အစ္စရေး၏တိုက်ခိုက်မှုကြောင့် ဂါဇာကမ်းမြှောင်တွင် ၂ ဦးသေဆုံး၊ ၂၀ ကျော် ဒဏ်ရာရ

ဒီဇင်ဘာ ၉၊ ၂၀၁၇
M-Media

တိုက်ခိုက်မှုကြောင့် ထိခိုက်ဒဏ်ရာရမှု မြင်ကွင်း

– ပါလက်စတိုင်းပိုင်နက်ဖြစ်သော ဂါဇာကမ်းမြှောင်တွင် အစ္စရေးက တိုက်လေယာဉ်များဖြင့် ပစ်ခတ်တိုက်ခိုက်မှုကြောင့် အနည်းဆုံး ၂ ဦး သေဆုံးခဲ့သည်ဟု သိရသည်။

ဂါဇာကမ်းမြှောင်မှ ဒုံးကျည်ပစ်သည်ဟု စွပ်စွဲပြီးနောက် အစ္စရေးက ယမန်နေ့တွင်ညပိုင်းတွင် တိုက်ခိုက်ခဲ့ခြင်းဖြစ်ပြီး အသက် ၆ လအရွယ် ကလေးငယ်တစ်ဦး အပါအ၀င် အရပ်သား ၂၅ ဦး ဒဏ်ရာရရှိခဲ့သည်။

ပါလက်စတိုင်းကျန်းမာရေးဝန်ကြီးဌာန၏ ပြောရေးဆိုခွင့်ရှိသူ ဒေါက်တာ အက်ရ်ှရက်ဖ် အလ်-ကွီဒရာက ဂါဇာစီးတီးတောင်ပိုင်းရှိ စစ်ရေးလေ့ကျင်မှု စင်တာတစ်ခုတွင် မနက် အရုဏ်တက်ချိန်၌ ဟားမက်စ်အဖွဲ့ဝင်နှစ်ဦး၏ ရုပ်အလောင်းများကို ရရှိခဲ့သည်ဟု ပြောကြားခဲ့သည်။

ဂါဇာမှ ဒုံးကျည် ၃ လုံး ပစ်ခတ်မှုအတွင်း တစ်လုံးကို ဒုံးခွင်းဖြင့် ပစ်ချနိုင်ခဲ့ပြီး တစ်လုံးမှာ ပေါက်ကွဲသွားကြောင်း၊ အခြား ၁ လုံးမှာ ပိုင်နက်အတွင်းသို့ မရောက်ကြောင်း၊ မိမိတို့ ပစ်မှတ်ထားတိုက်ခိုက်ခဲ့သည့် နေရာများမှာ ဟာမက်စ်၏ စခန်းများဖြစ်ကြောင်း အစ္စရေးနေ့စဉ်သတင်းစာ Haaretz က ဖော်ပြခဲ့သည်။

ဂျေရုစလင်အား အစ္စရေးမြို့တော်အဖြစ် အမေရိကန်က သတ်မှတ်မှုကြောင့် ပါလက်စတိုင်းပိုင်နက်များဖြစ်သည့် အနောက်ဖက်ကမ်းနှင့် ဂါဇာတို့တွင် အကြီးအကျယ် ဆန္ဒပြမှုများ ဖြစ်ပေါ်နေစဉ် အစ္စရေး၏ ယခုတိုက်ခိုက်မှု ဖြစ်ပေါ်လာခြင်းဖြစ်သည်။

Ref: Aljazeera