လက်ဝှေ့သမားဘ၀ နောက်ဆုံးပွဲအတွက် မေ၀ယ်သာ လေ့ကျင့်

ဇူလိုင် ၁၇၊ ၂၀၁၅
M-Media

– လာမယ့်စက်တင်ဘာလမှာ လက်ဝှေ့သက်တမ်းရဲ့ နောက်ဆုံးပွဲ ထိုးသတ်မယ်လို့ ကြေညာထားတဲ့ အမေရိကန်လက်ဝှေ့ကျော် မေ၀ယ်သာတစ်ယောက် လေ့ကျင့်မှုတွေကို မနေ့ကစပြီး လက်စ်ဗီးဂက်စ်မှာ ပြန်လည်ပြုလုပ်နေပါတယ်။

အသက် ၃၈ နှစ်အရွယ်ရှိပြီဖြစ်တဲ့ မေ၀ယ်သာဟာ မေလဆန်းက ပက်ကွီအိုနဲ့ပွဲမှာ အနိုင်ရခဲ့ပြီးတဲ့ နောက်ပိုင်းက ဒီလိုကြေညာခဲ့တာပါ။ အဲဒီပွဲဟာ သူ့ရဲ့ လက်ဝှေ့သက်တမ်းတစ်လျှောက် ၄၈ ပွဲ မြောက်ဖြစ်ပြီး ရှုံးပွဲမရှိ စံချိန်ကိုလည်း တင်ထားနိုင်ပါတယ်။

သူလေ့ကျင့်နေတဲ့ပုံတွေကို သူရဲ့ ဆိုရှယ်အကောင့်ကနေလွှင့်တင်ခဲ့တာဖြစ်ပေမယ့် စက်တင်ဘာ ၁၂ ရက်နေ့လို့သတ်မှတ်ထားတဲ့ သူ့ရဲ့ နောက်ဆုံးပွဲကို ဘယ်သူနဲ့ ထိုးသတ်မယ်ဆိုတာကိုတော့ ကြညာခြင်း မရှိသေးပါဘူး။

ဗြိတိန်လက်ဝှေ့ကျော် အမီးရ်ခန်းက မေ၀ယ်သာနဲ့ ထိုးသတ်ဖို့ စိတ်အားထက်သန်နေပေမယ့် မေ၀ယ်သာကတော့ အန်ဒရေ ဘာတို၊ တီမောသီ ဘရက်ဒလေတို့ထဲက တစ်ဦးဦးနဲ့ ထိုးသတ်မယ်လို့ မကြာသေးမီက ကြေညာထားပါတယ်။

ဘာတိုကတော့ “ဒီပွဲအတွက် လျာထားခံရတာကို ကျွန်တော်ပျော်ပါတယ်။ ဒီစိန်ခေါ်မှုအတွက်လည်း လုံးဝ ရင်ဆိုင်သွားမှာပါ။ တကယ်လို့ ဒီပွဲဖြစ်ခဲ့ရင် ပွဲကောင်းတစ်ပွဲဖြစ်လာမယ်ဆိုတာ ကျွန်တော်သိပါတယ်” လို့ ပြောကြားခဲ့ပါတယ်

မေ၀ယ်သာရဲ့ နောက်ဆုံးပြိုင်ဘက်ဟာ အမီးရ်ခန်း၊ ကာနီလို အလ်ဗာရက်ဇ်၊ တီမောသီ ဘရက်ဒလေ၊ ကိသ် သူမန်နဲ့ ကဲလ် ဘရော့တိုတွေထဲက တစ်ဦးဦးလည်း ဖြစ်နိုင်ပေမယ့် ရေပန်းအစားဆုံးကတော့ လက်ရှိ WBA ၀ယ်ဝိတ် ချန်ပီယံဖြစ်ပြီး ၃၃ ပွဲမှာ ၃ ပွဲသာရှုံးထားတဲ့ အန်ဒရေဘာတို ဖြစ်နေပါတယ်။

Ref: Dailymail