲခံခဲ့ရသည်။ ၎င်းကမူ ထိုကိစ္စကို ငြင်းဆိုခဲ့ကာ နိုင်ငံရေးတိုက်ခိုက်မှုဖြစ်သည်ဟု တုန့်ပြန်ပြောကြားခဲ့သည်။

ပြည်နယ်ရဲတပ်ဖွဲ့ အကြီးအကဲ အိုပီ ဆင်းက ဆန်ဂါကို သောကြာနေ့က ဖမ်းဆီးခဲ့ပြီး စစ်ဆေးမေးမြန်းမှု ပြုလုပ်နေသည်ဟု ပြောကြားခဲ့သည်။

အဓမ္မကျင့်ခံရသည်ဆိုသည့် အမျိုးသမီးငယ်မှာ ပြီးခဲ့သည့်နှစ် သြဂုတ်လကတည်းက အမှုဖွင့်ရန် ကြိုးစားခဲ့ခြင်းဖြစ်ပြီး ၎င်း၏ဖခင်ဖြစ်သူမှာ ဖမ်းဆီးခံခဲ့ရကာ ဆန်ဂါ၏ ညီဖြစ်သူက အချုပ်ထဲတွင် လာရောက်ရိုက်နှက်သောကြောင့် တနင်္လာနေ့တွင် သေဆုံးခဲ့သည်။

မိန်းကလေးငယ်မှာ အမှုဖွင့်၍ မရသောကြောင့် ဧပြီလ ၈ ရက်နေ့တွင် လူမြင်ကွင်း၌ သေကြောင်းကြံစည်ခဲ့ပြီးသည့်နောက် ပြည်သူများမှာ ထိုကိစ္စအပေါ် အာရုံစိုက်လာကြပြီး ဆန္ဒပြမှုများ ပြုလုပ်ခဲ့ကြသည်။

ထို့နောက်တွင်မှ ရဲတပ်ဖွဲ့မှာ ဆန်ဂါအပေါ် အမှုဖွင့်ခဲ့ပြီး အဓမ္မကျင့်ခံရသည့် မိန်းကလေးငယ်၏ ပြောကြားချက်များမှာ ရှေ့နောက်မညီသောကြောင့် စောစောပိုင်းတွင် အမှုမဖွင့်ခဲ့ခြင်းဖြစ်သည်ဟု ကာကွယ်ပြောကြားခဲ့သည်။

လက်ရှိတွင် ထိုကိစ္စကို အိန္ဒိယ၏ ထိပ်တန်း စုံစမ်းစစ်ဆေးရေးအဖွဲ့ဖြစ်သည့် ဗဟိုစုံစမ်းစစ်ဆေးရေးဗျူရိုက ကိုင်တွယ်နေသည်။

Ref : Aljazeera