ဒါကာအကြမ်းဖက်တိုက်ခိုက်မှုကို နိုင်ငံ၏ ထိပ်တန်း အစ္စလာမ်ဘာသာရေးအဖွဲ့က ပြင်းပြင်းထန်ထန် ရှုတ်ချ

ဇူလိုင် ၄၊ ၂၀၁၆
M-Media

– ဘင်္ဂလားဒေ့ရ်ှနိုင်ငံ ဒါကာမြို့ရှိ စားသောက်ဆိုင်တစ်ခုတွင် ပြီးခဲ့သည့်တစ်ပတ်က ဖြစ်ပွားခဲ့သော အကြမ်းဖက်တိုက်ခိုက်မှုအတွက် နိုင်ငံ၏ ထိပ်တန်း အစ္စလာမ်ဘာသာရေးအဖွဲ့က ရှုတ်ချလိုက်ပြီး အပြစ်မဲ့သူများအား သတ်ဖြတ်ခြင်းမှာ တမန်တော်မုဟမ္မဒ်သခင်၏ သွန်သင်မှုနှင့် ဆန့်ကျင်နေသည်ဟု ပြောကြားလိုက်သည်။

စစ်သွေးကြွအုပ်စုတစ်ခုမှာ သောကြာနေ့ညနေပိုင်းက ဒါကာမြို့ သံတမန်ရပ်ကွက်အတွင်းရှိ နိုင်ငံခြားသားအများစု လာရောက်လေ့ရှိရာ စားသောက်ဆိုင်သို့ ၀င်ရောက်စီးနင်း တိုက်ခိုက်ခဲ့ခြင်းဖြစ်ပြီး အနည်းဆုံး လူ ၂၀ ကျော် သေဆုံးခဲ့သည်။ လုံခြုံရေးတပ်ဖွဲ့များ၏ ရှင်းလင်းမှုအတွင်း တိုက်ခိုက်ရေးသမား ၆ ဦးနှင့် ရဲတပ်ဖွဲ့ဝင် ၂ ဦးလည်း သေဆုံးခဲ့သည်။

IS အကြမ်းဖက်အဖွဲ့ကမူ ထိုတိုက်ခိုက်မှုမှာ ၎င်းတို့၏ လက်ချက်ဟု ပြောကြားခဲ့သည်။

နိုင်ငံ၏ ထိပ်တန်းအစ္စလာမ်ဘာသာရေးအဖွဲ့ဖြစ်သည့် ဘင်္ဂလားဒေ့ရှ် အိုလမာ အစ္စလာမ့်သာသနာ့ပညာရှင်များအဖွဲ့ BJU ၏ ဥက္ကဌဖြစ်သူ ဖာရီဒွတ်ဒင်း မက်စ်အွဒ်ကမူ ထိုကဲ့သို့ အပြစ်မဲ့သူများကို သတ်ဖြတ်ခြင်းမှာ စက်ဆုပ်ဖွယ်ရာ လုပ်ရပ်ဖြစ်ပြီး၊ မွတ်စလင်မဟုတ်သူများကို ပစ်မှတ်ထား တိုက်ခိုက်ခြင်းမှာလည်း အစ္စလာမ်သာသနာ၏ သွန်သင်မှုများနှင့် ဖီလာဆန့်ကျင်ဖြစ်နေသည်ဟု ပြောကြားခဲ့သည်။

“မွတ်စလင်အများစုရှိရာဒေသတွေမှာ မှီတင်းနေထိုင်ကြတဲ့ မွတ်စလင်မဟုတ်သူတွေကို တိုက်ခိုက်သတ်ဖြတ်သူတွေဟာ ဂျန္နသ်နိဗ္ဗာန်ရဲ့ အနံ့ကိုတောင် ရှုရှိုက်ခွင့်ရမှာ မဟုတ်ပါဘူး။ နိဗ္ဗာန်ကိုလည်း ၀င်ရောက်ခွင့်ရမှာမဟုတ်ပါဘူး။ မွတ်စလင်မဟုတ်သူတွေကို တိုက်ခိုက်သတ်ဖြတ်ခြင်းဟာ ဟရမ် (တာမြစ်ထားသည့်ကိစ္စ) ဖြစ်ပြီး၊ အစ္စလာမ်သာသနာက လက်မခံတဲ့လုပ်ရပ်ပါ” ဟု မက်စ်အွဒ်က ဆိုသည်။

“မွတ်စလင်မဟုတ်သူတွေရဲ့ အသွေးအသား၊ ဂုဏ်သိက္ခာ၊ ချမ်းသာကြွယ်ဝမှု အားလုံးဟာ မွတ်လင်တွေနဲ့တန်းတူ တန်းဖိုးရှိပါတယ်”

ဘင်္ဂလားဒေ့ရှ် အိုလမာ အစ္စလာမ့်သာသနာ့ပညာရှင်များအဖွဲ့မှာ အကြမ်းဖက်တိုက်ခိုက်မှုများကို အစဉ်တစ်စိုက် ရှုတ်ချခဲ့သည့် အဖွဲ့ဖြစ်ပြီး ၂၀၁၆ ခုနှစ် ဇွန်လ ၁၈ ရက်နေ့ကလည်း အကြမ်းဖက်ဝါဒနှင့် စစ်သွေးကြွဝါဒ၊ မွတ်စလင်မဟုတ်သူများအား အကြမ်းဖက်တိုက်ခိုက်မှု စသည်တို့မှာ အစ္စလာမ်သာသနာ၏ သွန်သင်ချက်များနှင့် ဆန့်ကျင်ကြောင်း ဖသ်ဝါဓမ္မသတ် ထုတ်ပြန်ခဲ့သည်။ ထိုဓမ္မသတ်တွင် နိုင်ငံတစ်ဝှမ်းမှ အစ္စလာမ့်ပညာရှင်၊ ဥပဒေပညာရှင် စုစုပေါင်း တစ်သိန်းကျော် လက်မှတ်ရေးထိုးခဲ့ကြသည်။

“တမန်တော်မုဟမ္မဒ်ရဲ့ သြ၀ါဒတော်အရ ပြောရရင် ဒီလိုလုပ်ရပ်တွေဟာ ပြင်းထန်တဲ့ အပြစ်ပေးမှုနဲ့သာ ထိုက်တန်ပါတယ်” ဟု မက်စ်အွဒ်က ထပ်လောင်းပြောကြားခဲ့သည်။

ဘင်္ဂလားဒေ့ရ်ှဝန်ကြီးချုပ် ရှိခ်ဟာဆီနာကလည်း ထိုအကြမ်းဖက်တိုက်ခိုက်မှုမှာ အစ္စလာမ်သာသနာ၏ ပုံရိပ်ကို ညစ်နွမ်းစေသည်ဟု ယမန်နေ့တွင် ပြောကြားခဲ့ပြီး ထိုအဖြစ်အပျက်အတွက် နိုင်ငံတော် ၀မ်းနည်းဖွယ်နေ့အဖြစ် ကြေငြာခဲ့သည်။

Ref: VOA