ဧပြီ ၂၊ ၂၀၁၈
M-Media
– အီဂျစ်သမ္မတရွေးကောက်ပွဲတွင် အာဏာသိမ်း ဗိုလ်ချုပ်ဟောင်း အဘ်ဒဲလ် ဖာတာ အလ်-စီစီက ထောက်ခံမဲ ၉၇ ရာခိုင်နှုန်းဖြင့် အနိုင်ရခဲ့သည်ဟု သိရသည်။
စီစီနှင့် ယှဉ်ပြိုင်မည့် ပြိုင်ဘက်များမှ အနည်းဆုံး ၆ ဦးမှာ ယှဉ်ပြိုင်ခွင့် ရုပ်သိမ်းခံရကာ တရားစွဲဆိုခံရခြင်း၊ ထောင်ဒဏ်ချမှတ်ခံရခြင်းတို့ကို ကြုံတွေ့ခဲ့ရပြီး ရွေးကောက်ပွဲကျင်းပချိန်တွင် စီစီအား ထိထိရောက်ရောက် ယှဉ်ပြိုင်နိုင်သည့် သမ္မတလောင်း တစ်ဦးမှ ပါဝင်ခြင်းမရှိပေ။
ရွေးကောက်ပွဲရလဒ်ကို တနင်္လာနေ့မနက်က ကြေငြာရာတွင် မဲပေးပိုင်ခွင့်ရှိသူများမှ ၄၁.၅ ရာခိုင်နှုန်း မဲပေးသည်ဟုဆိုပြီး ၂၀၁၄ ခုနှစ်ရွေးကောက်ပွဲက ၄၇ ရာခိုင်နှုန်းထက် နည်းပါးခဲ့သည်။
စီစီ၏ ပြိုင်ဘက်တစ်ဦးဖြစ်ပြီး သမ္မတလောင်း စာရင်းသွင်းမှု နောက်ဆုံးအချိန် မတိုင်ခင်လေးမှ ၀င်ရောက်လာခဲ့သူ မူဆာ မိုစတာဖာ မူဆာဆိုသူက ထောက်ခံမဲ ၃ ရာခိုင်နှုန်းသာ ရရှိခဲ့သည်။
မဲပေးပိုင်ခွင့်ရှိသူ ၁ သန်းခန့်မှာ မဲပြားများကို ဆုတ်ဖြဲမှုများ ရှိခဲ့ပြီး တစ်ချို့မှာ မဲပြားများတွင် လီဗာပူးလ်အသင်း၏ အီဂျစ်တိုက်စစ်မှူး မိုဟာမက် ဆာလာ၏ အမည်များကို ရေးသားခဲ့ကြသည်။ ဆာလာမှာ မူဆာထက် ထောက်ခံမဲ ပိုမိုများပြားခဲ့သည်။
စစ်ခေါင်းဆောင်တစ်ယောက်ဖြစ်ခဲ့သူ စီစီမှာ နိုင်ငံ၏ ပထမဆုံး ဒီမိုကရေစီနည်းကျ ရွေးကောက်တင်မြှောက်ခံရသည့် သမ္မတ မိုဟာမက်မော်စီကို ၂၀၁၃ နှစ်တွင် ရာထူးမှဖယ်ရှားက တိုင်းပြည်ကိုအုပ်စိုးခဲ့သည်။ ထို့နောက် ၂၀၁၄ ခုနှစ် ပြုလုပ်ခဲ့သည့် သမ္မတရွေးကောက်ပွဲတွင် ၀င်ရောက်ယှဉ်ပြိုင်ကာ သမ္မတဖြစ်လာခဲ့သည်။
Ref: Aljazeera
