တရုတ်စစ်သင်္ဘော ၂ စီး မြန်မာနိုင်ငံသို့ လာရောက်လည်ပတ်

အောက်တိုဘာ ၁၊ ၂၀၁၆
M-Media

– တရုတ်နိုင်ငံမှ စစ်သင်္ဘောနှစ်စင်းမှာ မြန်မာနိုင်ငံ၏ စီးပွားရေးမြို့တော် ရန်ကုန်သို့ ရောက်ရှိလာခဲ့သည်ဟု ဆင်ဟွာသတင်းဌာနက ယနေ့တွင် ဖော်ပြခဲ့ပြီး မဟာဗျူဟာအရ အရေးပါသည့်နေရာတွင် တည်ရှိသော မြန်မာနိုင်ငံနှင့် စစ်ရေးဆက်ဆံမှု တိုးမြှင့်ရေး ဆောင်ရွက်ချက်တစ်ခုလည်း ဖြစ်သည်။

ယမန်နေ့က ရောက်ရှိခဲ့သည့် အဆိုပါ ရေတပ်သင်္ဘောများမှာ ဖရီးဂိတ်သင်္ဘောများဖြစ်သော Xiangtan နှင့် Zhoushan တို့ဖြစ်ပြီး မြန်မာစစ်တပ်မှ အကြီးတန်းအရာရှိများက ကြိုဆိုခဲ့သည်။

“ကျွန်တော်တို့ စစ်တပ်နှစ်ခုဟာ မိတ်ဆွေဖြစ်သလို၊ မိတ်ဖက်လည်းဖြစ်ပါတယ်။ ကျွန်တော်တို့ဟာ ရင်းနှီးတဲ့ ညီရင်းအစ်ကိုတွေပါ” ဟု မြန်မာနိုင်ငံဆိုင်ရာ တရုတ်သံအမတ်ကြီး ဟောင်လီယန်က အဆိုပါသင်္ဘောများ ရောက်ရှိလာပြီးနောက် ပြောကြားခဲ့သည်။

ထိုလည်ပတ်မှုမှာ ၅ ရက်တာ ကြာမြင့်မည်ဖြစ်ပြီး နှစ်နိုင်ငံ ပူးပေါင်းဆောင်ရွက်ရေးနှင့် ဆက်ဆံရေးကို အားကောင်းစေရန် ရည်ရွယ်ခြင်းဖြစ်သည်ဟု တရုတ်အစိုးရက ဆိုသည်။

ယခုကဲ့သို့ လာရောက်ခြင်းမှာ တရုတ်ရေတပ်မှ စစ်သင်္ဘောများ မြန်မာနိုင်ငံသုို့ ဒုတိယအကြိမ်မြောက်လာရောက်လည်ပတ်ခြင်းလည်းဖြစ်သည်။

ယခင် စစ်အာဏာရှင်များ၏ အားကိုးရာဖြစ်ခဲ့သော တရုတ်နိုင်ငံမှာ နိုဘယ်ဆုရှင် ဒေါ်အောင်ဆန်းစုကြည်၏ အမျိုးသား ဒီမိုကရေစီအဖွဲ့ချုပ် ဧပြီလတွင် အာဏာရပြီးနောက် မြန်မာနိုင်ငံအပေါ် ၎င်း၏ လွှမ်းမိုးမှုနှင့်ပတ်သက်၍ စိုးရိမ်မှုများ ဖြစ်လာခဲ့ပြီး သံတမန်ရေးရာအရ တိုင်းမြှင့်ဆောင်ရွက်မှုများ ပြုလုပ်လာခဲ့သည်။

Ref: Dailymail